لعلَ الحب ينصفني

البارت٢٣

لعل الحب ينصفني
بقلمي...
زهراء الشمري ☘️
البارت٢٣

يا امان اكثر الك من حضن عيني
ما تجيني
انه وعيوني وحنينك
مشتهينك
بس تعال
وكبل عذرك عاذرينك
جنت مرتاح واضحك عاليحبون
وصل دوري وعلى حالي ضحكتي
فارغ جنت وامشي بدرب مهجور
من يا قبعة ساحر طلعتي
نزلتي من السمه بس نزلت اشهاب
وعفتي الدنيا وبگلبي اشتعلتي
غيرتي خريطة گلبي والعين
اشوف وما احس بس بيج انتي
يا اعجب حزن يا اغرب اطيوف
اجت مره ولا عافت صفنتي
منين انتي اجيتي
شجابج انتي
احبكم واسفه على التأخير ابني كولش مريض
فدوه ادعوله عنده ربو مزمن وتعبان
لاتنسون تصويت +تعليق
         ............★★★............
تسنيم....نگطع الخط وانگطع گلبي وياه ما اعرف شسوي خالتي اذا سمعت تموت لا محاله
اتصلت على خالي صلاح وفهمته شنو الي صار
اجه عمو جبار طب للبيت بسرعه حتى ما سأل
اخذ فلوس وهويه من الغرفه وطلع
واني گلبي نار صار الليل واني اتصل محد
يجاوبني دموعي تجري خالتي حست بيه شي
كل شويه تسألني شبيج
واني اگولله اني وفهد متعاركين عشيتهه
ونومتهه على چربايتهه وطلعت رحت لغرفة
فهد شبعت بچي
ليش ياربي معقوله بي شي يارب گلبي خلص
فكره تجيبني وفكره توديني
كل شويه تجي فكره براسي
يجوز الشغب اخذوه وبعد ما نلگاه حاله حال
الشباب الي محد يعرف وين مصيرهم
غفيت على فراش فهد
للفجر حسيت بواحد غطاني بس ما فزيت
صار الصبح
فهد....صعدنه على جسر الجمهوري غيرتنه
شالتنه على اخوتنه الي القناص وابو الدخانيه
خلصوهم شباب بعمر الورد يوگعون
وكلما يوگع واحد من عدنه تزيد عزيمتنه ضد
الفساد وماعدنه غير كلمه وحده نصيح بيهه عاش العراق
بروح بالدم نفديك ياعراق بهاي الفتره الاحزاب دخلت للتحرير وگامت ادز بنات ليل
وشباب تعبانه يسون شغلات محرمه علمود يشوهون سمعة المتظاهرين ونجحو بهذا الشي
من شفت الوضع بالتحرير مو مثل ٢٠١٩ اول
ماطلعنه وطالبنه بحقنه قررت ارجع اني وجماعتي ونتظاهر بالحله بمحافظتنه
بس ما گدرنه صار هجوم ونحصرنه نظربت
بصجم مال كسريه زرف رجلي وگعت شالوني اصدقائي لمستشفى اليرموك اتصلت على
توته لان ابويه اتصل بي ميجاوب
بس ملحگت اكمل اجو الشغب واخذوني
طبعآ انواع التعذيب شوفوني كتل على مي حار على سب وفشاير
للمغرب واجه ابويه وعمي وخالي صلاح
ابويه اكو سر بحياته مانعرفه بهذا الوقت بس
من اخذوني الشغب عرفت هو يشتغل
ويه الدوله لان اجه وياه ضابط چبير بالدوله
وطلعني اني واصدقائي
گلبي كوله يم امي لان اذا تسمع تموت بسببي
رجعنه الفجر بين مخلصت الأجراءات
دخلت لغرفتي لگيت توته نايمه على فراشي
چربايتي ام النفر مكرفصه رجليهه من البرد
غطيتهه وبستهه من راسهه
اويلي شگد مشتاقلج بويايي مو فرگه موت
