طلع وكان بيتكلم في التلفون وانا اصلا م كان عندي امل اني اعيش ولا 1٪لاني لي فتره المرض متمكن و م كلمت زول جاء راجع وكان معاهو ابوهو وامو سلمت عليهم وامو من جات كانت بتبكي عايزه اقوم اسوي عصير كلهم قال لي اقعدي امو كانت كل م ترفع راسها و تعاين لي بتبكي اكتر كنت منزله راسي سمعت صوت ابوهو بيقول لي نذار الكلام ده انت عارفو و قاعد ي نذار؟معقول؟حالتك دكتور نذار قال ليهو والله ي ابوي ي دوب قبل كام يوم عرفت و لو م تعبت وم كان عرفت قال لي ي بتي انتِ كبيره و واعيه مفروض تتصرفي صح،،،،صح نذار ده غلطان و كان م معاكِ لكن احنا برضوا اهلك و اهل اولادكم كان تكلميني ياخ تصرفك غلط شديد رفعت راسي و اصلا عيوني مليانه دموع بس بديت اتكلم وقلت كل شي حصل و حمدلله على كل حال دموعي نزلت نذار قام من مكانو و جاء جمبي قعد وحضني عليهو وهو بيقول خلاص م تبكي كلو لي خير م تبكي غطيت وشي بي يدي وانا بقول ليهو ايوه كلو لي خير ي نذار حتى صوتي كان متغير من كتر م بكيت الدنيا دي صعبه شديد💔امو كانت بتبكي و بتعاين لي كلنا كنا ساكتين ابوهو قال شوف ي ولدي دي مرتك حاول عشان اولادك و سافر الاردن يمكن تتعالج ان شاء الله انا عندي معارف هناك بتواصل معاهم واشوف نهاية الموضوع ان شاء الله خير قلت لي نذار ي نذار م عايزه امشي انا اولادي ي نذار م عايزه اخليهم قال لي م ح تخليهم ح نرجع مع بعض ان شاء الله ي خنساء،،،مش قلتي عايزه تعيشي معانا؟خلاص يلا م تبكي طيب؟داني كان جاء طالع من الغرفه مسحت دموعي جاء قعد فوقي حضنتو شديد قال لي دان دي حقاره ي ماما قلت ليهو مالا؟م رد علي ضحكت و قلت ليهو مستهبل ده،،،،اهلو بعد طلعو قال لي خنساء احنا لازم نسافر في اقرب وقت قلت ليهو نذار قبل اكمل كلامي قال لي م ح اسمع منك ولا كلمه ح نسافر و خلاص بالليل كده طلعنا السطوح قلت ليهو نذار قال لي نعم قلت ليهو ليه كل الكائبه دي؟م شايف نفسك كيف عيونك واقعه من التعب والسهر؟قال لي كيف عايزاني انوم وانا خايف افقدك؟قلت ليهو كلو لي خير قلنا ربنا كريم صح؟يلا خلينا نرجع زي زمان م رد قلت ليهو نذار بتكلم معاك انا قال لي م عتكلمي معاي ضحكت وقلت ليهو كدي عاين لي دقيقه نتفاهم في شنو ي زول ضربت وقلت ليهو عملاق ده هو كان طويل وانا شبر بس جمبو قال لي شايفه بفنك من البلكونه دي طوالي قلت ليهو راجلي السمح يعني مف داعي للزهج ده كلو قال لي ليه م كلمتيني ي خنساء؟كم مره سالتك في شنو مالك فيك شي لكن م كنتي بتكلميني قلت ليهو نقفل الموضوع خلاص لزاني وقال لي م بنقفل مسافرين بعد يومين بس فاهمه؟ضحكت وقلت ليهو دقيقه هسي بتلزني مالك انت يعني عشان طويل و عملاق كده تلزني قايل م بقدر الزك؟