رفعني بعدها بس بتزكر اني كنت في المستشفى وهو راقد في الكرسي كان نايم بعد نص ساعه كده قلت ليهو بصوت واطي نذار صحا وقال لي بي لهفه نعم؟عايزه حاجه؟قلت ليهو لا عايزه امشي البيت بعدين انت زاتك م نايم كويس يلا البيت قال لي دقيقه بس و طلع لما رجع كان معاهو دكتور الدكتور قال السلام عليكم ردت ليهو بدا يتكلم قال لي مبدئين كده انا عايز اسالك حاولتي تعملي كده من قبل؟ سكتت قال لي عايز بس جواب منك قلت ليهو ايوه وكنت بتمتم،،قال لي والله ممكن انصحك؟شوفي ليك دكتور نفسي يعني الدكاتره النفسيين ديل م الا للمجانين بالعكس كلنا محتاجين لي دكتور نفسي وانتِ حاولتي تنتحري و كذا مره الحاجه دي م مطمنه ف بنصحك تراجعي مع دكتور نفسي نذار قال ليهو تسلم ي احمد بس عايز اسالك عادي نطلع من المستشفى و حالتها ح تسمح اننا نطلع؟قال ليهو والله ممكن تطلع الدكتور طلع ونذار جاء مسك يدي قال لي م عايز اتناقش معاك في موضوع الدكتور النفسي لانو ده م وقتو و انتِ ابداً م مجبوره على حاجه انتِ م عايزها ولو م عايزه دكتور نفسي ببقا ليك انا دكتور نفسي كنت بعرف انو معصب مني و عايز يشاكلني لكن في نفس الوقت م قادر طلع من الغرفه وبعدها جاء راجع و قال لي ساعديني شويه كان بيحاول يرفعني قلت ليهو بقدر اقوم لبسني العبايه وكان بيقول لي حاسبي يدك لسبت وطلعنا من المستشفى واحنا و في الطريق يدوب اتزكرت دان سالتو دان وين؟قال لي في بيت ندي وامها زاتو خلعنا الناس ديل نص الليل مشيت دقيت ليهم الباب في الوقت داك حاولت اخليهو يفش خلقو علي شويه لانو ظاهر زهجان،،،قلت ليهو طيب انا اسفه م رد علي قلت ليهو تاني انا اسفه قال لي انتِ شايفه العملتيهو ده صح؟؟م رديت قال لي بسالك انا،، ليه سويتي كده؟ياخ على الاقل م عشان زول بس عايني لي بتك الصغيره دي،،ياخ انتِ م بتفكري صح بتفكري بي ياتو منطق؟؟ده تصرف شفع ي دوب وانتِ لسه عندك بت جبتها في الدنيا و م قادره انك تهتمي بي نفسك عشان بتك ياخ م ممكن تكوني للدرجه دي، م رديت عليهو وقبلت على الشباك وانا كنت بفكر في كلامو وكان بالجد منطقي وانا م صح اسوي كده عاينت ليهو كان. زهجان شديد حتى وشو عايز يقع من الزهج،،قلت ليهو طيب مش قلت ح تكون دكتور نفسي لي؟م رد قلت ليهو هيييي انا بتكلم معاك قال لي اي اها قلت ليهو طيب انا ح احكي ليك مشكلتي دي،،،انا بحب راجلي و هو بيحبني الليله حصلة مشاكل كده المهم قلت ح اتجاوز اي شي عشانو يلا راجلي ده جاء البيت متاخر و م حس انو انا ح اكون محتاجاهو لما جاء صداني بي كل الصد ال في الدنيا قال لي زحي،،قادر متخيل معاي يدكتور كيف صداني؟؟ صح يسوي كده ي دكتور؟قال لي م صح ابداً م صح كان تشاكليهو الحيوان ده قلت ليهو لكن هو م حيوان م تقول عنو حيوان ابتسم قلت ليهوم عايزاك تزعل مهما لاني بحبك شديد قال لي برضوا م ح اسامحك على الشي السويتيهو ده ياخ جهجهتيني معاك،،،وصلنا البيت قلت ليهو م نجيب دان؟قال لي الساعه 7 الوقت بدري بعدين بنجيبها دخلنا قلت ليهو نذار قال لي نعم كنت عايزه اقول ليهو اني جعانه لكن سكتت قال لي جعانه؟قلت ليهو اي قال لي الاكل جبتو من امس لكن بيكون برد ح اسخنو في الماكرويف واجيبو انتظريني في الغرفه قلت ليهو حاضر ودخلت طلعت العبايه شلت التلفون فتحتو شفت شموخ كانت كاتبه في الاستتيس انا لله وانا اليه راجعون عايزه اسالها نذار جاء داخل اكلنا و بعدها نمنا و اصلا م اتزكرت اسال شموخ صحيت زي الساعه 9 كده و صحيت نذار عشان يجيب دان قال لي انا امشي ليهم؟قلت ليهو اي قال لي لا م صح ياخ امشي ليهم انتي قلت ليهو شنو؟