لعل الحب ينصفني
بقلمي
زهراء الشمري ☘️
البارت٢٦
مساءكم فل وياسمين كيكاياتي الحلوات
تصويت_+_تعليق
قراءه ممتعه
احبكم
لگينه الشمس لاكن ما لگيناك
رجعت ظلمت والدنيا بردت
تدفي النار ثاري بس الجفوف
البرد بالروح واهل الروح بعدت
يمته اشوفك واغفه بزلوف الهمس
حيل بردت مرلي شبعني شمس
............★★★.............
تسنيم....من قريت الرساله رجليه يبسن
مافكرت بنفسي وشنو مصيري كل تفكيري
بفهد گمت على حيلي اريد احجي لخالتي
وتلزمني رجفه اريد انطق الساني ثگل اول مره
تصير عندي هاي الحاله
وگعت من طولي ما احس بس النسوان والسكرتيره مال الدكتوره يغسلن بوجهي
ويهفن عليه واني مختنگه واصيح هوه اريد
هوه
ماگدرت اتنفس صار عندي ضيق
شويه وخالتي اتصلت على خالي صلاح ميجاوب وعمو جبار هم ميجاوب اضطرت تتصل على كرار رجل ريم
خطيه شويه واجه بس مگللهه فهد مسوي حادث گلتله
ام فهد....خاله حبيب وديني للمستشفى خل
اعلگلهه مغذي
تسنيم....كرار ارتبك حاول بكل طريقه مياخذنه
بس خالتي اصرت ياخذنه لان خافت على البطني هي چان كل مناهه من نزوج يصير
عدنه طفل تريد اسم مراد يرجع بالبيت
وصلنه للمستشفى ونصادف عمام فهد وعمو جبار گاعدين ينتظرون وخوالي مخبوصين
من شافتهم خالتي
خطيه نهبطت صاحت
ام فهد.....ياستار ياربي شكو خويه شبيكم
ليش مجمعين منو متخربط
جبار.....ياهجمان بيتي يابويه
ام فهد.....يا ابو فهد شبيك شصاير منو بالمستشفى
صلاح.....خويه بس گعدي خل افهمج منا ناس
دربالج تصيحين لاتفضحينه
ام فهد....ولك خويه گلبي انطر فهموني شبيكم
اخوي بي شي فهد بكربله چا گلت فهد
صلاح....اي فهد طاگ عدهم تاير والسياره مگلوبه بيهم
ام فهد....اصخام الصخمني يمه يمه ولك يمه
ياهجمان بيتي يايمه ولج صاحت عليج الصايحه توته يمه ولكم بعده عريس وباجر عرسه صخاااااام والطااااااااااام بوجهي
تسنيم.....اباوع على خالتي تلطم على وجهه
ملخت اخدودهه گامت تجر لحم خدودهه بأضافيرهه يجرن دم
واني واگفه صنم بس عيوني احس بيهن يجرن دم مو دمع
واگفين مخبوصين وخوالي وعمامهم
خالي صلاح طب
بعد ماطلع بس هو يخلونه يدخل لان دكتور
شويه وطلع ممرض ولزمته خالتي
تتوسل بي وگال
يمه والله ما ادري بس ٢ بالعمليات و واحد
دا يجبرون بي و واحد توفه
خالتي صرخت يمه اوليدي وتلطم على راسهه
سحبو الممرض صارو اعصاب عمو جبار گال
جبار....بويه ياهو الي مات انه ابني مو سايق
گاعد بالصدر يم السايق
لان شافو من مرو علي گعد بالصدر
....والله عمي ما ادري شگلك السايق مابي شي
بس كسور والحوض مالته سوله اشعه بس
البصف السايق الى رحمة الله
تسنيم.....حسيت الزمن وگف بيه
هاي الدنيا شدا تلعب بيه اني ضعت طگات
الدنيه وياي توجع حيل
وهاي مو طگه عاديه
