لعلَ الحب ينصفني

البارت ٢٠

لعل الحب ينصفني
بقلمي...
زهراء الشمري ☘️
البارت٢٠
مساءكم حلويات حبايبي اسفه عالتأخير
هسه كتبت البارت عندي ترميم ومريضه
مالحگت اعذروني اذا اكو اخطاء املائيه كتبته عالسريع بدون ما اصحح واراجع

تنتهي الحياة بين اريد وانته تريد
ولكن يفعل الله مايريد
بين عقل يحلم وقلب يتمنى
ولكن لن يصيبنه الا ما كتبه الله لنا

#مشتـــــاق اشوفــــــك #تبتســــــم

                #واشبــــــع #حجـــي ويـاك

#يــــل خـذت منـــــي #النفــس

             #متكلـــــي ويـــــن #الكـــاكك

          ...........★★★...........
فهد....من ابوي صاح نهجم بيتي حسيت رجليه بعد ميعينني عبالي مراد صار بي شي
بس من شفته گاعد گبال كنتوره ويلطم على
راسه عرفت مرته اخذت الوراه والگدامه
ونهزمت لابقت فلوس ولا ذهب گشت البيت
گش گعدته على الحديده
مدري انقهر علي مدري افرح لان فلوس حرام
وصدگ فلوس الحرام مدوم
اباوع على امي ولامهتمه اني احس بداخلهه
فرحانه لان الله انصفهه گلتلهه
...يوم خطيه روحيلهه لا يصير بي شي
ام فهد....ميصير بي لاتخاف ابوك قوي
سبحانه مقسم الأرزاق يمهل ولا يهمل شوف ربك گله اصبرلي اتماده اكثر لحد ما ضربه على
راسه ضربة موت معليه بي اني بعد ابوكم
الروح عافته
تسنيم.....طب عمو جبار لغرفته وابد ماطلع
منهه بقى على هاي الحاله ٣ايام اول مره انقهر
علي تمرض و وضعه ادهور صار مثل المخبل
گام يطلع الفجر ميرجع لليل يدور على السوريه
وفهد مايدخل ولا يساعده بشي خالتي فرحانه
بداخلهه بس تخاف منه
مرة فتره وهو نفس وضعه
وبيوم قرر كرار وريم يتزوج ن بتركيا ميسون
عرس بفلوس العرس يطلعون لتركيا
بس تسوي حفله بيناتنه حنه
وبدينه نحظر لعرس ريمه واني بداخلي مقهوره راح ابقى وحيدي تفرغ الغرفه عليه
حددو يوم الخميس الحنه لان طيارتهم السبت
وخطيه خالتي مقصرت على غده گالت
ام فهد...حظري نفسج العصر نروح للسوگ
اشتري فساتن وشنو محتاجه ترحين ويانه
اخذ ريمه تكمل نيشانهه
تسنيم....حيل فرحت كولش يعنيلي من احس خالتي خالتني من اهم اولولياتهه
شويه واجتني رساله من فهد رفعت راسي قبل لا افتحهه لان هو گاعد گبالي على السفره
كاتبلي
....من تختارين الفستان اختاري محتشم مو مشلح
مجاوبتهه گمت غسلت مواعين وسويتلهم چاي خالتي بالغرفه وريمه راحت تبدل رحتله للصاله وديتله چاي گال
فهد...من دزيتلهه رساله مجاوبت ضجت
شويه واجت جابت الچاي
فهد..ها چنه الحچي ماعجبچ ليش مجاوبين
تسنيم....حبيبي شبيك هي حفلة بنات
فهد...حتى لو بس بنات ماراح يصير تصوير
كولشي يصير اني لو ما اخافج تزعلين حتى شال البسج
تسنيم....ماناقشته لان هو حريص عليه اكثر
مني گلتبه
تدلل ومن عيوني
فهد....اروح فدوه لعيونج الحول هههههههههههه
تسنيم...عابتلك اي والله احلى من عيونك
