م ردت سالتها تاني في شنو؟قالت لي والله ي بتي من ولدوك واحنا م مقصرين معاك و سكتت قلت ليها اها؟كملت كلامها وقالت انتِ بت م شرعيه ي بتي و والله الكلام ده وانا وبقولو ليك متمنيه الارض تنشق وتبلعني ،،،قلت ليها انا اصلا بعرف سمعت من كم زول بيقول كده وانتو كنتو بتكذبو علي لكن عفى الله عن ما سلف قالت لي لكن ده م بس الكلام العايزه اقولو ليك قلت ليها طيب في شنو تاني؟قالت لي امك بعد ولدتك كان موقفها محرج شديد خلتك و جات الخرطوم هنا كان وضعها كعب شديد بي سبب تئنيب الضمير ،،،جات الخرطوم هنا و ناس البلد كانو شايلين حالها هي هربت من ابوي واخواني و جات هنا انا كنت واقفه معاها بين كل الناس لاني شايفه الندم في عيونها و م كان في زول معاها بعدها بي جاي و جاي امك دي بعد شهرين من جات سافرت الولايات المتحده الامريكيه و كانت بتقول لي انا بس ح اقعد كم سنه هناك وان شاء الله لو الوضع اتصلح بجي بسوق بتي وكانت بتحلفني اهتم بيك سافرت وقبل تسافر كانت قالت اني اقول انها اتوفت انا م كنت عايزه اسوي كده لكن هي جبرتني اسوي كده وحلفتني اكتر من الف مره،،،،انا ده كلو و م كنت شفتك في حياتي ولا مره لانك كنتي في البلد و من وقت الحصل ده ابوي م ريح ابوك و م خلاهو في حالو بي النهايه ابوك قال انو ح يتكفل بيك،،،،،ابوي كان نافر شديد من قصة انك بت بتو و م كان عايز يتقبل الموضوع و لحد اتوفى ربنا يرحمو م كان معترف بيك،،،المهم الناس ديل بدو يجو العزه و انا م كنت قادره اتصرف كنت بقول ليهم انها انتحرت بي الليل و دفناها و راجلي وصل لي درجه يطلقني بي سبب الحاجه دي لكن انا عشانك انتِ عملت كده عشان قلت يمكن امك تجي في يوم من الايام يمكن تجي قريب و م تتاخر،،،،انتظرت سنين وسنين في يوم لقيت مكالمه من رقم غريب و اصلا الرقم ده م كان من السودان رديت و كانت هي بتبكي وبتسالني منك الكلام ده كان بعد عرستي راجلك الاول م كلمتها انك عرستي المهم الزوله دي اتواصلت معاي لكن انا م حبيت ادخل في مشاكل اكتر من كده حظرتها و قبل كم يوم امك دي اتصلت لي قلت ليها ي خالتو م تقولي عنها امي و سكتنا مسافه تاني كملت وقالت اتصلت علي و كان الرقم من السودان م فكرت اصلا انها تكون هي لما رديت بعد سالتني منك عرفتها وقالت لي انا جيت بيتكم القديم انتو م قاعدين وين انتو؟قلت ليها احنا في البلد عشان م تجيني كانت بتعرف نسوان حلتنا القديمه و هم وصفو ليها اني رحلت و قاعده في الخرطوم و هم رحلوني و عارفين بيتي وصفو البيت و هي جاتني كان كلامها كلو عنك وين انتِ كبرتي؟دخلتي الجامعه؟كانت بتسال وانا كلمتها انك اتزوجتي وعندك بت اصرت شديد اني اديها وصف بيتكم بس انا م اديتها و كل يوم بتتصل لي و انا بقيت محتاره اسوي شنو و هسي انا حكيت ليك الحصل و بعداك البتشوفيهو صح ياهو الصح قلت ليه صح؟طيب دقيقه صح طول الفتره دي م تكلميني؟؟صح تسوي كده؟انتو الانانيه دي بتورثوها من بعض يعني؟؟كيف ممكن ام ترمي بتها من هي وصغيره و تسافر؟طيب كيف انتِ م كلمتيني؟ انتو انانيين شديد عايزه اطلع جرت وراي و بقت تقول لي حلفتك ي بتي انا حلفتك م تطلعي والله ي بتي انا م كنت عايزه يحصل كده طلعت منهم ورفعت دان و مشيت و بس ماشه على وين م كنت بعرف وانا و ماشه في عربيه وقفت جمبي م وقفت كملت مشي فجاه في زول مسكني من يدي وقال لي انتِ جنيتي؟ماشه في الشارع كده مالك؟؟كان نذار قال لي تعالي اركبي العربيه ركبت وانا اصلا م قادره استوعب كلام خالتي كيف يعني هي م ماتت؟طيب انا حاولت انتحر زيها نذار طول الطريق كان بيحاول بيفهم مني حاجه لكن م كنت برد حتى م كنت سامعه بيقول في شنو اصلا ولا كنت مركزه معاهو،،،،كيف كيفف هي ام بتقدر تسوي كده؟انا ام زيها و التفكير في الحاجه دي بس ممكن يقتلني طيب كيف هي ام؟؟انا لا امي ولا ابوي كانو كويسين معاي كانو كعبين شديد انا ذنبي شنو في ده كلو؟التفكير كان ح يطق راسي لحد وصلنا البيت م كانت حاسه بي شي من كتر وجع الراس دخلت البيت و طوالي دخلت الغرفه كنت بفكر كيف و ليه عايشه ؟ كيف ح اوجهها اذا حاولت تجيني نذار جاء داخل قال لي ي زوله في شنو مالك انتِ؟كنتي بتبكي؟في شنو كدي احكي. قلت ليهو امي م ماتت امي خلتني و سافرت في ام بتسوي كده؟كان احسن تكون ميته من تسوي فيني كده هي عشان مصلحتها خلتني و مشت عارف اني متمنيه تكون ميته من انها تسوي كده؟حاولت انتحر كتير والفكره رسخت في راسي لما كانو بيقولو امي انتحرت و دي طلعت كذبه من خالتي انا بكرههمماف زول بيحاول يشوف الموضوع من ناحيتي يعني هل ح ياثر معاي ولا لا ح اتضرر ولا لا اهلي كلهم كده اهلي كلهم فجاة حضني شديد وقال لي انا اهلك كلهم و بوعدك م اكون كده انا م عايز منك غير انك تبعدي عن كل شي م بيخصني انا و دان احنا حاليا مكونين عيله ي خنساء و انتِ مفروض مف زول ياثر عليك او يزعلك مهما حصل انا ي خنساء بحاول و جاهد شديد اني اسعدك ومهما حاولت بشوف نفسي فاشل لاني م قادر اخليك م تزعلي طيب ممكن عشاني م تزعلي؟بكيت و قلت ليهو حاضر حاضر كان حاضني شديد،،،بقيت م بخاف اني ازعل لاني عندي البيراضيني 🧡🌻.
