لعلَ الحب ينصفني

البارت ١٩

لعل الحب ينصفني
بقلمي..
زهراء الشمري ☘️
البارت١٩
مساء الحب حلوياتي
اسفه على التأخير
لاتنسون تصويت وتعليق احبكم
#ﺇﺷــﺘﻘــــــــﺖ_ﺇﻟﻴــــــڪ

#ﻭﻣــﺎ ﺑﻴﻦ ﻟﻘــﺎﺀ #ﻭﻟــﻘﺎﺀ

#ﺗﺘﻼﺷــﻰ_ﺍﻟﻌﺒــﺎﺭﺍﺕ

#ﻭﺗﻨﺘﻈﺮ_ﺍﻟﻬﻤﺴــﺎﺕ

#ﻣُﺪﻭﻳﺔً ﺻــﻮﺗﺎ ﻣﻦ #ﺍﻟﻼﺻــﻮﺕ

#ﻓــﺗﺒﻘﻰ ﺍﻟﻜﻠﻤــﺎﺕ ﺳــﺎﻛﻨﺔ #ﻣﺤــﻠﻬﺎ

#ﻣﻨﺘﻈــﺮﺓ ﻣﻦ ﻳﺤــﺮﻛﻬﺎ ﻣﻦ #ﻣﻜــﺎﻧﻬﺎ

#ﻓـﻳﻌــﻢ ﻉ ﺍﻟﻠﻘــﺎﺀ #ﺍﻟﺴﻜــﻮﻥ

#ﻭﺗﺘﺒــﺎﺩﻝ ﺍﻟﻨﻈــﺮﺍﺕ ﺑﻴــﻦ #ﺍﻟﻌﻴــﻮﻥ

#ﻓــﺳﺒــﺎﻕ ﺩﺍﺧﻠــي ﺇﻟــﻰ ﻣــﻦ #ﻳﺒــﺪﺃ_ﻣﻨﻬﻤــﺎ

#ﻭﻳــﺮﺍﻫــﻦ ﺍﻟﻘــﻠﺐ ﻛــﻞ ﻣﻨﻬﻤــﺎ #ﻉ_ﺍﻟﺒــﺪﺀ

#ﺣﺘــﻰ ﻳﻜــﻮﻥ ﻟﻠﻤﺸــﺎﻋﺮ #ﺩﻭﺭﻫــﺎ

#ﻓﺘﻨﻄﻠــﻖ ﺍﻟﺤـــﺮﻭﻑ #ﻣﻦ_ﺍﻟﺼﻤﺖ

#ﺑﺼــﻮﺕ ﻳﻘــﻮﻝ ﺇﺷﺘﻘــﺖ #ﺇﻟﻴــڪ ...
       ............................................
              ........★★★........
تسنيم...سديت التلفون من عسل ورحت يم خالتي تبچي من كل گلبهه تباوع على مراد
الي وضعه يبچي وحالته النفسيه متأزمه
مدري تباوع على الأب الي جاب وحده لا أصل ولا فصل من غير دوله من سوريا كولشي
منعرف عنها
وهو مكيف بحچيهه تأبرني ويشكول اسي
وابن عمي براغيه مرتخيه
ولا يمه وضع البيت والي دا نمر بي بسبب
وضع مراد ضارب الدنيا چلاق
تبچي ودگول
ام فهد ....چنت ابچي على واحد صارو اثنين
توته خاله اني ما الي حظ لا برجل ولا بزر
تسنيم....لا خاله لادگولين هيج الله يحفظلج
الولد
ام فهد....يا ولد خاله الچبير من وره اخو حتى شغل مايطلع وذاك لايرضى اخذه واسافر
بي ولا يرضى يتعالج هنا
والابو مايدري بينه
عدلين ميتين وجابله وحده مدري منين
لا وگفو ولده بهينه ولا العشره الله ينتقم منه
حسبي الله ونعم الوكيل
تسنيم...اسمع وابچي على حالهه تكسر الخاطر
هي تبين ممهتمه بس احس بيهه تريد تموت
من الغيره حتى لو بينهم مشاكل وحتى لو
تكرهه
المره تنذبح ولا يتخله فوگ راسهه ضره
الضره مره
وهي هم ذيچ تسوي كولشي في سبيل تقهر
خالتي
بهاي الفتره فهد گعد من الشغل قررت اجيبله
طالبات ويايه وياخذنه خط هم يشتغل وهم
هو الي يوصلني
وگام كل يوميه يوصلني للكليه عالرغم هو
حيل يحبني بس بارد ميعرف يعبر
مرة الأيام وهاي السوريه گلبت حياتنه حيل
مسيطره على جبار مامحتشمه ابد
مدگول اكو شباب بالبيت لبسهه فاضح
وهو مكيف مقشمرته بحجيهه الحلو
بسببهه فهد ميتواجد بالبيت يطلع بالليل ميرجع
لليل في سبيل ميشوف خالتي مقهوره
وبدت خباثتهه اول خطوه سوتهه بالبيت
رادت بس تخلص من ريم لأن چانت ريم هي
الي توگف بوجهم خالتي فقيره ومتحچي
ملتهيه بضيم مراد
مرة فتره بين دوام وبين البيت
الي چان مريحني بالدوام فهد ويايه بالخط
وبيوم وصلنه للكليه دخلنه للگراج واباب الكليه
الشرطه يفتشون على الباجات