مافكرت راح انفضح لو اضيع بسبب الحمل
كل تفكيري فهد راح ولازم اني هم اموت
لان ما اگدر اعيش وهو ماموجود
نولدت حبيته حب طفوله وحب مراهقه
وحب شباب وچنت احلم نحب لحد الشيب
مالزمت نفسي صرخت صرخت
الناس مدري تحتار بيه مدري بخالتي
شويه وطلع خالي صلاح وگال
صلاح.....ولچن انطن صبر فظحتني فهد مابي شي لا تخافن شويه كسور بس عنده اعضائه
التناسليه متأذي الضربه عليهن
ودا يسوله اشعه للحوض
ام فهد....خويه لاجذب عليه ابني راح همه گالو البصف السايق توفه
صلاح....صحيح بس ابنج چان هو السايق السياره
تسنيم.....من سمعت فهد مابي گلت لو مشوه
لو مگطمه كل اطرافه بس صوته موجود ويانه
وگعت من طولي دخلونه اني وخالتي لردهة الطوارئ النسائيه
خالتي ضغطهه صعد للعشرين انطوهه حبايه
تحت اللسان من وفاة مراد وهي تستخدمهه
وضربوهه ابر شويه هدئت من سمعت بي عايش
بس ماتقبل الا تشوفه وخالي ميقبل الا يكملون
ويحولو للعنايه مدري شنو اسمهه
فهد....من رحنه لكربله زرنه وخطيه اصدقائي حنوني بحظرت الامام الحسين جوه لان الامام
القاسم جوه بهاي اللحظه جسمي كزبر اذكرت شباب القاسم اذكرت ربعي الي استشهدو بالمظاهرات وهمه عرسان
دمعت عيني دعيتلهم بالرحمه طلعنه واحنه
مكيفين رحنه للمطعم اتغدينه وطلعنه نفتر بكربله نغير جو رحنه لقطارة الامام علي
اول مره اروحلهه زرنه وكملنه وافترينه
بالسوگ جبت لأمي كرزات تحبهه هي وابويه
اشتريت لتوته چادر مال صلاه لان اشوفهه
من تصلي بعباية امي كملنه ورجعنه
ومن ردنه نرجع حسام صديقي صاحب السياره تعبان راد ينام گلي سوق بدالي
اني متعود من اسوق البس حزام الأمان لأن
كولش حريص من السياره اخاف منهه
حتى من اسوق اعصابي مشدوده
مشينه الطريق كوله ظحك وسوالف طبگنه
على الشارع العام طريق حله كربله
اشترينه فواكهه لالنكي وموز ياكلون الولد
وحب يكرزون وحسام رجع الكرسي ليوره
ونام
وصلت قريب على الحله الله ستر والشارع چان مو ازدحام
ما حسيت بس التاير طگ طگه قويه شخطت السياره ردت بس اطلع من التبليط واشمرهه
على الترابي بس ما سيطرت نگلبت ٣ مرات بينه
اباوع حسام نشمر من الشباك والباقين ما احس بيهم
حسيت على الناس ترفع بالسياره واطلعني
وبعدهه رجعت نمت حسيت روحي وايدي مجبريهه
تفكيري بأصدقائي اريد احچي واسأل ما اگدر
اجه خالي صلاح واريد اگله لادگلون لأمي
اخاف عليهه لان اذا متشوفني تموت متصدك
أنت تقرأ
لعلَ الحب ينصفني
General Fictionفتاة يلعب القدر معها لتفقد والديها بحادث سير لتبقى تواجه وحوش البشر لتتلقى هجومآ من زوج خالتها وتظطر ان تصمت ولا تبوح بوجعها لأحد تارتآ يتحرش بها وتارتآ يظربها ويهينها لتتذوق مرارة الحياة تقع في حب ابن خالتها ولكن الاخ الثاني يقع في حبها فما مصير ه...
