كان بيبكي وانا بحاول اني اكون قويه م قدرت بكيت وانا بقول ليهو نذار م ح يحصل الا المكتوب و م اظن مكتوب لي اعيش ي نذار،،،،المرض ده بيمحي زنوب المريض و اذا الله اخدني عندو ح يكون كل ذنوبي مغفوره بس لازم اصبر،،،،كان مغطي وشو بي يدو وبيكبي،،،بعد مسافه وانا ببكي قلت ليهو طيب خليك قوي عشان اولادنا قال لي ليه م كلمتيني ي خنساء؟خليني احاول ي خنساء خليني احاول قلت ليهو نذار ح تحاول و يمكن اموت وانا بعيده من اولادي م اظن في فرصه تاني سكت مسافه وبعدها قال لي يمكن تعيشي ي خنساء ياخ م تخليني مسحت دموعو وانا بقول ليهو انا لسه معاك و م خليتك ي نذار حضني وكان بيبكي زي الشافع💔م كنت عارفه اصبر ولا اصبرو كنت خايفه لاني جربت شعور اليتامه ده و صعب شديد خايفه على اولادي،،،قلت ليهو م تبكي خلاص الموت حق ي نذار،،،م كان في زول فينا بتكلم بس بسمع صوتو هو وبيبكي قلت ليهو جيب لي اولادي ي نذار م رد قلت ليهو طيب عادي نطلع نمشي البيت م عايزه اقعد هنا اصلا القعده م ليها نفعه هنا وانا حمدلله بقيت احسن قال لي طيب و طلع وبعدها جاء راجع قال لي خليك قاعده هنا الليله وانا ح امشي اجيب دان و داني قلت ليهو طيب م كنت عايزه اظهر عجزي قدام اولادي حاولت اكون قويه دان كم مره سالتني ليه انا في المستشفى كنت بقول ليها بس تعبت شويه و م كلمتها ابداً
فعلا اليوم التاني رجعنا البيت وكنت يائسه شديد بي الليل وانا نايمه فجاه نذار جاء وكان بيصحي فيني وبيقول لي خنساء بي صوت عالي صحيت وانا مخلوعه قبل اتكلم حضني شديد قلت ليهو نذار مالك؟في شي؟كان ساكت بس،،،،قلت ليهو شوف انا كويسه مالك انت في حاجه؟م تزعل طيب انا معاك نذار انا بتكلم معاك شوف خليك قوي ي نذار طيب تعال شوف انا عملت شنو طلعنا مشينا الغرفه البيرسم فيها وقلت ليهو كملت الرسمه قلت لي ح نتعلم يلا علمني مع اني نعسانه لكن م مشكله كان بيعاين لي و هو ساكت سكتت مسافه وانا بحبس دموعي و م عايزه ابكي قلت ليهو بحاول اكون قويه ي نذار م قادره💔انا بحاول
قال لي ح تتعالجي ح ي خنساء وعد قلت ليهو لا مف امل ي نذار اخر طلب اطلبو منك م عايزه اموت وانا بعيده منهم وانت اكيد عارف خطورة المرض صح؟قال لي الاعمار بيد الله وربنا يمكن كاتب ليك عمر جديد ي خنساء خلينا نحاول عشانهم انتِ مش م عايزه تموتي بعيده منهم؟؟حاضر اخر طلب لكن خليني احاول انا كنت بعيد خمسه سنين منك ولما رجعت ح تبعدي؟؟خنساء ليه عايزه تسوي كده ي خنساء حضنتو وقلت ليهو والله م عايزه ابعد ي نذار قال لي طيب عايز احاول انا قلت ليهو دقيقه مشيت جبت كتاب كان فيهو قصة وزير سليمان عليه السلام"يحكى ان نبي الله سليمان عليه السلام كان صديقاً لملك الموت وكان ملك الموت يزوره من وقت الى اخر بصوره انسان كي لا يرتعب الناس الذين في مجلسه وفي احدى زيارات ملك الموت الى مجلس سليمان عليه السلام اخذ ملك الموت يطيل النظر في وجه احد الوزراء الجالسين في المجلس بطريقه لفتت انظار الجميع وليس الوزير فقط ثم قام ملك الموت و غادر المجلس
فسال الوزير نبي الله سليمان من هذا الذي يطيل النظر الي يا نبي الله ؟
_هذا ملك الموت ايها الوزير
_ولم كان ملك الموت ينظر الي هكذا ي نبي الله؟
_لا اعلم
_اسالك بالله ي نبي الله ان تامر الريح ان تحملني الى الهند على جناح السرعه فاني لا اطيق الجلوس في ارض كان ينظر ملك الموت فيها الي بهذه الطريفه
_و ما يغنيك لو امرت الريح ان تحملك الى الهند ان الاعمار بيد الله لا تطول ثانيه ولا تقصر ثانيه
_اعرف ي نبي الله ولكني لن اجلس في هذه البلد اسالك بالله ان تامر الريح ان تحملني الى الهند
امر نبي الله سليمان الريح ان تحمل الوزير الى الهند على جناح السرعه ثم لم يمض وقت طويل حتى عاد ملك الموت و دخل على سليمان عليه السلام فقال له سيدنا سليمان:لماذا كنت تنظر الى الوزير بهذه الطريقه ي ملك الموت؟
فقال له:ان الله امرني ان اقبض روح الوزير في الهند ولما جئت الى مجلسك ووجدته عندك وقد اقترب موعد موته قلت في نفسي ما الذي سياخذ الوزير الى الهند ولم يبق من عمره الا لحظات ولكني اعلم ان الله لا يخطئ فلما ذهبت الى الهند وجدته ينتظرني هناك"
بعد قراها رفع راسو قلت ليهو انا عايزاك تقرا الجمله البعد الكلام ده ي نذار،،،نزل راسو و كانت الجمله هي "اهم من القصه هو الدرس الذي نتعلمه منها،،،كلنا في هذه الحياة كوزير سليمان سنذهب باقدامنا الى حيث امر ملك الموت ان ينتظرنا ليقبض ارواحنا"
يعني انا عايزه اوريك الموت حق و ممكن اموت الليل او بكره او ممكن اموت بعد سنين بس ربنا كريم دائماً وحضنتو
في يوم الجمعه كانت رفضت انها تاكل دخلت عليها الغرفه وقعدت جمبها قالت م عايزه تاكل قلت ليها طيب عايزه شنو و انا بسوي اي شي عايزاهو ي خنساء،،،كانت يائسه شديد حتى الدموع في طرف عينها و هي عايزه تظهر انها قويه كان جوابها وهي بتخت راسها في كتفي انا عايزه اكون معاكم ي نذار عايزه اكون معاكم م عايزه اموت ي نذار كانت بتبكي وقتها عرفت كيف هي بتعاني بي سبب التناقض الجواها و كيف بتحاول تظهر انها قويه و هي زابله مسكت يدها وقلت ليها حاضر ي خنساء حاضر طلعت من الغرفه وانا بتصل لي ابوي رد قلت ليهو ابوي وين انت؟انا عايزه ضروري شديد ممكن تجي؟
يتبع........
