كنت تعبانه شديد،،،نمت وصحيت قريب للمغرب دان ونذار برضوا كانوا نايمين صحيت صليت ومشيت على المطبخ م عرفت فيهو شي قلت احسن ارجع الغرفه انا و راجعه الجرس ضرب قلت م ح افتح و مشيت الغرفه،،،طلعت في البلكونه كان الجو حلو شديد كنت مبوسطه شديد💙،،،،دخلت الغرفه قعدت جنب نذار وحركت يدي في شعرو فتح عيونو قلت ليهو كفى نوم رقدني في حضنو وتاني رقد وانا بحرك يدي في لحيتو قلت ليهو بصوت واطي نذار قال لي ايوه قلت ليهو الجو سمح تعال نقعد في البلكونه شويه قال لي كويس دقايق انوم شويه كمان قلت ليهو ياخ كفايه انت م قبيل نايم قوم بعد نقيت كتيرر حتى قام قال لي الساعه كم؟؟قلت ليهو المغرب اذن قال لي شنو؟؟قات ليهو المغرب اذن فتح التلفون وتاني ختاهو وقال استغفر الله ياخخ طلعت على البلكونه وهو م طلع معاي بعد مسافه جاء كان ملامح وشو متغيره قلت ليهو مالك؟قال لي بس مصدع والله قلت ليهو عشان م شربت الجبنه؟قال لي اي قلت ليهو كنت ح اسويها ليك لكن المطبخ ده فاضي قال لي خلاص نمشي عند حليمه؟؟قلت ليهو حليمه دي منو؟قال لي ست شاي جنب الموقف بتاعكم داك سكتت مسافه وبعدها قلت ليهو طيب نمشي قال لي طيب اجهزي وكان طالع قلت ليهو دقيقه اصلاً بس ح البس التوب و خلاص لبست التوب وحاولت اصحي دان م صحت نذار شالها طلعنا ركبت في العربيه و دان كانت فوقي طول الطريق واحنا بنتونس لحد وصنا نذار نزل وقال لي خليكِ هنا بجي هسي تمام؟قلت ليهو طيب مشا كنت متابعاهو حتى مشيتو فيها هيبه،،جاء وجاب لي شاي كنت بتونس معاهو فجاة التلفونو اتصل لما شاف منو المتصل ابتسم،،،رد يا ساره الشوق ياخ لما قال يا ساره بقيت بشوفو طشاش لاني بعرف م عندو اخت اسمها ساره طيب دي منو؟؟بعرفها من وين؟كمان بيتبسم ؟؟؟؟
كمل كلامو وقال والله يا ساره احنا حالياً م قاعدين في البيت لالا ياخ ليه ترجعوا م ترجعوا حددو مكان نتعشا فيهو كلنا اصلا احنا كنا مخططين نتعشا ونرجع،،،،لالا تمام هسي بنجي عليكم قفل الخط قلت ليهو دقيق كيف يعني نجي عليكم؟؟؟انت شايف انا جايه بالتوب ده تقول ليهم نجي عليكم؟؟قال لي حبيبي انتِ حلوه في كل الحالات وبعدين التوب م فيهو شي قلت ليهو م بمشي معاك اي محل انا وهسي من هنا بنزل اصلا ده الموقف لي مواصلات بيت ناس خالتي طوالي بمشي عندهم ولما تخلص من ساره ولا بتاعه دي تعال سوقني عايزه انزل الباب م فتح قلت ليهو افتح الباب ده قال لي انتِ مالك هايجه كده هسي الناس كانو عايزين يجونا عشان م جو في العقد معانا في مشكله يعني لو اتعشينا معاهم؟قلت ليهو امشي اتعشا براك انا كلمتك م بمشي اي محل،،،م رد علي اتحرك من مكان ست الشاي وانا قلت ليهو شوف يا نذار م تغصبني على شي لاني م عايزه اتعشا ولا عايزه اي شي م رد علي سكتت و بعد مسافه قلت قليهو هسي ح يقولو علي شنو يعني ماشه بي توب زي ده؟؟عاين لي وقال لي ي زوله ده شنو كلامك ده؟؟هسي فيك شنو يعني؟؟م فيك اي شي والتوب ده انا شايفك بيهو حلوه،،،سكتت مسافه وتاني قلت ليهو بعدين ساره دي منو؟؟؟ضحك و م رد علي وقت العربيه شال دان ونزل قال لي يلا حبيبي الموضوع م بيستاهل ده كلو والله،،،،،اخخخخ من الاستفزاز وبرودو ده💔💔
