ငါ့ကို သတ်မယ့်သူတွေက ငါလေးကို ကြွေသွားတယ်တဲ့(ဘာသာပြန်)

Chp :: 42

[Unicode]

📌 Sleeping Beauty လေး ပြန်လာပါပြီ! Updateအကြာကြီး စောင့်စေမိတဲ့အတွက်လည်း တောင်းပန်ပါတယ် (ʃƪ＾3＾）

•••••

ဒီလိုနဲ့ ရှိသမျှကျင့်ကြံသူအားလုံး ထွက်ခွာလို့ မရတော့ပေ။ ကျုံးရွှမ်ဂိုဏ်းရဲ့ အရေးပါသော အကြီးအကဲတစ်ချို့က ရှေ့တက်လာပြီး ယဲ့ယွမ်ရဲ့ သေဆုံးမှုကို သေသေချာချာ စုံစမ်းစစ်ဆေးရမယ်လို့ တိုက်ရိုက်ကြေညာတော့တယ်။

ဒီမှာရှိနေတဲ့အားလုံးက ဒါကို ကြားတော့ သူတို့ဆိုလိုတာကို ချက်ချင်း သဘောပေါက်လိုက်တယ်။ ကျုံးရွှမ်ဂိုဏ်းကသာ ဂုဏ်သတင်း နည်းပါးပြီး အင်အားချို့တဲ့သော ဂိုဏ်းသာ ဖြစ်နေခဲ့လျှင် သူတို့တွေက ဒီပြဿနာကို ရေပေါ်ဆီဖြေရှင်းပြီး ကျော်သွားလိုက်ကြမှာ။ ဒါ‌ပေမဲ့ ကျုံးရွှမ်က ကျင့်ကြံရေးလောကမှ အကောင်းဆုံးဂိုဏ်းကြီးတစ်ဂိုဏ်း ဖြစ်တာကြောင့် မျက်နှာသာတစ်ချို့ကတော့ မလွဲမသွေ ပေးရစမြဲပဲ။

ယဲ့ယွမ်က ဂိုဏ်းချုပ်ရဲ့ တစ်ဦးတည်းသော သမီးလေး။ သူ(မ) ဒီလျှို့ဝှက်နယ်မြေထဲ မဝင်ခင် အဖိုးတန် ကာကွယ်ရေး လက်ဖွဲ့အဆောင်မျိုးစုံကို ကိုယ်နဲ့မကွာ ဆောင်ယူလာမှာ အသေအချာပဲ။ ဒါ့အပြင် လျှို့ဝှက်နယ်မြေဖွင့်တာက ပထမဆုံးအကြိမ်မှ မဟုတ်တာ၊ ဒီလို ကျင့်ကြံသူတစ်ယောက် အသက်ဆုံးသွားတယ်ဆိုတဲ့ ဖြစ်ရပ်မျိုး တစ်ခါမှ မဖြစ်ခဲ့ဖူးဘူး.....

ကျင့်ကြံရေးလောကမှာ 'ပစ္စည်းဥစ္စာအတွက် သတ်ဖြတ်ခြင်း' ဆိုတဲ့ အခြေအနေမျိုးက မရှိသလောက် ရှားနေတာမဟုတ်ပေ။ တကယ်တော့ အမြဲတမ်း ရှိနေတဲ့ ဖြစ်လေ့ဖြစ်ထသဘောလို့တောင် ပြောလို့ရတယ်။ ကျုံးရွှမ်ဂိုဏ်းမှ လူတွေက လျှို့ဝှက်နယ်မြေထဲ ဝင်သွားတဲ့ အခြားသောကျင့်ကြံသူတွေကို သံသယ စဝင်တယ်ဆိုတာက ဖြစ်သင့်ဖြစ်ထိုက်တဲ့ ကိစ္စတစ်ခုပဲ။ အတော်လေး သဘာဝကျပါတယ်။

ကျုံးရွှမ်ဂိုဏ်းမှ အကြီးအကဲများက ဝိညာဉ်ဆင့်ခေါ်မယ့်အကြောင်းကို ပြောတော့ အပြစ်ရှိစိတ် မခံစားရတဲ့ ကျင့်ကြံသူတွေက ကြောက်ရွံ့မနေကြပေ။ ဒီလိုအစီအရင်မျိုးက အချိန်တစ်ချို့ ကြာနိုင်ပေမဲ့ သူတို့ စောင့်နိုင်ပါတယ်။