شبگتهه ونمت
تسنيم....گعدت الصبح حسيت بثگل على صدري افتح عيوني گوه اباوع هذا فهد يمه
احس گلبي يريد يوگف ما مصدگه
البارحه ايست واني افكر شصار بي وشسوو
بي اذا لزمو الشغب
صحت من الصدمه
يمه اروحلك فدوه حبيبي صحه على صوتي
شمرت نفسي على صدره شبگته
وگمت اشمشم بي من رگبته وابوس بي وبخده ومن ايدياته
ليش هيج ليش هيچ تسوي بيه لو صاير بيك
شي ماگلت هايه تضيع بلياي لو خالتي الي عفتهه وراك ورحت مافكرت بيهه تموت
اذا صار بيك شي
فهد....فزيت وما حسيت الا شمرت روحهه بحظني وهي تبچي وتعاتبني
ماعرفت شگللهه وشنطيهه عذر واني صدك
مافكرت لا بيهه ولا بأمي
اخذتتهه بحظني واني ذبت بين اديهه
اسف والله اسف بس لاتبچين مو والله گطعتي
گلبي لاتسمع امي فدوه سكتي
تسنيم...عليك الله شنو وين اصابتك خما توجعك
فهد....مابيه شي اصابه خفيفه صجم داخل جوه لازم عمليه
خل فد كم يوم واسويهه يطلعولي الصجم
تسنيم...سوده عليه ياروحي توجعك ياعمري
فهد....چانت توجعني بس هسه لا الوجع راح
والتعب والقلق وكلشي راح
هو اليشوف هاي العيون يبقى بي وجع
تسنيم....هو يتغزل بيه واني نسطرت نسيت
نفسي صفنت بعيونه وهو شوي شوي قرب
وجهه عليه سحب شفايفي وضل يتعمق بيهن
اني بهاي اللحظه جسمي كله بعد ما احس
بي خليت ايدي على لحيته نزل على رگبتي
وظل يطبع البوس بكل جسمي
خفت لا تطور الامور دفعته وگمت
عزززززه هاي شبينه
فهد....شنو شبينه مرتي وبكيفي تعاي لاتشلعين
گلبي خليني مستمتع بهاي اللحظه
تسنيم....ما ما خلي اروح قبل لا يجون عمامك
فهد....اخخخخخخ رجلي توجعني
تسنيم....حيال سوه روحه متوجع علمود يلزمني
واني الفطيره مصدگه رحتله اركض
ها حبيبي شبيك توجعك
فهد..... هههههههههههه دتعالي شمرني على الچربايه بس هو بسببب رجله ميگدر يسيطر
عليه وبدت اصواتنه من الظحك تنسمع
عزه فهودي خلي اروح والله استحي لا يشوفنه احد
فهد.....دروحي روحي مو احنه بايگين
اطيرين الزمج واطلع بيچ القضه والمضه
بس خل تطلع سنة المرحوم
تسنيم....اوووي هاي شبيك مستعجل
فهد....اي بيعيهن عليه على اساس ثگيله
هو انتي مشتهيه ومستحيه تردين نعرس اليوم
قبل باجر
تسنيم....استحيت منه عفته وطلعت من طلعت من غرفته اتلگتني اسراء وگالت
متستحين ظحكج لسابع جار و وي الولد
وحدكم بالغرفه ومنا عمامي يسمعون
تسنيم....تره الولد الي تحجين علي خطيبي
يعني رجلي شرعآ
ضاجت عافتني وطبت جوه لفهد بس اني
ما رحت وراهه علمود مدگول غارت وماعدهه
ثقه بفهد
واني بداخلي ميته من الغيره اموت منهه
من تتقرب منه
بدو عمامه يجون وخالتي كل شويه تسألني
اظطريت اگوللهه اتعور برجله اجته صجمه
مال صيد طايشه برجله
طبعآ خالتي الخدود خرطتهه والبچي الا
شافته گبالهه يالله ارتاحت
