لعلَ الحب ينصفني

البارت الخامس

لعلَ الحبُ ينصفني
بقلمي...
زهراء الشمري 🌿
البارت الخامس
*********... *********
سألوني
كيف احببته وهو يحب غيركِ ؛؛
فقلت لهم...
اراده بقلبي لابعيني...
المسه بروحي.. لابكفي...
واتنفسه باحساسي.. لا برئتي
♡♡
يسلب راحتي وعافيتي من يغيب
لان بس الله يدري بداخلي شمحتل
صفيت ابلا سبب اتعصب عالناس
والنفسيه تتعب والوجه يذبل
ساعه البس اهدومي واطلع من البيت
يم عتبت الباب ورأي يتبدل
وارجع وين اروح وياطريق امشي
اني بدونه ضايع كلشي ماندل ..
**********..... **********
فهد...... مشاعري تخربطت خلتني بين نارين
بين ما احب اشوفها مكسوره گدامي وبين
گلبي الي اختار بنت عمي
عفتهه وطلعت لأن تفكيري مشوش شويه وتتصل
عليه اسراء فتحت خط المكالمه اجت بوكتهه چنت محتاج اسمع صوتهه علمود اطلع من هاي الدوامه

الو....
الو هلو حبي
شلونك غلاي
.... هلو اسوره شلونج
..... مشتاقتلك موت موت
...... واني اكثر
.... شبيك شو ظايج
.... ها لا ماكو شي تعبان وشويه مالي خلك
..... ما الك خلك واني موجوده
.... هسه عوفينه شخبارج بالدوام دا تقرين
.... اي والله دا اقره مابقه شي للامتحانات
... اوك دربالج على نفسج واقري زين نتخابر بالليل
سديت التلفون منهه چنت مالي واهس احچي
مع العلم كيفت من خابرتني بس ما اعرف شنو اريد
طلعت وي اصدقائي رجعت بالليل لگيت ابويه
منتظرني بالطارمه راجع من السفر
جبار..... هله بأبو البيت لك گوا...... د اكو واحد باقي
لهسه بشوارع بهذا الوظع عايف البيت
فهد.... بابا چنت وي اصدقائي بالكوفي شكو واذا تأخرت تره اني كبرت مو زعطوط
جبار.... لك سافل منحط اني تراددني اليوم انعل والديك
فهد.... لزم النعال يريد يظربني وامي صرخت علي
وخواتي يتوسلن بي يعوفني لزمني رفس على بطني
وبنعال على ظهري
واني ما أگدر ادافع عن نفسي لأن ابويه خليته براحته
يظرب
تفاجأت بمراد لزم ابويه ودفعه على الحايط انظرب
بگصتهه
مراد.... اي دكافي احنه صرنه زلم وانته تجي ادگ
علينه مثل المطايه انته شنو من بشر صرنه بطولك
راد يمد ايده وامي صرخت اذا ظربتهم والحسين هسه اسويك فرجه واحجي كل البگلبي لخوتي
وعلي ياجبار اذا بعد مديت ايدك على بناتي و ولدي
اسولف كل الي شفته
بعد ماكو فقيره لان انته دست عليه هواي واني
چنت لخاطر جهالي هسه كبرو ويگدرون يتحملون مسؤوليتي
فهد..... من امي هيج حچت حسيتهه لازمه علي
لزمه لأن خاف منهه
گمت واني الدمعه تلالي بعيني ما اعرف ليش باوعت
بعيون توته وهي بس تبچي ابتسمت بوجهه
ركضت جابتلي مي انطته لأمي غسلتلي وجهي
لبست وطلعت رحت لصديقي اول مره ابات خارج
البيت
صارت ب١٢ تخابرت وي اسراء
بس ظوجتني وهي كملت عليه مچنت اتوقعه
