لعلَ الحب ينصفني

البارت الأخير

لعل الحب ينصفني
بقلمي
زهراء الشمري ☘️
البارت الأخير
مساءكم حب اسفه عالتأخير والبارت مثل ماكتبته عالسريع بدون تصحيح اخطاء
باچر اصحح الاخطاء بس نزلته علمود ما اخليكم تنتظرون اكثر
تصويت+تعليق لاتنسون
قراءه ممتعه
احبكم

فتش في نفسك عن الحب
فالحب لا يقوم مع الخيانة
ولا يدوم في جو الرذيلة لإنه شيء مقدس
لا يعمر إلا في قلوب الطاهرة والأرواح البريئة
            ...........★★★...........
ريم.....شفت هوسه وزلم ونسوان وصريخ
گلبي گام يوجعني اني بالي يم فهد
رحت اركض للبيت مالگيت لا امي ولا ابويه
خفت حيل ركضت لغرفة فهد فتحت الباب
الحمد الله لگيته نايم
من گد ما خفت من شفته نايم احس رجليه
ميساعدني گعدت بالگاع
قبل يوم اتصل عليه كرار راد يجي ياخذني
للبيت مسويلي مفاجئه خابرت امي وهو هم
مخابر ابويه مستأذن منه
اخذني للبيت صح صغيره مساحته بس حيل
مرتب مأثثه كوله جديد الي فرحني اكثر
مشتريلي غرفه جديده
تقرب عليه وگال
كرار.....حبيبتي هسه راضيه والله هذا قليل
بحقج
ريم.....لا حبيبي اني هاي السوالف متهمني بگد
ميهمني انته وحبك اليه
كرار.....ريم والله اني گلبي محد دخله ولا راح يدخله غيرج وخاف دگولين علمود الاطفال
تره اني صار فتره دا اراجع طبيب ودا اتعالج
ريم.....حبيبي هذا الموضوع لاتفتحه
انته اوليدي وزوجي وحبيبي وصديقي
الطفل رزق اذا الله رزقنه الحمد الله واذا مارزقنه معناهه بيهه صالح النه اني احبك الك
بكل تفاصيلك
لزمني من ايدي وبوسهه ورجع باسني من خدي
دخلنه للغرفه كولش حلوه بس ناقصهه غراض
وترتيبات
وبده يتقرب مني چان يوم عبالك اول يوم
زواجي واخيرآ رجعلي حبيبي
هو يتقرب واني ابتعد استحي لان صار فتره
من مفارگته
بس هو چان مشتاق حيل ماگدرت امنعه مني
لان غصبن عليه هذا حقه
اخذ حقه مني بكل حب وحنان ودفو بس من اتقربلي حسيت بوجع قويه حتى بيوم عرسي
ماحسيت هيج عبالج راح تجيني الشهريه نفس الألم بس هو
حسسني بأحساس الاميره وصلي حبه وندمه
من خلال هذا الحظن
وگلي كلمه مستحيل انساهه
كرار....لحد ما اموت ابقى متندم لان دعتج نزلت بسببي وانتي انسانه متستحقين بس الحب والراحه
بس اني ماقدرت النعمه العندي وبنات ابليس
لعبن بعقلي
انتي عطر الروح وبلسمهه
بسته من خده وكلتله
حبيبي انسى مثل ما اني نسيت احنه بشر
مامعصومين من الغلط باچر عگبه اني يجوز
اغلط بحقك راح تعوفني لو تسامحني
كرار.....واني شنو شفت وياج علمود اعوفج
ولج اريد الله يطول بعمري بس علمود
اثبتلج اني شگد ندمان والله الا اعوضج واخلي النسوان تحسدج عليه
ريم.....ايببيييباخ شماخذه عيني لاتصير مغرور
كرار....دمشي اسبحج بالحمام الجديد واشوفج
المغرور على اوصوله
ريم....دخلنه للحمام وصار يسبحني مثل الطفله ظحكتنه چانت طالعه من نص الگلب
بس ماچنت ادري هاي اخر ظحكه واخر لمسه
واخر شوفه اليه لوجهه الحلو