نزلت كان المطعم حلو شديد مشيت وراهو تلفونو اتصل رد وقال اي احنا وصلنا انتو وين؟؟. ،،خلاص تمام هسي بنجيكم دخلنا لحد م وصلهم كانت بت حلوه شديد كانت لابسه فستان بيج و رافعه شعرها لي فوق وشعرها طويل م شاء الله و غزير وناعم،،،،كانت متحننه و معاها راجل و ولدين صغار حلوين شديد م شاء الله،،،سلمت على نذار حتى انها حضنتو💔انا كنت واقفه وبعاين ليهم لحد م سلمت عليهم وقعدنا قالت لي نذار دي خنساء؟قال ليها اي وبدا يتونس ويضحك معاها ولا حتى كان متزكر اني قاعده معاهم طلبوا الاكل وانا قلت م عايزه اكل بعدها يدوب نذار اتكلم معاي وقال لي ليه م عايزه؟؟قلت ليهو شبعانه حمدلله وقلت ليهو نذار عادي تديني المفتاح بتاع العربيه ح انتظرك في العربيه لحد تخلص ممكن؟؟ قال لي طيب و اداني المفتاح مشيت العربيه وانا دموعي في طرف عيني،،،كان متجاهلني شديد حتى انو م كان بيعاين لي ابداً بس تركيزو مع البت بعد يمكن اكتر من نص ساعه جاو طالعين من المطعم كنت ببكي مسحت دموعي كان في باقة مويه في العربيه فتحتها وغسلت وشي بسرعه،،،نذار جاء و كان بيتبسم المشكله انو بيتبسمم💔💔💔💔
ركب العربيه واتحركنا كنت ساكته قال لي دي صحبتي في الجامعه كانت صحبتي شديد و...قبل يكمل كلامو قلت ليهو م اظن سالتك دي منو ولا عايزه اعرف قال لي دقيقه ي بت الناس في شنو مالك انتِ م رديت كنا ساكتين لحد وصلنا فتحت العربيه وطوالي طلعت حتى اني م انتظرتهم ركبت بي سرعه و المفتاح كان معاي دخلت وطوالي دخلت غرفتي،،،الباب دق م فتحت فجاة فتح عملت نفسي نايمه جاء قعد جنبي في السرير وحرك يدو في شعري بعد مسافه قال لي انا سامع صوت تنهيدك،،م رديت قال لي خنساء برضوا م رديت قال لي م ح اخليك تنومي وانتِ م اكلت او و انتِ و زعلانه عشان كده قومي،،قعد في الارض ومسك يدي قال لي بي صوت واطي انتِ زعلانه مني؟طيب انا اسف قومي اكل حبيبي،،،،تاني قال لي حتى انا م اكلت عشان اكل معاك ممكن تاكلي معاي؟وقرب باسني في خدي قلت ليهو م عايزه انا قال لي لكن انا م سالتك عايزه ولا لا يلا قوم قلت ليهو زح مني قرب علي اكتر و قومني و بدا ياكلني قال لي عايني لي في شنو انتِ مالك قبل نطلع كنا كويسين شديد في شنو مالك؟؟م رديت رفع راسي وقال لي انا بتكلم معاك ي خنساء قلت ليهو ساره دي منو؟قال لي مش قلتي م عايزه تعرفي؟؟قمت من السرير مسكني وقال لي بهظر بهظر تعالي اقعد لسه م اكلتي شي قلت ليهو قلت ليك م عايزه يعني م عايزه فكني قال لي بي صوت عالي اقعدي اكلي هو طويل وانا قصيره عليهو شديد اتخلعت وبقيت بعاين ليهو اتزكرت كلام اخواتو وقلت ده هسي ح يكفتني احسن اقعد قعدت عايزه اكل بدا ياكلني بعد شبعت قلت ليهو كفايه شبعت شال الاكل وطلع بعد مسافه جاء داخل قعد في السرير ضحك وقال لي الا الزول يتصرف معاك كده والله،،،،شوفي ساره دي صحبتي يعني ممكن اقول لي دي اختي شديد والله يا خنساء الموضوع م بيستاهل قلت ليهو متزكر كيف كنت بتتجاهلني وتركيزك مع ساره دي متزكر؟؟؟