لعلَ الحب ينصفني

البارت٢٤

لعل الحب ينصفني
بقلمي
زهراء الشمري ☘️
البارت ٢٤
مساءكم حب يا احلى وارقى بنات متابعاتي
الجميلات
تصويت +تعليق تفاعلكم
واطلب منكم طلب صغيرون المشهد الي يعجبكم اريدكم تنشرو بالفيس علمود القصه تنعرف وتصعد
احبكم
       .............★★★.............
بس ارجع
اكلك هاك حب اشبع
ولا تسألني ليش شصار
صارت نار
روحي وصبري ما ينفع
و ما اقنع صرت
بس بيك صرت اقنع
واذا ما مقتنع شاعر صرت بجفاك
هاي اشعاري هاك اسمع
احبك ثم احبك ثم احبك دوم
من اول نفس لاخر نفس يطلع
ومن اقرب نجم لابعد نجم يلمع
و ابيعك حب ابد
ما يضعف ويطفه
واذا مو للابد يرجع
بس ارجع
         .............★★★.............
فهد....اعصابي تلفت شنو هذا الحجي هذا منين صحت بصوت حسيت العمليه انفتحت
من گد ما اعصابي مشدوده من نار الغيره
الي شبت بگلبي تسسسسسسسنيم
تسنيم....حسيت گلبي وگف من صاحني بعصبيه حتى خالتي گالت ياستار ياربي
هذا شبي
...والله ياخاله ما ادري ستوني عفته يظحك
عزه دروحي روحيله شوفي شيريد
تسنيم....رحت واني رجليه يرجفن لان هو من
يصرخ بصوت عالي عليه الا اذا معصب
وصلت يمه وگال
فهد....دخلت شفتهه خايفه صحته
تعاي گعدي هنا وفهميني هذا منين
تسنيم....واني كولشي ما مفتهمه شنو الموظوع گلتله منو وشكو شصاير
فهد....لاتستغبين عليه هذا الرقم كاتبلج خاف
حظرتيني من ذاك الرقم وراج وراج
تسنيم....عزه العزاني كولشي بيه يبس حسيت
جسمي مات من الخوف ما اعرف شلون ابررله
سكتت من الخوف والرهبه
فهد...لاتسكتين وتخلين يطبگ براسي الحار
وي البارد بصوت عالي ولللللج فهميني شنو
الموظوع منين هذا وشيعرف عنج
تسنيم....والنبي ما ادري من انته بالعمليات
چنت منتظره خالي يتصل ايدي على الخظره
وهو اتصل بدون ما انتبه فتحت خط
وبس سمعت صوت ولد سديته وحظرته
فهد....اي افتهم منين جاب رقمج وين يعرفج
هذا مبين كولشي يعرف عنج
تسنيم....حيل ظجت وانقهرت من اسلوبه
مخليني بموضع اتهام حسيته يگلي انتي
تعرفي صرخت بوجهه ودموعي نزلن من القهر
...اي فهد لهنا وكافي تره ميصير يعني اني شنو ذنبي شمعرفني منين جايب رقمي
ودا تحاسبني
فهد....وليش ضميتي عليه اذا ماكو شي غلط
ليش مگلتيلي
تسنيم....فهد شبيك شنو ضميت عليك تره
انته چنت مريض و وضع ميسمح احجي وياك
بشي دا تشكك بيه
بده يصرخ ويعيط عليه واني بس ابچي
فهد....اني الي قهرني ضامه الموضوع عبالك
بايگه بوگه شويه وتجي رساله ثانيه من نفس
الرقم صورتهه ويگلهه تذكرين هاي الصوره
اني هنا جن جنوني
تخبلت صورت تسنيم ومن واحد سافل شلون
حصل عليهه لزمتهه من ايدهه بقوه
استلم تفظلي وهاي صورتج منين جابهه يله.فهميني واعتبريني طفل وقشمريني صورتج شتسوي يمه والله اعلم بعد شعنده
الج
تسنيم.....اني شفت الصوره مالتي ونسيت اتهامات فهد نسيت وجع ايدي الي نخلعت من
گد ما يجر بيهه بقوه ماعرفت شنو اجاوب
تسرطنت
ضليت واگفه صنم وهو يصرخ ويصيح
ضرب ايده بالميز لان ما اجاوبه واييده نجرحت چان اكو بسمار طالع من الميز خرط چف ايده وخلهه تنزف
ردت الزم ايده دفعني
رحت لخالتي ابچي
ام فهد....ها يمه شبيج مدگلولي شبيكم ساعه
زينين ساعه اگول ذوله هسه على اي ساعه
يتعاوفون والله خبلتوني عين الماصلت على النبي
تسنيم....خاله اني تعبت تعبت منه اتحمل وادوس على نفسي وهو ميغير من طبعه
بدون ميسأل وميسمعني يحاسبني
ام فهد....امشي وراي
تسنيم...ما  ما ماروح خلي هسه عصبي صاير
نار
ام فهد....خل افتهم السالفه اول شصاير
تسنيم....واحد سافل مدري يابت حرام دافعته