فهد...يله گومي لبسي لا تأخرني اريد اطلع
خل اوصلچن وارجع
تسنيم...وين تروح
فهد....وي جماعتي للمول
تسنيم...ها للمول اي خوش بس دربالك من
الي بالمول مو عيونك يزاغلن منا منا
خوش
فهد...واني عيوني متشوف غيرج والله
تسنيم....وشحدهن يشوفن غيري غير اموتك
گمت ورحت ابدل ملابسي
صعدت ليوره اني وريمه وصلنه للسوك واشكال الملابس والفساتين احتاريت شنو
اشتري عجبني فستان هسه موديله ليگرا
لامع قماشه مطاط فتحه بي من الأمام
ردن كولش نازك اخذت لون البنفسجي
بقينه نفتر بالسوگ وريمه اخذت كل احتياجاتهه
صار المغرب خابرنه فهد عشر دقايق واحنه
واگفين بالشارع حيل ضجت منه وخالتي بقت تحچي علي
اجه صعدنه وخالتي تنزل بي رزاله قويه
بس الحلو بي من خالتي ترزله يسكت ابد
ميجاوب ولا عمري سمعته يرفع صوته
حتى على عمو جبار عالرغم چان مأذي
ويفشل بي بس چان يكتفي بالسكوت
وصلنه للبيت واني حيل فرحلنه اخذنه الغراض ورحنه نركض للغرفه نجرب الفساتين
لبست الفستان طلع يموت على جسمي
شمرت شعري صفح ورحت لخالتي لغرفتهه تشوفني
مراد بغرفته مكنك وفهد بره ذبنه وراح للأسواق
ركضت لخالتي تعجبت من شافتنه وگامت تصلي على محمد واني فرحانه اسويلهه حركات بجسمي وافترلهه حسيت بغرور
طلعت وصار بوجهي فهد باوعلي وغمز استحيت وعفته ركضت للغرفه ضجت ما ردته
يشوفني هسه تمنيت يشوفني بيوم الحفله
وي المكياج والترتيبات خرب واهسي
شويه ودزلي رساله
....اليوم انتظرج بالحديقه من ينامون مشتاقلج
ابتسمت شافتني ريم وگالت
ريم....شفت توته حيل فرحانه عرفت فهد
الي مفرحهه
..ها توته الابتسامه شاگه گلبج وحلگج هيج
الحب حلو
تسنيم...ليش انتي متحبين كرار
ريم...ولج هو اني اشفت مصار من نخطبنه حتى ملحگت اتعرف علي مستعجل الأخ حامي يگلي ما اريد العرس زفوني هههههه
توته...يا خيه الله يساعدج هذا حامي من هسه
ريم....اي خيه اي
ملحگت اتعود على كرار واخذ علي لأن فترة خطوبتي كولش قصيره حددو يوم العرس
وقرر منسوي عرس حيل فرحت لان اني بطبعي ما احب الهوسه وبنفس الوقت كولش
أمن بالعين اخاف من الحسد
بدينه نحظر للحنه قررت ما اروح صالون لان
توته كولش شغلهه يجنن وهي هوايه تباوع
مكياج وشغلات الصالون هوايتهه الميكب
تسنيم...نضفنه بالليل البيت لان الصبح منلحگ
خالتي عزمت نسوان اخوتهه ونسوان عمامهم
والمدرسات الي وياهه واني هم خابرت عسوله
صار هوايه مشايفتهه وريمه عزمت كم صديقه
الهه
كل شويه وفهد يأشراي واني اخاف من خالتي تحس علينه صارت ب١١ اجه عمو جبار حيل
مكسور أيس من السوريه لا الشرطه ولا هو لگوهه يكسر الخاطر رحت سويتله عشه
طماطه وبيض وكوب چاي من وديتهن اله
گلي حچايه صدگ نكسر گلبي علي
جبار....بويه توته حولليني هاي كلهه حوبتج
وحوبة خالتج شورتي بيه
تسنيم....لا عمي محالل انته هم فضلك عليه
