لعلَ الحب ينصفني

البارت١٨

لعل الحب ينصفني...
بقلمي..
زهراء الشمري ☘️
مساء الحب حلوياتي
تصويت +تعليق حلو مثلج
وشنو توقعاتكم للقفله احبكم شكرآ على تفاعلكم الي يجنن
اذا اكو اخطاء اعذروني صايمه

#عليمن صافن وهاي المن #النظرة

                          #على الي راح لو عالجاي #تنتظرة

#مايسوه العمر لا تنظر اعلى #الجاي

                         #وعلى الي راح منك لا تجر #حسرة

#شنهي البقه بعمرك هو ليلة #ويوم

                             #عيد المر عليك ومنه اخذ #عبرة
         ...................................
فهد....من فتحت خط وگلولي اخوك لو تلحگ
علي لو لا
ماعرفت شسوي انكسر ظهري ونهد
حيلي بقيت محتار شلون اگول لأمي
طلعت بالطارمه خابرت خالي صلاح وگلي
لا دگول لمك طلعت توته ورايه
تسنيم.....شفت فهد اخذ الموبايل وطلع مثل
الحرامي لو الي مسويله شي وميريد واحد
يدري بي نار الغيره اشتعلت بگلبي كل الي
اجه على بالي اسراء دا تتصل بي
صحت بي منو تخابر فهد وانته خاتل
فهد....شنو خاتل هذا صديقي مسوي حادث
وراح اروح للمستشفى
عفتهه وطلعت رحت لبيت جدي لعمامي
شافتني اسراء وسمعتني شحچيت
وي عمي اخذني بالسياره وطلعنا لبغداد
لان جايبي من بغداد حلگي يبس جسمي
كله يرجف الطريق كوله ادعي يارب اخوي
سالم مابي شي لان ماعندي غيره بس هو سندي وظهري الي انتچي علي وكت العوز
عمي گام يمشي ١٢٠
يتصل على ابويه وابويه ولا يمه ميجاوب
ملتهي بلمذاته
وصلنه لبغداد لگينه خوالي گدامنه واصلين
دخلنه للمستشفى مخبوصه هواي جنود
وياه المستشهد والي مصوب والي حالته
بالساعات واني امشي وادعي ربي لاتكسر
گلب امي والله تموت وراه
سألنه ميعرفوه دخلونه صالة المصاويب
مالگيناه هنا نهد حيلي بعد گلت من ظمن الي استشهدو صرخت لطمت على راسي
لزموني خوالي فقدت من ما لگيته بالمستشفى حتى وي الشهداء
اجه مضمد شاف حالي گالي
اكو ثنين وضعهم خطر حيل حولوهم لغير
مستشفى..........واحد استشهد بالطريق و واحد
هو والله
بعد حيل مابقى بيه بقينه من مستشفى لمستشفى لحد ما لگينه واحد من الجنود الي جاي مرافق وياهم گال اظطرو يدخلو
يگطعون رجله وايده لان مهشمات وماالهن
حل غير الگطع
من سمعت هذا الكلام گعدت على حيلي
بنص المستشفى وبچيت من كل گلبي
يگولون ميصير الزلمه يبچي بس الأخو عزيز
والرجال هم بشر عنده گلب ومشاعر
واني ظهري نكسر بكسرة اخوي بقيت افكر
من يطلع من العمليه ويوعه شلون اگله
اخذو رجلك وايدك وهو الچان خابص المنطقه
بالصفاره والتصفيگ وي الطيور
شگله من يگلي امشينه خويه نسبح بالشط
شويه وتتصل ريم عليه تبچي وتصرخ
ريم....من طلع فهد وحتى الكيكه ما گصه
خطيه علمود صديقه فهد حنين وطيب راح
يركض امي بالبدايه ضاجت بس من سمعت صديقه مسوي حادث سكتت وانقهرت
لان تدري بفهد صاحبه صاحب وحيل يحب اصدقائه اكلنه كيك وگعدنه نلعب بطل
اني والبنات وامي تعبانه مدرسه وطبخ وبيت
تتعب راحت تنام
وره ساعتين اتصلت عليه اسراء
من فتحت خط وسألتني على مراد شلون وضعه ما افتهمت منهه لان ما نعرف بالموظوع
