لعلَ الحب ينصفني

البارت الثاني

لعلَ الحبُ ينصفني
بقلمي....
زهراء الشمري.....
البارت الثاني

#سوالفنه صحيح صغار
  بس الوجع #تارسها
اكو حجايات ماتنكال
جوه وينسمع #حسها...

               ..............    ...............
گومي بويه شمنومچ هنا وين اهلج
تسنيم....... ما ادري تيهت اريد اروح لخالتي ام فهد
بديت ابجي وامسح بدموعي
الرجال چان شايب ومبين فقير يلم قواطي لزمني
من ايدي گعدني بالجزره الوسطيه مثل الحديقه
شايل بعلاگه خبزه وطماطه وخيار طلعهن يتريگ
بيهن سوالي لفه مع العلم هي لفه بسيطه بس
هيچ چان طعمهه طيب خطيه ما عافني سألني
وين اهلج وين بيتكم مدري ليش الساني نطق
وگال بيتنه ابغداد واهلي ماتو وعافوني واني ابجي
وهو هم ماسألني شعندج بالحله كل ظنه ما اعرف
لو اخربط بالحجي صبح  الصبح وبده الشارع يصير
بي ناس
بس اني بعدت حيل على منطقتنه كولشي ما اندل
اخذني الحجي للمحلات يسألهم بس محد عرفني
للظهر وتجي مره جبيره بالعمر شايله طفل رضيع
شافتني وي الشايب هو سألهه متعرفين هاي البنيه
لو واحد مضيعله ابنيه خطيه تايهه من اهلهه
ودگول من بغداد وانه ما اگدر اخليهه يمي اريد اروح تگدرين تاخذيهه يمج تنطيهه لمفرزه مال شرطه
چانت الحكومه المؤقته ستوهه خلوهه وماكو دوله
لا جيش بس شرطه هدومهم زرگ اذكر القميص
اخذتني وياهه واستطمعت بيه
ما اخذتني للشرطه خلتني يمهه للغروب نزعتني ملابسي چانن نظيفات لبستني ملابس قديمه
واخذتني يم فلكه گعدتني يمهه وظلت تجدي
اني خايفه وبس ابجي كل شويه اگلهه خاله وديني
الأهلي وهي ترد بعصبيه
........ لا تجيبين طاري اهلج تره اظربج ابره خليج
يمي اشتريلج موطه ولعابه ونروح للمراجيح
..... بس اني ما مقتنعه اريد ارجع لبيت جدي اروح
لخالتي
ام فهد...... گعدت الصبح اسوي ريوگ ريگتهم
علمود يرحون للمدرسه طلع فهد ميتريك بس يشرب چاي
البنات هم طلعن وراه ورامي ماقبل يروح ميحب
المدرسه چان شالع گلبي عنيد ويكره الدراسه
شويه وتخابرني مرة صلاح
الو
.... هله خيه
شلونكم
_الحمد الله اگلج ام فهد
_گولي
_هم اجتكم توته بت المرحومه
_لا خيه وين تجيني ماتندل
ليش وين توته لا تخوفيني
_والله خيه اخوتج مخبوصين يدورون عليهه
گعدنه الصبح ما لگيناهه مدري وين رايحه
_يمه اصخام الصخم وجهج وين البنيه راحت شسويتولهه هسه جايه
...... من خوفي على بت اختي حتى جبار نسيته
نايم وما فكرت بي طلعت بدون ما أگله
اجرت سياره ورحت لگيت امي گاعده بالطارمه وتنعي
....... ها يمه وين البنيه شسويتولهه
......... ولج يمه بت العزيزه ضاعت مدري بشط طاحت مدري الچلاب اكلتهه من الفجر ادور عليهه
واخوتج من الصبح طلعو يدورون وماكو
ام فهد...... سوده بجهي بنيتي وين رحتي بيا فلك ومصيبه هسه گلتلكم اطونياهه اني اربيهه وي جهالي
صارت عدهم غيره ومحنه وما قبلو لحد ما البنيه شردت
بقيت يم امي للعصر وماكو خبر عنهه خابرو اخوتي
عمامهه وانطوهم خبر قدمو شكو وطبعو صورتهه ولزكوهه بشوارع
للمغرب رجعت للبيت ولگيت جبار منتظرني
بالطارمه واول ما دخلت سحلني من عباتي لازم صونده وعلى ضهري بناتي يخافن منه بس يبجن ويصرخن سحبهن شمرهن عليه وگام يرفس بينه
دخل فهد ورامي ما تحملو دفعو ابوهم على المحجر
مال الدرج نظرب راسه ونشك چان فهد صف ثالث
متوسط مراهق بده يفهم الحياة ومايرضى امه تنهان
وتنظرب واسمعه يگول لأبو
فهد...... كافي يابابا صرنه اكبار احنه ميصير تظربه گدامنه مانرضه تره اخذهه واطلع
.... بين الفرحانه ابني كبر ويدافع عنه وبين الخايفه
