خليت دان بتبكي ونذار شايلها و مشيت المطبخ عملت معاهم البقدر اعملو واشتغلت كتيرر كنت مرهقه شديد اليوم خلص نمت قبل نذار يجي،،،،لما جاء صحاني عشان اكل بس قلت ليهو اني شبعانه ونمت في اليوم التاني كان في حفله انا اصلا م بحب الحفلات و كده رفضت اني اطلع من البيت والحفله اصلا كانت جمب البيت،،،فعلاً م طلعت نذار و دان طلعو وانا كنت جوه،،نذار جاني و قال لي الناس كلها بتسال منك بس مجامله وتعالي ادخلي طلعت الفستان ال ح البسو قال لي البسي اي توب و ارح ياخ قلت ليهو دقيقه ي فالح انت تكون وجيهه كده وعايزني اطلع بي توب واتهابل بي ضعافتي دي؟ضحك وقال لي اسرعي خلاص قلت ليهو طيب جهزت ونذار طول الوقت كان منتظرني بعد خلصت طلعنا وكان شايل دان وانا وراهو قبل نطلع جاتو مكالمه وقف وقال لي اطلعي انا بجيك هسي اترددت لكن بالنهايه طلعت كانو كميه من الناس كميهه كده خياليه سمعت ام نذار بتقول عاينو ليها جات طالعه غايتو الحمد لله من البهدله في بت معاها قالت ولا شي م مسويه في وشها نظام مقتنعه وخلاص اتكلمو عني كتير م ركزت الا لما قلت بت حرام اتخلعت شديد و قلت من وين عرفت؟؟بقيت برجف كملت كلامها وقالت م تعايني لي كده كلامي ده عديل و م كذب و كمان مصدقه و تاكله على ولدي مسؤليه بتها والله الا كان عامله لي ولدي ده شي م قدرت استحمل كلامهاو دخلت لقيت نذار لسه بيتكلم كان الحوش ضلام دخلت قبل يشوفني رقدت وانا ببكي قلت معقول نذار كلمها؟؟معقول يكون بيكذب علي؟التفكير كان ح يقتلني لحد سمعت صوت نذار بينادي فيني عملت نفسي نايمه جاء في السرير ال انا راقده فيهو حاول يصحيني م صحيت خلاني و طلع نمت و بالصباح صحيت قعدت في السرير وانا سرحانه وبقول ي ربي ده كان حلم؟؟لا هم بالجد قالو كده وانا سمعتهم سمعت صوت نذار بيقول لي خنساء في شنو انتِ مالك؟؟قلت ليهو لا مف شي و قمت كان بيحاول يتكلم معاي كتير وانا كنت بتكلم معاهو بي برود في العصر كده قال لي تعالي العربيه قلت ليهو طيب عايز يسوق دان مسكتها وقلت ليهو لا خليها عايزه احميها و اغير ليها قال لي ي زوله انتِ مالك من الصباح؟انا هسي قلت ليك تعالي العربيه تقولي اي عايزه احميها؟؟كان معصب شديد مسح يدو بي وشو وقال لي تعالي العربيه بنتفاهم طلع قدامي وانا لبست التوب وطلعت كان وشي مورم وحتى جفوني وارمه لاني طول الليل كنت ببكي لما ركبت العربيه قال لي خنساء كدي عايني لي في شنو حاصل شنو احنا كنا كويسين صح؟اها بعداك حصل شنو؟قلت ليهو مف شي قال لي بي صوت عالي عايني لي هنا انا بقول لك اتخلعت بعدها سكت،،م قدرت م ابكي حاولت كتير م ابكي م قدرت مسحت دموعي سريع قال لي بتبكي مالك؟في شنو ي بت الناس في شنو؟قلت ليهو طلقني ي نذار عايني لي مخلوع بعد مسافه قال لي احنا بنلعب؟شايفاني جاي العب معاك وبعد اعرسك جايه تقولي لي طلقني؟؟ياخ لو انا عارف السبب م مشكله السبب شنو انا زاتي م عارف،،،،قلت ليهو الكلم امك اني بت م شرعيه منو؟؟قال لي امي؟؟امي مالا؟بكيت قال لي طيب براحه وريني في شنو مالا معاك؟حكيت ليهو قال لي هي قالت كده؟هزيت ليهو راسي بمعنى ايوه قال لي كويس كويس بنتفاهم بعدين،،،كدي طيب انتِ هسي م تبكي و امشي شوفي دان دي جوه دخلت وانا بفكر اني م ناقصه مشاكل واني بسوي مشاكل بينهم،،،جاء اليوم ال ح نرجع فيهو رجعنا و طول الطريق احنا ساكتين لما رجعنا البيت دان قالت عايزه عصافيرها من بيت ندى وانا اصلا م اتكلمت نذار قال لي امشي جبيبهم ليها وكان اول كلام بيتكلمو معاي من مده طويله م رديت عليهو ولبست التوب وطلعت ضربت الجرس فتحت نور سلمت عليها كانت بتتكلم معاي بس انا برضوا بتكلم بي برود شلت قفص العصافير وكانت جايبه شي في يدها مغلف قالت لي ده كتاب جبتو ليك شلتو منها وقلت ليها شكرا،،،مشيت البيت طوالي دخلت غرفتي و رقدت نذار جاء داخل وانا كنت سرحانه قال لي خنساء م رديت انا بتكلم معاك ي زوله برضوا م رديت قمت من السرير عايزه اطلع قفل الباب قلت ليهو زح قال لي في شنو؟