طلعت من الغرفه و كميه الفرحح م قادره التعبير ح يغلبني لاني كنت فرحانه شديد لقيتو عايز يطلع قلت ليهو نذار انتظر ابتسم وقال لي نعم حبيبي قلت ليهو انا بحبك قال لي دان و داني منتظرين بره يلا وداعات و اقفلي الباب كويس لحد نرجع قلت ليهو ماشين وين؟قال لي قريب م ح نتاخر قلت ليهو دقيقه ماشه معاكم قال لي لا قلت ليهو دقيقه بس قبل اكمل قفل الباب و طلع،،،،ممكن اقول نذار رجع و جبرني من الاول و مهما حصل انا ح افضل احبو،،،،وفي يوم عرفت اني حامل كنت خايفه شديد و متوتره و م كلمتو كان بيسالني فيك شي؟ليه بتكوني مهمومه كده؟لحد م جاء يوم بي الليل هو كان نايم بس انا م نمت كنت بفكر كيف ح اكلمو و دائماً بيحصل شي لما كنت حامل بي دان كنت براي و برضوا لما حامل بي داني كنت براي يعني المره دي معقول ح اكون براي؟؟انا و و بفكر سمعتو بيقول لي خنساء قلت ليهو نعم قال لي مالك صاحيه لسه انتِ؟قلت ليهو لاني حامل م رد علي اصلاً لانو كان نايم صحيت الصباح كلهم كانو نايمين صليت و بعدها قعدت في الهول نذار صحى و جاء ماشي بي جنبي ولا كاني كلمتو قلت اكيد بيستهبل منتظراهو يتكلم م اتكلم دخل المطبخ وانا بعاين ليهو طلع من المطبخ وانا لسه بعاين ليهو دخل الغرفه وانا متابعاهو جاء سالني شفتي تلفوني وين؟انا بعاين ليهو و ساكته ساي قال لي هوي شنو متابعاني من درب التبانه لحد درب الاربعين داخل مراق وانتِ قاعده زي المراغبه بسالك م بتردي قلت ليهو نذار؟؟قال لي مالك؟تاني قلت ليهو نذارررر؟؟يعني م متزكر اي شي؟قال لي شنو؟؟انتِ بتقولي شنو؟فلقتو بالشبشب وانا بصرخ وبقول ليهو يعني م متزكر اي شي؟اتخلع و بقا يعاين لي قال لي بسم الله في شنو ؟قلت ليهو لا ماف شي جيت بي جنبو عايزه امشي الغرفه قال لي قصيره دي قلت ليهو اختاني دخلت الغرفه افتكرتو ح يدخل ويسالني م دخل قلت م مشكله ي خنساء عادي طلعت م لقيتو قاعد اصلاً لما رجع قال لي خنساء دقيقه اسالك انتِ مالك؟قلت ليهو ي دوب اتذكرت و جاي تسالني؟؟قلت ليك انا حامل و اصلا م اشتغلت بالموضوع ي كريههههه قال لي حامل؟دقيقه متين قلت لي؟خليني من متين يعني انتِ حامل؟قرب مني و قال لي حامل بالجد؟قلت ليهو لا بكذب تصدق زحيت منو عايزه امشي حضني شديد قلت ليهو فكني ي زول قال لي ولو ابيت قلت ليهو بقولليك فكني قال لي ح يجينا ملاك صغير زيك كده ي ملاك قلت ليهو م تتكلم معاي اصلا،،،،اهتمامو لي زاد كان كل يوم كان بيثت حبو لي،،،،لما وصلت الشهر التاسع الخوف كان متملكني كنت عادي ببكي وبقول ليهو ح اموت ي نذار كان بيقول لي كانك اول مره تنجبي اطفال ي خنساء شنو مالك خايفه م تخافي انا معاك مف شي بيخوف لحد جاء اليوم و ولدت حمدلله شديد جبت بت م سميتها انا سماها نذار و اسمها دنيا من م جات نذار بدا يسفهني عادي يعني حتى لو اتكلمت معاهو بيكون مشغول وبيلعبها وانا بتكلم و هو عادي بيكون م سامع في يوم و عمرها كان تقريبا سنه و 3 شهور داني كان م بيحبها و بيغير منها ضربها و نذار جاط فيهو و حتى انا كان بيجوط فيني عادي يعني ممكن اقول م بيرضى فيها كان جايط شديد و كلنا مخلوعين و بنعاين ليهو كان بيقول والله زول يمد يدو عليها م بخليهو فاهمين؟