حاولت اظم عليهه بس ماگدرت الخطار
بده يكثر
خوالي وعمامهم واصدقاء فهود
الحمد الله الدوام عطلو وصار الكتروني
اتفرغت لفهد ابوه بعد موت مراد حيل
يحاول يتقرب من فهد ويريد بس يرضي
اخذه لطبيب اختصاص وحددو العمليه
وبيوم العمليه من راح گلبي نار علي اتمنيت
اروح وياه بس خوالي ما خلوني
وعيوني على تلفوني اني وخالتي واجتي
ريم يمنه تساعدني كولنه قلقين
شويه ويتصل رقم غريب
اني بدون ما انتبه فتحت خط
طلع ولد غريب سديته گمت ارجف لان متعوده
انطي لفهد يجاوب بس لان منتظره اتصال
منهم ايدي على الخظره بدون ما انتبه فتحت
خط گام كل ساعتين يتصل وانطي رفض
خابر خالي صلاح الحمد الله نجحت العمليه
وطلعو الصجمات من رجلي
وطلب من عندي احظر فراشه لان راح يطلع
على مسؤليتنه
واني نار مشتعله بيه اريد بس اشوفه من
الصبح لليل واني افتر بالبيت مثل الخبله
وهذا الرقم الغريب ابد ما سكت
اجه فهد شفتهم من شباك المطبخ لزمت موبايلي وغلقته علمود مايسويلي مشكله
خوالي وعمامه وياه شفته وصل يمي اباب
المطبخ ردت اضم ادموعي بس ماگدرت
فضحني نزلن وحدهن انتبه خالي صلاح.وگال
ليش بابا هاي الدموع مو هذا گبالج كولشي
مابي هسه يصير زين هو سبع علمود نزفكم
خجلت حيل دنگت ورحت اركض فتحت باب
غرفته ونوموه على چربايته چان كولش
تعبان جايبين وياه عكازات من شفتهن نهاريت
اذكرت مراد
اختنگت حيل
ذكرياته اطاردني بكل مكان اله
ذكرى ويانه حلوه
نذرت اذا الله طلع فهد سلامات اسوي غده
لوجه الله بثواب ام البنين
ثاني يوم عزمت خوالي وعمام فهد انطيت
فلوس لعمو جبار بالبدايه ماقبل بعدين من گلتله نذر قبل ياخذ الفلوس
جبت سمج شوي كبار وطبخت تمن ومرك فاصوليا وزلاطه وطرشي وخبز حار من المخبز
جاب عمو جبار السمج صبيت السفره
وتغدو وشربتهم جاي بهاي الفتره
خالتي دا تستجيب للعلاج والعلاج الطبيعي الي اني اسوي الهه بالبيت ايدهه رجعت طبيعيه ورجلهه هم بس شويه ثگيله متگدر
تمشي عليهه هوايه
من كملو چاي لميت الاستكانات وجبتهم للمطبخ اجيت لگيت اسراء موبايلي بيدهه
....ها خير شتردين من تلفوني
اسراء....ها عبالي مالة فهد
....لا انطانياه واشتره جديد وبعدين شسوين
بتلفون فهد
اسراء...وانتي شكو ابن عمي
تسنيم....تره خطيبي صار
اسراء....هاي اذا بقى خطيبچ
تسنيم......حيل خفت من كلامهه وما عرفت شنو تقصد ادري بيهه خبيثه وحقيره
كلشي تگدر تسوي
البيت هوسه وصوت الجهال والخطار طاب طالع
هاي الفتره كولهه ضامين خبر وفاة مراد عن نور لحد ماتجيب
وجابت نور بنوته اتصل خالد فرحان وهم كلهه فرحتلهم خوالي وعمامهه الكل من سمع
الخبر فرحلهم بس شايلين هم شلون ننقللهه
الخبر
صار الليل واتصلت نور كامره كلنه انجمعنه