كنت متوقعه انها تجي عندي في اي وقت م بعرف انا كنت منتظراها عشان متشوقه اشوف ملامحها ولا م عايزه تجي كنت متناقضه لكن حاولت اتجاوز الموضوع،،،في يوم ام نذار جات في المغرب كده و نذار م كان قاعد كانت بتعاين لي بي استفزاز حتى بتتكلم معاي بي اخر نفس،،،قالت لي اتصلي على نذار انا عايزاهو اتصل ت عليهو وقال انو قرب من البيت جاء داخل اول م شافها ولا حاول يسلم عليها اصلا طوالي دخل الغرفه وانا بناديهو دخلت ليهو في الغرفه حاولت اتكلم معاهو قلت ليهو دي بي النهايه امك مهما حصل احنا م عايشين عشان لازم نعيش احنا عايشين عشان ننسى و نسامح و سامحها الله يخليك طيب لو ممكن عشاني انا ممكن؟الله يخليك اتكلم معاها م تخلي احس بي الذنب انو انت م بتتكلم معاها عشاني م. رد علي قلت ليهو نذار قال لي اي كويس ياخ وشال ملابس من الدولاب و دخل الحمام طلعت لقيتها قاعده سالتني رفض يجي؟قلت ليها لا قال جاي قالت اخر الزمن يشاكلني و يخاصمني عشانك م رديت عليها بعد مسافه نذار جاء قمت عايزه امشي مسكني و قال لي تعالي اقعدي جيت قعدت معاهو قالت ليهو نذار كيفك؟رد ليها تمام قالت ليهو اتغيرت ي ولدي و بدت تبكي نذار عاين لي و كان مكشر شديد قال ليها م اتغيرت ولا شي ي امي لو م اتقبلي خنساء انا م متقبلكم و تعاملكم مع حريم اخواني ده م بيهمني البيهمني تعاملكم مع مرتي وانتو من اول يوم جات عملتو ليها شنو؟ياخ انتو م بتحجلو؟كمان بتضحكو؟تضحكو على شنو اصلاً شوفي ي امي لو جايه تتبكي لي اطلعي انا اتخلعت وهي اتخلعت اكتر قالت ليهو ي ولدي م تبقا كده والله ده سوء فهم قال لي م بيخصني انا،،،،كلنا سكتنا بعدها قالت ي ولدي انا جيت عشان اقول ليك عرس طارق ود خالتك في البلد و هو مصر انك تحضرو قال ليها طيب مبروك قامت عايزه تمشي هو كان قاعد لحد اتحركت هو قاعد قلت ليهو نذار قوم وصلها الوقت متاخر حمر لي و طلع م اتخليتو يكون بالطريقه دي ال شي العرفتو عنو انو صعب بالجد صعب هو صح م صعب معانا لكن بعد تعاملو مع امو اثبت انو صعب و شديد
لما رجع قلت ليهو ليه كده انت؟قال لي شوفي ي خنساء قافلا معاي م تقفليها معاي تمام؟قلت ليهو بسم الله انت عبيط؟غبي ده اصلا انا غلطانه بتكلم معاك قال لي اي يلا قفلي ضربتو حمر لي لحد خفت قلت ليهو اول مره تكون جادي وكده يعني شنو يعني يعني امك دي قالت ليك شنو لما وصلتها؟قال لي ي زوله اختيني قلت ليهو ابيت ختيت راسي في كتفو و قلت لي م كانك كنت بتقول لي انا وانتِ و دان عيله و مف شي مفروض يزعلك؟طيب انت ليه تزعل؟ح نمشي العرس مع بعض و ح نمشي البلد قال لي بلد شنو ي زوله الجامعه قلت ليهو م تقدني الجامعه بعد نخلص من الامتحانات ح نسافر اصلا العرس ده بعد اخلص امتحانات بي خمسه ايام و اكيد ح نمشي
يتبع ....