لسه احنا ساكتين و هو بيتكلم قلت لي داني تعال ارح جوه ي داني خليهو ابوك ده اصلاً مجنون و دان لحقتنا خليناهو براهو بالليل كده اصلا هو م بينوم الا تنوم ينومها معاهو في الغرفه انا كنت ماسكه التلفون قال لي عارفه؟قلت ليهو شنو وكنت قايله ح يتكلم عن شي مفيد قال لي كان مفروض نسميها ريل قلت ليهو ليه يعني قال لي م شايفه عيونها حلوه كيف قلت ليهو يعني ي نذار انت ونستك كلها ح تكون عن دنيا و لما انا اتكلم م ح تسمعني قال لي بغيري بعرفك بتغيري رقدت نمت وهو اصلا كالعاده م ح ينوم الا هي تنوم صحيت الصباح دان و داني اصلا كانو ماجزين قلت اني ح امشي عند امي وخالتي نذار قال لي لشنو قلت ليهو من متين بمشي عشان سبب يعني قال لي خلاص طيب طيب مالك هايجه كده م رديت قال لي ح تتاخري قلت ليهو اي ليه؟كنت قايلاهو ح يقول لي ح اشتاق ليك و يحنك بس للاسف قال لي طيب م ممكن دنيا تقعد معاي؟قلت ليهو كويس ي نذار ي حيوان ابتسمت وانا اصلا عايزه اكفتهم هو وبتو لما مشينا بيت خالتي وصلنا و قال لي م ح اقدر اسوقها عندي شغل و كده خليها معاكم لكن بجي بسوكم بدري شويه م تتاخرو قلت ليهو يعني ي نذار عادي كان ممكن اقول ليك عايزه ابيت عند امي بتقول لي طيب هسي عشانها هي عشانها ح تسوقنا بدري؟انا مرتك م بتسوي لي كده ي نذار قال لي م تغيري ياخ
واحنا وقاعدين في بيت خالتي داني كان بيقول لي ي ماما اتكلمي مع البت دي قلت ليهو اصغر منك بتخاف منها؟قال لي بابا ح يشاكلني لو دقيتها قلت ليهو دقها ساي م ح يعرف ضربها و هي بدت تبكي خالتي قالت لي انتِ اصلاً م ام ولا ح تبقي ام في يوم تحرضي الاخوان؟وكمان اولادك؟شالت دنيا وبدت تراضي فيها و هي بتبكي كانت عايزه تجيني وبتمد يدها علي وانا بضحك وبقول ليها ابيت م تجيني بكت كتير حتى شلتها داني قال لي نزليها قلت ليهو وانا بضحك هي بتبكي لكن ي داني حرام قال لي نزليها قلت ليك وهي مسكتني شديد و م عايزه تنزل مني قلت ليهو خلاص ي داني انت ولدي و حبيبي وانا بحبك شديد لكن خليها لما تسكت بنزلها قال لي لالا هسي قلت ليها دنيا انزلي مني خلاص يلا يلا ناديت دان عشان ترفعها مني بدت تصرخ داني قال لي تاني م تنكلمي معاي خلاص و مشا كنت عارفاهو ح يدقها لما تنزل مني و فعلاً لما زهجت ونزلت ضربها و قبل تسكت نذار اتصل علي و قال جاي في الطريق البيت كلو بدا يراضي فيها عشان تسكت لانها لو م سكتت نذار ح يدقني انا زاتي
يتبع......