قال لي م فيها حاجه بيتهم الشقه المقاصده شقتنا دي في البدايه اترددت لكن تاني قلت احسن امشي بعد وصلت الباب وعايزه اطلع قلت ليهو نذار ياخ انا يدي مجروحه امشي انت قال لي يدك مجروحه ولا رجلك؟بعدين منو القال ليك تجرحي يدك؟فلقتو بالشبشب ضحك مشيت اشيل الشبشب عشان امشي قرب علي وقال لي سمحه دي ضربتو وطلعت دقيت الجرس فتحو الباب م كنت عايزه ادخل لكن اصرو علي ادخل دخلت بديت اتونس معاهم في بت جات طالعه هي كبيره خالتو خديجه قالت ليها ي بتي مالك م اكلتي معانا قالت ليها عايني انا ح اكل في الوقت العايزاهو و الشي العايزاهو انتو م تتدخلو خالتو خديجه سكتت و بعدها كلنا سكتنا ندى قالت لي والله نذار ده خلعنا فجاه كده كان بيضرب الجرس بي طريقه قريبه لما سالتو في شنو بيقول مف شي في شنو حصل شنو؟م عرفت ارد بعد مسافه قلت ليها والله بس تعبت شويه و مشينا الدكتور قالت لي سلامتك ياخ م تشوفي شر قلت احسن اتخارج منهم قبل يسالني شي تاني و م قادر ارد وقلت ليها وين دان م شايفاها؟قالت لي دان بتلعب جوه مع اولادي طبعاً صحبه شديده وضحكت قالت لي دقيقه هسي بناديها مشت ولما جات كانت معاها دان و ولدين وبت الولدين اظن انهم كانو تؤام لانهم بيشبهو بعض شديد وحتى انو طولهم نفس الطول دان جات جاريه علي قالت لي وين كنتو ي خساء ليه خليتوني براي؟قلت ليه شايفاك م مهتمه ي بطه وحتى بتلعبي قالت لي عندي اخوان يا خساء ضحك وقلت دي معلقه على الاخوان كلهم ضحكو قلت ليها اها عرفينا على اخوانك قال لي ده فارس و ده فيراس قلت ليها لما بقيتي تعرفي تفرقي بينهم والله م شاء الله و الحلوه ديك منو؟ قالت لي دي فجر اختي ح نخليها تمشي البيت معانا ضحكت وقلت لي ندى دي خلاص بقو اخوانها م ح تخليهم مشت وقالت ليهم يلا بيتنا طلعنا وكانت سايقاهم معاها دخلنا وبقت تصرخ وتقول ي بابا تعال شوف عندي اخوان نذار جاء من الغرفه وكان بيتكلم في التلفون وهي بتصرخ رفعها وقالت ليهو انا عندي اخوان قال ليها دقيقه بس ورجع يتكلم في التلفون و كل الفهمتو من كلامو انو في شي ح يكون بكره بعد خلص قال ليهو شنو لكن ي بابا مشتاقين وحضنها قالت ليهو ي بابا انا عندي اخوان ضحك و قال ليها قولي اصحاب قالت ليها تعالو سلمو على بابا نذار ضحك وقال ليها حكم لكن و مشو يسلمو على نذار بعدها ساقتهم ومشت غرفتها كان قاعد قال لي تعالي اقعدي قعدت قال لي عايز اقول ليك اني من بكره نازل شغال و ح نطلع انا و انتِ نستفسر عن الجامعه وكده ولانك مطوله عليها طيب حبيبي؟قلت ليهو شغل شنو؟ح تطلع كل يوم؟ضحك وحضني قال لي يعني عايزاني جمبك طول الوقت؟ح انزل في المستشفى و انتِ بعد تخلصي ح تشتغلي معاي قلت ليهو نذار الا بكره؟ضحك وقال لي اي والله لكن م تخافي م ح اتاخر قلت ليهو يدي بتوجعني وانا م كويسه م تخليني قال لي عشان تاني تجرحي يدك و تسوي الهبل ده ضربتو في كتفو قال لي حبيبي تاني م تسوي كده وتخوفيني عليك حاضر؟قلت ليهو حاضر يلا قوم نجهز الفطور لي دان واخوانها قال لي بي المناسبه م نفسك نجيب لي دان اخوان حلوين زيها؟مسكتو من يدو وقلت ليهو يلا انا اصلا جعانه ضحك وقال لي الصباح اكلنا قلت ليهو اااا يعني جعت قرب علي وقال لي جعانه؟دي علي انا ي كذابه؟قلت ليهو هسي شافع بيجي يشوفنا خلاص يعم. سمعت دان بتقول ي بابا قلت ليهو دان بتناديك م رد علي قال لي بعدين بمشي قلت ليهو طيب سوي معاي الفطور و بطل تتغزل فيني ي حلو قال لي هسي البيتغزل في التاني منو؟