كنت مصدع شديد مشيت جمب الموقف اللاقيتها فيهو وكان في ست شاي شربت الجبنه وانا وقاعد فتحت التلفون لما دخلت الواتسب شفت بت خالتها كانت خاته صورتها هي وبتها الصوره نص ساعه وانا بشوف فيها،،،في اللحظه ديك دعيت كتير انها تكون حلالي ويجمعنا بيت واحد،،،حاولت اتصل عليها اتصلت ردت قلت ليها ي بت الناس م تقفلي الخط دي المره الالف بقول ليك م تقفلي الخط قالت لي شنو؟؟قلت ليها ممكن اتفاهم معاك؟؟قالت لي انت منو اصلا؟قلت ليها نذار قالت لي نذار منو وكان ظاهر عليها صاحيه من النوم لان الساعه كانت متاخره،،،كل و اسمع صوتها برتاح كل شي جواي بيترتب،،بعد اكتر من ربع ساعه وانا بزكرها اني بعرفها وهي بتعرفني بالنهايه اتزكرت وقالت لي عايز شنو؟؟قلت ليها انا عايزك تكوني حلالي بعد لحظة صمت قفلت الخط في وشي اصلاً كنت متوقع كده
في نص الليل في زول دق لي و انا م فاهما شي اصلا بالنهايه عرفتو ده نذار م اشتغلت بالموضوع كتير الصباح صحيت ونضفت البيت لان على حسب كلام خالتي انها ح تجي البلد الليله زي الساعه 10 كده وصلو البلد سلمت عليهم وخالاتي كلهم بيزغرتو انا افتكرت انو بت خالتي لمياء ح تعرس عشان كده جو البلد واحنا وقاعدين كده فجاة الحريم بقو يقولو لي مبروك بالنهايه جات وحده منهم قالت لي مبروك عاد بيت مال وعيال قلت ليها هييي بتقولي شنو انتي كمان وضحكت قالت لي سجمي ي يمه سجمي سكتت وعاينت ليها كانت معاي شموخ قلت ليها شموخ شايفه دي بتقول شنو؟؟تاني في وحده جات قالت لي مبروك انا الارض م كانت شايلاني حسيت راسي لافي ده شنو والحاصل شنو م فاهما انا
قعدت في السرير و م قادره اتكلم جات خالتي داخله قلت ليها خالتي جيتو ليه انتي؟؟قالت لي اسكتي خلي الناس تطلع بعدين بنتفاهم م قدرت ارد سكتت وعاينت ليها وهي بتدخل وتطلع كاني راضيه بالعرس ده وفرحانه كمان💔
قريب للمغرب كده الناس مشو طلعت ليهم هم كانو في الحوش قلت ليهم ده شنو الحاصل ده عادي افهم لانو انا م بهيمه هنا تودوني على كيفكم وتجيبوني زي م عايزين
خالتي سلوى قالت لي ي بتي صل على النبي وتعالي اقعدي هنا وانا بس بعاين ليهم تاني قالت لي تعالي اقعدي جيت قعدت قالت لي شوفي ي بتي انتي م قدر مسؤلية تربي بت صغيره براك هي لسه صغيره وعايزه احتياحات ولما تكبر ح تسوي شنو؟؟ح تقدري تتكفلي بي كل العايزاهو بتك؟؟لو يوم قالت ليك بت فلان عندها وبت فلان جابو ليها وانا عايزه ده وجيبي لي ده وسوي لي ده ح تقدري عليها؟؟؟قلت ليها انا بعرف ح اقدر ولا لا وانتو م دخلكم بيها دي بتي انا وانتو م يخصكم،،،،بعدين ده شنو الهمج ده تتدخلو في حياتي وتعرسو لي زول م بعرفو اصلا وكمان بدون تكلموني؟؟كده فرحانين صح؟؟؟هسي انتي ي خالتي جايه من الخرطوم عشان تعرسي لي و انا م عارفه كان بتك دي حصل ليها كده بترضي؟؟؟قالت لي هيي ي بتي لو جاها عريس زي ده طوالي كمان في نفس اليوم سكتت مسافه وهم بيتكلمو وقلت ليها هو منو العريس ده كمان قالت لي بتعرفيهو انتي قلت ليها انا سالتك بعرفو ولا لا؟؟