علي لأن ادري بجبار ميضمهه
ويگوم جبار على حيله شبع فهد كتل شويه اخذ مراد
وطلع چان مراد لوتي شيگله يسويله ميكسرله حجايه
فهد عكسه ميقبل على الخطأ وميسكت
خطيه البنات گومني غسللي عيوني زورگت جسمي كله ورم سولفتلهن على توته ضاعت نقهرن عليهه
نوره گامت تبجي لان صديقات يلعبن ويدرسن سوه
لليل ويدك اخوي صلاح عليه
.... ها صلاح شكو چان يگولي امي صعد ظغطهه
راح ناخذهه للمستشفى
للفجر وامي من القهر ماتحملت نظربت ذبحه
وتوفت بهذا اليوم اسودت الدنيا بعيني
هسه صدگ وحيده صرت مدري ابجي على امي
مدري على اختي الي ما تهنت بحياتهه ولا شافت
شي من الدنيا مدري على بت اختي الي الدنيا
لعبت بيهه طوبه وما اعرف وين هيه
نايمه نعسانه جوعانه بردانه ظليت املخ بروحي وشلع بشعري
اخذني جبار بسيارته وفهد راح وياي وصلت لبيت اهلي بعدهم ما جايبين امي
يمه حبيبه اليوم دخلت البيت وما صحت يمه وينج
ولج يمه وين رحتي شلون انطاچن گلبچن تعوفني
شويه وجابو امي بتابوت دخلوهه بالهول رفعت منهه البطانيه وشميت ريحتهه ما اريد اعوفهه اريد
اترس ريتي بريحته ريحت الشب وعطر الشيله
البيهه عطرهه مميز عندي
حجيت وياهه وتوسلت بيهه دگوملي بس ما گامت
من حرگت گلبهه على بت المرحومه ماتحملت
گلبهه ضعف  ونظربت ذبحه
تنسيم....... بقيت اشهر طويله وهاي المره كل يوميه
بمكان تاخذني اجدي من العالم  وياهه
وبيوم نايمه ومستعزه بنومتي گعدتني من غبشه
ما قبلت اگعد ما احس بس بلچعه قويه على زندي
شاغت روحي من خلت الخاشوگه وهي نار شلعت
اللحم وياهه من رفعتهه
گمت ابجي واصرخ من الوجع وهي تكفخ بيه
كلما اشكي من الوجع مدري منين تجيني سطره
انطتني علاگه قماش مخيطه مثل الجنطه الم بيهه
فلوس لليل والوجع يزيد عليه واني اخاف منهه
اخاف ابجي بس اخلي الحجاب بحلگي واعض بكل
قوتي من الوجع رجعنه لبيتهه الي هو چان عباره عن غرفه من چينكوات هوسه وكاتله الوسخ الطفل
الوياهه بالنهار عدهه وبالليل ما اعرف وين تودي
مرات تنومني گوه بالليل وتحذرني ابد
ما اطلع راسي من جوه البطانيه
وره شهر هم بالليل گلتلي نامي وغطي راسج بيومهه اخذني الفضول طفله وتحس اكو شي غريب ردت بس اشوف سويت نفسي نايمه بيومهه الظهر سويت زرف بالبطانيه بسجين علمود اباوع
اكتشفت يجونهه زلم وياخذني  الفضول اريد اعرف
شيسون اباوع اول مره اشوف هيج منظر غريب
واني طفله ما اعرف شي شفتهم بوضع مقرف
نايم فوگاهه ومصلخين خفت عرگت حسيت گلبي يدگ سريع خاف يجي عليه وره ميخلصون يطلعون الفلوس الي لميناهن من الجداوه ويتقاسموهن
والحمد الله عدت هاي الليله على خير بهاي الليله
قررت احاول اشرد منهه بس چان صعب لأن هي تشد ملابسي بعبايتهه متعوفني ابد
صبح الصبح ونفس كل يوم تنطيني گونيه الم بيهه
قواطي الصبح و وره الظهر تاخذني وياهه بشوارع
الحله انجدي طلعنه وره الظهر هل مره ما اخذتني
للبيوت انجدي اخذتني للسوگ المسگف
من دخلت اذكرت هذا المكان جايه بي اني وخالتي
دموعي گامن ينزلن اذكرت خالتي وبناتهه وفهد
الي چنت حيل متعلقه بي ومراد الي چان صديقي
المقرب يلعب ويايه ويصعدني بالسطع اطير وياه طيور ظليت امشي وياهه انجدي بالسوگ
وگفت يم محل مال عصائر عطشانه اريد اشرب
گلتله
....... عمو عطشانه انطيني گلاص وهو هم خطيه عطف عليه انطاني گلاص هي چانت مو راحه طبت
لأبو المحل للمحل جوه واني بقيت گاعده بالگاع شويه شربت العصير وطلعت هي من المحل
رجعت شدت ثوبي بعبايتهه ومشينه خطوات نجدي
واسمع صوت يصيح بأسمي
..... توته توته وين چنتي...