مارجعني لليل يالله وگل لأبويه باجر اجي اخذ ريم ونحول ابيتنه
فرحت حيل چان يوم مميز بالنسبه اليه
بديت احظر غراضي وملابسي طلعتهن بالطرمه لان الصبح يجي ياخذهن
رحت للدوام وعفت فهد كولش مريض وتعبان
نص الدوام حسيت بتعب وهم ورايه تعب تنظيف البيت
من رجعت وشفت الهوسه خفت حيل على فهد
بس طلع نايم وماكو شي
رحت للطرمه شفت الغراض ماكو معناهه جاي كرار ماخذهن
اتصلت علي مغلق كل ما اتصل مغلق گلت يجوز على الشاحن طافي
وره ساعه اجت امي لابسه اسود وعيونهه حمر باچيه
.....ها يوم خيرج شبيج زين چنتي
ام فهد.....ها يمه مدري شحچي وشگول
ريم...يوم ليش تبچين
ام فهد .....ابو فهد تعال گلي شگلهه وشلون اواسيهه
ريم.....ولج يمه گلبي راح يوگف شصاير
جبار.....بويه البقيه بحياتج رجلج توفه
ظاربته سياره
ريم.....هنا اني مدري شحسيت بس حسيت
اني ما اريد اصدگ عقلي رافض هذا الخبر
جمدت بمكاني وگلتلهم
...لا بابا متوهمين مو هاي غراضي جاي الصبح
وماخذهن سوده عليه
والله يابابا لو شايف البيت شمسوي دگول سبع
صارله شهر يركض ولا گاعد بس يريد يرضيني
ام فهد ....ماما ريم حبيبتي استغفري ربج
هسه بعده بالمستشفى والدنيا مگلوبه يم اهله
هسه شويه ويجيبو
گومي يمه لبسي جبتچ للزم نشوفينه ليش يبقى حسره بگلبج شوفته گومي يمه
ريم....لزمت تلفوني واتصلت مغلق رجعت اتصلت شمرت التلفون رگعته بالحايط صرخت من كل گلبي
كرررررررررررررراااااااااار
ولج يمه البارحه اني وياه بفراش واحد شلون انطاه گلبه يعوفني
شلون يمه والله مو قصدي ادعي علي
ياربي فدوه والعباس دعيت من وره گلبي
ساعة عصبيه فدوه لاتكسر ظهري
اخخخخخخ ياكرار اخخخخ ياوجع گلبي
لبستني امي جبه سوده من عدهه ماعندي اسود واني ابچي واصرخ عليهه
ولج يمه شسوين تلبسيني اسود على حبيبي
يمه هذا كرار رحت لبيت عيالي
لگيته خالين التايوت بالصاله وحمواتي وخالتي وعمي مكسورين حوالين التابوت
شفته مغطينه بالبطانيه صرخت ملخت نفسي
ماحسيت على نفسي الا اني نايمه فوگ التابوت اريد افتحه وميخلوني توسلت بعمي
عمي بداعت كرار لاتخليهه حسره بگلبي شوفته ولكم ياناس البارحه بحظني نايم
واليوم ينام جوه التراب خطيه عمي رفع البطانيه خلاني اشوفه شمرت نفسي علي
شميت ريحته اخخخخخ ياعطر روحي
انته مو دگلي عطر الروح انتي گوم بداعت حبنه المحد گدر يخربه لاتكسرني
شالو وشالو روحي وياه
راحت امه وياه بس تحركن السيارات هجمن عليه حمواتي سحبني من شعري وامي والنسوان يردن بس يخلصني منهن واشوف امي لزمت حماتي الصغيره وجرتهه من شعرهه
وعضت حماتي الچبيره من زندهه يالله هدني
اخذتني امي ورجعتني وهنا يصرخن ويصيحن
ورايه
......ام خيسه عبالهه يصير عدهه بيت كرفت الولد ابيتهه الجديد
عفتهن ورجعت لگيت فهد خطيه گاعد على صرختي وميدري شكو متصل على توته عباله بيهه شي
صعدت لغرفتي ابچي واصرخ اتخيل لمسات ادياته الي غمرني بحنيتهن البارحه
ياريت البارحه ماخلصان وبقيت وياك ياريت ملخذني وياك
