م كنت قادره اعبر عن كميه الفرح الزرعها جواي ناديت دان م كانت بترد علي طلعت بره الغرفه وانا بقول ليها ي ماما انتِ وين ناديت كتير م ردت فجاه لقيتها مرميه في الارض و م بتتحرك ولا حركه و عبونها غير البياض م ظاهر شي يعني كانت شبيها بالجثمان م قدرت اقرب عليها رجعت لي ورا عايزه امشي لقيت نذار قال لي في شنو؟كنت برجف لي درجه اني م قادره اقيف عاين لي دان مشا عليها طلعت من الغرفه وانا بسمعو بيقول دان ي دان و م كانت بترد وانت كنت قاعده وبرجف جاني و كان شايلها قلت ليهو م ماتت صح؟؟قال لي لالا م ميته انا ح اطلع المستشفى وكان ماشي بي سرعه جريت وقفت جنب الباب وقلت ليهو م ح تطلع بتي لو مشت الستشفى ح تموت م ح تطلع من هنا خليها معاي بكيت قال لي خنساء ده م وقت نقاش البت جسمها سخن شديد خليني اطلع قلت ليهو لا م ح تطلع خلي بتي معاي م تخليها تموت و هي بعيده مني كنت ببكي وقعدت في الارض مشا رقدها و جاء علي قال لي قومي،،،قومي من الارض قلت ليك رفعني قال لي دان دي م فيها شي م فيها شي بقول ليك انا و انا م ح اسمح يحصل ليها شي فاهما؟ وبقا يتكلم كلام انا م كنت مستوعبه شي خلاني وشا عند. دان مشيت معاهو كان قاعد وهي راقده بعد شفت حالتها دي م قدرت اقعد في الغرفه ولا دقيقه طلعت وبعد كم دقيقه جاء طالع قال لي عايني ي خنساء انا م عايز منك اي ردة فعل قلت ليهو ماتت؟قبل يكمل كلامو تلفونو اتصل رد و قال اي ي حيدر وين انت؟؟شوف استعجل بالله انا جاي عليك تاني سالتو ماتت؟؟قال لي ياخ كدي قولي بسم الله و الكلام معاك م ليهو نفعه و م عايز منك اي تصرف طايش و مسكني من يدي وكان شبه جاريني دخلني في الغرفه وقفلها علي بقيت بدق الباب وبقول ليهو خليني اشوف بتي هي كويسه؟؟ماتت؟؟؟تاني فتح الباب ختا يدو في وشي وقال لي انا مستعجل ي خنساء م تعطليني بس عايز اقول ليك دان دي م ماتت اظن دي اعراض صرعه لكن هي م ماتت خليك هنا انتِ قبل اتكلم تاني قفل الباب كنت مصدومه كيف يعني صرعه؟ هي حصل ليها موقف زي ده وانا م وديتها المستشفى انا مهمله بقيت ببكي وبقفل خشمي بي يدي كانت حالتي اقرب للموت بعد شفت حالت دان حتى م كان معاي التلفون عشان اتصل عليهو واشوف مالا كنت عايشه في صراع وانا في الغرفه ديك كنت خايفه اخسرها،،،،،نذار جاء داخل وكانت الساعه متاخره شديد يعني لو م بالمبالغه ممكن اقول شويه والصباح يصبح وانا طول الوقت ده كنت صاحيه منتظراهم لما حسيت الباب بيتفتح قمت من الارض بي سرعه مشيت ليهو قلت ليهو وين دان؟هي كويسه؟؟زح طيب عايزه امشي اشوفها كان واقف وبيعاين لي بقول ليهو زح من الباب عايزه اطلع انا عايزه اشوفها حضني زحيت منو وقلت ليهو زح ي نذار مالا دان؟حضني تاني وقال لي هي كويسه انا جبتها معاي هسي و م عندها شي خطير حمدلله قلت ليهو م كنت قادره اتكلم وانا وبتمتم قلت ليهو هي في غرفتها؟