لعلَ الحب ينصفني

البارت الثالث

مساء الحب كيكاياتي
اعذروني اذا اغلط بحرف الظاء تره والنبي مشكلتي ما افرق بينهم هي والضاء اتخرجت واني ما افرق
قراءه ممتعه

ولعل الحب ينصفني
بقلمي....
زهراء الشمري 🌿

#تَدري شنهو #اليوجعنَي .؟
- انتَ ، والدَنيا #وشَتا الله
#وخَبصة الوادم ،
#وحظي ،
والضِياع الماد #رَجله بوَجه #عُمري
والاماني #المَدري ياهو #باك بيهن
والليالي التاخذ مِن #الحَيل مِن تريد #تَكضي ،
#والضوه الما #يَشتهيني
والهوى الما #يَعتنيلي
#والسما الما كمت اثق بِـ #الظال بيها
مِن طَفه #وجهك بِـ عيني

#دمعاتي تالي الليل #حركت مخدتي
                   نيمتني #بالانعاش وأني #بغرفتي

                 ....................   ...................
ريم.... من سولفتلي توته على الي سواه ابويه
چان تفكيرهه وفهمهه للمواضيع اكبر من عمرهه
تخبلت اني اعرف ابويه مو خوش ادمي ومصاحب
كومه بنات بس مو توصل بي يتحرش بطفله بعمر
بنته ومو غريبه بنت خالتي نقهرت حيل رحت
لفهد هو اقرب واحد اليه لان توؤم اني وياه چنه كلشي نسولف لبعضنه تسنيم من گمت ظلت تبجي تخاف من ابويه خاف يدري هي سولفتلي
...... ها فهودي اگولك اريد اسولف وياك
فهد.... اي ريوم گولي محتاجه شي
...... لا ممحتاجه شي بس اني حيل ظايجه من ابويه
هوايه يخابر بنات وامي دا تنقهر على نفسهه
بس ظرب واهانه وفشار ما مخليلهه قيمه گدامنه
وهليام دا احس بي يتحرش بتوته وهاي خطيه يتيمه
فهد..... هو هسه وين وامي وين
..... هو گاعد بالحديقه يخابر ومتونس وامي تبچي
مدري شنو شايفه علي
چان الموبايل ستوه نازل اشتره ارقى شي الدبدوب
اسمه
راح فهد على ابويه وما نسمع بس الصياح والهوسه
احجايه منا حجايه من ابويه ابوي تفل على فهد
حيل استهضم
رحنه نركض امي طلعتله اول مره اشوف امي توگف
بوجه ابوي
ام فهد..... لهنا وكافي سكتت وتحملت منك بما فيه
الكفايه ضرب وأهانه وفشار وما حجيت
جبار الا ولدي صارو زلم عيب تفشلهم
جبار..... دنعل ابوج لأبو ولدج بنت القند...... ره
ابنج جاي يحاسبني صاير چبير براسي تره وحگ
علي اخلي راسه وراسج بالبلوعه افتهمتي لو لا
واني بكيفي اخابر اگو.......... د بمزاجي محد
يحاسبني
تسنيم...... ختلت وره البرده اكيد ريم حچتلهم اتوبه
بعد كلشي ما اسولف
شويه وصار البيت هدوء بس صوت خالتي تبچي وتدعي على زوجهه لان حيل مأذيهم
اجن البنات للغرفه والولد بغرفتهم اجت خالتي هم شافتني خاتله طلعتني وشبگتهه
.... خاله اسفه والله ما ادري ريم تسولف چان ما حچيت ابجي واحچي وياهه ونوره تبجي ويايه
اشوف ريم تخزر بيه ما افتهمت چان تسكتني
ودگول
...... خطيه توته من سولفتلي شلون مقهوره عليج
عبالهه رحت تعاركت وي ابويه
ام فهد..... يابعد روح خالتج لا تبچين مابيه شي
عادي خاله هاي اني وي عمج عمر نفس الوظعيه
تعلمت علي بس منا وهيج اني اعلمه ولدي
كبرو مو مال ظرب فهد يجوز يسكت مراد عصبي
وطايش بدت وياه المراهقه المفروض يصير
صديقهم بس ويامن احچي اذا هو محتار بسفراته
ومخابراته المايخاف الله
فهد..... حيل نقهرت من ابويه هيج ضربني وتفل
عليه ميحسب احساب اني كبرت ميصير بعد
يمد ايده عليه
ظليت گاعد بالغرفه عطشت رحت اشرب مي
من المطبخ واشوف ابويه يحظر بجنطت السفر
فرحت راح نخلص منه كم اسبوع واشوف امي
تحچي وياه
ام فهد..... ها خير ليا دوله هل مره ويه يا گحب......
انته عندك بنات خاف الله ابنات الناس
رفعت راسي للسماء وحچيت وي ربي
.... ربي بجاه كلمن عنده جاه لا تعاقبه ابناته بناتي
ما الهن ذنب احفظهن واسترهن
هو يباوع عليه صفح ويهز بيده يظحك عليه
ميدري الدنيا ادور واليلعب بعرض العالم يجي
يوم ويظحكون على عرضه بس هو چان قافل
يحب الدنيا وملذاتهه اهم شي يريح نفسه ويتونس
عفته ورحت بغرفة البنات نمت يمهن
ثاني يوم ما حسيت علي من طالع ولا ادري بي
وين رايح گعدت من الصبح لفيت دولمه وخبزت
گعدو البنات والولد سويتلهم ريوك
.... فهد يمه ما تشوفلنه سياره نروح لكربله مطلوبه
نذر من ظاعت توته نذرت سويت جدر دولمه
نتغده ونزور هناك ما دام ابوك ماكو
تسنيم..... حيل فرحت راح نروح للزياره گمنه دا
نبدل اني ونوره ريم تغسل مواعين تساعد خالتي
اجرنه فهد سياره واخذنه چان يوم حلو ومريح
زرنه وتغدينه ولعبنه بين الحرمين
ورجعنه
ام فهد..... من اروح لكربله وادخل على ابو فاضل
العباس ادموعي ينزلن وحدهن ارتاح من ابجي بظريح مولاي عالرغم من اذيته النه بس ابد ما اگدر ادعي علي دائمآ ادعي الله يهدي ويغير حاله ويصلحه
رجعنه من كربله چانن اسبوعين هدوء حياتنه حلوه بلياه
فهد يطلع الصبح وي عمه للشغل لمله شكم فلس اشتره موبايل بي وخوانه يلتمون حوالي فرحانين
يالموبايل
وره الاسبوعين رجع جبار بس رجع وظعه متغير
للأسوء صار يعامل توته معامله قاسيه بس هي
متحمله لخاطري بدت تكبر وتتحسس
تسنيم...... مرة فتره اول سنه من توفة امي السنه
راحت عليه لان ما نقلوني عمامي وثاني سنه اني
ماقبلت اداوم وراهه داومت بس رسبت بصف الرابع سنه وبالخامس سنه مستواي تراجع وره
وفاة امي من رجعت للدوام بالبدايه ما
چان عندي واهس بس خالتي وريم ما تركوني
لحد ما وصلت ثالث متوسط ونوره خامس
هنا ظليت وحدي بالصف نوره صارت بغير صف
لان رسبت سبقتني
تعرفت على بنيه كولش حبابه وفقيره اسمهه عسل