لزمت تلفوني واتصلت على توته احس نفسي
راح اتخبل اريد احچي اطلع البداخلي
فتحت خط گلنله
..... ولج مات مات وعافني وراه
تسنيم....على كيفج يبعد طولي بس فهميني
منو المات وگفتي گلبي
ريم.....كرار توته كرار عيشني بحلم گصير
وفززني منه ولج عسه هذا الگلب يوگف من بعد صوته
اريدج توته لاتعوفيني راح اتخبل
طبت امي عليه شمرت التلفون وبقيت اصرخ
وامي دگلي صرخي طلعيهه لاتخليهه بگلبج
يمه اخخخخ يايمه يابزري الماشاف راحه
وبقت امي محتاره مدري اليه مدري الفهد
الي اختنگ ومنعرف شبي خابرو على السيد
وگلهم نص ساعه اني يمكم
شويه وتدخل توته بطنهه عاليه دخلت بنهاية السابع
تسنيم.....حيل انقهرت على ريم متستاهل الضوجه والكسره الي انكسرتهه
رحت اركض لمرة خالي كلتله رجل ريم توفه
بحادث سياره خطيه بسرعه لبسنه ملابسنه
ورحنه اول مطبيت لبيت خالتي شميت ريحة
فهد وگلت بيني وبين نفسي
اوووف ياريم الله يساعدج وينطيج الصبر
اني حتى ريحته اشمهه من بعيد مفارگته
٣اشهر وگلبي نار ومية موته اموت باليوم
شحال انتي مفارگته لنهاية العمر
لگيت فهد گاعد وعمي خال التبخير مختنك
حيل گلبي احسه وگف انعصر من اشوفه بهاي الحاله
فهد....من طبت وشفت اعيونهه اريد اگوم
احظنهه مشتاقلهه حيل
بس احس شي واگف ابلعومي ساد التنفس
اريد اطلعه ميطلع
اتقربت توته عليه لزمتني من ظهري صارت تمسح على ظهري وتقره ايات قرأنيه چنت
من اسمع القرأن واشوف تسنيم تصير عندي هستيريه اتخبل ما اريد لا اشوفهه ولا اسمع قرأن بس هاي الشغلات كلهه راحت
بس الخنگه وجسمي تعبان حيل مابيه
جسم شاب وحيل شايب
اسمع صريخ ريم وگلبي وروحي تتگطع على اختي وما اگدر حتى اصعدلهه وأواسيهه بمصابهه وحزنهه
نكسرت على كسرتهه سحبت ايد توته بستهه
وگلتلهه
حبيبتي روحي صعدي يم ريم خطيه لاتعوفيهه ولا يضل بالج هسه السيد يجي يقره
عليه وارتاح وحسبي احسابج مترجعين بعد
لبيت خالي كافي بعد اني هم محتاجج يمي
تسنيم.....من سمعته هيچ گال حسيت بأحساس القصور اتجاهه بس اني چنت مجبوره اعوفه علمود البطني
بسته من خده وصعدت لگيت ريم بحاله يرثى
لها
ماعرفت اواسيهه ولا اكسر عليهه حزنهه
مصابهه چبير وصدمتهه اكبر اليوم المفروض
تنام بفراش واحد ويه كرار بس الموت مايرحم
اخذه منهه بغمضة عين
شبگتهه وبقيت ابچي على بچيتهه
وره نص ساعه اجه السيد وبده يقره على فهد
وگلوله يريد مرته وگلهم وجودهه ضروري هاي
الفتره مابقى شي كل هاي اللعبان النفس والاختناق بسبب الشي المشربيهياه
اذا تقيأ انتبهو شنو راح يطلع وي التقيأ
چنت ليله كولش حزينه بالنسبه لريم مارادت
احد ينام يمهه اكتفت بالوحده متريد احد
يعطف عليهه نزلت زرحت لغرفتي الي صارلي
كم شهر مفارگتهه ومفارگه راعيهه
طبيت مشتاقه اشم ريحته سديت الباب وقفلتهه فهد چان متمدد على الچربايه
فهد....من دخلت توته گلبي فز من مكانه قبل
لا يفز جسمي گعد على حيلي جريتهه من ايدهه وطبگت صدري على صدرهه وصرت