واحد من الشرطه ضل يباوع عليه مركز بيه
كل شويه وابتسملي واني مدنگه لو اسوي
نفسي مغلسه
وي رفعت راسي لگفه فهد وچانت اول مشكله
وزعله بيناتنه نزلن البنات وصاح
فهد....من شفته يبتسملهه نار اشتعلت بگلبي
وهي رافعه راسهه وتباوع علي اجيت
اضربهه گدام صديقاتهه مدري شلون لزمت
اعصابي
نزلن البنات وصحت عليهه
توته لاتنزلين اوگفي ابقي بسياره اريد احجي
وياج اشرت لصديقاتهه عافنهه وراحن
...شيريد منج هذا الكلب ابن سطعش كلب
ليش يظحكلچ وليش يباوع عليج
تسنيم....واني شكو شعليه متروح تسأله
فهد...لا تعصبيني وتكفريني اني شفتج تباوعيله وهو ابتسملج
تسنيم...شبيك انته تخبلت شنو اباوعله رفعت
راسي وهو ابتسم شعليه اني
فهد....توته اذا رفعتي راسج مره لاخ والحسين
الشهيد اشعل صفحة الخلفچ سمعتي
من تشوفين هيج نماذج تعبانه دنگي وروحي لغير مكان افتهمتي لو اعيد الكليشه
واني لو ما سمعتج بالكليه چان سحلته
بنص الگراج بس اخاف عليج
تسنيم...حيل استهظمت لان اني ما الي ذنب
من نزلت صاح
فهد....وبعدين شنو هذا لبسج بعد بنطرون متلبسين افتهمتي بالبيت نتحاسب
باوعتلي بنظره كسرت خاطري حسستني
اني حيل قسيت عليهه بس مو بيدي اغار
عليه
خلصت الدوام واجت هي وصديقاتهه حيل ضايجه حتى ماسلمت عليه عرفتهه زعلانه
مني شغلتلهه اغنية حبي الاول انته يادگة الگلب
نزلت الجامه وظلت تباوع ولا عبالك اني موجود
هاي اول مره هيج تزعل مني وصلنه للبيت
لگيت امي تبچي مستهظمه ويمهه ريم
...ها يمه خير شبيج
ام فهد....اوووف يمه ابوك يريد يجلطني جايبلي واحد بگد ابويه يريد يزوجه ريم
يگلي البنيه كبرت وحايره وحيرني زماني
گلبي تعب وتمرضت بسبب ابوكم وهو لا حس
ولا احساس وذاك اخوك راح يموتني
فهد...اباوع على ريم الدمعه تجري على خدهه
حيل ضجت من ابويه
بوقتهه چان طالع هو ومرته الي ماتفاجأنه من جابهه لان اني كولشي متوقع منه
وره العشه اجه ابويه گعدت اسولف وياه
ودار حديث طويل بينه والي افتهمته يريد
يخلص منهه
گلتله على چثتي ريم تنطيهه لهذا الرجال شنو
صامت صامت وتفطر على حرشايه
شنو تزوج واحد بگد ابوهه
اخذ مرته ودخل لغرفته بهاي الفتره امي هجرته بعد ما رادته باقيه بالبيت علمود مراد
الكل نام واني روحي وعقلي يم توته لان حتى عشه مقبلت تتعشه
ادزلهه رسائل مترد عليه ضجت حيل
اتصلت عليهه ٣مرات وهم ماردت بقيت گاعد
بالصاله مايجيني نوم اتصفح بالفيس
شويه وخطفت من يمي للمطبخ اباوع عليهه
ادور شي تاكله رحت وراهه
...بنيتي جوعانه
تسنيم...كتلني الجوع وفهد يتصل ويراسل
وما اجاوبه لان حيل جرحني حسسني اني
مكيفه من واحد يتحرش بيه
خليتهم كلهم ينامون ورحت على اطراف رجليه للمطبخ ادور شي اكله