ام فهد....... من توفت امي وبسبب اخوتي من حرگت
گلبهه على توته الي خواني عبالك بزونه وتاهت
حتى ما كلفو نفسهم يدورون بعد گطعت
رجلي من روحه لبيت اهلي ولا التقي بيهم
لأن راحت المحنه وي امي وهذا الوكت اغلب الأخوه
يصيرون اخوت نسوانهم
ظليت كل يوميه ادز فهد لأن چبير عمره چان ١٤ سنه اعتمد علي لمنطقه يدور على توته بلكي يلگاهه بس بلا فايده ما الهه كل ذكر
الليل كله ابچي عليهه اشتاقيتلهه واظل افكر بيهه
جوعانه بنيتي بردانه وين انتي توته
وبيوم فهد راد يروح للحله للسوگ المسگف وي
اصدقائه اجه گلي
فهد...... ماما اريد اروح وي اصدقائي للسوك اشتري ملابس اسبوع الجاي عدنه سفره مدرسيه لأثار بابل
ام فهد..... اي ماما روح شريد منك بس فدوه لاتتاخر
خاف ابوك يرجع ويسويلنه سالفه واني مابيه حيل
مشاكل بعد امك
..... ان شاء الله يوم تدللين وهذا مراد خل يعوف الطيور شويه معلگ فوگ السطح مو والحسين زحمه من الجيران
اريد اطلع واسراء بنت عمي اجت علينه من اشوفهه
افرح حتى من عرفت تبقى يمنه لو ما فشله من جماعتي چان بقيت علمودهه ناعمه صغيره
بعمر مراد اخوي
عفتهم وطلعت رحنه اني واصدقائي للسوك
وصلت للسوك ازدحام حيل يوم جمعه چان
دخلت للسوك المسگف فتت من يم ابو شربت
ولمحت ابنيه مثل ملامح توته بت خالتي
مدنگه تشرب عصير ما ركزت بشكلهه واني امشي
وي اصدقائي عبرنه ابو الشربت شي بداخلي يگلي ارجع ركز زين يجوز هاي توته
ترخصت من جماعتي ورجعت لأبو العصير ثواني
ما بطيت بس لگيتهه رايحه سألت ابو العصير
اشرلي على مره شاده هدوم البنيه وي عبايتهه
اخذني الفضول رحت امشي سريع سويت نفسي اريد انطيهن فلوس مدري ليش الساني نطق
صحت بأسم توته
توته توته
وهنا انصدم التفتت عليه البنيه
اي هاي توته بت خالتي هي من شافتني كامت تبجي ركضت عليه وعباية المره نجرت وياهه
....... هاي بت خالتي ضايعه صارلهه  اشهر واكثر
اندور عليهه
المجديه...... شمدريني لگيتهه بشارع تبجي واخذتهه
وهسه جاي تاخذهه ما انطيهه جرت توته وكامت تصيح هي ام الحگ بس توته مچلبه بيه
من شافت العالم هيج فتحت عبايتهه ونهزمت
اخذت توته ورجعت لجماعتي شافوهه يعرفون بنت
خالتي ضايعه فهمتهم مختصر وترخصت ورجعت للبيت
تسنيم...... يمكن چان يوم عبالك شايفه امي وابوي
واخيرآ راح اخلص من الشارع والجوع والضرب
والچوي مال هاي المره الي حتى اسمهه ما اعرفه
من الخوف مچلبه بملابس فهد واحجي وياه
لا تعوفني حباب اني خايفه لا تعوفني خاف تجي
المره تحرگني وتجويني
فهد..... لا ياروحي شلون اعوفج والحسين كل يوميه
اني وجماعتي اندور عليچ بمنطقه هسه اخذج
لأمي تلعبين وي نوره ومراد لا تخافين ختولي
هاي المره تعالي خلي راسج على چتفي
تسنيم...... خليت راسي على چتفه وشبگت بطنه بكل براءه حسيت بحنان ابويه الله يرحمه وهو يمسح على شعري چانت گصييتي طويله بس
كل اسبوعين تخليني اسبح وتمشطلي
طفله عمري عشر سنوات ما چنت اعرف شنو الحب
من ابوس فهد واشبكه بكل براءه بدون ما افكر بشي
هو ومراد چانو اقرب الناس لگلبي
وبسرعه من التعب غفيت على چتف فهد شويه