عليه ودازتله صورتي و وگع بيد فهد
ام فهد....عزه العزاج ولج بس لا الصوره بملابس بيت شي بلا حجاب
تسنيم....لا صايره شريفه الي مطيتهياه ودازتله
وحده لابسه حجاب
وج خاله اني التفكير موتني هاي الصوره
بس بجهازي لان ماخذتهه بتلفوني بالكليه
وي صديقاتي حتى صديقاتي رادنهه ومدزيتهه
الهن دا اقهر بيهن لان بيهه حركات وسوالف
بنات منين جابهه هذا المخبلني
والصوره مگصوصه
يعني احد ماخذهه من جهازي وگاصهه ومطيهه اله
ام فهد...شنو تلفونج منو يلزمه ومو بي رمز
فهد.....ايدي حيل اذتني رادت تشدهه اليه
وماخليتهه لان معصب طلعتهه من الغرفه
اريد اهدء وافكر شسوي
لازم اعرف صورتهه منين جابهه
لليل وهي حابسه نفسه بالغرفه حتى مقبلت
تتعشه واني هم ضايج منهه
مو لان ماعندي ثقه بيهه لو شاك بيهه
بس ما اريدهه تصير فاهيه وعلى نياتهه
وتأمن للرايح والجاي هسه وكتنه الصديق
مو أمان الاخو تخاف منه
كملنه عشه وگلبي گام يرفرف عليهه ولازم
اگعد وافتهم منهه السالفه علمود اعرف اصرف
گمت سويتلهه لفة كبه وخيار وطماطه وصبيتلهه چاي بكوب
ورحت لغرفتهه لگيتهه طابه جوه اللحاف
خليت اللفه والجاي على الميز رفعت اللحاف
لگيتهه تبچي
...... عييييع ولج شنو هاي العيون والخشم
يجرن سوه وين الأنوثه بالموضوع
تسنيم....عابتلك ميلي بس دموع وخر اني مزاعلتك
فهد....بويه بنيتي مزاعلتني اكو وحده تزعل من باباتهه
دگومي يله تعشي
تسنيم ...ما ما مااريد عفيه عوفني خليني بحالي
فهد....تره احترمتج هواي گومي اكلي وخلينه
نتفاهم خل افهم الموظوع
شويه ودخلت امي
يوم تعاليلهه لان مابقه عرج براسي يله خل
تاكل لگمه وتگعد تسولفلي السالفه
ام فهد....گومي ماما لخاطري حبيبتي لا تعبوني خل نشوفلج حل لا يروح ينشر صورتج
لو يسوي عليهه سوالف مكسره
تسنيم....خفت من حچيهم گمت اخذتلي لگمه
لان ما اشتهي من الخوف والقهر بس علمود
اسكتهم بس شربت الچاي لان راسي حيل
اذاني احسه يريد ينفجر
فهد....يله هسه سولفيلي منين هذا وشلون وصلت صورتج بيده
تسنيم....ما ادري
فهد....خرب هبل هم گالت ما ادري
ام فهد....ولك يمه هو هيج اليتفاهم حتى لو
تريد تسولف من الخوف الحچي يطير منهه
تسنيم....علمود من ازعل مدگولين ليش شوفي
شلون يتهمني هسه هو يشك بيه
فهد....مو اشك بابا افهمني انتي تبقين فطيره
هاي الصوره المن مطيتهه يعني عدمن بجهازمن
تسنيم....والنبي ما دازتهه لأي واحد بس بجهازي حتى صديقاتي رادنهه بس مادزيتهه
دا اشاقه وياهن علمود يتوسلن بيه ناصبه
عليهن
فهد....انتي تردين تخبليني جن جنوني بزايد
يعني الصوره من جهازج طلعت هسه لو عدنه
جهال اگول بالغلط اندزت
تسنيم....ما ادري والله ما ادري اني شعليه
گمت ابجي واصرخ بوجهه لان تعبت من التفكير وهو هم اخذ جهازي فتح الحظر
واجت الرسايل الي دازهن كومه وهو يقره
ويغلط ويصيح واني ابچي صاحت خالتي بي
ام فهد.....فهههههد لهنا وكافي راح اطلع اذا
ارجع لتوته والگه دمعتهه بعدهه على خدهه
لاگلبي ولا ربي يرضن عليك بعد تحلم احچي
وياك
فهد ...طلعت امي وهي مچلبه بأمي اول مره
اشوفهه هيج خايفه مني واني اول مره انفعل هيج
سحبتهه من ايدهه بستهه من راسهه رفعته
باوعت عليهه ودموعهه عله خدهه وعيونهه حمر دم
فدوه اروح لعيونج لا تبچين والله مو قصدي
تسنيم....اني والله ما دازتهه لكل واحد
فهد...ادري بيج والله
تسنيم...لعد ليش هيج تصيح عليه واذيتني بأيدي
فهد...والله مو بيدي الغيره صعدت براسي
تسنيم...فهد ميصير اني مقدره غيرتك عليه
بس مو هيج تره البشر عنده طاقه واخاف
طاقتي تخلص ونوصل طريق مسدود