قلت ليهو كمان بتسال في شنو؟مر كم يوم وانت اصلاً م اتكلمت معاي؟طيب الليله جاي تتكلم معاي ليه؟قال لي وانتِ وبتقولي طلقني ليه؟قلت ليهو اي بقول وتاني ح اقول طلقني قال لي وانا م ح اطلقك قلت ليهو خلاص زح انا عايزه اطلع قرب مني وقال لي خلاص اسف اسف وباسني في راسي حضنتو وقتها اصلاً نسيت قدر شنو كنت زعلانه منو بس نسيت فجاه،،،في نفس اليوم بي الليل انا كنت في الهول بحضرو دان كانت معاي نذار كان في الغرفه،،،دان كانت بتسرح لي وانا اصلا م منتبها لفت المشط في شعري كتير و بالنهايه خلتني ومشت م ركزت برضوا بعد كم دقيقه لما هبشت شعري لقيت المشط ملفوف حاولت اطلعو م كان بيطلع ومستحيل يطلع وقلت ليها داننن بي صوت عالي نذار جاء طالع و دان وراهو مشيت لبعتها نذار لزاني قال لي بتضربيها ليه؟قلت ليهو شايف شعري شايف؟عاين لي دان و قال لي كدي تعالي دقيقه نحاول قلت ليهو م بيطلع ياخخ حاول كتير م طلع بالنهايه قال لي مف غير حل واحد وهو انك تقصي شعرك قلت ليهو لاااااا م بقصو حاول يمكن يطلع قال لي ده ملفوف كتير م بيطلع ارح البسي التوب قلت ليهو وين ح نمشي قل لي بس ارح لبست التوب وانا ببكي في العربيه كل دقيقتين قبل ورا وبليعها ونذار بيشاكلني لحد جابها قدام معاهو،،،مشينا في محل كده كان فيهو كم ولد قال لي ده صحبي بيقص قص علاجي قلت ليهو ده حلاق قال لي انتِ شايفه القاعدين والبيقص ليهم بنات وقف القص للبت الكان بيقص ليها ونادا واحد يتم وجاء سلم على نذار،،،،قال ليهو شنو ي حبيب؟قال ليهو والله مرتي دي ح تقص عندك و قال ليهو دي حاله خاصه وضحك قال ليهو كيف؟رد ليهو وقال بتي لفترالمشط في شعرها و تاني م طلع قال لي تعالي مشيت معاهو قعدني في مقعد و قص شعري وانا بقول لالالالا قال لي كده بقا حلو عمل فيهو كم حاجه و بعدها خلص طلعنا وانا الاً اخلاقي ضاقت نزلنا في مطعم قال ح نتعشا و نرجع طلب العشا واحنا مناظرين قال لي شنو مكشره كده بقيتي حلوه بي الشعر القصير حمرت لي دان الاكل وصل وانا قلت م عايزه قال لي عادي باكلك هنا كمان عشان كده اكلي بادب بعد مسافه اكلت رجعنا البيت عاينت لي شكلي في المرايه وقلت ليهو نذار شعرييي قال لي والله كده حلو شديد
عدت الايام و في يوم كنت عايزه اطبخ كم حاجه لكن في حاجات ناقصه قلت امشي اجيبها من السوبر ماركت مشيت بيت ندى فتحت لي خالتو خديجه سلمت عليها وقلت ليها خالتو خديجه ندى قاعده؟قالت لي لا والله سالتها من نور قالت نايمه وكانت عايزه تمشي تصحيها قلت ليها لا مف داعي تصحيها قال لي عايزاهم ليه؟قلت ليها بس كنت عايز وحده منهم تمشي معاي السوبر ماركت لاني م متعوده لكن م مشكله بنمشي انا و دان مشينا السوبر ماركت واشتريت ليها كم شوكلاته واشتريت احتياجاتي بعد طلعنا من السوبر ماركت وانا بصلح في الاكياس بقول ليها دان انتظري رفعت راسي كانت بتاكل الشوكلاته وبتسوي لي معسلامه بي يدها نزلت راسي تاني وانا بقول ليها انتظري بقول ليك فجاه سمعت صوت عربيه بتفحط بي صوت عالي و ضربت دان شفتها كانت راقده في الظلط و الظلط مليان دم والعربيه نزلت من الظلط بي سرعه حتى انها كانت قربت تتقلب دقيقتين م تمت كان في حولها كميه من الناس وانا م كنت قادره استوعب الحصل ده
يتبع......