وافز على صوت فهد ....بنيتي جوعانه
تسنيم....معليك بيه روح نام احسلك
فهد...ها هيچ تحچين ويايه
تسنيم...اي
فهد...مزاعلچ لعد
تسنيم...لا حباب صاحبني والله يا الله على اساس اني ما مزاعلتك
فهد....اروح فدوه للزعلان
تسنيم....سحبني من ايدي فتح باب المطبخ جرني للحديقه دفعني عالحايط
اول مره اشوف فهد بهاي الحاله من الحب
والاشتياق گال
فهد....من دگلي مزاعلتك وتحچي ويايه بهاي الطريقه مال الأطفال نار تشتعل بيه
احس برغبه اتجاهه قويه ما اسيطر على
نفسي سحبت اديهه وطلعتهه للحديقه اخاف
احد يشوفنه بالمطبخ
واني بداخلي بركان من الشوگ سرحت بعيونهه قربت وجهي على وجهه وعيوني
تسرق نضره لشفايفهه ونضرات لعيونهه
الكبار النعسانات
....اوووف مو بعد ما بقى صبر يمته اخليج
بحظني واحس بدفو ولج نار بركان مشتعل
بيه اشم بعطرهه وروحي احسهه تطلع
اختلطت انفاسي وي انفاسهه
تسنيم....اباوع على عيونه صارن دم حمر
وهو يتغزل واني كلما يتقرب عليه رجليه
يموتن ما أگدر اوگف عليهن گوه لازمه نفسي
من صار وجهه قريب على وجهي
دفعته
...شبيك لو مو تحچي كلام حلو ما اصاحبك
مزاعلتك
جرني مره ثانيه من ايدي
فهد....گوه لزمت نفسي لو ما دافعتني چان
دست حتى على الخط الأحمر
ورجعت جريتهه من ايدهه ما اريدهه تروح
...واني ما اعوفج اذا متصاحبيني
حبيبي والله مو قصدي بس غرت مو بيدي
تسنيم...وهيج تجرحني اني شعليه والله اني
مامتعمده ارفع راسي
فهد...ادري بيج والله اسف
تسنيم...واللبس شنو شبي للبسي
فهد ..دتعالي نگعد بالحديقه ونسولف
گعدنه وهاي اول مره اخذ راحتي وياهه
حبيبي فدوه اروحلج بنطرون لا تلبسين حتى لو مانتو طويل بس هو يبرز جسمج
لبسي تنوره عبايه اسلاميه لخاطري
تسنيم....مو يدلل الحلو بس لاتظوج
فهد...باوعت بعيونهه وگلتلهه
احبچ احبچ وداعت امي احبچ وما اشبع
منچ كلما اگعد وياج اشتاقلج اكثر تدرين
تسنيم...لعد خل اروح احسن ما تشتاقلي
فهد...اي انتي ترديهه من الله على الله بس
تنهزمين وتعوفيني ولج خليني منطلق
خليني اهيم بهاي العيون الي مسهراتني ليلي
تسنيم...احبك وما امل منك
فهد..اروحلج فدوه
تسنيم...صارت ساعه ب٢ واني حيل نعست
واستحي اگوله بس هو من شافني گمت اغفي
فهد...اسولف وياهه وبدي متخلص السوالف ولا الليل يخلص بس شفتهه نعستهه
..گومي حبيبي نامي وراج دوام
گومي ياروح فهد ادري بيچ دا تجامليني
تسنيم...... هههههههههههه اي والله دا اجاملك
كتلني النعاس يله تصبح على خير
و وي ما اريد اگوم احس بوسه دافيه تنطبع
على خدي يبوووووو ضيمي معت گعدت على حيل گلتله
هسه اني شلون اگوم راح اغفه هنا
دخت مدري شحسيت
فهد....حسيت برغبه قويه اخذ بوسه طبعتهه
على خدهه بكل حب واشتياق بس خطيه