سالتك هو منو؟لميا قالت لي نذار. الوقت داك كاني اتجمدت و م قدرت اتحرك وانا بعاين لي خالاتي كلهمم قمت وبقيت بتكلم بي صوت عالي وبقول ليهم م عايزه اعرس انا وانتو منو اصلاً عشان تتدخلو في حياتي انتو منو عشان تعرسو لي من غير م تشاوروني وكنت ببكي بعدها دخلت الغرفه دان كانت نايمه رقدت جمبها وكنت ببكي جات خالتي قالت لي ي بت قومي كدي اتكلم معاك كلمتين م رديت قالت لي بي صوت عالي قومي بتكلم معاك انا م رديت هزت لي كتفي وقالت لي قومي بقول ليك قمت قالت لي شوفي انتي انا معتبراك زي بتي واحد والله يشهد وانا لما عملت كده فكرت وعملت الخطوه دي م ساي الود جادي وجادي شديد كمان قلت ليهو لو عايزها جيب الرجال وتعال جاء وجاب معاهو الرجال وانا عشان عارفاك راسك قوي م ح ترضي قلت ليهم الا نجبرها وقلت ليهم كمان تعالو بعد اسبوع يوم الجمعه يتم العقد قلت ليها عايزه تجبريني على حاجه انا م عايزاها؟؟قالت لي لا اله الا الله محمد رسول الله انا من قبيل بنضم م ركزتي الا على الكلام ده بس؟؟؟؟م رديت قالت لي من بكره ح تبدي تقعدي في الدخان و حاجات الشيله جهزها هو يشهد الله ساق بتي معاهو السوق ويا يمه م خلا شي م اشتراهو م شاء الله وهديلك قاعدين في الصالون ياخي الصالون مليان لما م بيديك الدرب. واحنا وجايين على هنا اجر لينا عربيتين عشان يرحلونا ليك والحاجات توصل سالمه في عربيه براها واحنا في عربيه برانا الود ده كان ضاع من يدك تاني م بتتعوضي ياخ هدي ورضي وانتي م عايزه تقبلي بيهو اها عاد نسوي شنو الا نجبرك ي بتي خليكِ واعيه ياخ،،،،خلصت كلامها وطلعت شلت التلفون واتصلت ليهو المكالمه الاولى م رد المكلمه التانيه برضوا م رد رميت التلفون وطفيت النور ورقدت بعرف نص ساعه كده اتصل علي رد علي بي بهجه كده قلت ليهو انت قايل نفسك منو؟؟قايل نفسك منو لما ترشي خالتي وتملا راسها انها تعرسني ليك؟؟؟؟انا مش قلت م عايزاك؟؟؟؟؟ياخ اختاني انا م عايزاك انا م عايزه اعرس انا عندي بت لا اهلك ح يرضو بي الحاجه دي ولا انا ح ارضى وبتي دي انا م ح ارضى فيها ولا ح ارضى اي كلمه تتقال عنها من اهلك ولا من اي زول و ده السبب ال انا اصلا عشانو م عايزه اعرس وبكره نعرس واسمع كلام من الغاشي والماشي و دي م شبهو و دي جابها من وين بي بتها ح تكون عامله ليهو عمل مسكتو وعملت وسوت وانا م بقدر على الكلام ده ولا بقدر استحمل ياخ انا يتيمه يتيمههه م عندي ام ولا ابو عشان اشكي ليهم ال ح يحصل لما يحصل اي نقاش بيني وينك زي م كل بت لما تعرس ويحصل نقاش مع راجلها تشكي لي امها ولا ابوها يلا انا م عندي انا عايزه اكون كده بس انا م عايزه اعرس ولا عمري فكرت اعرس ليه بتخليهم يجبروني؟؟؟ليه م عايز تخليني في حالي؟؟اذا انت الليله معاي بكره م معاي وانا متاكده لانو لا انا زيك ولا انت زيي عايزه اكمل كلامي قال لي دقيقه انتي قعدتي معاي اتكلمتي معاي حاولتي تعرفي عني شي؟؟