خليتني ابيتك وكل انسان يخطأ بس الخطأ
الاكبر نستمر بهذا الخطأ الله يصلح حالك
عفته ورحت حيل ضجت علي شافني فهد
ضايجه خالتي ومراد وريم گاعدين
فهد...شبيچ توته احد حاچي وياچ ليش ضايجه
تسنيم....لا مابيه بس ما الي خلگ
ام فهد....سوده عليه تعيبانه من الصبح لهسه
ما گاعده حتى زقنبوت هم سوت لأبوكم
تسنيم...لا خاله خطيه بالعافيه علي والله كسر.خاطري تدرين يگلي حلليني هاي حوبتج
وحوبة خالتج
ام فهد...لاتنقهرين خاله صاحبي واعرفه ذيل الچلب ماينعدل خل اگوم انام وراي هوسه
باچر
فهد...بقينه بس تلاثتنه نباوع فلم ويطلع مراد
من الصمت الي هو بي يشاركنه السوالف سأل
ريمه
مراد...اگولج ريم يمته موعد سفركم
ريم...ها حبيبي والله گال السبت ان شاء الله
مراد...اکولج بيهه مجال اوصيچ
ريم...مو تدلل عيوني الك حبيبي
مراد...اريد هناك تسألولي على دكتور زين هم
اسويلي اطراف وهم اسوي تجميل للحروق
الي ابطني لأن حيل مأذيتني
ريم...بس هاي من هاي العين قبل هاي
ما صدگنه تقبل تتعالج بس اوصل اخذ كرار
واروح لأحسن دكتور
تسنيم....حيل فرحت بمراد وبده يرجع لطبيعته ويسولف ويندمج ويانه
راح مراد ينام وريمه گالت
ريم....من راح مراد ينام حبيت اخبث على فهد
لان دا اشوفه يحوس يريد شي من توته
يريد يسولفون وحدهم گلتلهه
يالله توته امشي انام ورانه گعده
تسنيم....ها اي يالله بكيفج اباوع على فهد
ضاج
رحت للغرفه وريم اطگهه بضحكه
ريم.... هههههههههههه هسه فهد يشبع قهر
خطيه
تسنيم....ها شكو ليش
ريم....اي اي غشمي نفسج تره مبين على فهد يريد يگعد وياج ويسولف يريد بس يخلص
من عدنه من راح مراد لغرفته كيف
تسنيم....استحيت من كلامهه وخطيه گلتلي روحيله بس اني استحيت
صارت ساعه بالوحده ما اجاني نوم رحت اشرب مي من الثلاجه بالمطبخ فزيت على
فهد.....شفته تشرب مي من الثلاجه قربت
شفتي على اذنهه وهمست
احبج والحسين احبچ
تسنيم....عززززه گمزتني
فهد...اوي ماما غطيني شسويتلج بصوت ناصي گلتلج منعول والديه بسببج احبج.وحبچ راح يخبلني
تسنيم....اششششش نصي صوتك راح تفضحنه
فهد...امشي لعد للحديقه
تسنيم...فهد والنبي ورايه گعده من الصبح
وحباب لا تضوج وتگلب وجهك
فهد...لا حبيبي على راحتج بس الفستان يخبل
وعليج يجنن
تسنيم...خجلت عفته ورحت للغرفه
يوم بعد يوم حبه يزيد بگلبي واصير اتعلق
بي مثل الطفله اخاف من فراگه
اشتاقله حتى وهو يمي
حبه وحنيته واهتمامه بأبسط تفاصيلي و
حرصه عليه من نفسه قبل حرصه عليه من الناس خلاني اعشقه اكثر
نمت واني افكر بي
گعدت الصبح البيت نضيف خالتي مسويتلنه ريوگ فهد طالع يجيب مسواك شويه وكرار
اجه جاب الكيك والعصاير لان امه عازمه اقربائهه هوايه
تريگنه وطبينه للغرفه وبديت اشتغل بريم
اول ما مكيجتهه وبعدين سويتلهه التسريحهه
للظهر واسمع صوت اسراء چنت لابسه