هي ماعت ما استحملت طلعت بوخه
بت خالتي من اول بوسه وگعت هههههههههههه
تسنيم....گام يقلد عليه خجلت عفته ورحت
وكل شويه الزم خدي واشم ايدي
لمسات ادياته على ادياتي
غفيت وما حسيت الا على ترميشة فهد لان
هو الي يگعدني للدوام انطيته رفض وگمت
غسلت لگيته يم المغسله حسيته متعمد ينتظرني بس اني حيل خجلانه منه احس نفسي مسويه جريمه البارحه
فهد....اشتاقيتلهه اكثر البارحه وتقربي منهه
علقني بيهه اكثر رحت يم المغسله انتظرهه
وهي مستحيه صبحت عليه
...صباح العافيه يابعد عافية فهد
تسنيم...حيل خجلانه منه غسلت وردت اروح
لزمني من ايدي
فهد....تريد بس تنهزم منيه
...شنو ماكو بوسة الصبح
تسنيم...ها فهودي شنو استلهست طماع
عفته ونهزمت بدلت وطلعنه وطول الطريق
مشغل حبي الاول اغنيتنه المفظله اول اغنيه
سمعتهه من بعد فراگنه مع العلم اني ما اسمع
اغاني قليل
من وصلت للدوام رحت للنادي اتريك اتصل عليه حيدر وهو متواصل وياي كل شهر يجي
مره علمود اهله ميحسون
اتصل عليه وگلي باجر اجي لازم نتفاهم
خفت حيل ما اعرف شكو شصاير
وره نص ساعه اتصل عمي ابو علي
گلي بويه باچر يجيج حيدر علمود تتفقون عالعرس طولتوها
اني هنا حيل ظجت والكأبه صعدت فول عندي
رجعت للخط لگيت فهد ينتظرني بالگراج
واني صفنه تجيبني وصفنه توديني ماعرفت
شگول لعمي
شسويت بنفسي ذوله خاف يجبروني ازوج
واني شرعآ مطلقه
فهد...من صعدت توته على طول الطريق واني
عيني عليهه متوتره ماحچت ولا حجايه
حسيت بيهه شي وصلت البنات وبقينه وحدنه
مارجعت للبيت بقينه نفتر
...شكو شبيچ ليش هيج ضايجه
تسنيم...عمي خابرني وحيدر يگلي راح ادزلج
حيدر باجر اتفاهمو واختارو يوم تعرسون بي
اني هسه شسوي بالله
فهد...هو بكيفهم زلمه الي يوصلچ تحجين
صدگ خاف قبل چنت جبان واداري مشاعر
العالم لا هسه اليوگف بوجهي اسحگه لو ابوي
انتي بالنسبه اليه خط احمر على چثتي ياخذوج سمعتيني
ولا تظوجين اني احل السالفه خليج وراي
وصلت للبيت واني ابينلهه ما مهتم بس چذب
حسبه تجيبني وحسبه توديني
وقررت لو توته لو الموت لان مستحيل اخليهم
ياخذوهه مني ومن امي
تسنيم...الليل كله مانايمه اريد اروح لحظن فهد
وابچي وارتاح اختنگت حيل شويه
ودزلي رساله
...اطلعي للطرمه
چانت ريم گاعده گلتلهه رايحه لفهد
خطيه بقت تراقب خاف عمو جبار لو مرته
تگعد لان يفضحونه فضيحه
طلعت لگيته واگف يم الشباك شمرت نفسي
علي نسيت نفسي چان فاتح الدكم مال قميصه صار خدي على صدره بچيت بخوف
....حبيبي والله خايفه خاف يفرقونه اني اموت بلياك والله اموت
فهد...من شمرت نفسهه بحظني حسيتهه حيل
خايفه ومحتاجتني شبگت اديه حوالين
ظهرهه وبستهه من راسهه رفعت وجهه