بقا يعاين لي وانا بتكلم قال لي انا اسف لسه كنت بتكلم وبشاكل فيهو قال لي بحبك وباسني في خدي اتجمدت وبقيت م عارفه اقول شنو قال بي صوت واطي اسف قلنا،،،،يلا الغرفتنا اصلا عارفك بتخافي لما تكوني براكمسكني من يدي ومشينا الغرفه كنت راقده في حضنو وهو بيحرك في شعري قال لي خنساء قلت ليهو نعم قال لي بتغيري علي؟بتحبيني؟لما قال لي بتحبيني قلبي بدا يدق سريعع قلت ليهو بحبك يا نذار م رد بس كان بيحرك يدو في شعري لحد نمت،،،،في اليوم التاني كان يوم جمعه نذار قال اننا ح نمشي عند اهلو جهزنا واتحركنا على بيت اهلو كنت متوتره،،،كان مشينا اول مره ادخل بيت اهلو كان في ناس كتار في البيت و انا على علم بكده لانو نذار لما كان بيحكي لي كان بيقول انو خالتو بيجو عندهم وكمان بناتهم واولادهم كل يوم جمعه،،،،الوضوع م كان عاجبني لانهم كلهم كانو بيعاينو لي بي نظره استفزاز و حتى لي دان،،،كان في اطفال كتار في البيت و دان بي طيعها م بلعب كتير وانا محزراها لانها عادي ممكن تلعب و تتضايق لانو تنفسها كعب،،،الاطفال اتداخلو معاها لحد بدت تلعب معاهم وانا كنت بتونس مع ريناد،،،،م كان في زول غير البنات و امهاتهم يعني ماف ولا راجل كنت لابسه عبايه الطرحه وقعت من شعري قلت اصلا مف راجل للاسف فجاة جاء داخل اخو نذار م انتبهت الا لما وحده من البنات اتكلمت معاهو رفعت الطرحه وصلحت عبايتي،،،،اتعرفت على مرة اخو نذار كانت مسكينه شديد واحنا وبنتونس سالتها اذا بتقرب ليهم ولا كده قالت بي م بقرب ليهم نادر ده انا اتعرفت عليهو من الجامعه وخلاني اندم على اليوم الدخلت فيهو جامعه او قريت اقسمبالله ندمانهههه ضحكت وقلت ليها ليه ياخي قالت لي ي بت ده يسكر ويجي بليل يشتم فيني و في اولادي والصباح كانو م عمل شي ياخ عادي يقول لي امشي بيت ابوك اناامي قالت لي والله احسن ليك م تعرسيهو اصريت شديد اني اعرسو عرستو وهسي كل م امشي عند امي بتسالني اذا مبسوطه معاهو وانا بكذب ووو.... اي اي عادي ي حتى انا اولادي صعبين اكتر من بتك استغربت هي بتقول في شنو وصعبين وبتك ده شنو؟؟دي هي البتسكر م راجلها،،،،عملت لي حركه انو في زول بي ورا بيسمع بقيت بتونس معاها في قصه انهم صعبين وانا اصلا م كنت عارفه اقول شنو،،،ام نذار قالت لي قومي غسلي العده ال في المطبخ قلت طيب ومشيت المطبخ و مشت معاي هند ال هي زوجة نادر واحنا وبتونس في المطبخ وبنغسل فجاة ولدها بدا يبكي قالت ح تمشي تشوفو وطلعت بقيت واقفه انا بس بعد مسافه سمعت صوت زول جاي قلت دي بتكون هند قلت ليها مالو ولدك ي هند م ردت قبلت لقيتها واحده من بنات خالات نذار،،،،ابتسمت وقلت ليها افتكرتك هند قالت لي انتِ قايله نفسك منو،،،مفتكره نفسك خلقه ببن الخلق يعني لما تتلصقي في نذار؟؟؟ي بت هيي افهمي نذار ده م ليك و لا عمرو ح يكون ليك قبلت عليها وقلت ليها م هو لو م لي م ح يكون لي غيري تمام؟؟