اشمشم بيهه من ركبتهه وشعرهه
افيش ياريحتكم ولچ شلون انطاچ گلبچ
تفارگيني لو تدرين شصار بيهه من بعدچ
تسنيم...... والله مجبوره چنت
الليله تمر عليه بسنه روحي وگلبي يتگطعن
عليك ما اعرف شسوي
من اشتاقلك اطلع عطرك وارشه واضل اشمشم بي
احبك فهودي وروحي مفرفحه عليك ااااخ
لو تدري شمشتاقه لحظنك
فهد....يبعد عيون فهودي يروحلج فدوه
توتايتي بنيتي اني المشتاق والملهوف الحظنج
تسنيم....قرب وجهه على وجهي انفاسه وانفاسي صارن واحد حسيت دگات گلبي يسمعهن من قوتهن سرحت بعيونه
سحبني واخذ مني قبله عميقه عوضني عن
الحرمان العشته
عيشني ليله تخبل احلى من ليلة عرسي
گعدنه الصبح مرتاحين اثنينه
گمت رحت للمطبخ لگيت خالتي تبچي على
ريم وحالهه اليكسر الخاطر رجعت مكسوره
چانت فرحانه برجعتهه لرجلهه
خطيه خالتي گلتلي
ام فهد....فدوه توته يمه سويلهه ريوك وصعديلهه من البارحه كلشي ما ماكله لا توگع
بلكي تقبل منج تاكل
سويتلهه بيضه عين وچاي وصمونه حاره
وگلت لفهد يتريگ وي خالتي راح ابقى يم
ريم
صعدت طبيت لگيت ريم دمعتهه على خدهه
وعيونهه مورمه گوه تفتحهن ماقبلت
تتريك وهي من البارحه منايمه بس اني
لحيت عليهه وجبرتهه تتريك
گعدت وياهه اسويلهه واهس للأكل وبدة
ريم تسولفلي عن الليله القبل الوفاة الي عاشتهه وياه عبالك صدگ اخر ليله بحياته
الله يرحمه
چان حباب وطيب واذا نطلب منه شي بسرعه
خطيه حتى لو ميگدر يسوي
الزين سبحان الله ميبقى
واني بقيت اواسيهه واحچي وياهه واغير
الموضوع
صار الظهر نزلت جوه لگيت خالتي منگعه تمن بس كولشي ما مسويه
گلتلهه اليوم اني اسوي طلعت دجاجه من المجمده وموعتهه بمي حار تبلتهه روبهودبس الرمان وشطه وكچب وبهارات وكاري وكمون
وقطعة بتيته وطماطه وباذنجان وفلفل اخضر
وبصل وسلفنتهه وخايتهه بالفرن
سويت تمن عدس وفرگعت بصل ودهن حر
علي حيل يحبو وسويت زلاطه
صارت وحده ونص استوت الدجاجه
دا اصبلهم غده اجاني فهد
فهد.....شفتهه دا تصب غده حظنتهه من وره
...يمه فدوه لمريتي هسه الروح رجعتلي وعلي
عساني ما انحرم منج ولا من شوفة وجهج
تسنيم....يابعد رويحتي
فهد.....تره جووووووعان والله
تسنيم.....جوع البلوع مو دا اصب لاتخبصني
روح صيحهم واصعد لريم بلكي تقنعهه تتغده
على واخسنه واذا ماقبلت اصعدلهه صينيه
فهد....صعدت لريم وعسه عيوني عمن ولا اشوف اختي مكسوره ودمعتهه على خدهه
حضنتهه حيل دمعت عيوني عليهه
....ريمه حبيبتي هذا امر الله ولازم تتقبلينه
ريم....بس اني بعدني ستونه بدينه حياتنه ستوه بده يتعالج علمود يصير عدنه طفل
مثله ومثل ريحته بس اني نحرمت منه ومن
الطفل
فهد ......والله الله راح يعوضج بس لاتعترضين على حكم الله وگولي الحمد الله
فدوه اروحلچ لخاطر اخيج تنزلين تتغدين وياي
ريم .....والله مااشتهي العسل
فهد....اگلج لخاطري واخيج معلول ومريض
لاتشوفيني من البارحه لليوم گايم على حيلي