وهي تسولف وفرحانه بالنونو سألتني على فهد
گلتلهه نايم تعبان شوي وسألتني على مراد
من سمعت خالتي ماتحملت صرخت وبچت
نور بس صافنه وگالت
نور....شبيكم ماما شبيه مراد وين توته امي ليش تبچي
تسنيم....ماعرفت شنو اکوللهه وانطيهه عذر
اجه زوجهه وگلهه يله بعدين خابري گطع
الخط بوجه‍ي
سكتت خالتي گوه اجه عمو جبار يمهه عفتهم وطلعت
قفلت باب المطبخ والاستقبال ورحت لفهد
اشوفه خاف محتاج شي
لگيته يصفح بتلفونه
...ها ياروحي شلون صرت
فهد.....مو زين
تسنيم...عزه العزاني شبيك ليش
فهد....على كيفج مو زين لان من الصبح لهسه
يالله حنيتي عليه
تسنيم....خرب حظك والله عبالي توجعك رجلك عابتلك ابو كفشه
فهد...ها ابو كفشه هسه صرت
عمي اني شاب انيق وسيم
وين الكفشه بالموضوع غير ما مزين ولا
امشط ماكو ترتيبات وتلويزات طبعآ كفشه
تردينه من الله ملوز
دتعاي گعدي يمي ضايج طگت روحي
تسنيم....يابعد روح روحي وهاي گعده ولاتظوج
فهد....تعاي اگلج هاي مدري شنو على خدج
تسنيم....قشمرني تقربت علي يشوف شنو بخدي ويطبع بوسه بخدي
بس هل مره اني المشتاقتله حيل واحس
برغبه قويه بداخلي وهو يسولف ويتغازل تقربت منه
فهد....بديت اتغزل بيهه بعد البوسه الطايره
الي طبعتهه على خدهه
احبج والعظيم احبج.اموت بلياج
حسيتهه داخت تباوعلي بنظرة حب وشوك
تقربت عليه خلت ايدهه على خدودي وگامت
تلعب بلحيتي وعينهه ركزتهه على شفايفي
واني اريد اغريهه گمت كل شويه ابلل شفايفي
حسيتهه صارت الحلقه الاخيره بس تستحي
سحبتهه من ايدهه ذابت بين اديه سحبت
شفتهه الجوه وبقيت خمس دقايق لحد مافقدنه اثنينه ولو ما العمليه لا چان رحت گول بالمرمى
خليتهه على صدري ونمت
تسنيم خلاني على صدره ونام خليته يغفه
و وخرت من يمه غطيته وطفيت الضوه
وطلعت رحت لغرفتي الي هي غرفة البنات
من التعب نسيت تلفوني مغلق واگعد على صوت المنبه مسويته لوقت المحاظره ساعه بالسبعه الصبح همزين الموبايل مالتي من ينغلق المنبه يبقى مشتغل
فتحت الموبايل وتجيني كومه اشعارات مكالمات فائته على الواتساب نفس الرقم
الي اتصل بيه سويتله حظر
لان اخاف من فهد يسوي مشكله وهو مريض
مالي خلك مشاكل
فتحت موقع المحاظره وبديت ادرس
لحد ما خلصت المحاظره دا ارتب بالغرفه
وشفت خالتي طبت للغرفه حسيت مالكه الدنيا من الفرحه
صح مشيتهه ثگيله وتتوچه على الحايط بس
المهم گامت على رجليهه
لزمت من ايدهه واني ابوس بيهه من الفرحه
اخذتهه لغرفة فهودي بعده نايم
دنگت على راسه وباسته وطلعت
بين مانضفت البيت وسويت ريوك الخالتي
وغسلت مواعين وبديت اطبخ الغده
ضل بالي يم فهود لساه ما گعد
رحت لغرفته لگيته يرجف لزمته صاير نار
مصخن ماعرفت شسوي لزمت تلفوني واتصلت على خالي
بس خالي طلع بالمستشفى بعيد عليه خفت