وكعدني
فهد..... توته توته حبيبي گعدي وصلنه للبيت هسه
امي تفرح من تشوفج نزلت اركض بلا وعي
لكيت خالتي تغسل هدوم بالطشت ماكو كهرباء
مال مدرسه الملابس هي من الصدمه انغمه عليهه
خطيه هبط السكر عدهه
من فرحتهه من گعدت تشبگ بيه وتشم بيه جنت
ريحتي مو طيبه و وصخه حتى شعري صار بي
گمل من الوصخ بس احك جسمي وشعري
بس هي ما لعبت نفسهه اخذتني بحظنهه وتبوس بيه ودگول
ام فهد.... يمه افيششش ياريحة الغاليه ولج شلعتي
گلبي وراحت بيبيتج بحسرتج وين چنتي شلون
انطاج گلبج تعوفينه شلون خاله طلعتي
توته ما جوعانه مريضه بردانه
تسنيم...... اني من الفرحه شابكتهه وحيل لازمه بيهه
ما اريد اعوفهه
... لا خاله بس لا تعوفيني اني اخاف وشعري يحكني بي دود
دخلتني خالتي للحمام غسلتلي وسبحتني شافت
شعري بي كمل گلتلي باجر كله اوخره منج
شويه ويجي مراد من شافني گام يكمز من الفرح
خطيه خالتي من الفرحه خابرت خوالي وگلتلهم
اني رحت العب بيت ابيوت وي نوره ومراد
شويه واسمع صوت عمو جبار وخوالي يتناقشون
من شفتهم ظجت خاصه من خالتي سولفتلي
على بيبي وشلون نقهرت عليه وماتت
صح چان عمري صغير بس حيل ذكيه وامي چانت
هوايه توعيني اليشوفني يگول تفكيرهه اكبر من
عمرهه بس چنت شويه حركه و وكحه
من شفت خوالي رحت سلمت عليهم عفتهم ورحت
العب وي نوره ومراد دائمآ من نلعب بيت بيوت
مراد يگلي اني الابو وانتي الام عود احنه مزوجين
بس اني اظوج لأن اتخيل فهد هو يصير العريس
واني العروسه واروحله اريده يلعب ويانه بس ميقبل
يريد يدرس اني هاي السنه هم راحت عليه من الغياب
سبقتني نوره بسنه
قررو خوالي يرحون لبيت عمامي وياخذوني بس خالتي ماقبلت گالتلهم
ام فهد..... توته تبقى يمي ما انطيهه لكل واحد
واذا عمامهه يردوهه يومين ونسوانهم يشمروهه
بالشارع اني اربيهه حالهه من حال بناتي شني دگاطعت العالم بت اختي طالعه من روحي
ما افرط بيهه اروح وياكم لبغداد واني احاجيهم
وصدگ من الصبح اجو اخذو خالتي واني عمو جبار
من خوالي موجودين ما يحجي يخاف منهم خلاهه تروح
وصلنه لبغداد دخلنه للبيت الي نولدت وكبرت ولعبت وي امي بي رغم صغر سني بس الذكريات
وجعتني مثل الشريط انعادت ابالي
هنا بابا چان يسوي الجدول مال المدرسه واني اصعد
على ظهره العب وياه
هناك امي سبحتي ولبستني احسن الملابس حتى بنات الجيران يغارن مني
دمعتي نزلت لا اراديآ گعدنه وبدو يسولفون الي افتهمته هاي سنتين ونص او اكثر عمامي يستلمون
براتب امي وابوي وما ينطوني ولا فلس
شويه واجه عمو سيف الصغير من شافني بجه
وشبكني اخذني اشترالي حلويات ولعابه حيل
فرحت من شفته اتفقو يسون الراتب اليه يسلمو
رجعنه للحله وامي حيل فرحانه واخيرآ راح اعيش
وي خالتي ويصير عندي اثنين اخوات ومراد اخوي وفهد ازوجه هيج چنت افكر ابد ولا مره فكرت فهد راح يعتبرمي اخته يوم من الايام كل تفكيري يحبني مثل ما اني احبه
وصلت للحله واني الفرحه ما شايلتني التفتت على
خالتي شبكته وگلتلهه
...... خاله يعني انتي راح تصيرين امي وريم ونور
خواتي ومراد اخوي خالتي استغربت ما ذكرت