حاولتي؟؟؟؟م ليك الحق تقولي لا انا زيك ولا انت زيي وفي قصه انك يتيمه انا بعرف عايز احتويك وابقا اهلك و م اخليك يتيمه في بيت خالتك ولا عايز اخليك تحتاجي لي شي عايز اكون امك وابوك وكل اهلك بتك دي بتي وانتي زاتك ح تكوني بتي وقلتي اذا الليله معاك بكره م ح اكون معاك ي بت الناس انا لو م عايز اكون معاك م بخلي الموضوع ده يصل للدرجه دي وانا حاولت اقنعك كتير و م لقيت طريقه الا في يوم مشيت بيتكم كنت بتكلم مع بت خالتك وامها اتدخلت وحبابها وحباب تدخلها لو ح تجمعني بيك ياخ،،،انا عايزك حلالي عايزك لي قدام عايز حياتي لي قدام تكون معاك وتنتهي معاك والله م يجيب الشينه ولا يبعدني منك الا الموت انتي اديني فرصه يمكن تلقيني احسن من الانتي بتفكري فيهو م تفكري بي سلبيه دائماً حاولي فكري في إجابيه على الاقل في الموضوع ده كنت ببكي بدون صوت فجاة م قدرت اتنهدت براحه قال لي م تبكي طيب انا اسف م ردت قال لي قلنا م تبكي،،،كنت ساكته بس وببكي قال لي حبيبي بطلي انتي ح تكوني مرتي و م صح اخليك تبكي كمان قبل نعرس،،،بعد مسافه قال اصلاً بعد اسبوع ح نكون في بيت واحد و مهما حصل م ح اخلي شي يزعلك بس اصبري اي شي ح يهون و كل المريتي بيهو ح يتبدل للاحسن ان شاء الله. كلامو بكاني شديد قفلت الخط وكنت ببكي لحد نمت الصباح كنت نايمه خالتي جات صحتني قالت لي قومي اخدي ليك حمام وسرحي شعرك ده عشان بعد الفطور ح تقعدي في الدخان واحنا ح نطلع السوق قعدت في نص السرير وسرحانه قبلت لقيت دان ولسه نايمه ضربتها قامت وكانت بتعاين لي وانا بعاين ليها جات حضنتني وقعدت في رجولي وتاني نامت شلتها وطلعت بيها الحوش وكان الجو مغيم وحلو شديد كان في الحوش في شجر كتيرر والمحل اخضر وحلو وفي كم كرسي كده قعدت وشايله دان فكرت في الموضوع وكانت متناقضه شديد م بين اني اتقبل الحاصل والحيحصل و م بين م اوافق واحنا وقعدين بنات خالتي كلهم جو قعدو معاي وبيتونسو وفي وحده معرسه قالت لي العرس ده م كعب بالعكس ياخ ليه متجرسه كده انتي ابتسمت قالت لي ي بت ها بتبقي نايره واتحنني وانضفي شويه بعدين انتي حلوه شديد ياخ فتشي راحتك وراحة بتك❤️اتكلمنا كتير وبعدها سوينا الفطور وفطرنا قعدوني في الدخان وانا رافضه لكن مف زول بيسمع كلامي وبنات خالتي كانو معاي وخالاتي مشو السوق عشان يوم الجمعه بعد العقد ح يكون في غداء ده على حسب كلامي انا وكنت رافضه الحفله لكن اقنعوني اني اسوي جرتق قعدت في الدخان واليوم خلص بالليل كده التلفون ضرب رفعت اشوف منو كان نذار قلبي حسيت ح يطلع من محلو بقيت بفكر امبارح قلت ليهو م عايزاك والليله قعدت في الدخان هسي ح يقول علي شنو وانا وبفكر لقيت المكالمه قفلت فكرة ارجع ليهو تاني قلت لا بعد ربع ساعه تاني اتصل رديت قال لي مرتي قلبي دق اكتر وقلت نعم قال لي نفهم اقتنعتي؟؟م رديت ضحك قال لي كدي سمعينا زغروته ياخ وكان بيضحك جهجهني شديد الحيوان🙂💔 قلت ليهو ح تبطل ولا اقفل الخط؟