صح هي الغيره حلوه بس مو على كلشي
تغار ياما ابيوت خربت من وره الغيره
حبيبي مرات الغيره تنگلب شك
فهد....حقج والله احاول الزم اعصابي منا وهيج هسه خلي بس اعرف الچلب الي دازه عليج هذا السافل وارتاح وشتريدين اني حاضر
تسنيم....كولشي ما اريد بس اريد من تصير مشكله مو بسرعه تتهمني افتهم مني الموظوع
انطيني فرصه اشرحلك يالله ذاك الوكت تعصب
فهد...دتعالي بحظني هسه واني اسف بعد
متنعاد بس يمج طلب
تسنيم...گول
فهد....شنو گول گولي تدلل
تسنيم...يابا تدلل بعد
فهد....اريدج متلبسين تنوره بعد
لو عباية راس لو اسلاميه بشت اي شي يستر جسمج
تسنيم....مو تدلل بس عباية راس بس بالزياره
والبس عبي اسلاميه وبشتات
فهد ...هذا الرقم لا تحضري اذا اتصل صيحيني علمود اعرفه منين
وخل انزلج برنامج كاشف الأرقام علمود اعرفه
يجوز يطلع عرف
تسنيم....تدلل يالله روح خل انام
فهد....ها هيچ صارت هسه صار بيه كخه متريديني بسيطه اظمهن الج بوكتهن
تسنيم....عافني وطلع الحمد الله من استوعب
الموضوع بس اني بداخلي خايفه وقلقه
لان اعرف فهد ميسكت الا يعرف منو صاحب
الرقم
ثاني يوم سوينه سمجتين ام الكيلوين شوتهن
خالتي بالتنور وفهودي جاب خبز حار
وريم ورجلهه عزمناهم على الغده اتأخرت ريم
بس اجت ضايجه چانت يم الدكتوره
كلما نريد نصب غده ريم دگول شويه بعد
ريم....صار اكثر من سنه على زواجي وماكو اطفال وكرار واهله يريدون طفل
خابرت نور على الواتساب فتحنه كامره شافتني ضايجه والدمعه بعيني
نور...شبيج ريمه شو مو على بعضج شويه وتبچين صاير شي
ريم....والله مقهوره خالتي وحمواتي كل شويه
يسمعني حچي يردون اطفال وهاي حماتي
تقهرني بالزايد البارحه اجتي يمنه دگلي شلونج ام غايب انقهرت انفعلت عليهه تعيرني
دگلي خلفله على اخويه ما مزوج عليج لهسه
عاجر انتي
بچيت من كل گلبي
نوره...والمدلول رجلج شنو موقفه
ريم...رجلي فقير يخاف منهن اخذني وصعدنه للغرفه ولج ابداية زواجي شلونهم حبابين
شو صارلهم كم شهر انگلبو طناطله عليه
نوره.....هسه تردين اغيرلج جو واطلعج من هذا القهر
ريم...والله علواه لان طالعه روحي
نوره...باجر اني يمج تعالي الصبح يم اهلي وي
الغده اوصل
ريم....جذابه وهسه انتي وين
نوره...بتركيا والصبح نطلع للعراق
ريم....سديته منهه واني حيل فرحانه صار اكثر من سنه ونص مشايفيهه
رحت الصبح للدكتوره لان بعد ما اتحمل اني وكرار واصريت على الدكتوره ادخله ويايه
علمود اذا السبب مني اخلي يزوج
سوتلي تحاليل كامله وسونر كولشي طبيعي
طلبت منه تحاليل بس هو خاف لان اني سليمه تحاليلي طلعت صارت عنده ردت فعل
ماقبل يسوي تحاليل
رجعنه واني فرحانه بنفسي وفرحانه بنوره
اجينه لأهلي ملگيت نوره وهمه منتظرينه
كلما يردون يصبون غده ما اخليهم شكو بيه
گلتلهم صبو براحتكم صبينه غده وگعدنه
شويه ونوره شبگت امي من وره وتوته صرخت كلنه گمنه نهوس من گد ما مشتاقيلهه
بوسناهه وامي خطيه هي تبچي ونور تبچي
خالد سلم علينه وراح لأهله
نور خطيه راحت ركض لغرفة مراد مالگت جربايته شبعت بچي
گوه قنعناهه خوفناهه على امي شوفناهه تصوير من جانت امي مشلوله وگوه الله شافاهه
مسحت دموعهه ورجعت لحظن امي
تسنيم....حيل فرحنه بجيت نوره مخبوصين
بيهه بهاي الأثناء يتصل نفس الرقم
رحت اركض لفهد چان گاعد يمه كرار اشرتله اجاني للمطبخ
فهد....من صاحتني اترخصت من كرار وگمت
نفس السافل متصل عليهه گلتلهه
افتحي خط واحجي وياه طبيعي
تسنيم....فتحت خط واني گلبي يدك بسرعة البرق من الخوف والقلق والتوتر وفهد بصفي
وترني اكثر