طايشه ومراهقه وهي مو صغيره صف رابع اعدادي
..... الو
الو هلا وغلا
... هلو اسو شلونج
... تمام وانته
... اني مخنوگ ومحتاجج حيل
... ليش ياروحي منو وياك شبيك
... تعاركت وي ابويه وتعرفين الباقي
.... اهووو هذا شبي عمو ميكبر ميتغير وين اكو
بعد اب يحاسب
... ليش انتي عمي ميحاسبكم
... لا والله شنو يحاسبنه صرنه اكبار
حبيبي احبك
..... واني هم احبج
... شكد تحبني
هوايه
اذا تحبني هوايه اطلب منك طلب واني مو بس حبيبتك بت عمك
.... گولي عمري تدللين
.. اريد اشوفك
.... وين تشوفيني بهل الليل
راح اخليلك باب البيت مفتوح انتظرك بالحديقه
..... انتي شاربه شي شبيج شنو اجيج للبيت
اشايفتني گوا....... د
انتي تحچين صدك لو تشاقين
... شبيك ضجت؟
طبعآ اضوج عليج الله تشاقين مو
...... ها اي اريد اجربك
....لا حبيبتي مو اني الي اعبر على بنات الناس
ويله روحي نامي وتغطي زين علمود عقلج
يرجع براسج
سديته منهه واني عيوني براسي صارن ضجت
طگت روحي هاي شبيهه ما تعرفني اني شنو
و اجربني
صارت ساعه بالوحده اتصلت عليه توته من تلفون ريم
تسنيم...... شگد ما اكره جبار رجل خالتي شگد
ما حقدت علي وكرهته اكثر من شفته مثل الحيون بلا رحمه يظرب فهد وهو صار بطوله
ابدي الزمه واشبعه كتل اريد اهجم علي اكله بسنوني اني متحمله علي بسبب تصرفاته ويايه
ومن شفته تعارك وي فهد نار اشتعلت بيه
طلع فهد ومنعرف وين راح صارت ساعه بالوحده
وما رجع طلبت تلفون ريم لان يخافن يخابرنه
لان من يصير عصبي ميتحاجه
بس اني گلبي مو بيدي يمه
كل كياني وبالي مشغول بالتفكير بي
اتصلت اول مره مجاوب ثاني مره جاوب
فهد..... دگت بوقت اني چنت نار صاير من اسراء
حچيت وياهه ابرود
الو
الو هلو فهد بالنه يمك وين انته شو ما اجيت
..... وحده وحده خرطتيهن كولهن سوه
وبعدين منو الي باله عليه ما عرفن هنه يتصلن ويسألن لو انتي المحامي
تسنيم..... ادري بيك ظايج وحقك بس البنات يخافن
يتصلن يدرن بيك صاير اعصاب
.... ليش وانتي متخافين مني
..... اني احترمك بس ما اخاف لان ممسويه شي غلط
دا اسأل عليك لان تأخرت وقلقنه اول مره هيج تتأخر
..... لا يظل بالكم اني راح ابات يم صديقي حيدر
يله باي
تسنيم.... رغم يحجي وياي ابرود ومجاهلني
بس حبه ابداخلي يزيد يوم عن يوم رحت طمنت خالتي الي مثل بلاع الموس لا تگدر تبلعه ولا تگدر
اطلعه بالحالتين تأذيهه تخاف خاف عمو جبار
يحس علي مراجع لهسه
تخبلت من گلتلهه يبات يم صديقه تتصل ويطلع
مشغول لو مغلق
اني نار تشتعل بيه من يطلع مشغول
اكيد هسه يحجي وي حبيبة عمره اسو هسه الظوجه
كولهه تروح منه احنه بيش كيلو حتى ميفكر بينه
ظلينه اني وخالتي للفجر گاعدين نتصل
هو چان ملتزم بصلاته خالتي توضت وهي تصلي