الفستان ورافعه شعري كبايه ليفوك وستوني
بلشت بالمكياج بنفسي
طبت هي وبنت عمه
سلمت على ريم وما سلمت عليه اني هم لبستهه ولا كأنما موجوده وبلشت اتمكيج وهي
تباوع عليه بطرف عينهه كملت المكياج وقررت
بس اسرح شعري واخلي صفح احلى عليه
لان وجهي مدور
شويه وصاحتني خالتي وهي نطت من يمهه
قبلي للمطبخ چان فهد ما موجود هي عبالهه
يم خالتي شويه ويطب فهد من شافني
صفن واسراء نطا من يمهه گلتله
...ها فهودي تريد شي
فهد....ها لا سلامتج
من طبيت للمطبخ وشفتهه وشفت جمالهه
سرحت صفنو ما اعرف المن اباوع لعيونهه لشفايفهه لو لشعرهه الي چنه ليل اخذت عقلي
رادت تظوج توته اسراء بس اني الي ظوجتهه
....توته اكويلي قميصي وخلي شالج على راسج لا يطب احد
تسنيم...خجلت اخذت القميص ورحت اكوي
لفهد اسرتء حيل ضاجت راحت وره فهد واني بقيت اتحرنص ضجت حيل منهه
شتريد منه ادور فرص علمود تحچي وياه
فهد....عفتهن وطلعت ركضت ورايه اسراء وگالت
....ادري بيك دا تريد تقهرني بس انته تحبني
وماراح اخليك تتهنه اذا عفتني سمعت
فهد....ههه والله مدري اظحك عليج مدري انقهر على حالج لج بابا انتي لو غبيه لو دا تتغابين اني غير توته محد يدخل گلبي
ياحب هذا الي احبچ اياه اني احب توته توته
تفتهمين لو اعيد الكليشه
عفتهه وطلعت حيل ضوجتني ما احب تسنيم
تنقهر دزيتلهه رساله
...طالعه گمر امريتي
تسنيم....واني اكوي بقميصه دزلي رساله
من قريتهه شكو ضوجه نسيتهه راحت
حسيت نفسي صدك مرته كلمة امريتي من
الحبيب كولش كلمه حلوه وتعني للحبيبه هوايه خاصه اذا چانت طالعه من الگلب
انطيت القميص لخالتي اجت عسل حيل
فرحت بشوفتهه
عسل...من خابرتني توته وعزمتني على الحنه مال ريم حيل فرحت لأن حيل مشتاقتلهه
دزيت رساله ليث گلتله حنة صديقتي
رجعلي الرساله برفض مقبل اروح
شويه وحصلت فرصه بالسطح خابرته
الو
ليث...هلو حبيبي شلونج
عسل....مو زينه وزعلانه
ليث...ليش حبيبي شبيهه بنيتي
عسل...اريد اروح للحفله مال صديقتي
ليث....عسل انتي ليش تضوجيني اني مو متفق وياج من اگلج لا لا ليش تلحين
عسل....حبيبي فدوه بس هل مره والله صارلي
هوايه مشايفتهه ولازم اروحلهه مشتاقتلهه
ليث....ها انوب تزيد الطين بله ولج انتي بس
اليه تشتاقيلي افتهمتي عوبه
مدام اكو غيري تشتاقيله ومتلهفه لشوفتهه
مترحين اني ما اريد واحد يشاركني بيج وبحبج
عسل...شبيك ياروحي غير صديقتي حباب
يعني شلون الا اتوسل بيك
ليث....بس متتأخرين افتهمتي ومتلبسين ضيك لبس مستور واذا اكو ولد خمس دقايق وترجعين افتهمتي
عسل...تدللل احبك يااحلى بابا بالدنيا
انته ابويه وحبيبي وصديقي واخوي وكلشي
كلشي كلشي امووووووووووح
ليث....ها اليوم شعجب هيج بس علمود ترحين
عسل....سديت التلفون من ليث واني حيل
فرحانه راح اشوف توته لان هوايه شغلات اريد اسولفهن الهه وتنطيني نصيحه