...ولج شوفي وحق من خلق هاي السماوات
بس الموت يفرگني عنج
حبيبتي لخاطري لاتبچين تره دين مابقه براسي دمرتيني تقبلين ادخن باكيت واني
اذا اظوج ادخن باكيت
تسنيم.....لا لا حباب بعد ما ابچي حسيت على
نفسي سحبت نفسي استحيت منه
لعد خل اروح
فهد...وين رايحه دوام وماكو باچر
عندي موضوع اريد اسولف وياج بي محتار
تعرفين صديقي كرار يريد يتقدم لريم
هو حباب واهله خوش ناس شقته وحده بصف
اهله
يشتغل بمحل مال عطور واكسسوارات
تسنيم...شكو بيهه اذا خوش ولد احسن ما ابوك يزوجهه على ذوقه وانته تعرف ذوقه
من السوريا وشيل ايدك
فهد...اي باچر احچي وي امي والله كريم
بقينه نسولف شويه ومراد رمشلي راد يروح
للحمام رحت اركض علمود اگعده بالعربانه
وتوته راحت نامت
تسنيم....من رحت ماصبرت سولفت لريم
على صديق فهد وطلع مراسلهه الولد علفيس
بس ما منطيته مجال بعدين من عارف
اخت فهد معتذر منهه واجه يريد يتقدم الهه
ثاني يوم فتح الموظوع فهد وي خالتي وفرحت حيل تريد تخلصهه من ضيم جبار
مثل ما نوره خلصت وهسه عايشه بألمانيا
اخذهه خالد وراح لان عنده اقامه استقر هناك
للعصر اجه حيدر وماقبل فهد اگعد وياه
فهد....من دگ الجرس عرفت بي ابن عمهه
رادت تدخل ما خليتهه
ممنوع تدخلين للأستقبال افتهمتي
ام فهد...شبيك يمه تخبلت شجاك غير خطيبهه
فهد...يمه لخاطر العباس اسكتي يطلگهه
توته محد ياخذهه مني على جثتي
ام فهد...يالله بالله شجاك انته العاقل يمه
انعل الشيطان مابيه حيل مشاكل ولج توته
احچي شبيچ تسرطنتي
تسنيم...بكيفكم خاله اني ما ادري شسوي
تعبت
عفتهم وطبيت للغرفه
فهد....اتفقت وي حيدر من يسألو اهله يگلهم
تعاركنه وظربتني راشدي تسنيم واخذته للسيد
وطلکتهه ماتريدني گوه اخذهه
والعنده حجايه يحچيهه وياي
عافنه وطلع لگيت امي تون بالمطبخ والسوريه
تظحك صحت بيهه
..هي هي ولي منا لا افلش وجه‍ج ام حلگ
تظحگ ولي يالله منا
توته توته تعاي
ام فهد....يمه فدوه اروحلك لا تكسر خاطر
البنيه وتسويلهه مشاكل
فهد...يمه ما اسويلهه مشاكل وتوته اني بظهرهه لاتخافين وبعدين حيدر طلگه
لم فهد....لطمت على خدي يمه عزه العزاني
شنو طلگهه يمه وشلون
فهد...اليمته والشلون بعدين خل تخلص هاي
السالفه هسه وبعدين نتفاهم
تسنيم...اني بس مدنگه مستحيه من خالتي
لان ظميت عليهه وريم زعلت عليه لان
ما مسولفتلهه
ثاني يوم من الصبح يغبش عمي ابو علي
وعمي ياسر ونسوانهم
فهد...اسمع صياحهم حتى التشيرت لبسته مگلوبي
دخلت للأستقبال لگيتهم يصيحون على امي
ويگلولهه انتي قشمرتيهه انتي هاي تربيتج
ماتحملت لزمت ياسر من قميصه
....لهنا وكافي سكتلكم هواي امي الي يعلي صوته عليهه انعل والدي
وتوته ابنكم طلگهه