دگ تلفونهه فهد يتصل اشرتلي اجاوبه
بس اني ما قبلت خزرتني جاوبته
... الو ها فهد خالتي دا اصلي شويه وتخابرك مو
مترد عليهه
.... دنطي مجال شبيج اكو احد يركض وراج
... لا بس ما اريد ازعجك ادري بيك من اخابرك تنزعج يله باي
فهد..... صدگ ظجت من نفسي هي خطيه بالهه يمي وتسأل عليه واني احچي وياهه بنتر وعصبيه
صليت الصبح ورجعت الفجر لخاطر امي
ام فهد.... خاله توته صلي وروحي نامي وراج كعده
من الصبح تقرين
تسنيم... خالتي اتصلت بي وگلهه راجع اني علمود
ما اصادفه رحت للمطبخ اشرب مي شفته من باب
المطبخ خليت وركضت للغرفه
فهد.... شفتهه من شافتني ونهزمت علمود
متصادفني حقهه اني قسيت وياهه ردت الحگهه
للغرفه واعتذر منهه بس خجلت منهه
اكلتلي ارزاله من امي دخلت للغرفه لگيت مراد
گاعد يخابر بالبنات صح هو يگول احب توته بس
هو مشكلته نسونجي يحب البنات
مراد..... هله شرف ابن الوزير يله حياتي باجر اخابرج
تعرفين اني مؤدب احترم اخويه الچبير
ولج دولي مو طفيت من النعاس
فهد... ظحكني من كل گلبي حتى الظوجه راحت
بسرعه يبيع ماعنده لحيه مسرحه سده بوجه البنيه
... ولك سرسري تظل تظحك على البنات عليك الله
كم وحده مصاحب
مراد.... والعباس ماينعدن والمصيبه مرات اغلط
بأسماهن ولو ما الموبايل يكتب الاسم وي الرقم
چان نفظحنه ههههههه
.... هههههه ماتصيرلك چاره وتريد توته تحبك
...... ولك هاي حبي من الطفوله مدري تعويد
تعودت عليهه وعلى مناگرهه ما ادري بس هي اليه
تسنيم..... صارت ساعه ٦الصبح ونعسانه مشبعانه نوم بس لازم اگعد اقره اخذت كتبي وطلعت بالطرمه
فرشت وكعدت اقره
ما احس بس واحد من ورايه لزم شعري ويشم بي
نصدفت(كمزت)
اباوع ورايه عمو جبار عيونه حمر ودايخ بس مبتسم وظعه مو طبيعي گال
جبار.... هسه الله ما هداج دخلينه نتونس اريحج
وتريحيني
تسنيم.... لزمني من زنودي ويتلمس بيهن
لعبت نفسي دفعته وهل مره بسرعه ندفع لان وظعه مو طبيعي جسمه راخي مدري شبي
بس واعي على الي يسوي
عمو عليك الله كافي اني كبرت تره صرت افهم انته
شنو تريد اني مثل بنتك انتو ربيتوني تقبل واحد يسوي بريم ونوره هيج
جبار...... غير اشوگه شگتين ارجعه لأمه
هي لا تجيبين بناتي بطاري خوش وصيرين شريفه
براسي
تسنيم..... هو يحجي ويرفس بيه صدگ احتاجيت
اهلي احتاجيت سند احتاجيت احد التجأ واحتمي
بي سوه نفسه شريف صار يصيح علمود يغطي
عن تصرفاته وهو يحچي ويايه كلام محلو
گعدت خالتي على صوته وريم وفهد دا يبدلون لان الخط ٦ ونص يجيهم اجو على صوت الصياح مالته
واني ابچي
ام فهد.... تالي وياك شبيك وي البنيه
جبار..... والله اني بيتي مو مدرسه صوتهه وهي
تقره واصل لسابع جار تريد الشباب يسمعون صوتهه
ام فهد.... بنت اختي واني مربيتهه على ايدي كلشي