لخاطرج وخاطر توته
گوه قنعتهه تنزل ويايه اخذتهه للمغسله غسلتلهه وجهه چانت اقري الناس اليه من بعد
تسنيم هر ريم توؤم روحي
تغدينه وشربنه چاي وگالتلي اخابر اثير تريد
تبطل من شغلهه بس اني ماقبلت گلتلهه ارتاحي هاي قترة العده و وراهه الله كريم
من اتصلت على اثير وشرحتلهه الوضع حيل
ضاج وانقهر وره ساعه خطيه اجه للبيت
يعزينه زيسأل على ريم حسيته مهتم بيهه حيل
تسنيم.....مر شهر دخلت بالثامن والوضع مستقر ريم كولش صحتهه تعبانه خطيه تمشي
وتوگع ضغطهه يهبط وفقدت الشهيه حيل
وبيوم گاعدين نتعلل بالليل كولنه وفاتحين كامره وي نوره وبنتهه وبشرتنه بخبر حملهه الثاني حيل فرحنالهه
وبلحظه اسمع صوت فهد اجته حالة اختناق ولعبان نفس قوي حسيت روحه طلعت عيونه
نگلبن دم خليناله تبخير ما فاد قرينه قرأن
مافاد اخر شي اتصلنه على السيد وبلحظتهه
نص ساعه السيد يمنه وبده يقره علي واني
لازمه ظهره امسح بي والسيد يقره ويضرب
على راسه قسم بالله العلي العضيم بحياتي
مچنت اصدگ بهاي السوالف بس من شفت بعيني شلون يتقيأ خرزايتين انصابيت بحالة
ذهول وايثنت بهذا الشي صح مذكور السحر بالقرأن بس چنت ما أمن بي
والحمد الله الله واهل البيت خلصنه من هذا العمل الوسخ الي راد يهجم بيتي
زرجع فهودي لحياته الطبيعيه كمت اسويله
عصاير طبيعيه علمود يسترجع قوته وطاقته
وبده يطلع لشغله و وي اصدقائه
ريم اغلب وقتهه بالغرفه ماتقبل تختلط بأحد
وره الشهر الي توفه بي كرار ريم گام يصير عدهه لعبان نفس وتتفيأ بس استبعدنه هي
حامل ما معقوله لان هو مسبته ضعيفه چانت
صفر وصعدت نسبه ضعيفه
وبيوم الأربعين اجه عمهه ابو كرار يسأل عليهه
طلعتله ركضت شمرت نفسهه علي وگامت تصرخ وتصيح ياعمي راح الغالي
خطيه كام يهدي بيهه ويشاقيهه انطاهه مصرف
وگللهه راتب كرار صار الج بعون الله
راد منهه باچر تروح وياهم بس ماقبلت متريد تلتقي بحمواتهه وخالتهه طابت من فهد ياخذهه وره لظهر علمود متشوف اي واحد منهم
فهد .....صار وتدللين تأمرين امر كم ريمه عندي لو للهند هم اخذج واروح حبيبتي
واني احچي وياهه صار عدهه هبوط وتقيأ
خليتهه بسيارتي اني وامي ورحنه للمستشفى
حولونه على تحليل دم اخذو منهه دم وعلگولهه مغذي وبقينه ننتظر التحليل گال ربع
ساعه ويطلع
بقيت امي يمهه ورحت اجيب التحليل وهنا
انصدم
شنو من قدر وشنو من توفيق الي بليلة رجعتهه لزوجهه تشيل طفل منه وثاني يوم
يموت شنو من لعبه لعبهه القدر وي اختي
الطفل الي چانت مشاكلهم وافراگهم اشهر بسببه صار بس يتيم الأب
بقيت افكر بردت فعل ريم وشلون اگلهه
خاف تضوج مدري تفرح ماعرفت افكر
رحتلهن بس الساني انربط خلصنه المغذي
گلتلهن كولشي ماكو
وصلنه للبيت نومتهه امي بغرفتهه علمود تكون
قريبه منهه متگدر تصعد الهه كل شويه
گعدنه كولنه بالغرفه گلتلهه
ريم.....من وصلت نومتني امي بچربايتهه واجوي فهد ومرته وامي وابويه يمي بغيرولي
جو بس فهد صدمني وگال
فهد
.