نوال....هو انه ادري بيك خال عينك عليهه
فهد...اي عاشگهه شتردين وعلى جثتي تاخذوهه
تسنيم...سمعت الصياح والهوسه ركضت لگيت
عمامي وفهد وخالتي يتعاركون واول مطبيت
تلگتني نوال
.....هله بالعروس هله بالي ظحكت على ابنه
واني اگلهم خوفك من الفقيره من السكوتي موتي
تسنيم...لهنا وكافي طلاك وابنكم طلگني
بقت بس بالقانون طلگوني وكلمن يروح لحاله
تره والعباس اشتكي عليكم اگول طلگني سيد
ومزوج عليه ومايقبل يطلگني بالقانون
ابو علي.....ها خوش لعد تردين تطلگين بشرط
تسنيم...گول عمي شرطك بالله
ابو علي...انطلگج بس تتنازلين عن حصتج بالبيت حصة ابوج تصير النه
تسنيم...طگيتهم بظحكة استهزاء
واني هيج مخبله انطيكم ملاين ليش اتنازل عن حصتي اطلگوني وغصبن عليكم
والعباس الكم منا لباچر اذا ما طلگتوني
اشتكي عليكم واني يتيمه واذا الدوله ما اخذت حقي تعرف المن اروحن همه ياخذون
حقي خاصه يتيمه وبنيه لا حول ولا قوه.تعرفهم يكيفون على الطلايب تارسين
العراق يامكثرهم بس فزعهم
ابو علي...ولچ السانج يرادله گص ارد اشوف ياهو الي يطلگج يالله بالله
تسنيم...طلعو وهمه نار تطلع من عيونهم واحد
يرفع بالحچي و واحد يكبس
بس الله قواني عليهم من شفت فهد متمسك بيه قويت حسيت اكو شي بحياتي لازم احافظ علي مثل ماهو متمسك بيه ما لازم
اخضع الهم مثل قبل
خضعت الهم لان هو چان ضعيف ميعرف شيريد يخاف على مشاعر مراد ونسه مشاعري
ومشاعره ضحى بحبنه علمود اخو
وره يومين واتصالات متواصله وي خوالي
لان خالتي مقبلت تستقبل منهم اي اتصال
وطلبو مني اتنازل عن الغايب وانطيهم الذهب
يالله يطلگوني
فهد گلي تنازلي بس خلصي نفسج
والحمد الله خلصت رحت للمحكمه وطلگوني
من حيدر
حسيت بديت حياة جديده حياة ستوني نولدت بيهه
واخيرآ رفعو حبل المشنقه من ايدي رجعت
كل الذهب حتى حلقتهم الي خنگوني بيهه
رجعت الخالتي والفرحه ماليه وجهه
وبعد طول اشهر اول مره مراد يطلع من غرفته
من سمع هلاهل خالتي گال
مراد...ها يمه خيرچ شنو ابويه چاب الثالثه
لم فهد....ههه يمه اروح فدوه لطولك تعال افرح لأخيتك خلصت من عمامهه
مراد...ها ام كفشه واخيرآ راح تصيرين چنتنه
تعال تعال بعد اخوك تستاهل ولك اني منك
اخذهه هسه واعقد عليهه وانعل ابو الراح لأبو
الأجه
تسنيم....استحيت حيل من حچيهم
لگيت خالتي وريم مخبوصات ينظفن اليوم
اهل كرار يجون يخطبون ريم
والحمد الله اتفقو على يوم الثلاثاء العقد
واجه يوم الثلاثاء واحنه ملتهين وهوسه البيت
واهل العريس عازمين هوايه عقدت ريم
بسلامه وخفت الرجل بس مرة عمو جبار ماكو
اجه يسأل عليهه ماكو للمغرب ويتصل وماكو
دورو كنتورهه ملابسهه موجوده
شويه ونسمع عمو جبار يصيح
جبار...بوياي بويه نهجم بيتي...يتبع