ولا تحچي وتجيب طاريهه توته خط احمر ابيعكم
كلكم علمودهه سمعتني هي طبيعتهه من تقره
بصوت عالي وتطلع بالطرمه لان انته وابنك مخمودين ذاك الليل كله يحچي وي بنات الناس وسهران للفجر بس عليمن يطلع فرخ البط عوام
ماحبت تزعج حظراتكم
تسنيم..... من سمعت خالتي تحچي بكل ثقه
رفعت راسي حسيت اجتني قوه ادافع عن نفسي
وبعد ما اخلي يستظعفني ويستغلني
..... خاله اذا اني دا اسببلكم مشاكل اروح لعمامي
حتى لو ميردوني مع العلم عمامي طول هاي السنين محد سأل عليه ماعدا عمي سيف الصغير
بين فتره وفتره يسأل عليه وماتركني واتفاجأ بجواب
فهد
.فهد... ياعمامج ذوله انتي بتنه احنه ربيناج حالج حال
البنات هذا بيت خالتج ولا تفكرين هيج تفكير
وترجعين زعطوطه ابويه ميقصد
اباوع على ابويه وظعه ما عاجبني عافنه ومجاوب ولا كلمه كل مره من ادخل يرگعني بأي شي گدامه
بس وهو يمشي يلزم بالحايط جسمه ممتوازن
اباوع على امي تهز بأيدهه حسيتهه تعرف شي
اجه ابو الخط ريم مكمله طلعت گدامي
امي رجعت للمطبخ
گبل لا اطلع همست بأذن توته
... بداعتي لاتظوجين واني اسف چنت غثيث البارحه وياج
تسنيم.... فرحت بداخلي بس استحيت ابينله دنگت
رجعت للكتاب چنت حيل محتاجه اسولف وي عسوله صارت ب٨ اتصلت عليه وبدينه نسولف
عسل..... چنت دا اقره لأن الامتحانات مابقه عليهه
واني بعدني ممكمله الكتب كولهه مرتبكه
وبسبب عمي ما الي واهس حتى اقره چانت المدرسه شويه من اسولف وي تسنيم افرغ
البداخلي دگ تلفون عمتي صالحه چانت خطيه تگعد ويايه تسويلي ريوك وتهتم بيه
والي تصلت تسنيم حيل فرحت بديت اسولف وياهه
هلو حبي شلونج
.... ولج عوبه والنبي مشتاقتلج
... والله اني اكثر كومه شخبارج
عسل...زينه شو صوتج معجبني
تسنيم.... مخنوگه حيل والدنيا ظايكه بعيني
عسل... ليش شبيج صاير شي
.... اشياء مو شي واحد محتاجه اسولف وياج
عليج الله تعالي العصر يمي نسولف شويه
..... احاول اذا گدرت بس هذا ابن خالتج العوينچي
حاولي اطلعي من اجي مزعج وما ينبلع
..... اوكي حبي بس تعالي
تسنيم.... للعصر خطيه اجتي عسوله
عسل.... من سديت التلفون من توته رحت لعمتي
ما قبلت اروح حيل ظجت اخذت كتبي وگعدت بالاستقبال وامي يم خواتي بالغرفه وعماتي بالمطبخ
وعمامي بالشغل شويه ويجي عمي جاسر
جانو بنات عمي صغار يمي
طلعهم من الاستقبال وبقينه وحدنه
جاسر.... تعالن ولجن هاچن فلوس روحن اشترن
من ام محمد عدهه شعر بنات
عسل.... عرفت بي يريد يزحلگهن علمود ياخذ راحته
قبل لا يطلعن شلت كتبي واني دگات گلبي مينعدن
وحلگي يبس من الخوف
ردت اطلع وجرني من ايدي وصاح سدن الباب خلن
عسوله تركز بدراستهه
سدن الباب ودفعني عالحايط لزم ادياتي بكل قوته
واني ضعيفه ذليله بس دمعتي تجري
