كمية اللهفه الكنت شايلها جواي و ماشي ليها لحد وصلت كنت بدعي ي رب خير ي رب سالتو قلت ليهو ابوي خير؟قال لي خير ي ولدي خير حمدلله نجحت حمدلله وقتها بس اكتفيت اني اقول حمدلله"حمدلله على انها ح ترجع تاني و تعيش معاي طول العمر لحد نكبر لكن ح تفضل بتي الصغيره حمدلله على انها ح تشاركني كل ال ح اكر بيهو و لو في يوم جيت ليها مهزوم ح تقويني حمدلله انها ح ترجع لي تاني حمدلله شديد"❤️
قال لي ح يدوها بنج عشان م تتوجع سالتو لحد متين ح تاخد البنج؟قال لي تلاته يوم او اربعه او يمكن اسبوع،،،،،كنت منتظر الايام تمر بي فارق الصبر و في يوم تلفوني اتصل كانت صحبتها سالتها من اسمها قالت لي شموخ و كان اهلها كل يوم بيسالو اذا صحت او لا،،،عدت الايام و قالو انو اخر يوم ح يدوها بنج فعلا زي الساعه 5 بالمساء صحت قلت ليها خنساء شايفه ربنا كريم كيف؟؟كنت ببكي جمبها زي الطفل الصغير،،،كنت مبسوط شديد انها رجعت لي،،،اتصلت على امها ردت وقلت ليها انها صحت كنت عايز اتكلم مع دان و داني لكن م ادتني فرصه و قفلت الخط قبل اتكلم،،،اليوم كلو وانا قاعد جمبها كانت بتتكلم بي الشده،،،م كنت عايز اخليها براها وفي نفس الوقت هي م قادر تتكلم كتير قلت ليها خلاص ح اقرا الكتاب البتحبيهو وانتِ اسمعي،،بعدين انتِ ليه حلوه كده يعني؟ابتسمت و بديت اقرا وهي ماسكه يدي،،،،بعد اسبوعين رجعت احسن حمدلله❤️
صح اتعافيه وحمدلله شديد،،،، و ربنا اداني فرصه اني اعيش مع اولادي،،في يوم نذار قال لي في وحده تقريبا اسمها شموخ اتصلت علي بتسال منك قلت ليهو شموخ؟؟فكرت كمم سنه و هي مختفيه واخر مره كان شفت انها خاته في الاستتيس ان لله وانا اليه راجعون انا وبفكر نذار قال لي مالك؟قلت ليهو لا مف شي متين ح نرجع؟قال لي كمان شهر لي قدام لازم نرجع واحنا مطمنين عليك قلت ليهو انا بقيت كويسه لكن قال لي بنشوف اذا في خطوره ممكن تحصل ليك و....قبل يكمل كلامو قلت ليهو شوف مف شي انا كويسه و عايزه ارجع قال لي م ح نتناقش م ح نرجع الا بعد نتاكد انك بعافيه فاهمه؟قلت ليهو طيب عايزه اتكلم مع اولادي قال لي طيب ح اتصل عليهم مكالمه فيديو اتصل و م كان بيردو مسكت يدو وقلت ليهو مشتاقين ي نذار،،،عارف انك شي حلو شديد وانا بحبك؟يعني م ح اقدر اوصف كيف مبسوطه اني ح ارجع معاك بيتنا م قادره والله❤️قال لي عارفه؟قلت ليهو اها؟قال لي صح ي حلو الصدف يعني انا لقيتك في موقف المواصلات و من الوقت داك لحد الان كل يوم حبي بيزيد ليك عدت سنين لكن انا لحد الان بتزكر اول يوم لما شفتك وبتزكر كيف ضحكي وكنت قايلك فصلتي لي لكن كنتي جاده شديد بتزكر كل التفاصيل دي ي خنساء و حتى بتزكر لما كنتي في الكافيه ضحكت وقلت ليهو وكنت عامل فيها من مكافحت المخدرات ضحك وقال لي لا تتزكري ي خنساء لما نسيتي دان وكنتي ركبتي المواصلات كنتي جاريه بي صوره م طبيعيه ياخ الكتاحه قامت فيك وضحك بصوت عالي ضربتو وانا بضحك وقلت ياخ انا متعوده امشي و اجي بالمواصلات براي م متعوده دان تمشي معاي فهمت؟قال لي لالا م مسؤله انتِ ياخ بت شافعه تخليها؟قلت ليهو تصدق م كنت ح اتزكرها الا زكروني انها كانت معاي ضحك شديد برضوا وقال لي لما نرجع بكلمها كيف انتِ ام بياعه و م جاده في حياتك قلت ليهو والله بعد ولدت داني كمان احياناً كنت بنساهو عديل و بكون في غرفه و امي معاهو في غرفه م بتزكر الا لما يبكي لاني م متعوده الا على دان و هسي اتعودت عليهم الاتنين قال لي ح تتعودي على تلاته واربعه و خمسه وايكككك لسه كتير قلت ليهو لالالالا م عايزه ابداً اولاد تاني كفايه شديد داني البليد ده ضحك وقال لي هو م بليد قلت ليهو انت زاتك بليد،،،،فضلنا نتونس و كنت مرتاحه شديد اصلاً دائما لما اتكلم معاهو برتاح حتى لما يكون معصب❤️