رحت لخالتي اركض
...خاله الحگيلي فهودي مصخن ويرجف و يون
شسوي
ام فهد....عزه العزاني ولج لبسي وروحي لبيت
عمج ابو اسراء جيبي وتعاي
تسنيم....وصدگ لبست ورحت اركض بلا وعي
فتحت الباب ودخلت لگيتهم يتغدون
وخطيه عاف الغده واجه يركض ويايه
چان گبل مساعد طبيب يعني يعرف بهاي السوالف
لگاه مصخن نار علگله امبول براسيتول ومغذيات لان ضغطه هابط
وگلي أگعد اسويله كمادات
گعدنه اني وخالتي تباوع عليه شلون ملهوفه
وخايفه علي گالت
لم فهد ....يمه هلگد تحبينه
تسنيم.....خاله فهد هو اهلي الي نحرمت منهم
لو شگد ما اگلج احبه ما اعبرلج عن البداخلي
ام فهد.....اووووف ياتوته يايمه بس خل تطلع
السنه مال اخيكم وازفكم بيدي اريد تجيبولي
مراد يملي البيت عليه
تسنيم.....من ذكرت مراد روحي نعصرت عصر
حاولت ما ابچي گدامهه بس گلبي يبچي دم
واحنه نسولف گعد فهودي واني دا اسويله
گمادات لراسه ولأدياته
صحصح گمت خليت خالتي يمه ورحت سويتله غده وجبته تغده وگعدنه نسولف بس
بعده شويه مصخن
شويه واتصل عمو ابو اسراء وگال
....بويه توته طببو للحمام يسبح علمود اعضامه تروح منه الصخونه ومتخلو وحده
خاف ضغطه يهبط
گمت حظرت ملابسه وگلت لخالتي ادخله
للحمام گام على عكازاته وخالتي لازمتهه طببتهم وطلعت لان استحي ابد ما شايفته
بالشورت والكيمونه شويه وصاحتني خالتي
ها خاله خو ماكو شي
ام فهد .....تعاي يمعزايه اني اريد واحد يعيني
تعاي لرجلج حيري بي بعد مابيه حيل
تسنيم...عزه خاله والنبي استحي
ام فهد....انچبي تستحي ولج يوم غير خطيبچ
وديني لچربايتي بعد مابيه حيل
وديتهه ورحت لفهد للحمام گاعد على الكرسي
جوه الدوش اخذت نفس طويل وذبيت حسره
جسمه مضلع وصاحب وسامه لو اقوى وحده
تضعف گدام وسامته
وخليت ايدي على راسه
فهد....امي متعمده من صاحت توته
تريدهه تكسر المستحى من يمي واني هم عيد وجابه الغالي النه ردتهه من الله
طبت توته اخذت نفس عميق بداخلي اظحك عليهه بس گدامهه ابيع ثگل تقربت عليه گلتلهه
توتايتي اريد تسبحيني سبحه مال سنه فدوه
لأديچ
تسنيم....عزه شنو قابل كاتلك الوصخ ياروحي
عمو گال بس خل يبرد جسمه
فهد...سحبت اديهه من راسي وخليتهه على صدري
شايفه هذا شلون يدك هذا من توگف دگاته
يوگف حبچ وياه
تسنيم....عزه جسمي كله كزبر من خله ايدي على صدره يبوووووو بطني لوتني
سبحته وليفت جسمه وبدية انشف بجسمه
نزعته الفانيله ونفسي يضيگ عليه معرف شصار بيه وهو يتعمد يقرب وجهه عليه
وانفاسه وي انفاسي صار نفس واحد
گلتله
يله حبي راح اوگفلك بره بدل ملابسك وانته گاعد واذا متگدر اصيحلك خالتي
فهد....لا ياروحي عادي اني البس
بدلت ملابسي وصحتهه انطتني عكازاتي
ورجعتني للغرفه