قال لي خلاص طيب وكان بيضحك قال لي بتي كيف؟قلت ليهو تمام قال لي وبتي التانيه؟؟؟ابتسمت وقلت ليهو برضوا تمام قال لي م قادر اتخيل ح نكون في بيت واحد بعد اسبوع ياخيي مجرد تفكير بس بيخليني مبسوط طول اليوم تفتكري كيف ح اكون لما تبقي مرتي❤️❤️قلت ليهو هوي انا م بقدر ارد على كلام زي ده لاني م متعوده ضحك بصوت عالي قال لي تتعودي وين المشكله؟قلت ليهو شكلك انت م ح تبطل وقفلت الخط رميت التلفون وكنت برجف وبقيت بقول ده شنو دان جات وبتناديني وانا م برد قالت لي خنساء حبوبه قالت انتي ح تعلسي جدجد ح تعلسي؟قلت ليها ي بطه انا امك وبعدين اي ح اعرس ورفعت ليها حاجبي قالت لي ح تحليني؟قلت ليها اي اكيد بقت تعاين فيني وبدت بتكي وقعدت في الارض ورقدت واتدردغت وصرخت وانا بعاين ليها بالنهايه رفعتها من الارض وهي بتضربني وبتقول لي فكيني م تتكلمي معاي وبتصرخ قلت ليهو م بخليك انتي طيره؟؟م ح اخليك خلاص اسكتي وهي لسه بتصرخ طلعت بيها بره وانا بضحك وهي كل م اضحك بتصرخ اكتر كلهم قالو لي بتك دي بتبكي يعني؟؟وطلع ليها صوت و......الخ
قلت ليها خلاص ي دان م بخليك والله م بخليك وحضنتها وقلت ليها انا معاك هسي اها يلا اسكتي لسه بتبكي قلت ليها قفلي خشمك قبل اضربك قبل اكمل كلامي ضربتي بالنهايه سكتت منها وهي بتتكلم وانا م برد بعد زهجت من الكلام نزلت مني و مشت جابت لي توب وقلت لي البسي والح قلت ليهو وين كمان قالت لي م ح نقعد معاهم م ح نقعد وكلهم بيضحكو فيها لبست التوب وتطلعت معاها كمان بالليل كنت شايله التلفون معاي واتصلت على نذار رد قال لي مرتي قلت ليهو نذار بالله بطل دان قالت لي ده راجلك؟؟ضحكت بي صوت عالي قلت ليها اي تصدقي؟؟قعدت في الارض وبتصرخ قلت ليها هي م تسوي حركات عجايز العزاء بضربك انا قومي وكنت بضحك قال لي مالا قلت ليهو انا اتصلت عليك عشان تتكلم معاها وتقنعها اني م ح اخليها اول م قلت كده سكتت قال لي جيبي اتكلم معاها اديتها بعد مسافه قامت من الارض وكمان ماشه وانا بعاين ليها وهي ماشي قدامي وبتتكلم وكمان بتضحك بعد خلصت ادتني التلفون قال لي حبيبي وين انتو ده شنو صوت الهواء ده؟؟قلت ليهو احنا في الشارع،،،قال لي شارع شنو كمان بالليل ده؟؟قلت ليهو دي دان قال لي يلا يلا ارجعو قلت ليهو طيب عايزه اقفل قال لي وينك تقفلي شنو م ح تقفلي الا توصلي البيت قلت ليهو احنا بعاد قال لي بي صوت عالي كمان بعاد؟؟قلت ليهو ايوه قال لي ارجعو يلا قلت ليهو اي راجعين وسكتت مسافه وهو ساكت قال لي ادي التلفون لي بتي اديتها وهي اتكلمت لحد وصلنا البيت،،،لما وصلنا كانو قاعدين بيتونسو ودان بتتكلم وبت خالتي بتشاغل فيها وبتقول ليها ده منو ي بطه زول جديد كمان؟؟القديم السمح داك وين؟قالت ليها هييي ده بابا ورجعت تتكلم لما قالت كده انا دمي كانو بيغلي ليههه تقول ليهو بابا و بي اي حق؟؟انا م بتقول لي ماما و م حصل الا نادر بس،،، تقول ليهو بابا؟؟حاولت اتجاوز وفعلاً اتجاوزت،،،،،