لا حول ولا قوه الي بس الله حسبي و وكيلي
بده بأفعاله القذره ويايه وينسه نفسه ينسه اني بنت اخو يعني بحكم بنته مثل الحيوان يشوفني بعينه
عشيقته قرب وجه من وجهي لزمني من شعري وسحب وجهي على وجهه باسني بخدي واني مشمأزه ولعبانه نفسي منه
يشمشم بيه مثل الحبيب من يشم بحبيبه
يتلمس بجسمي كأنما اني حلاله مو محرمه علي
كمل رغبته عافني مكسورة خاطر مهظومه كرفست
على نفسي دخلت راسي بين رجليه واني ابجي بحرگة گلبي انهاريت فقدت بعد ما تسيطر على نفسي ما اعرف شسوي واني ابچي ومنهاره دخلت عليه عمتي طيبه شافتني ابجي سألتني
طيبه..... ها يمه شبيج منو وياج ليش تبچين
.... مابيه بس تعبت واحس نفسي ما مسيطره
وعگب باجر امتحانات
دخلت عمتي صالحه
صالحه..... انتي نفسيتج تعبانه تغدي وروحي لبيت ام فهد يم توته شويه غيري جو خل يجي جاسر
واخلي يوصلج
عسل.... لا يمه فدوه ما اريد عمو جاسر يوصلني
خلي احمد اخويه
صالحه.... شبي جاسر مسويلج شي
... لا لا كلشي ما مسويلي بس يشلع گلبي
حسيت عمتي ما اقتنعت وشكت اكو شي صاحت
على اخويه وره الغده يوصلني
تسنيم.... دا احظر بالغده وي خالتي وريم
نور بالغرفه متطلع من الغرفه صارلهه فتره حتى درجاتهه نزلت تحاول تنفرد بمكان وحدهه
صبينه غده گعدنه عمو جبار يتأخر بالدوام من الثنتين و وره يالله يخلص دوام
گعدنه نتغده وتلفون فهد كل شويه تجي رساله
ومراد يتعمد يحچي گدامي
مراد.... شلون بالحبچيه احنه الرسايل ترگع ها ام فهد
هذا متحچين علي بس مراد گملته خظره
ام فهد.... ولك شمسوي قابل مثلك الرايحه والجايه
تصجم بيهه عاد فهودي وحده ثابت عليهه ولو بس يأشراي باجر اخطبهه اله
فهد..... لا يوم زواجيچ خل اخلص كليه وهي هم بعدهه
تسنيم.... همه يسولفون واني مدنگه واكل الغصه
خنگتني اكلت شويه وگمت اسمع ريم دگل لأمي
ريم.... يوم رجاءآ هذا الموظوع لا تفتحو گدام توته
... واني بسرعه التفتت عليهه گلتلهه
.. لا ليش ريم اني شكو بالعكس ابن خالتي وافرحله
من كل گلبي
ام فهد.... ولچن اني مثل الأطرش بالزفه شبيچن
كلشي ما افتهمت شبيهه توته
تسنيم.... لا خاله ماكو شي سالفه قديمه وراحت اني وريم
عفتهم ودخلت للمطبخ انظف بي بين ميكملون غده
چنت اسمع اناشيد ما اسمع اغاني قليل
شغلت بتلفون خالتي لا تخليني وحيد وگلبي حاير
محمد الحلفي كولش اعشق اعماله
فهد.... تغديت اتصل عليه سجاد صديقي المقرب
گلي جايك وقريب على بيتكم
كمت غسلت لبست ملابسي وطلعت من المطبخ
سمعت توته مشغل لا تخليني وحيد ما اهتميت
چنت حيل متجاهلهه ولا كأنما موجوده لان اسراء
چانت ماخذه كل وقتي
لگيت سجاد منتظرني بسيارته بالباب بطلعتي اجه ابويه ارتبكت خفت خاف ابويه يفشلني گدام صديقي
..... ها يابه شلونك