دان تاني نادتو قال ليها ايوه ي بابا قال ليهو تعال معانا ي بابا قال ليها طيب جاي ومشا وانا بديت اسوي في الفطور بعد خلصت مشت عشان اناديهم للفطور كان بيلعب معاهم بيلعب معاهم بطريقه حلوه شديد واصواتهم كانت عاليه وهم بيضحكوا حرفياً م قدرت م اضحك كنت واقفه جمب الباب وبشوفهم وانا و واقفه دان قالت لي خساء تعالي العبي معانا قلت ليها لا ي ماما الفطور جهز وانا جيت اناديكم تاكلوا وتشربوا العصير وترجعوا تلعبوا تمام؟يلا ي حلوين طلعو قدامنا قلت لي نذار حلو شديد وانت بتلعب مع الشفع قال لي عشان بتي كل شي يهون،،،،خلصنا من الاكل نذار طلع و دان رجعت تلعب من فارس و فيراس و فجر شلت التلفون و يدوب اتزكرت شموخ المات منو؟؟ي ب خير ي رب رسلت ليها منو المات؟م كانت داخله انتظرتها كتير تدخل م كانت داخله بالنهايه ختيت التلفون و طلعت في البلكونه نذار جاء و م لاحظت انو جاء لما جيت الغرفه كان نايم طلعت اشرب مويه سمعت اصوات ناس بيصرخو فتحت الباب الصوت كان من الشقه المقاصده لينا بيت ندى جريت صحيت نذار قام وكان مخلوع بقيت اقول ليهو الناس بيصرخو قوم ي نذار قوم وانا مشيت بي وراهو لما وصلنا الباب قال لي انتِ طالعه كده وين؟امشي اللبسي توب ولا عبايه وتعالي وكمان اقفلي الباب م تخلي اولاد ندى يجو جريت لبست اقرب توب لقيتو وطلعت وقفلت الباب لما دخلت عندهم كانت خالتو خديجه بتصرخ بي صوت عالي بتي ح تموت كانت بتصرخ بي صوت عالي شديد حاولت افهم منهم م كنت قادره افهم والبيت مليان الناس كلها اتلمت سالت نذار وين في بت قالت لي دخل ليها في الغرفه مشيت الغرفه البت كانت راقدر وبترجف وبتقرض لسانها بي سنونها لما الدم بيتزل من خشمها نذار كان بيقول جيبو سكر ومعلقه بي سرعه كانت بتتحرك بي صوره خياليه كانو ماسكنها من يدها ورجلها وانا مخلوعه وبعاين ليهم لان اول مره اشوف حاله زي دي جابو السكر ونذار كان بيدخل في خشمها قدر هائل من السكر قريب ربع ساعه وهو بياكلها سكر هدت شويه بعدها قالو ح يودوها المستشفى قلت عايزه امشي معاهم نذار منعني وقال لي خليك مع دان والاولاد انا ح امشي و اجي قلت طيب و رجعت الشقه،،،كنت مخلوعه في الحصل ده انتظرت نذار لحد رجع بعد قعد جبت ليهو عصير وسالتو عنها و ليه حصل ليها كده؟قال لي البت دي عندها سكري واخدت انسولين و م اكلت و حالتها دي فيها خطوره كان ممكن في اي لحظه تدخل في غيبوبه لكن اهلها شكلهم بيزعلوها كتير و هي م بتاكل ده كل الفهمتو لما كنت في المستشفى،،،قلبي وجعني عليها💔،،،قال لي و اولاد ندى الليله نخليهم عندنا بيبتو عشان الوضع عندهم متاذم و م صح شفع يشوفو مواقف زي دي لانو ممكن تاثر عليهم قلت ليهو طيب لكن ح ينومو وين؟ قال لي في غرفتنا لانو السرير كبير قلت ليهو و احنا؟قال لي انتِ نومي معاهم اصلا حجمك قليل قلت ليهو طيب وانت؟قال لي ح اتصرف بليل كلهم نامو حاولت انوم م جاني نوم نذار كان في الهول و شغال بي اللابتوب قلت ليهو غرفتي فاضيه ليه م نمت فيها؟قال لي لالا م عندي نيه انوم عندي شغل كان ماسك التلفون وبيتكلم معاي قلت ليهو نذار انت قلت بكره ح تنزل الشغل م ممكن م تنوم لكن و يلا قدامي على النوم قال لي اي دقيقه بس قلت ليهو لا قوم قال لي طيب و قفل اللابتوب رقدنا في غرفتي قال لي انتِ بتفرفري كتير والله تسوي لي حركاتك دي بشوتك قلت ليهو شوف حبيبي الغرفه غرفتي اظن و عادي ممكن اطلعك قربني عليهو وقال لي مشتاقين حضنتو ونمت،،،،،الادمي ده حلو شديد حلو لابعد حد بيحتويني بيفرحني بيواسيني واظن مف احلا من كده💜لقيت فيهو الحنيه ال م لقيتها عند امي و خوف الاب على بتو الفقدتو من ابوي لقيت عندو الفة الاخت على اختها و اهتمام الصحبه لما صحبتها تزعل كان بيقول لي ح اعاملك زي بتي و لحد الان وافي بي وعدو ده راجلي الانا فخوراه بيهو يخوانا❤️❤️❤️❤️🌻.
يتبع......