بعدين هو حكى لي بي قصه خطب من بنات خالاتو افتكر انتِ كان خاطبك عشان كده منفعله شديد زعلانه مالك؟؟يعني عشان عرستو؟؟ضحكت وقلت ليها دي قسمه و نصيب ونذار ده م من نصيبك اقبلي بالواقع ي حلوه وبقيت بغسل في العده قالت لي طيب ي شيخه بوريك كيف قسمه ونصيب وطلعت م اشتغلت بيها كتير بعد خلصت تطلعت وانا و قاعده تاني ام نذار قالت لي في غرفه فوق م نظيفه و فاطمه دي طلعت الليله ي ريت تقومي تنضفيها قلت م طيب وين الغرفه بدت توصف لي هند قالت ليها ي خالتو دي انا نظفتها الليله الصباح م بتحتاج نظافه تاني قلت لي قومي قومي امشي بكل الاستفزاز الفي الدنيا قلت ليها لكن قالت نظفتها و م بتحتاج نظافها قالت لي يعني بتعتوضي كلامي؟؟قومي قلت ليك هند قالت ليها يا خالتو.....قبل تكمل كلامها قالت ليها انتِ اسكتي قبل افلقك بالكبايه دي فاهما؟سكتت وانا مخلوعه في تصرفها ده يعني ليهه بتاعمل هند بالطريقه دي؟؟قالت لي ي بت انتِ م بتسمعي قومي يلا قلت ليها يمكن انتِ المبتسمعي هند قالت نظفتها و م بتحتاج نظافها فجاة شفت زول ماشي بسرعه من بعيد اشبه بي انو جاري عديل م حسيت الا بي زول اداني كف بقيت في حالة لا وعي و الزول ده بيضرب فيني بي طريقه م ممكن اوصفها كان بيجرني من شعري وبيكفتني وبيضربني في راسي بكل قوتو لي درجه انو يدو اترسمت في وشي هند بدت تصرخ وانا م واعي لي اي شي في رجال كتير جو داخلين بدو يمسكوهو كان بيقول تتلام مع امي بت ال.......... كنت راقده في الكرسي سمعت صوت نذار بيقول دقيقه دقيقه يا جماعه في شنو؟؟شافني راقده في الكرسي وطرحتي واقعه اتخلع يعني انا كنت في حاله كعبه شديد في سبب الضرب الضربني ليهو البني ادم ده و زيادة على انو زول عاتي وضخم،،،،جاء علي و قومني رفع الطرحه قال لي البسي كدي فهميني في شنو؟؟؟قلت ليهو نذار يلا البيت م عايزه اقعد هنا انا قال لي بي صوت عالي في شنو قلت ليك؟؟في واحد من الرجال قال لي استهدبالله حصل خير قال ليهو ياخ مرتي اشوفها باصوره دي تقول لي حصل خير؟؟قبل علي وقال لي في شنو يا خنساء؟تاني بسالك قلت ليهو الراجل ده ضربني ي نذار وكنت ببكي حتى هو عيونو كانت كانها دم من كتر م محمره قبل اكمل كلامي قام من الكرسي وبدا يضرب فيهو وبيقول ليهو انت منو ترفع يدك على مرتي عامل فيها راجل بوريك الرجوله دي وكان بيضرب فيهو وهايج شديد انا كنت مغطيه وشي بالطرحه وببكي وبسمع صوت نذار كان عالي شديد واصوات الرجال وهم بيحجزو طلعو نذار وبعدها كان لسه في اصوات الرجال بعد يمكن ربع ساعه او اقول جاء قال لي يلا يا خنساء قمت امو قالت ليهو يا ولدي قال ليها شوفي ي امي انا لسه م فهمت الحاصل شنو بالضبط و عارف انك انتِ ورا المشكله دي والله ي امي لو طلع كلامي في محلو والله م بيحصل خير عايزه تتكلم قال لي م عايزه اسمع اي شي منكم طلعنا ركبنا في العربيه اتزكرت تلفوني اني نسيتو قلت ليهو دقيقه اجيب تلفوني قال لي م بتجيبي اي تلفون خلبك هنا نزل من العربيه نزلت معاهو سريع لاني بعرف اذا مشا تاني ح يسوي مشاكل ،،،،مسكتو وقلت ليهو نذار خلاص خليهو م تمشي تاني ح تتشاكل خلاص قال لي زحي كده بمشي بجيبو وبجي دخل وانا دخلت وراهو،،،،كانو بيضحكو متخلين معاي كيف كانو مستفزيني؟؟