ما اخذ راحتي من اخابرهه اجت فرصه
رحت لعمتي گلتلهه وخطيه قبلت اروح
بدلت تنوره وقميص وشال ورحت لگيت هوسه بيتهم تلگتني خاله ام فهد كولش حبابه
وطيبه وحنينه صاحتلي توته
من شفتهه حيل فرحت شبگتهه وبستهه لان حيل مشتاقتلهه طبعآ قبل لا اطلع صورت
نفسي ودزيت الصوره ليث علمود يشوف ملابسي ميقبل البس شي ماراضي علي
دخلنه للصاله وهوسه ناس ترگص ناس تاخذ غيبه ناس تصفگ سلمت على ريم چانت حيل
فرحانه خطيه لأن چبيره
تسنيم...تعالي ولج سولفيلي شلونج وي الحب
مختفيه اي عيني ليوثي اخذج مني
عسل...اي على اساس فهد ما اخذج مني
دولي ولي انتي بذاته من لگه احبابه نسه اصحابه
تسنيم...هسه عوفيني من فهد سولفيلي شخبارج شنو السالفه الي گورعتي راسي بيهه
شصاير وياج
عسل....ولج اسكتي والنبي اني ماعندي حظ
ولج السايق مال الخط مالتنه حيل زاعجني
دا يتحرش ويباوع بالمرايه اخر شي من دا
يوصلني خلاني اخر وحده وچان هذا الفقير
يطلع كول الفقر براسي نزل عليه كوله
معجب بيج واني حبيتج اول مشفتج واني
اريدج ومن هذا الخرط واني اخاف خاف
ليث يلگفه لان مرات يمشي ورايه بالگراج
وهذا عصبي اذا شافه يتحرش لو يذب حچي
يسويلي مصيبه والحسين يخلي ويبسطه
ميتحمل
تسنيم....عزه العزاه شنو هاي الحقاره وانتي
مارديتي شگلتيله
عسل....شتعرفيني اني اعرف ارد اضل بس
ارجف وحلگي يبس من الخوف ولا اگدر
اغير الخط خاف هذا يسويلي سالفه
وهسه عمامي يشكون بيه شيخلصني وهمه جابولياه ومحتاره ما اعرف شلون ارد علي
شدگولين انتي
تسنيم.....شوفي حبي خلي الأمر طبيعي
ماكو بنيه متتعرض لهيج موقف خاصه بالكليه
شي طبيعي
اذ باچر رجع فتح الموظوع گليله اني مو مال علاقات ذولاك بيت اهلي تريدني دك بابهم
ولا تجي تطفر من الشباك اذا صدك يريدج يجي وارفضي واذا يلعب راح يتهرب
مو شي صعب ولا تنطي مجال ابد طيحي حظه لاتبقين فقيره
اجو اهل كرار وچانن خواته حيل كيوت
رگصن وامه ذبت لحم واحنه بس نباوع ونضحك بيهه التعرف ترگص وبيهن الي چنهه
غساله عطلانه هههههه متنه ضحك
واسراء بس تخزر بيه واني مطنشه الوضع
طبعآ نوره خطيه مگدرت تجي وتحظر بس
فاتحين فيديو وياهه وهي تبچي وخالتي تبچي بس خالد ما راد خاطرهه ينكسر
حجزلهه فيزه لتركيا وهناك تلتقي بريم
خلصت الحفله وكلمن راح لبيته بقو نسوان
عمامهم وبناتهم ومن ضمنهم طبعآ اسراء
وبقت تفتر ورايه وين ما اروح تجي ورايه
دخلت للغرفه ابدل الفستان لان خالتي مسويه
عشه لعمامهم وعوائلهم لبست دشداشه فانيلا
ام الجيوب موديلهه يخبل
رحت وي خالتي للمطبخ لگيت اسراء وبنات
عمهم بالمطبخ من طبيت اسراء دگول لبنت عمهه
البيت بيت ابونه والغربه يحكمونه
خلفله على العالم ربوهه مو ياسمينه
غلست ولا چن الحچي يمي بس بداخلي بركان
من القهر
اجه فهد ضايج يمكن سمع كلامهه
