البارت العاشر
لعلَ الحبُ ينصُفني
بقلمي...
زهراء الشمري 🌿
اتعرفون ما هي مشاعرنا في الحيره
عندما نبتعدُ عن من اختاره القلب ليكمل طريقه
معه ونحن بامس الحاجه له لينتشلنا من الضياع
نتبعثر ونحن في امس الحاجه للتماسك
نثبت ونحن في ذروة الأنهيار
نصمتُ ونحن في حاجه للكلام ولمن ينصت لنا
نبتسمُ ونحن في حاجه للبكاء لكي نرتاح
نهرب حينما تحاصرنا الأفكار نتبعثر نرفض مواجهة الواقع
الحيره هو الاختيار بين القلب والعقل هناك معركه
فمن ينتصر في اخر هذه المعركه؟
مسائكم جميل يملىء سمائكم نور آ
*********..... *********
تسنيم.... اريد بس خالتي تخلص مكالمه علمود افتهم شكو شيريد عمي مني
سدت التلفون سألتهه ها خاله شكو عمي شيريد
ام فهد.... والله ياخاله ذوله عمامج المحنه نزلت
عليهم مره وحده وهسه اذكرو عدهم بنيه يسألون عليهه ويردوهه
يگلي باجر اجي اخذهه تعيش يمنه اگله مدرستهه
يگلي انقلهه واني ربيت وكبرت وهسه يردون ياخذوج مني بكل بساطه
تسنيم..... والله لو يموتون ما اروح وياهم خيولون
هسه اذكروني خيطير بكيفه والحسين اروح اشتكي
عليهم واحد واحد عبالهم بعدني زعطوطه وكلشي ما افتهم
ام فهد.... لا تخافين خل يجي باجر هسه اخابر
خوالج هم يجون ونتفاهم وياهم
تسنيم.... والله خاله اني باجر عندي امتحان وما اريد افكر بيهم اريد اركز بأمتحاني دا نسولف ودخل فهد
سولفتله خالتي وني اكل بأظافري واهز برجليه
من التوتر گال
فهد.... وهمه بكيفهم ياخذوهه غير احركهه
عليهم
والله مايوصلون لأظفرها
وانتي شبيج تاكلين بأظافرج والدمعه بعينج
مدام اني موجود اليوصل يمج اكسر رجلي
ارجعه بأمه وحق الله اذا اشوفج ظايجه
وتاكلين بأظافرج هسه اطلع لبغداد اسوي
مشكله وارجع
عافتني وراحت للغرفه انتبهت لنفسي شدعوه
هلگد انفعلت شبيك فهد انته مو دگول بعد
ما افكر بيهه شو چنك حنيت
يجوز لان طلعت من علاقه فاشله وشفت اهتمام من توته هيچ حسيت
تسنيم.... ردة فعل فهد حلوه ومحلوه
حلوه شفت اهتمام وخوف عليه من عيونه
ومحلوه لأن متناقض ساعه يصدني ويبعدني
عنه وساعه يحسسني مهتم بيه
بس هذا بعد ميفيد لان اني اخذت قرار مدام
مراد يحبني مراح اكسر گلبه اثنينهم ميصيرولي حتى
لو عيوني متشوف غير فهد
حب طفولتي ومراهقتي وشبابي الي فتحت
عيوني علي حب عذري مابي دغش
حظرت ملابس الدولم وكتبي
صبح الصبح رحت للمدرسه تفكيري مشوش
عقلي يجيب ويودي شنو راح يصير مين
طلعولي
وشنو الغايه من هذا كوله دخلت للأمتحان
اريد احل ما گدرت ولا سؤال حليت
انطيت الورقه فارغه وطلعت جان امتحان
ست ابتهال استغربت لان اني وعسل
متميزات عدهه
وره شويه طلعت عسل
عسل.... من طلعت توته و ورقتهه فارغه ظليت مصدومه هي شبيهه البارحه من
تخابرنه مكمله الماده ومسيطره ليش انطت
ورقتهه وما حلت الاسئله ظليت بقلق اريد
بس اخلص امتحان واطلعلهه
أنت تقرأ
لعلَ الحب ينصفني
Fiksi Umumفتاة يلعب القدر معها لتفقد والديها بحادث سير لتبقى تواجه وحوش البشر لتتلقى هجومآ من زوج خالتها وتظطر ان تصمت ولا تبوح بوجعها لأحد تارتآ يتحرش بها وتارتآ يظربها ويهينها لتتذوق مرارة الحياة تقع في حب ابن خالتها ولكن الاخ الثاني يقع في حبها فما مصير ه...