... هله ها خير وين رايح
... والله بابا سجاد خابرني عنده شغله نخلصهه
ونرجع
.... بس لا تتأخر اني اتغده واتطلع لبغداد عدي شغل
ارجع من وكت ما اريد البيت يبقى فارغ
.... ان اشاء الله
اول مره ابويه يحچي وياي بهدوء مو بعصبيه
صعدت للسياره وبده سجاد يسولف وياي
عن حبيبته متعرف على بنيه طالبه وهسه علاقه
سوه همه شويه وتتصل علي
وحچيهم كله حب وغزل ومرات يطلع عالترابي وياهه
واسمع صدى صوته بس تتمظحك بس صوتهه
ما واظح
وهو يسولف وياهه چان كلامهم بلا حدود
هو وياهه ماخذ راحته والي صدمني ما صارله اسبوعين من متعرف عليهه شنو هالثقه
تسنيم.... عبر من يمي وعطره شلني شل شلون اطلعه من گلبي وعقلي واني على طول اليوم
اشوفه واسمع صوته
للعصر اجتني عسل وهي شايله هموم الدنيا
عسل.... تسنيم اني تعبت نفسيتي وثقتي بنفسي
ادمرت عمي دا يتواقح ويايه و ويه اختي اتخيلي
عنده عادي يتحرش بأختي گدامي ولا يهتم
واخاف احچي
تسنيم.... وتبقين تخافين لازم تحچين
.... شحجي بالله تحچين صدوك احنه مجتمعنه مايرحم وخاصه المرأه ينعلون والديهه ويطلعوهه
گحب..... ه هسه بس احچي يطلعوني اني الغلطانه
واني دا اغري وهو مسوه هيچ اذا ما اني انطيته مجال
وسويتله واهس
تسنيم.... ولچ انتي چنتي طفله
.... ياطفله همه يعترفون بطفله اصلآ هو يطلع الشريف ابو الغيره الملاك وما عدا المجتمع
الي ما راح يرحم سمعتي وسمعت خواتي
معناهه اجني على خواتي واخويه واحطم مستقبلهم
لچ والله مرات افكر انتحر واخلص
تسنيم.... اوف كلمن همه شكل اني انصحچ وما
انصح روحي
عسل.... اي سولفيلي انتي شنو فلمچ
تسنيم.... اني رجل خالتي الحقير مستغل فقر
وحاجتي الهم يتحرش بيه بس اني هسه گمت اوگف
بوجهه ما اخلي
والله لو ما اخاف على خالتي چان فظحته ولج والمصيبه يموت على البنات الصغار كون مراهقات
اني هسه من كبرت شويه قل تحرشه بيه
ذاك اليوم اسمعه يخابر صاحبه
صاحبه يگله شلون اتعرفت على طيره بالرابع اعدادي
وعمو جبار يگله متفيدني اريد ابتدائي بعده كون ستوه طاك ولج لعبت نفسي من حچيهم
عسل.... اوووف الله لا يوفقهم وعساهه ابناتهم
عوفينه من هذا القرف سولفيلي بالحب
تسنيم.... اسكتي ياحب غير طلع يحب بت عمه
واني ولا معبرني اصلآ صار يجاهلني ويعاملني ابرود
ولج واليقهر الليل كوله يخابر بيهه
وهي من تجينه تظل بس تتنعوص ابدي اكلهه
بسنوني
عسل.... ختولي ولج بس لا اسراء بت عمه
.... اي ليش
.... گبر هو هذا هم اختيار هاي مصاحبه كل طلاب
مدرسة.......... للبنين هنيالي بالعافيه على البوري
تسنيم.... من سولفتلي هيج صار عندي امل
طلعت عسل ومراد اجه التقو بالباب الخارجي چان
يگله
مراد.... هلو عسل شلونج متحچين وي صاحبتج
بلكي يحن گلبهه عليه.... يتبع