فهد....واني اطب للمطبخ سمعت حچي اسراء
بدون ما اعرف توته جوه يمهن عرفتهه تقصدهه حيل نغثيت منهه ولو مو عيب چان
طردتهه ردت اقهرهه مثل ما قهرت توته
حبيبتي جيبيلي تراكي الماروني الي اشتريناه
اني وياج فدوه لوجهج
تسنيم.....بين الفرحانه وبين المصدومه ما اعرف ياتراك اني وياه ما مشترين تراك
سوه بحياتي ماطالع وياه مشترين ملابس اله
اباوع على اسراء ميته قهر وتهز بيدهه
ودگول لياسمين
ينطي جوز للماعنده اسنون لا ام ولا اب
وهذا حظهه هيج گاعد
فهد...من سمعتهه هيج تعيرهه بيتمهه رجعت
للمطبخ وگلتلهه
لهنا وكافي الي يمس تسنيم بحجايه يمسني
سمعتي احترمي نفسج توته اني امهه واني ابوهه اني ولي امرهه واذا تبقين السانچ طويل
وياهه روحي گعدي يم امج محد محتاج خدماتج تسنيم تشيل البيت وعشر ابيوت افتهمتي
ردت عليه بكل وقاحه
....بكيفي احچي اليعجبني ميعجبهه هي تروح
تگعد مو اني هذا بيت عمي اخو ابويه
فهد...وهذا بيتهه وبيت رجلهه
تسنيم....من حجه هاي الجمله حسيت ضربه
قاضيه لأسراء عافهه وطلع لأن الكلام ضايع
وياهه
رجعت عليه شمرت الزباله بالسنگ وگالت
تحلمين اعوفه الج وتتهنين اذا ما دمرتج
ما اطلع اسراء
ما اهتميت الههولا لكلامهه وشنو الي تگدر تسوي
خلصنه العشه وكلمن راح البيته بس حيل تعبت وهلمت بالتنضيف من شافن فهد هيج
حجه عاندن ومحد گامت ويايه تغسل مواعين
خطيه ريم بدلت واجت تساعدني
واجه يوم السبت چان يوم حيل حزين وكئيب
حسيت راح افارگ روحي اختي وصندوق اسراري الغرفه اظلمت عليه وحشه صارت
ما احب اگعد بيهه خالتي تشبگ بيهه وتبچي
فهد ومراد سلمو عليهه وهنا اول مره بحياتي
اشوف عمو جبار يبچي
شبگهه حيل وگلهه
جبار....بويه دربالج علر روحچ وعلى بيتج
فهد ..نذهلت من موقف ابويه هذا الجبل الي
محد گدر يكسره اجت مره بليله ويوم كسرته
راحت ريم لتركيا وفرغ البيت بقت بس توته
ويانه ماليه البيت علينه امي كلما اطب الگاهه
تبچي على اخواني فاتحه كامره وياهن وتسولف وتبچي صار اسبوع على زواج ريم
وبيوم السابع خابرت امي لاگيه دكتور زين
ومشوفه تقارير مراد اله لان احنه انطيناهه
التقارير تاخذهن وياهه
وقرر مراد يروح وهنا لازم امي وابويه هم راد
يروح وي مراد
بس امي گلتلهم وتوته شلون تبقى وحدهه
وفهد يطلع يشتغل خل ادزهه لبيت خالهه
بس تسنيم كبرت بعيني من جاوبت امي
تسنيم...من خالتي قررت تسافر وي مراد خطيه تفكر بيه وتخاف عليه وحدي بالبيت
فهد بالشغل لليل يالله يرجع گالت
اوديهه لبيت اخوي صلاح بس اني ماقبلت
گلتلهه
صدوگ خاله شلون تقبلين وفهد يبقى وحده منو يطبخله يغسله ملابس ماعندي شي الصبح
بالدوام والعصر اقفل الباب لحد ما يجي فهد
روحي وگلبچ بارد تربيتج اني
حجزت خالتي وطارو لتركيا مراد حيل فرحان
وبقينه اني وفهد يجمعنه سگف واحد وحدنه.....يتبع
وياه