لعلَ الحب ينصفني

البارت السابع

لعلَ الحبُ ينصفني
بقلمي....
زهراء الشمري 🌿
البارت السابع
#مال ارجعلك وادك #بابك ذليل
لا وحق #الضاع من عمري #بهواك
لو عمت عيني وضوه العالم بديك
لا تضن عيوني تتوسل ضواك
طاري حبك والصور والذكريات
من رحت ذبيتهن كلهن وراك

وشما طولت هم تنتهي وباجر الشده اجتازها.
ما اريد رحمة من البشر .. بس رحمة الله اعتازها.
*********.... *********
مراد.... توته لا ترحين شعندج رايحه ابقي
تسنيم.... اباوع خالتي تبچي وريم ظايجه چنت اتمنى كلام مراد يطلع من فهد
بس هو ولا يمه حتى ما سلم عليه من طلعت چان
يخابر واني هم قررت ما اهتم ولو هو الگلب چذاب
مرات احس حتى عقلي يشمت بگلبي ويگلي
ها مو گلتلك ميريدك ميحبك
سلمت عليهم ركبت السياره وي ابن عمي
طول الطريق هو ساكت واني ساكته نص الطريق
شغل اغنية اليسا عبالي حبيبي
سرحت وياهه چنت اول مره اسمعهه گال
..... تسمعين اليسا
..... لا اني قليل اسمع اغاني اكثر شي مواليد احبهم
اسمع علي الدلفي محمد الحلفي ذوله احبهم
...شنو
.... لا هيج مرتاحه يم خالتج
..... اي كولش اصلآ احس نفسي يم اهلي
.... متشتاقين لعمامج
..... واني وين شايفتهم واصلآ اجيت لخاطر عمو سيف
... جيد جيد
.... اسلوبه مستفز شايف نفسه گبر يگلي جيد جيد
عبالك داخلين امتحان عابت لهل چهره وخفت
دخلنه بغداد رجعتلي ذاكرتي لأيام الطفوله كولش ما
اتذكرت بس امي وابويه حز بداخلي ادخل بغداد وهمه ماموجودين
وصلت لمنطقة اهلي بغداد الجديده
حيل شگد متغيره بغداد وشوارعها چانت احلى من عفتهه
وصلنه للفرع ما اعرف كزبر جسمي من شفت المنطقه واجتني خوفه خفت حيل
رايحه لبيت يوم من الأيام چان محتويني بس هسه
احس نفسي غريبه وصلت ورجليه يبسن اكو شي يمنعني انزل
ابن عمي..... شنو عيني تنزلين لو تردين افتحلج الباب
..... هذا شبي فتحت الباب مال السياره ونزلت
چانت مرة عمي الي ما انسه موقفهه ويايه من صار
الحادث خلتني بحفاظتي لحد ما طلع الوساخه من الحفاظه
بس الي تفاجئت بي المحنه نزلت مره وحده على عمامي ونسوانهم اخذوني بالأحظان وهاي تبوس
بيه والثانيه تسويلي اكل وعمامي كذلك واني
مصدومه على گد السؤال اجاوبهم بعدني ما ماخذه
على الوظع احس نفسي يم ناس غرب خطيه
خالتي كول شويه تخابرني والبنات هم
وره ساعه اجه عمو سيف ارتاحيت لأن بس هو
الي ماينه علي واعرفه الباقين احسهم غربه عليه
خطيه جايبلي حلويات وكرزات اخذني لغرفته يشوفنياهه الغرفه الي نولدت وعشت طفولتي بيهه صارت اله
كل الذكريات راحت بقت بس الحياطين
ههه حتى الحياطين مغيرينهه
صبو الغده وكلهم عمامي انجمعو وهنا بده النفاق
مال نسوان عمامي كل وحده تريدني اصير بصفهه
وتكسب رضاي واني كلشي مامفتهمه ولا اعرف
شنو سالفتهم بنات عمي اصغر مني حبابات
گعدنه نسولف وره الغده وهمه يخططون للعرس
والحنه مال عمي سيف ونسوان عمامي وحده
تغور بثانيه شنو تلبس وشنو مشتريه ذهب
اني جنت جايبه ويايه بنطرون ومانتو قصير ماروني
مطعم باسود
اجه يوم الحنه اخذني وياهن لبيت العروس كلهن
لبسن بدلات وتمكيجن بس اني لبست بنطرون وقميص بصلي طويل ومكياج خفيف حيل ولبست شال
بنات عمي سافرات ميلبسن حجاب حاولن يقنعني
ما البس حجاب بس اني ما نغريت وحافظت على
حجابي الحمد الله
رجعنه من وقت علمود نحظر صينية الحنه مال عمي والهوسه منا وهيج راح ينجمعون بالبيت
بعد منگدر نفوت
رجعت لبست تراك وردي فاتح وخليت شالي على
راسي ورحت للمطبخ اشتغل اتصل عليه
مراد وعلى طول المكالمه احنه نتناگر و واحد يغلط على الثاني وختم المكالمه
مشتاقلج عوبه
واني كالعاده اصده وأگله غصبن عليك تشتاقلي
غير اختك
وبدة الحفله مال عمي چان جايب فرقه وموسيقى
گلبو الدنيا بديت ادخل بأجوائهم بس بداخلي ما مرتاحه ولد عمي نظراتهم اليه سخيفه
ما حبيتهم
ازوج عمي بيوم العرس بالليل اتصل على عسل مجاوب ظل بالي عليها حيل
صار يومين اتصل وماجاوب قررت اتصل على عمتهه طيبه
وهنا انصدم عسل محاوله تنتحر
عسل.... من الظغط النفسي الي اتعرض اله من عمي حقارته واستغلاله اليه ولأختي من احنه اطفال
لهاي الحظه وامي ضعيفه ما أگدر اسوي شي
او بلأحرى مو من حقي اسوي ومو من حقي اشكي
لأحد لان راح يوگع الذنب بيه
قررت انهي هذا العذاب لگيت شريط مال حبوب
بي نص شربته وره شويه جسمي يصير يرجف وما اگدر اوگف على رجليه بهاي اللحظه امي گاعده
وگعت من طولي ما احس نفسي الا واني بالمستشفى واصوات عماتي وعمامي فوگ راسي
گمت ابجي لان رجعت لنفس الحياة ونفس العائله
ونفس المعانات
سولي غسل معده وعلگولي مغذي ورجعنه لگيت
امي واختي يبجن عليه
ظليت ٣ ايام نايمه بالفراش عماتي خطيه يعصرن بالعصاير ويسولي ما مقصرات ويايه
خطيه توته اتصلت على تلفون ماما طيبه بس
نفسيتي تعبانه ما گدرت اجاوبهه حچت وياهه اختي
منار وسولفت وياهه لان يعرفون توته اقرب وحده
اليه طلبو منهه تحچي وياي يردون يعرفون شبيه
ليش هيج سويت وليش وصلت لهاي المرحله
ثاني يوم اجوي عمامي وعماتي كعدو يمي
يسألون بيه لان اني بس ابجي واملخ بنفسي كارهه
نفسي ولعبانه نفسي من جسمي الي كل مكان
ملوث بلمسات عمي الميخاف من الله
عمي الچبير سألني شنو الي صار منو دا يضايقج
چان عمي جاسر واگف يباوع عليه متوتر يخزر بيه
بعيونه ميريدني احجي انتبهت علي عمتي صالحه
واني من اشوفه اخاف الساني يربط
گلتلهم ودموعي تجري خليت عيني بعين جاسر