ريم....بهاي الفتره من سوه عمليه فهد گمت اروح العصر وارجع لليل لعيالي اساعد توته
لان خوالي وعمامي كل يوميه يتعللون يم اهلي بحجة يشوفون فهد
طبعآ نور انهارت من عرفت بمراد بس مگدرت
تجي علمود بنتهه بعدهه صغيره وناعمه
وصارت يوميه تخابرني تطمئن على امي
لان زعلانه على توته متخابرهه لان مگلتلهه
بوفاة مراد
تسنيم.....مرة فتره وفهد بده يمشي على رجله
طبيعي استغنى عن العكازات
وبيوم گاعدين على العشه وعمو جبار گال
جبار....باچر اروح ابيع سيارتي لان مطلوب
ولازم ارجع فلوس العالم
تسنيم....صفنت گلت سبحان الله مغير الاحوال
من حال الى حال
هذا الي چان الچبير والصغير يحسبله الف حساب وهو الي ينطي للعالم فلوس
چان يحتار وين يودي فلوسه وكل شهر بدوله
لعب بالحرام اشكال وتالي كلشي خسر بسبب
نزوه عابره ضحكت علي
وهسه طلع مطلوب
فهد....من گال اريد ابيع سيارتي انصدمت مداين فلوس العمليه مالتي وهسه يردوهن
منه امي ماقبلت تساعده لان تريده يتغير
ويعتمد على نفسه وتريده يعرف
مال الحرام ميدوم ولا راح يفيد لازم الله يطلع
هذا الحرام لو بي لو بعياله
اخذ السياره وراح يبيعهه
گامت توته شالت الصينيه سوتلي چاي
فديتج وفديت الأيد السوته حبي
تسنيم...ولك عيب خالتي لا تسمع
فهد....ام حلك تستحي راح اروح للغرفه احسبلج عشر دقايق اريدج يمي سمعتي
واذا ما اجيتي اسويلج دگه ناقصه تعرفيني
تسنيم.....من هيج حچه خفت منه لان اعرف
سوالفه بايعهه ومخلص
اخذت چاي لخالتي وسديت عليهه باب غرفتهه
رحت لغرفتي لبست تراك احمر ابو السحابه
والبجامه بوري وبيهه خيط ابيض من الجوانب
خليت عطر غلاها زايد يموت علي فهد
وخليت عطر شعر يموت عطره ما استغني عنه
ورحتله للغرفه
فهد....طبت وعطرهه ترس غرفتي گمزت من چربايتي وحصرتهه على الباب شبگتهه
وقفلت الباب بالمفتاح
چانت اول مره اختلي بيهه بعد العقد والمشاكل الي مرينه بيهه
ظميت راسي بين شعرهه برگبتهه واخذت منهه نفس طويل
افيييييش ياريحتج ترد روحي
ولج هي كل مره مره
احبج اموت بيج
تسنيم.....گمز من جربايته وحاوط جسمي بأيدي ما قاومته لان اني هم عندي رغبه
بهذا الشي بادلته نفس الاحساس والشعور
صار يشمشم بيه من كل مكان طبع بوساته
بكل جسمي ذبت بين ادي
ماعرفت شلون اسيطر على نفسي گعدت بالگاع وگعد وياي گام يبوس بأيدياتي ويگلي احبچ
گعدنه نسولف وندردش شويه وصاحتني خالتي گمت وعفت تلفوني يمه چان يعرف الرمز حرف اسمه
فهد....مخرب الجماعات صاحتهه وعافتني وراحت لأمي شويه وتجي رساله لتوته
وبحكم الثقه الي احنه متبادلينهه عادي افتح
جهازهه وتفتح جهازي
من فتح الجهاز ما چان قصدي ادخل على
الرساله بس بدون قصد انفتحت
ومن قريتهه طبگن عندي الحار والبارد
اعصابي صارت براسي انصدمت بالرساله....يتبع