لعلَ الحب ينصفني

البارت الرابع

لعلَ الحب ُ ينصفني
بقلمي....
زهراء الشمري 🌿
البارت الرابع.
مساء الحب والسعاده على عيون احلى كيكايات
اليوم البارت من وقت لان بالليل عندي خطار
واخاف ما أگدر انزل احبكم

***********.. ***********

مــــو ســـاكــت لأن مــا ظــل كلام أحچـــي
الكــلام المــو بـوكتــه الـوادم تملــــــــــه.

وشنهــي الفــايــده لــو كثـــروا اليحچـــون
اليسمعـــون الحچــي بهـذا الوكــت قلــــه.

***********. . ***********
اختنگت حيل شلون ياربي ما اخلص منه ومن سوالفه
مو اني بگد بناته ميخاف الله المن احجي والمن اشكي منو يصدگني
گعدت ادرس لان بكلوريا چان عندي امتحان
انگليزي وفهد قوي بالأنگليزي بس اني من كبرت
صرت استحي حتى احچي وياه
بس مراد علاقتي بي قويه نسولف ونضارب
بس نتناگر ابد ما نصافه على برائتنه
من سألتني ريم شبيج گلتله مابيه شي وخدي
احمر من الشمس بس اريد اطلب منج شي
عندي امتحان انكليزي واستحي من فهد
ريم..... مو تدلل توتتنه هسه اني اخذج اله جيبي
كتبج وتعالي
... رحت وياهه واني من اصير گباله انسه نفسي
ارتبك ارجف
اخذتني ريم لفهد جنت لابسه تراك ومسويه شعري
ظفيره ورافعته بف من گدام چان گاعد يلعب
بموبايله
ريم.... فهودي توته عدهه امتحان انگلش وتستحي
تطلب منك تقريهه واني دا احچي وي فهد طبت اسراء بنت عمي شايله كتابهه
تريد فهد يقريهه فهد چان مخلي عينه على اسراء
چانت ظخمه شكلهه اكبر من عمرهه بس اني
چنت ابد ما ارتاحلهه خفيفيه مو ثگيله
اسراء...... هلو شلونكم فهد موجود خاله
...... هله اسوره اي موجود طبي بالغرفه تلگي
تسنيم.... فهد احتار المن يقري اني مدنگه وهي تتنعوص بحچيهه رفعت راسي عليهم
فهد قريهه واني بعدين عفتهم وطلعت كعدت بالهول
علمود اسمع شيحچون
بده يقريهه واسمع ظحكهم وشقاهم وهنا بدت
مشاعر الغيره تتحرك بداخلي
شويه ويصيح فهد على نوره يريد كلاص مي
نوره بالحمام رحت جبتله كلاص مي انطيته المي
مدري ليش ظليت واگفه قبل لا يشرب قدملهه
وهي ما جذبت خبر تريد حجه
اباوع عليهه خلت ايدهه على ايده اتخبلت عفتهم
وطلعت حتى ما اهتميت للامتحان قريت شلون ما چان
فهد..... من اشوف اسراء ابداخلي شي يتحرك
احبهه چانت صف رابع اعدادي
اجت ادرسهه تحجي وياي بنعومه قدمتلهه گلاص
المي وتلامست ايدي وي ايدهه تحركت مشاعري
اي يمكن احبهه نسيت تسنيم منتظرتني اخذني الواهس وي اسراء ودلعهه من خلصنه دراسه
جانت لابسه ظيك اني اظوج من البنيه الي تلبس
ظيگ كلتلهه
اسوره اطلب منج طلب
اسراء...... گول انته تدلل استاذ فهد
.... بعد لا تلبسين ظيگ
غمزتلي وابتسمت وراحت شويه وصحت تسنيم
اقريهه بس ما اعرف شنو السبب الي خلاهه متريد
بعد ادرسهه اني هم ما اهتميت الهه
چان همي الوحيد شلون احصل رقم اسراء
وهي وحده ماكو غيرهه اروح لمراد وهو ينطينياه
بس لا هذا يفظحني خل اخذه من تلفونه بدون ما
يدري
اخذت تلفونه بحجة انقل رقم لجهازي اخذت الرقم
واني حيل فرحان
صارت ساعه بال١٢ بالليل ودزيتلهه رساله
أسو اني فهد اگدر اتصل بيچ عندي موظوع وياج
وصدگ ثواني وترمشلي دگيت عليه
.... الو
.....الو هلا وغلا بالزين كله هلا بأبن عمي
.... بالمهلي شلونچ اسوره
.... اذا انته زين ومرتاح اني زينه
... شخبارج
..... شبيك فهوده هي مال كاكو مو ستوني يمك
اطلعلي بالنظيف شنو شكو شعندك من موظوع
.... والله تردين الصدك اني حيل معجب بيج
..... واني هم احبك ومعجبه بيك
... استغربت بسرعة جوابهه وبنفس الوقت فرحت ما تعبتني بسرعه تجاوبت ويايه
بقينه نسولف الليل كله حب وغزل اني وياهه
گمت اغار عليهه حتى من مراد
مرة فتره على علاقتنه بديت اعرف عنها هواي شغلات
انتظر يوم يوم علمود تجي لبيتنه واسرح بعيونهه
واسمع ظحكتهه افرح من اهلهه يجون علينه
بهاي الفتره ابويه ياخذ اجازه بفلوس من الدوام
ويطلع للخارج على ما افتهمت مره من المرات وهو يخابر يشتغل شغل ثاني وره الدوام بس ما عرفت شنو نوع الشغل
وبيوم گعدنه الصبح ساعه بالعشره گعدت على صياح مره جيرانه وامي لگيتهه تبجي وتخرط بخدودهه
..... ها يوم شبيج منو وياج شصاير
ريم.... يمعود هذا اخوك اذا ما جابلنه مصيبه
يشمر طابوك على الطيور وبتهم گاعد تدرس بالسطح واگعه عليهه طابوكه وهو الأفندي يصوفر
نازله لأمهه گايلتلهه يتحرش بيه ويشمر طابوك
اجت ظلت تغلط وتفشر كدام الناس
فهد.... من سمعت حجي ريم وشفت امي صعد ظغطهه صعدت للسطح سحلته من ياخته
وظربته عالرغم من هو شكد چان طبعه مو زين
بس امي زرعت بينه احترام الچبير حيل يحترمني
وميرد عليه
...... انته شلون بيك فوگ فضايح ابوك تريد تفظحنه
بالمنطقه ولك وحگ علي ابو الحسن اذا تبقى هيج
هيلگ وملگلگ شكو طير بالسطح اطيره
انته ما تنقهر على امي مو والله راح تموت من
وراكم
تسنيم...... حيل انقهرت على خالتي غسلتلهه وجهه
وريم سوتلهه عصير وفرشنالهه ونامت
صبح الصبح رحت للمدرسه وعسل صديقتي ما
مداومه ظل بالي اريد بس يخلص الدوام واروح
اتصل عليهه چنت اخابر من تلفون خالتي
خالتي وعدتني اذا نجحت من الثالث تشتريلي موبايل
رجعت للبيت وبعدني بهدوم المدرسه اتصلت على
عسل فتحت خط وهي تبجي ودگلي
عسل..... چلب حيوان ميخاف من الله ولج توته عمي اخو ابويه شفته يتحرش بأختي هم
شسوي
گليلي تعبت نفسيتي ادمرت