في وسط كل الحريم كان اراجل الضربني بس وكمان بيضحك سمعت امو بتقول م قصرت والله وكانت بتضحك نذار اول م دخل وقف جنب الباب كان بيعاين ليهم كلهم ملامح وشو اتغيرت مشا بي سرعه وهو بيقول مفتكرها رجوله يعني مفتكرها رجولها ضربو لحد وقع وهو فوقو و كان بيضربو الرجال تاني اتدخلو رفعو نذار بالشده كنت سامعه صوت راجل بيقول ليهو داير تقتل اخوك ياخ داير تقتلو؟؟قال ليهو يا ابوي ياخ يضرب مرتي و يتضاحك عليها؟؟والله م بخليهو الراجل قال ليهو يا خايب انت اصلك م راجل ياخي بنسكت ليك وانت بتضرب مرتك صباح ومساء لكن تضرب مرة اخوك؟ لسه م تمت شهر،،،ياخ امك دي تسكر تجي وتتلفظ الفاظ ياخي الزول يخجل يقولها للغريب فما بالك امك؟اها الليله بقيت تعرف امك؟؟امو قالت يا عبد الله عايزه تتكلم قال ليها نوال لا اله الا الله ي نوال في مره كبيره قالت ليها نوال الله يسالك بتسوي في البت كده مالك انتِ كانت عايزه تتكلم و تقول ال كل الحصل قالت قبل تتكلم انا والله ي جماعه م قصدي شي حصل خير م قدرت م ابكي طوالي طلعت بي سرعه كنت بحاول م ابكي ركبت العربيه بكيت شفت نذار جاي مسحت دموعي ركب العربيه،،،،،كان سايق بي سرعه كده خياليه تفاصيل وشو م بتتعبر كان متضايق شديد و الشي ده ظاهر لحد وصلنا البيت دخلنا وهو ابداً م اتكلم دخلت غرفتي بكيت شديد الباب دق مسحت دموعي و مشيت فتحتو كان جايب لي اكل كان واقف و بيعاين لي ولا حتى م اتكلم ولا كلمه شلت الاكل لحد ادخل الاكل قبلت لقيتو م واقف كنت عايزه اقول ليهو ياكل معاي،،،،،م اكلت كنت منتظراهو م جاء طلعت للهول عشان لو جاي احس بيهو نمت في الكرسي وانا منتظراهو،،،،فجاة حسيت بي زول بيفتح الباب كان شايل سجاره بيشرب فيها مشيت حضنتو هو بس كان واقف قلت ليهو نذار خليك معاي انت وين كنت؟يدو الفيها سجاره كان منزلها على الارض و اليد التاني ختاها في راسي بقا يحرك يدو في شعري،،،،قلت ليهو انا اسفه ي نذار م كان بيتكلم بعد مسافه قال لي كدي زحي و بعدني منو اتخلعت ليه بتعامل معاي بالطريقه دي دخل المطبخ دقيقتين م تمت تاني طلع دخلت الغرفه انهرت بالبكاء عدت الساعه 12 و 1 و 2 وانا منتظراهو كنت يأسه شديد،،،،حاولت انتحر حاولت اقطع الوريد💔جرحت يدي وكنت راقد و السرير مليان دم الباب دق اتغطيت بي سرعه فتحو ودخل قال لي نمتي؟؟م رديت عليهو جاء قعد في السرير قال لي بصوت واطي حبيبي،،،،انا عارفك صاحي،،،كان بيتكلم بس انا م متزكرهالا لما قال لو بتحبيني ح تقبلي علي و ح تحضنيني كنت م قادره افتح عيوني تاني عاد نفس الجمله قبلت و حضنتو بقيت ببكي شديد حتى بي صوت وانا و حاضناهو قال لي خنساء ده شنو الدم ده؟خنساء في شنو؟خنساء؟؟زحاني من حضنو وكانت يدي بتكب دم كتير قال لالالا هوي،،،،يا خنساء كان بيتمتم حتى م قادر يتكلم
يتبع...........