قال لي اي لكن نايمه م نامت من م مشينا المستشفى خليها ترتاح،،،قلت ليهو طيب هي ليه كانت راقده في الارض كده؟قال لي التهابات بس مف شي زحيت منو وطلعت مشيت ليها كانت نايمه مركبين ليها اوكسجين و حالتها تحنن 💔نذار جاء داخل قلت ليهو ليه مركبين ليها اوكسجين؟بتي صغيره ي نذار وبديت ابكي قال لي انا لاحظت ليها لما تلعب كتير او تتجري نفسها بيكتم لاحظت كتير للحاجه دي و لما وصلت المستشفى كانت بتتنفس بي صعوبه بعد حالتها استقرت م قدرت اخليك براكِ لاني خايف عليك تسوي شي في نفسك طلبت منهم اني اخدها معاي البيت كانو رافضين بس اقنعتهم اني برضوا دكتور زيهم و ح اهتم بيها وبعد جاهدت اني اقنعهم وافقو،،،سكتنا مسافه وبعدها قلت ليهو و متين ح تتنفس من غير اوكسجين؟قال لي لالا م ح تطول بالصباح كده ح تكون بخير ان شاء الله قلت ان شاء الله بصوت واطي قال لي تعالي وساقني الغرفه،،،،رقدني في حضنو وقال لي شايفه عيونك مورمين كيف؟م رديت قال لي دان ح ترجع احسن من الاول م تخافي عليها،،،،قلت ليهو نذار هي قبل كده حصل ليها موقف قريب لي الموقف قال لي كيف؟قلت ليهو ليهو قبل فتره كنت طلعت وسقتها معاي السوبر ماركت لما كنا عند خالتي المسافه هي يعني بعيده شويه من البيت لكن م شديد بعد رجعنا م كان فيها شي لكن بالليل كده كانت حالتها زي م كانت هسي قال لي كان في غبار ولا شي ضايقها وانتِ لاحظتي للحاجه دي؟قلت ليهو لا م كان في غبار لكن كانت بتحك كتير الا رفعتها قال لي احتمال يكون في شي في رئتها؟لانها كل م تلعب نفسها بيضيق وبتكح وانتِ قلتي انك سقتيها وطلعتي سكتت م رديت بعد مسافه قال لي المهم لازم تخفف لعب لانها ممكن تتعب في اي وقت و كان من المفروض نمشي الجامعه ونشوف الحاصل شنو لكن اولاد ندى م ممكن نخليهم و هسي م ممكن نخلي دان و بكره انا م ماشي المستشفى،،،نمت لما صحيت الصباح كان الساعه قريبه ل 10 مشيت لي دان في الغرفه م كانت قاعده اتصلت على نذار قال لي دان معاي و احنا قريبين من البيت هسي بنوصل،،،فعلا جو البيت و كان شايل دان و معاها كيس فيهو شوكلاتات كتيره شلت منو دان و حضنتها شديد وانا بقول ليها ي ماما انتِ كويسه؟؟هي كانت بتتدلع علينا شديد كل م نتكلم معاها م بترد شلت من الشوكلاتات قالت لي ختيهاا نذار ضحك وقال لي ختيها قلت ليها عايزه واحده انا قالت لي ابيت قلت ليها ح ازعل،،كانت قاعده فوق نذار وانا قاعده جنبهم نذار قال ليها ماما ح تزعل اديها واحده و انا بجيب ايك بدلها كتير قالت ليهو اديها؟