فهد
..... لعد وفهودي هم اخوج نسيتي
...... اي خاله هذا حبيبي
ظلت تظحك عليه خالتي
دخلنه جوه ولگيت البنات ريم تنظف لان جبيره ونوره تلعب بلعاباته چانت مدلله ابد متكبر ومراد فوك
بالسطح يطير طيور ويصوفر
عشت مرتاحه وي خالتي مدللتني دلال رجعت لمدرستي مرات ريم  مرات خالتي ادرسني رجع مستواي مثل قبل
كله درجات كامله اجيب
چان بيت عمهم ابو اسراء قريب عليهم بنفس الفرع
راح فهد لبيت عمه يريد يشتغل وي عمه بالمحل
يريد يعتمد على نفسه
اني اظوج من يروح عليهم لان اسراء من تشوفه
تتنعوص وتتموع هي بعمري
وبده فهد يشتغل بمحل عمه بين الشغل والدراسه
بس جان هو وابوه دائمآ مشاكل لأن فهد ميرضه
امه تنظرب وعمو جبار چان تجي لحظات بدون
سبب اي واحد يشوفه يكفخه
ويوم من الايام يوم جمعه جان دا العب وي نور
ومراد كملنه لعب مراد لزمني من ايدي وصعدني
للسطح للطيور جان يگول
مراد... شوفي ذني الطيور يخبلن هسه يتباوسن
تعاي خل نطيرهن طيرناهن واني فرحانه
من العب وياهن حلوات بيض كلهن ريش
گام يعلمني شلون اصوفر  بس ما عرفت صعبه
هو صافورته قويه تطرش الأذان
عفته ونزلت ماكو احد نوره راحت لبيت جيرانهم لصديقتهه وريم بالغرفه عدهه هواية الرسم وفهد طالع خالتي كالعاده لو تخبز لو تغسل هدوم
علمود الكهرباء تستغل الكهرباء لان بالساعات
يطفوهه
رحت للهول اباوع تلفزيون جان ستلايت ستوه
داخل للعراق خليته على سبيستون بادي كارتون
ريمي بحيث من گد ما احبهه حفظت اغنيتهه بيوم
واحد شويه ويجي عمو جبار
جبار..... توته تعاي للغرفه انطيج حلقومه
تسنيم.... رحت اركض ما مصدگه عمو جبار ينطيني
شويه ولزمني شبگني من وره كام يكمش بجسمي
واني ما افتهم شيسوي بس اظحك عبالي يدغدغ
بيه ويلعبني
بعدين حسيت شي غريب كام يلزم باماكن جسمي
الحساسه خفت بجيت ميقبل يعوفني ظليت اتوسل بي وهو خال لحمة اذني بحلكه لعبت نفسي
عمو حباب عوفني خل اروح شتريد مني
جبار..... ولج مخبل اعوف هذا الجمال ولج اشهين العليل ما صدگت تجين يمي اني هذا الصنف صنفي
تسنيم..... يحجي حجي ما اعرف معناه عبالك يحجي بغير لغه شويه ودخلت ريم
ريم..... دخلت للغرفه لگيت بابا شابگ تسنيم
من وره ويعض بلحمة اذنهه وهي تبجي وتتوسل
بي يعوفهه
دخلت صحت بي بابا بابا وين ماما
جبار.... انعل ابوج لابو امج
فهد....بابا شبيهه توته تبجي
جبار..... ما بيهه شي كسرت الجگاره مالتي وظربتهه
يله امشي ولي ودربالج تجين هنا مطيه
تسنيم.... يباوعلي ويفتح عيونه عليه بكل قوته رحت
اركض لحظن فهد شبگته مراد يباوع عليه ويغار
چنت احبهم اثنينهم بس اميل لفهد اكثر هادئ وحباب
مراد مشاكس وعصبي اخاف منه بس احبه مثل
اخويه چان فهد عمره ١٤ ونص
رحت ركضت سالني فهد
فهد..... شسوالج ابويه
....... واني بس البچي اخاف احجي برطمت ونزلت دمعتي شهگت حيل عفته وشردت لحظن ريم
لليل سولفت لريم ابوهه شسوه بيه
ريم..... لا لهنا وكافي ابويه مصخهه طفله هاي صدك
يحجي
تسنيم..... حبابه لا دگوليله گلتلج خاف يطردني بشارع
..... لا تخافين رايحه لفهد هسه اجيج..... يتبع