دي كانت فرصه لي اني احاول معاها واكيد هي ح تخاف لانو ظاهر جبانه مشيت البيت وطول الطريق بس بفكر فيها هي وجاريه تلقائياً بلقا نفسي بضحك،،،دخلت البيت ومف زول ظاهر فجاة الحجه جات طالعه وبقت تقول ده شنو والجرحك شنو ابوي جاء طالع قال لي من متين بتعمل مشاكل وتوصل لحد يطعنوك؟م رديت وطلعت على غرفتي اتصلت عليها من اول جرس ردت رديت ليها وانا كنت بضحك كان نفسي اشوف كيف شكلها لما ردت،،،،قلت ليها خنساء قالت لي انت بتعرف اسمي من وين قلت ليها اسمك حلو زيك كده قفلت الخط في وشي تاني اتصلت عليها برضو كنت بضحك ردت وهي بتتكلم بسرعه وكانها ح تبكي عديل،،كانت بتقول والله انا م معاهم انا م بعرفهم عليت صوتي وقلت ليها بتجري مالك طيب كنت منتحل دور ناس مكافحة المخدرات لما عشت الدور وصدقت نفسي عديل،،،،،بكت قلت ليها اسمعيني قالت لي خير قلت ليها حسني اسلوبك احسن م ردت قلت ليها بكره شغاله جامعه و م تطلعي من البيت الا انا اجيك فاهما؟قالت لي تجيني لشنو هوي انت عايز مني شنو قلت ليها تطلعي من البيت م ح يحصل خير قفلت الخط في وشي تاني،،،،،كنت بضحك الحاج جاء داخل قال لي الكشره م كانت بتزح من وشك الضحك سببو شنو ضحكت تاني وقلتا ليهو انا عايز اعرس،،،،ضحك وقال لي انت قايل نفسك مسؤل؟انت دكتور اسم ساي عاطل من ضل لي ضل اصحابك كلهم معرسين وبرا السودان وانت مسؤليه م عندك ولسه كان بيضحك قلت ليهو خلي الامور تضبط لو الله مقدر بعرس قال لي دي البت الوصلتها من مكان المواصلات؟قلت ليهو اي كيف وكيف قال لي لالا تمام وضربني في كتفي وطلع
دخلتا لقيت دان نايمه رقدتا جمبها وانا سرحانه في تفاصيل وشها كيف بتشبهني كانت نايمه صحيتها على الاقل عشان تخفف عني شويه،،،صحت رفعتها وختيتها فوقي وقلت ليها مشتاقين لاكن تاني نامت فوقي وصحيتها بكت رقدتها وفجاءه التلفون ضرب رفعتو كنتا برجف و رديت م بعرف ده داير مني شنو حتى بيعرف اي شي عني بيعرف اسمي و وين ساكنه،،،،قال لي بكره م تطلعي من البيت الا اجيك حيرني عديل قفلتا الخط في وشو وفعلا الصباح جاني ركبتا العربيه قال لي يدوب صبحنا م رديت بعد مسافه قلت ليهو عاين ي ود الحلال انا عندي بت لو قايلني من البنات ال ح تطلع وتتفسح معاهم معليش انا م منهم ف لو سمحتا خليني في حالي،،،مسكني من يدي وقال لي عشان انتي م زي باقي البنات انا دايرك استغربت شديد قلت ليهو ده شنو و دايرك شنو انت منو اصلا م رده علي بس كان بيعاين لي فكيت يدي منو و دور العربيه وصلني لحد الجامعه لما عايزه انزل نزل معاي وجا جمبي قال لي م تطلعي من الجامعه بجي اسوقك م اتكلمتا معاهو طوالي دخلتا الجامعه وانا بفكر اني شفتا الزول ده قبل كده كذا بت بقت تعلق على وبيقولو ده راجلها لانو اغلبهم شافو دان،،،،،جات بت قالت لي راجلك خطر ياخ اتكرشت عديل بتك حلوه عشان طالعه عليهو،،،،قلت ليها راجلي؟؟يريت بس ده م راجلي قالت لي ده منو طيب قلت ليها م بعرف تاني في بت جات قالت لي بتعرفي دكتور نذار من وين؟صراحه جاي معاك طق،،،قلت ليها دكتور شنو ده من تبع مكافحة المخدرات ضحكت قالت لي تركبي وتنزلي معاهو ساي وانتي م عارفه شغال شنو يبت ده دكتور احنا كنا ساكنين جمبوهم لاكن رحلنا،،،قلتا معقول يكون بيكذب علي طلعت من الجامعه لقيتو واقف منتظرني كاني م شفتو مشيت جاء بي العربيه وفتح الباب قال لي اركبي ركبت قلت ليهو اسمعني اختاني قال لي ده شنو اسمعني اختاني قلت ليهو بتكذب علي مالك وقف العربيه قال لي شنو؟ قلت ليهو م تغش فيني انت دكتور واسمك نذار لاكن لا الظاهر انك عاجبك وضع تكون من مكافحة المخدرات وجاي تتشفتن فيني قال لي طيب اسمعيني لحظه قلت ليهو ولا لحظه ولا غيرو تاني تحاول تتكلم معاي م بيحصل خير زي م بتقول انت قال لي دقيقه نزلت ومشيت مكان المواصلات جاء معاي مسكني من يدي قلت ليهو هييي قال لي قايله كل سنه حلاوه وانا بقول ليهو فكني وبصوت عالي ناس المواصلات كلهم بقو منتبهين معانا قال ليهم دي مرتي وعايزه تشرد من البيت م قدرت م اضحك ضحكت وقلت ليهو انت مجنون ولا شنو انا م بعرفك قال لي كمان نكرتيني عشان خلاف بسيط معقوله لاكن قلت ليهو عاين هي زح مني قال لي اصلا امي بتسوي مشاكل بعرف لاكن حقك علي قلت ليهو ي ود الحلال امك منو كمان حضني وقال لي خلاص اي شي بيتحلا قال لي بي صوت واطي ديل مصدقين انك مرتي عادي قدامهم ارفعك واوديك العربيه عشان كده ارح معاي براحه و بدون جوطه مشيت وهو مساكني من يدي ركبتا وكنت بضحك قال لي ضحكتك الحلوه دي قلت ليهو دقيقه افهم عايز مني شنو ي اخوي قال لي بالغتي عديل انا راجلك م اخوك قلت ليهو انت بتمثل وبتعيش الدور وبقيت بضحك فجاة قال لي حبيتك والله بحبك اتخلعت عديل اول مره زول يقول لي كده قلت ليهو نعم؟؟قال لي شايفه محل ست الشاي داك انا شفتك يوم لما كنتي واقفه في المواصلات جيتك صديتيني كل يوم بنتظرك جمب محل المواصلات بس عشان اشوفك
يتبع......