قال ليها اي عاينت لي وتاني عاينت لي نذار ضحك وقال ليها متردده كمان قلت ليها اصلاً م عايزه انا مدت لي واحده قلت ليها م عايزه قامت من نذار و بقت تقول لي هاك خلاص معليش شيليهم كلهم خلاص قعدتها فوقي وحضنتها شديد واحنا وقعدين قلت لي نذار ي نذار م ممكن انا انزل الجامعه لاني خايفه على دان شديد قال لي ده الكلام ال م حبابو شوفي ي خنساء الجامعه هي م بعيده شديد من البيت ح تمشي بي ترحيل و ح تجي بي ترحيل م ح تتاخري عليها وح تكون مع ندى وانا ح اوصيها في حال حصل ليها اي شي و ممكن في اي لحظه تضرب لي وانا مهما كنت مشغول ح اجيها قلت ليهو لكن ي نذار قال لي م لكن ولا شي حتى ح اكلمها تنتبه ليها ولازم تخفف من لعبها مع الاولاد كده تمام؟دان قالت ليهو لا ي بابا انا ح العب مع فارس و فيراس وفجر قال ليها خلاص حاضر لا ي عيون بابا،،،كنت متردده اني انزل الجامعه اول لا نزلت و نذار كان متابع معاي خطوه بخطوه كان بيجبرني اقرا واحياناً بيقرا معاي ،،،في يوم كنت بقرا و دان ونذار معاي في نفس الغرفه كانو بيتونسو قلت ليهم في بشر بيقرا هنا ي عالم دان قالت لي نذار ماما دي بتغير علي قبلت عليها نذار كان بيضحك بي صوت عالي قلت ليها اغير عليك في شنو كمان ده كلام جديد نذار قال ليها كيف الكلام ده قالت ليهو لما كنت عايزه اركب في العربيه بي قدام ضربتي وقالت لي اركبي وره قال ليها لكن انا م شفتها ضربتك قالت ليهو انت في البيت عشان تقفلو وهي قالت لي امشي ورا ضحك وقال ليها ليه م كلمتيني عشان اشاكلها ليك؟قالت ليهو هي قالت لي م تكلميهو قلت ليها كذابه دي متين قلت ليك م تكلميهو قالت لي ليهه تضربيني هو اصلا عايزني انا اركب قدام قال ليها لالا انا عايز مرتي قدام قلت ليها شايفه ي كذابه؟قالت ليهو بي صوت واطي قول ليها م عايز مرتي ي بابا عشان م ازعل منك قال ليها ابيت قالت ليهو حقار واحد قال ليها انتِ زاتك حقاره مصاحبه فارس وفيراس و نسيتي ابوك قامت منو قالت و وقفت فوق السرير وقالت ليهو ح اصاحبهم و ح العب معاهم كتير و م تقولو ليخففي لعب و ح العب معاهم فاهم؟نذار كان بيضحك شلت الشيتات وقلت ليهم اصلاً البيقرا جنبكم غبي وطلعت منهم،،،،عدت الايام و في يوم خالتي اتصلت علي قالت امشي عندهم قلت ليها طيب اصلا الليله ح اخلص من الجامعه بدري و ح اجيكم قالت لي طيب ،،،فعلاً خلصت من الجامعه و رجعت البيت اتصلت على نذار وقلت ليهو اني ح اطلب ترحال و نمشي انا ودان بيت خالتي قال لي انتظري لما اجي بوصلكم قلت ليهو لا انت لما تجي تعال عند خالتي وبنرجع مع بعض تمام؟قال لي طيب خلي بالك من نفسك وانتبهي على دان قلت ليهو طيب،،،مشيت عند خالتي كنت بتونس معاهم وحتى بت خالتي كانت مبسوطه اني مشيت عندهم قعدت معاهم والمغرب كان اذن استغربت نذار ليه م جاء لحد الان اتصلت عليهو وانا وبتصل خالتي قالت لي عايزه اتكلم معاك في موضوع ي بتي قفلت الخط قبل نذار يرد قلت ليها نعم؟ كانت متردده بعدها قالت لي والله يبتي م كان عايزه اخت نفسي في موقف زي ده لكن لكن لازم اقول ليك قلت ليها في شنو ي خالتو؟
يتبع.......