في اليوم التاني قلت ليهو نذار عايزه اتكلم مع شموخ ممكن؟قال لي والله في ارقام كتيره اتصلت علي لكن م بعرف اذا ح القا رقمها او لا قلت ليهو طيب م بتتزكر الوقت الاتصلت فيهو؟قاد لي طيب دقايق بس و بعدها قال لي هاك اتصلت لكن م متاكد اذا دي هي او لا،،،،ردت و كان صوتها قلت ليها شموخ كيفك؟قالت لي خنساء؟كيفك ياخ والله لي فتره بفتش رقمك وبعد لقيت قافل قلت ليها بخير حمدلله وانتِ؟قالت لي تمام بقيتي كيف انتِ؟قلت ليها والله حمدلله قالت لي الله يعافيك و ترجعي لي اولادك بي سرعه ي رب قلت ليها امين ي رب وين انتِ مختفيه سنين عديل انتِ م ظاهره قالت لي والله تلفوني اتسرق و بعد اشتريت جديد وقع في المويه وتاني م اشتريت الا قبل فتره قلت ليها ايوااا طيب بتزكر كنتي خاته في الاستتيس ان لله وانا اليه راحعون منو كان مات ي شموخ؟قالت لي انتِ م عارفه يعني؟اخوك الصغير قلت ليها اخوي؟؟؟كيف مات بي شنو؟قالت لي والله كان في البحر و امو زاتها معاهو امو رجعت ونو كان في البحر مع اصحابو كم واحد كده غرق و م قدر يلحقوهو الا بعد خلاص مات ربنا يرحمو قلت ليها ان لله وانا اليه راجعون💔 و مرة ابوي كيف؟قالت لي والله حمدلله بس اول ايام المره دي شبه جنت عديل فضلنا بتكلم لحد قفلت كنت ببكي نذار قال لي اول شي دي م فتره صح اخليك تبكي او تضايق فيها و كفايه شديد ال انتِ مريتي بيهو و كفايه علي اسمح انك تبكي و كمان ي خنساء كم مره قلت ليك م تزعلي من شي وانا معاك؟قلت ليهو نذار اخوي مات كمان ليهو كم سنه ميت وانا ي دوب اعرف ي نذار قال لي خلاص م تبكي ربنا يرحمو م تبكي حبيبي،،،قلت ليهو متين ح نطلع من المستشفى عايزه ارجع خلاص ياخ قال لي م ح نتناقش في الموضوع وانتِ اصلاً عايزه سبب عشان تتناقشي و تبكي لكن مف لك ي حلوه يلا ارتاحي شويه و نومي قلت ليهو نذار قبل اكمل كلامي قال لي نومي شويه قلنا قلت ليهو م نعسانه انا قال لي طيب انا نعسان و عايز انوم قلت ليهو نوم عادي قال بي م بقدر اخلي مرتي براها لاني بعرفها هبله وبتفكر كتير والتفكير الكتير م صح ابداً و بعرفها ح تبكي قلت ليهو م ح ابكي قال لي طيب نومي شويه بس شويه شويه قلت ليهو م تكرهني م عايزه انوم انا قال لي م تجوطي خلاص ح اجيب اكل و اجي طلع وانا فعلاً بديت افكر و كنت ببكي لما رجع قال لي اهااا شايفه كنت بعرف ح تبكي خنساء انتِ ليه بتنكدي على حياتك بالطريقه دي؟؟كده صح ي خنساء؟يعني التفكير الكتير ح يغير شي؟فكري لكن بي ايجابيه م تفكري في شي حصل و انتهاء طيب؟قلت ليهو مف ايجابيه في حباتي ي نذار كيف افكر بي ايجابيه مهما حصل هو بالنهايه اخوي حتى اذا م من امي لكن اخوي ي نذار قال لي طيب كيف ح اقدر اخليك تبطلي تبكي؟م رديت قال لي طيب يلا اكلي شويه قلت ليهو م عايزه قال لي يلا كده ح تخليني ازهج و اكفتك اكلي يلا و بدا ياكلني قلت ليهو نذار عايزه ارجع انا قال لي اي ح نرجع ي خنساء ح نرجع بس انتظري،،،،عدت الايام و فعلاً رجعنا و كانو منتظرننا في المطار نذار كان بينبهني وبيقول لي من جمبي م تتحركي فاهمه؟
كانو ضابحين اهل نذار و حتى امي وخالتي كانو ضابحين م كنت بفكر في شي غير اولادي كنت منتظره متين ح اوصل ليهم متينننن اليوم خلص و رجعنا بيتنا كان نظيف ومرتب دخلت غرفتنا قلت ليهو تعبانه شديد ي نذار قال طيب ارتاحي نمت و كانو نايمين معانا دان و داني لما صحيت م كان في زول غيري في الغرفه لقيت ورقه مكتوب فيها يا قمر افتحي الدولاب بتلقي الكتاب البتحبيهو في حاجه حلوه بعرف ح تحبيها نزلت من السرير سريع و مشيت على الدولاب فتحت الكتاب كان في ورقه مكتوب فيها اما بعد:
"فاني اقسم ليكِ بالله ان لا افارقكِ وان فارقتنا الحياة و اقسم ليك مره اخر اني سافعل م بوسعي لو ان الله كتب لحبنا عمراً جديد لا رغبه قبلكِ ولا ساعده بعدكِ هكذا انا اعيش على هذا المثل،،،اعشقكِ واعشق تلك التفاصيل الصغيره التي اكتشفها في كل يوم و احتفظ بها في مخيلتي،،،،هكذا انا تائه من دونك ولا امتلك وجهه معينه لاتجه اليها كنتِ وجهتي دائماً و ستضلي كذالك ايتها الخنساء،،،هل اعترف لكِ كم انتِ جميله؟نعم اعرف كم انتِ ممله و حتى دون انا اصتحبكِ معي بين الايام والشهور و السنين اعرف ذالك لانك المميزه لقلبي سابقى انتظر الى حين احتضنكِ بين ذراعاي واقول ليكِ كم انتِ ممله ولكني اعشقك ايتها الخنساء"❤️
يتبع......