هسي بجدعك عديل حيوان ده حمر لي قلت ليهو خلاص بطل تكشر كده يعني م ممكن ضربتو في يدو وقلت انا وبضحك شايف العضلات دي كيف شايف هسي انت دكتور يعني؟؟م كان بيرد علي طلع سيجاره و بدا يشرب عايزه اقلعها منو وخايفه منو في نفس الوقت بلت ليهو يعني انت بالجد كده دكتور؟قال لي ي زوله شنو دكتور و م ادراك انا بشر زيك و زي اي زول كويس؟يلا قفلي مني قلعت منو السيجاره وجريت قال لي خنساءوقفي مكانك احسن ليك قلت ليهو ح اجر منها و بديت اشرب فلقني بالشبشب وهو بيكورك انتِ متخلفه في راسك؟جريت طلعت من الغرفه و هو بيقول لي ارمي الشي ده قلت ليهو حاضر اها رميتها خلاص كان زهجان و عارفه لو اتكلمت ح يدقني كنت بعيده منو وابتسمت ليهو قال لي ده شنو البتعمليهو ده؟قلت ليهو م شربت من سيجارتك كتير مالك هسي هايج كان في كبايه فوق الطربيزه قال لي امشي من قدامي قبل افلعك بيها امشي سريع وجايط باعلى صوت قلت ليهو خلاص خلاص روق قال لي امشي مشيت على الباب قلت ليهو بطلع خلاص قال لي خنساء لا اله الا الله ي خنساء احسن ليك قلت ليهو ح ابكي ياخ مالك م تكرهني هسي انا سويت شنو يعني خلاص خلاص ح اسكت خليني ادخل قال لي ادخلي يلا عايزه امشي الغرفه ضربتو و جريت قال لي هو وبيضحك اقيفي مالك بتجري دخلت الغرفه و تاني طلعت قلت ليهو اها واقفه كان جاي علي انا خايفه لكن واقفه وبتبسم كمان،،،قال لي م خايفه كمان قلت ليهو هييي م تصدق انا اصلاً م بخاف منك عايز يرفع الشبشب قلت ليهو هوي شنو هو كم مره تفلق اصلا ضحك وقرب علي قلت ليهو ضحكتك الحلوه دي قال لي قصيره دي ضحكت قعدنا وكنا بنتونس في نص الونسه قال لي ح تكوني معاي دائماً صح؟؟ح تتونسي معاي كتير صح ي خنساء؟قلت ليهو ان شاء الله باس راسي حضنتو وقلت ليهو م عارفه ي نذار المكتوب شنو لكن ارضى بالواقع مهما كان طيب؟وبتدين داني بيشبهك شديد شديد وحلو زيك و حتى م جادي زيك قال لي ح يكون دكتور زي م عايزه قلت ليهو لالا مستحيل بليد شديد قال لي م تقولي عنو بليد الزول ده لسه صغير بعدين خليهو بليد كده انتِ عايزاهم يكونو الاتنين زيك؟كفايه دان صح؟قلت ليهو هو م بيحس بيشوف دان مستواها كويس كل مره بقول ليهو م عايز تكون زي دان بيقول لا عادي كان بيغش بتاع الترحيل وبيقول ليهو ماما قالت لي م امشي والغريبه بيكون لابس ملابس الروضه وبتاع الترحيل بيصدقو ضحك شديد وقال لي الولد ده تفتيحه اكتر مني والله قلت ليهو عادي بيمثل عيان عشان م يمشي بعد الترحيل يفوت بيكون شديد اشدد مني والله ولدك ده بيحيرني والله قال لي بيكون نايم؟؟قلت ليهو م بينوم اكيد بيكون مساهر اكيد اكيد قال لي تعالي نشوف مشينا فعلاً كان صاحي وبيلعب نذار قال ليهو شنو لكن مساهر لشنو النوم النوم رفعو مشينا غرفتنا و داني كان معانا م نام و م خلانا ننوم بالنهايه زهجت منهم ونمت وهم كانو بيتونسو
يتبع....
