မိုးသည်းထန်စွာရွာနေပြီး လျှပ်စီးတွေလက်ပြီး မိုးလည်းချုန်းနေတယ်။ မိုးအေးအေးလေးနဲ့ မိုးရေသံတွေလည်းကြားနေရတယ်။ ဒီလိုညမျိုးကို ကင်မ်ဆော့ဂျင်ကတော့ သဘောကျတယ်။ ပိုပြီးအိပ်လို့ကောင်းတယ်လို့ ခံစားရတယ်။
"ဒေါက်~ ဒေါက်"
တံခါးခေါက်သံကြားလိုက်တော့ အိပ်ယာပေါ်ကနေပြန်ထလာကာ တံခါးဖွင့်ပေးလိုက်တော့ ဟိုကပ်ပါးကောင်...
"ဂျင်ဂျင်Hyung~ သားတယောက်ထဲမအိပ်ရဲဘူး ကြောက်လို့~"
"မင်းဘာသာမင်းကြောက်တာလေ.. ငါ့အခန်းကိုမလာနဲ့ အိပ်ရေးပျက်တယ်.. ကိုကိုဂျွန်းဆီကိုသွား.."
"အကိုနမ်ဂျွန်းက~ ဒုန်း!!! မရှိဘူး~"
ဂျောင်ဂုစကားကိုဆုံးအောင်ပင် နားမထောင်ပဲ ဂျင်တံခါးကိုပိတ်လိုက်တယ်။ ဒါပေမဲ့လည်း အိပ်ယာထဲလူးလိမ့်နေပြီး အိပ်မပျော်ပေ။ကပ်ပါးကောင်ကို စိတ်မချဖြစ်နေတာကြောင့် တံခါးဖွင့်လိုက်တော့.. ရင်ခွင်ထဲတိုးဝင်လာတဲ့ ခန္ဓာကိုယ်လေးတခု..
"အင့်~ ဖယ်စမ်း.. ငါရေသွားသောက်မလို့"
"အကိုနမ်ဂျွန်းက အိမ်မှာမရှိဘူး.. ဂျင်ဂျင်Hyungနဲ့အတူတူအိပ်ပါရစေ.."
ဟုတ်သားပဲ။ ကိုကိုဂျွန်းကအိမ်မှာမရှိဘူး .. စာမေးပွဲနီးနေလို့ သူငယ်ချင်းတွေနဲ့စာစုလုပ်ပြီး ညအိပ်မယ်လို့ပြောသွားတာပဲ။
"ရှုပ်ရှုပ်ထုပ်ထုပ်တွေလာမလုပ်နဲ့.. ဖယ်!!"
ဆော့ဂျင် သူ့ကိုအတင်းလာဖက်ထားတဲ့ခန္ဓာကိုယ်လေးကို ဆွဲဖယ်လိုက်တယ်။ ကပ်ပါးကောင်လေးကတော့ သူ့မူပိုင်မျက်လုံးပြူးပြူးတေွနဲ့ ကြည့်နေပြန်ပြီ။ ရုပ်ကငိုမဲ့မဲ့လုပ်နေပြီ။
"စိတ်ရှုပ်လိုက်တာ.. ရေတောင်မသောက်ချင်တော့ဘူး သွား.. သွားတော့ ကိုယ့်အခန်းကိုပြန်။"
ဘယ်လိုပြောပြော အဲ့ကလေးကအခန်းရှေ့ကကို မသွားပေ။ ပြောပါတယ် ကပ်ပါးကောင်ပါလို့.. ရုတ်တရက်မိုးခြိမ်းလိုက်တော့ အိမ်တဆောင်လုံး လင်းထိန်းသွားတယ်။
"အား!!! ကြောက်တယ်.. အဟင့်.. အတူတူအိပ်မယ် ဂျင်ဂျင်Hyung"
ဘယ်လိုလုပ်မလဲ ကိုယ်ကစိတ်ရင်းကောင်းနေတော့လည်း ဒီကပ်ပါးကောင်ကို အခန်းထဲပဲခေါ်လာခဲ့ရတော့တယ်။
YOU ARE READING
𝖲𝗈𝖿𝗍 𝖥𝗅𝖺𝗆𝖾 [✔]
Fanfictionငါ့လုပ်ရပ်တွေကပဲ ငါ့ကိုပြန်နာကျင်စေမယ်ဆိုတာ တကယ်မသိခဲ့ဘူး .. ❄