ريمه انتي حامل خويه
ريم....ما اعرف شنو الي حسيته بلحظتهه بس
الي اعرفه بداخلي صرخه اريد اطلعهه بس
ماتطلع ليش من راح صار ليش ما من چان ويايه ماصار ما احس بس ايدي خليتهه على بطني وضليت ابچي بحرگه شنو ذنبك تنولد
يتيم لو مصاير احسن
فرحانه بس مكسوره المفروض هو يفرح بهذا
الخبر الي فرگنه اشهر وحرمني منه ومن طوله
يوم الاربعين اخذني فهد وامي وتوته
رحت بچيت يمه وبشرته بالحمل ورجعت
وهيه گدامي طريق طويل ومسؤليه چبيره
تسنيم.....خبر مدري نفرح بي مدري نحزن عليهه منه خطيه اني احس بيهه فرحانه
بس بداخلهه غصه فرحتهه مامكتمله
وصارت ريم تحسب احساب لمشيتهه ولحركتهن تخاف على البطنهه
                  .....درس.....
رزق الله على ساعه ابد لا تيأسون من رحمة الله اكو ناس بثت اسنين ميصير عدهه اطفال
عشره وعشرين سنه بالتالي الله يرزقهه
بس رددو دائمآ
    ربي لاتذرني فردآ وانت خير الوارثين
ابد لو اكبر مشكله تصير لاتدعون على شخص
تحبو وتعزو حتى لو من وره گلبكم
مرات الدعاء يستجاب علمود الله يبينلك انته
غلط تدعي على شخص بدون متعرف ضروفه
او مرات يكون دعائك بوقت استجابه للدعاء
تره تتندمون بعدين مثل ما الندم ياكل بريم
تأنيب الضمير الي عايشته وي نفسهه
مرة فتره حياته هادئه وحلوه رجعنه لطبيعتنه
الحب والدفو بعد كل نهاية يوم الگاه بحظن
حبيبي وروحي فهودي
وبيوم دخلت بشهر التاسع اول يوم بي
چان يوم عيد الحب قررت اسوي اجواء
لفهودي طبعآ بمساعدة اختي وصديقتي ريم
جابتلي خالتي حلويات و وصيت على كيكه
ونفخنه النفاخ ولزكته بالسقف والحياطين
سويتله اجواء رومانسيه تخبل علگتله شموع
بالگاع على الباتري وعطرت العرفه فرشة
فرشتنه مال العرس وكل شويه اخابره چان
طالع للكوفي وي اصدقائه
من وصل دزتلي ريم رساله صرت وره الباب
وعلگت شعاله ولزمتهه بأيدي وشغلت اغنية
كل عام وانت الحب
فهد....دخلت للغرفه عبالك داخل للجنه ادور على توته لگيتهه خاتله وره الباب  وتظحك
....يبوووووي اروح فدوه لظحكتج يابعد عيوني ولج شنو اليوم گالبه الجو امريتي
تسنيم.....اي عيني لعد شعبالك غير عيد الحب
عشت
فهد....يمه فديت اليسويلي عيد حب
تسنيم....شغلت موسيقى سلو وسحبته من ايده
دتعال خل نعيش اللحظه ونركص سلو مثل
الأجانب شبيك هو واكف يظحك عليه
فهدددد شبيك لاتخجلني هههههههههههه
فهد....نهجم بيته اليخجل هاي الشغلات كولهه
وتخجلين ام كرش دتعاي نركص ولج ردح ردح
شبيج ياسلو هههه
تسنيم.....خرب حظي عبالي نصير مثغغغغغفين
بالغين امداني يريد ردح علمود هسه يطلعون
جهالك من حلگي
فهد.....ارح فدوه لجهالي وام جهالي
غير معشعشه براسي وگلبي يمه فديتهه الي راح نصير ام ويصيحولهه مامه
شبگتهه وصرت ارگص وياهه حسيتهه فرحانه
اشمشم بركبتي واني ابوس بخدودهه