رجعتا البيت وكنت تعبانه شديد كان في ضيوف سلمت عليهم وطوالي دخلت لي دان لقيتها نايمه قلت ليها بصوت واطي بيبي م افتكرتها تصحا لاكن صحت ندمت اني صحيتها لاني كنت عايزه انوم،،،،قامت وقعدت فوقي وختت راسها في رقبتي حسيت بيها مسخنه شديد وشكلها كانت بتبكي قلت خلاص اطلع على السوبرماركت واسوقها عشان تبطل زعل لبست العبايه وسقتها وهي يدوب بتقدر تمشي ماشه بي وراي وانا بكون بعيده وهي يدوب ماشه رفعتها وهي اصلا شعرها طويل شديد وكثيف من هي وصغيره لما مشيت السوبرماركت كان في مره منقبه اول م دخلت قالت م شاء الله تبارك الله و شالتها مني وبقت تبوس فيها كتير قالت لي حصنيها البت دي بيدوها عين ي بتي واشترت ليها حاجات كتير من السوبرماركت وانا بقول ليها ي خالتو والله معاي القروش مف داعي بشتري ليها انا وهي اصلا م شغاله بي اشترت ليها يمكن كل نوع من انواع الشوكلاتات الفي السوبر ماركت وهي طالعه قالت لي حصنيها البت دي الله يرضى عليك ومشت ركبت العربيه شلتا دان ومشيت البيت ولسه الضيوف كانو قاعدين دخلتا الغرفه كنت عايزه انوم رقدتا وهي رقدت معاي وبتهبش في شعري لحد نمت،،،،لما صحيت كانت راقده كانها جنازه بس استغربتا في شنو هي مالا،،،قلت ليها دان م بترد بضربها في وشها م بترد حاولت كتير م كانت بترد جريت لي خالتي قالت ليها تعالي شوفي بتي ماتت وانا كنت مخلوعه المشكله انو الضيوف لسه قاعدين كلهم دخلو الغرفه وانا واقفه في طرف الباب وبقول ليهم م ماتت صح خالتي قالت لي جيبي شي لونو اسود سريع نغطيها وانا بس مصدومه واقفه وهي بتصرخ فيني وانا م شغاله بيها قالت لي بتها لمياء مشت جابت اقرب شي لقتو لونو اسود في الدولاب غطوها و هي شي صغير شديد خالتي حاضنها وبتقرا قران وكانت حاضناها بكل قوتها بعد ربع ساعه كانت محمومه شديد لاكن اتحركت شويه وانا لسه في نفس الموقف و م بتحرك كانو حولها كل الضيوف خالتي شالتها وطلعت برا وانا طلعتا معاها بعد مسافه اتحسنت شويه وانا كنت ببكي عايزه اشيلها خالتي ضربتني في يدي وقالت لي زحي منها زحي بصوت عالي وبقت تتكلم معاها وبتقول ليها حبيبتي انتي كويسه طيب مالك قولي لي منو الزعلك بكت وحضنتها وبقت تقول حسبي الله حسبي الله قالت لي انا كم مره بقول ليك حصنيها م رديت قالت لي اصلا انتي م مسؤله قامت وقالت لي زحي كده بالله كدي زحي و دخلت جوه وانا كنت في الحوش وببكي بعد نص ساعه دخلتا جوه قالت لي تعالي شيليها بصوت عالي جريت شلتها وحضنتها شديد دخلت بيها الغرفه كنا بننوم انا وهي بس في الغرفه جات نامت معانا لمياء،،،،م نمت بفكر في الحصل ده وكنت خايفه شديد قلت لي لميا بكره ح اسوقها معاي الجامعه قالت لي و ح تقعد وين كيف ح تدخل معاك القاعه قلت ليها بتصرف لاكن خايفه عليها شديد ياخ قالت لي ايوه سوقيها الليل كلو م نمت بس حاضناها شديد،،،،في الصباح لما صحيت لقيت دان لابسه م ركزت الا في الاسبورت مع رجلها شي صغير شديد وحلوحلوحلووو شديد لميا قالت لي ح تمشي معاك الليله لاكن ح تمشي معاي يوم الجامعه اكيد ضحكت وقلت ليها يمكنيمكن جات ضربتني وبقت تضحك،،،،جهزت ومشيت الجامعه وسقتها معاي امن الجامعه اصلا مرتين بعرف وحده قلت ليها ي خالتو سلفاً الليله عندي محاضرتين بس عادي تخليها معاك لحد اخلص؟قالت لي طيب م مشكله اديتها ليها ودخلت ودان مكشره لي الف الفف المحاضرات خلصت سقتها ومشيت للمواصلات كالعاده مف موصلات وزحمه شديد حاولت انزل دان ابت تنزل ويدي اتشلت وانا رافعاها وهي بتخاف من الزحمه تمت نص ساعه ومف مواصلات نزلتا دان قلت ليها ح اصلح العبايه والطرحه نزلت وانا اصلا م نزلتها عشان العبايه بس يدي وجعتني وانا شايلاها وهي بتحاول تنبهني عشان ارفعها وانا م شغاله بيها بالنهايه مسكتني من طرف عبايتي،،،،جات المواصلات والناس اتزاحمو شديد و هي بتخاف مشت مني بعد وانا اصلا نسيت اني جبتها معاي متعود علي اني اركب المواصلات كل يوم براي ركبت المواصلات وخليتها💔،،،،بعد م الحافله اتحركت في مره قالت لي انتي مش كان معاك بت؟في اللحظه دي شعر جسمي غز كيفكيف خليتها براها،،،،قلت بصوت عالي وقف العربيه انا نازله ولحد م انزل المره م خلت فيني شي م قالتو والحافله كلها بقت تتكلم عني وانا نزلت ومشيت لحد الموقف برجولي وكنت ببكي،،،،وصلت الموقف سالت بت كانت واقفه جمبي قلت ليها بتي صغيره كانت هنا يمكن شفتيها؟؟قالت لي لابسه تيشيرت ابيض؟قلت ليها اي قالت لي ساقها ابوها صرخت عليها قلت ليها انتي عبيطه؟؟م عندها ابو هي عاينت لي باستغراب قلت ليها طيب شفتيهو مشى على وين قبلت وقالت لي داك هو مشيت بسرعه م ركزت شديد في وشو بس كان راكب في العربيه والباب مفتوح ودان بي فوقو ونايمه شلتا دان منو وقلت ليهو بصوت عالي وكنت ببكي عايز بيها شنو دان صحت عاينت لي وتاني اتكلت على كتفي ونامت عاينت للزول الكان شايل بتي قلت في نفسي شفت الزول دد قبل كده كنت عايزه اعصب عليهو لاكن دان نايمه عايزه امشي منو قال لي دقيقه البت نايمه م ح تقدري تركبي مواصلات تاني تعالي اوصلك
- لقد غادرني الجميع دفعةً واحدة . .
كنتِ أهلي وأحبابي وكل أصدقائي ي ابنتي 🖤!
يتبع......