من سولفتلي ضليت الطم واخرط اخدودي
البنات واگفات ميعرفن شبيه ركضت توته
سدت الباب تخاف على امي تسمع يردن يفتهمن السالفه
تسنيم...اباوع على ريم تملخ بنفسهه وتبچي
وهي تحجي وي اسراء اريد افتهم گلبي
گله يم فهد ابد ما اجه على بالي مراد
من گلتلي مراد حسيت واحد وضربني على راسي ملخت روحي انتهيت صار عندي هبوط
وگعت نغمه عليه احتارن بيه البنات يخافن يگعدن خالتي
سولي لبن وملح و وكلني برتقاله وعيت على نفسي واني دموعي تجري
شويه وريم تتصل على فهد هي تصرخ وهو يصرخ واحد مفتهم من الثاني شي
سحبت التلفون من ايدهه وحچيت وياه
...ها حبيبي
.....توته اخوي اخوي كسر ظهري
....حبيبي بس خل افتهم وضعه شلونه
....ما ادري كلشي مندري هسه احتاجو دم
والعالم گامت تتبرع وخوالي وعمامي واني
مقبلو لان ضغطي صاعد
....زين وخالتي شلون
...دربالچن امي تحس منا لباچر الله كريم
سديت التلفون و وصيتهن ميحچن شي
بس احنه مبين علينه نور خدودهه مجرحه من اللطم وريم عينهه صارت زرگه واني مبين
عليه اكو شي عيوني حمر مورمه من الچي للصبح مانمنه
گعدت خالتي شافت وجوهنه هيج گالت
ام فهد...يمه ياستار شبيچن وگاعدات من الصبح وهاي وجوهجن شبيهه عزه العزاني شصاير
تسنيم...خاله ماكو شي ريم ونور تعاركن نور
ضربت ريم على عينهه بالغلط ونور المخبله
ضلت تملخ بوجهه
حسيت خالتي ماصدگت بقت تفتر بالبيت
للظهر واجن نسوان خوالي وره ساعه
نسوان عمامهم
وبدن يسولف ويمهدن الخبر لخالتي
ام فهد....ام رضا خيه شصاير اكو شي صاير
على ابو فهد شو حچيج كله بقضاء الله والقدر
هسه چاي اگلج والنعم بالله رجلي بي شي
انتن نسوان اخوتي اخوتي بيهم شي
توته خاله فهد وين
تسنيم....من سألتني شهگت ودنگت لطمت على خدهه وگالت
ام فهد...يمه اوليدي عزه العزاني شبي ولجن
وليدي شصاير گطعتن گلبي
تسنيم...لزمن ادياتهه علمود متلطم وگالولهه
مراد اصوب وهي انتهت كلهن ما سيطرن عليهه لطم وتملخ خسفت الصدر خسف ودگول
ام فهد...ولچن ابني ميت عدل عليجن الزهره
لا چذبن عليه ولكم ياناس ياعالم مكسور ضهري عليهم عساهه بحظك وابختك جبار من
وراك راح للموت برجلي اوليدي
تسنيم...خالتي تصرخ وتصيح والجيران التمت علينه
اخذت التلفون ورحت اتصلت على فهد
الو ....
ها توته شكو
اگولك خالتي درت وهسه موتت روحهه شلون
وماعدنه احد
فهد....هسه خالي راجع قريب على الحله
دربالجن عليهه گللهه مابي شي
تسنيم...وهو وضعه شلونه
فهد...تعبان بس يون بس تعده الخطر لو ما
گاطمين اطرافه چان مات من النزف
تسنيم...من سمعت بي مگطمين اطرافه ضليت
الطم على وجهي
سوده بوجهج تسنيم اوووي ياخيي يابو ظحكت الحلوه هيج يصير بيك
تخربطت خالتي واحتارينه وخطيه جيرانه عدهم سياره اخذوهه لمستشفى الحله
رحت وياهه خلولهه اوكسجين وضربوهه ابر
صار عدهه ضيق بالتنفس
من صحت رجعت تون وتبچي وتملخ بنفسهه
خالي گال
هاي مترتاح اذا متروح يمه گتله خالي اروح
وياهه ما ابقيهه وحدهه
اخذت غراض وفراش لفهد ورحنه لبغداد
وصلنه للمستشفى والمنظر الي عمري ماراح انساه حال فهد وخالتي من تواجهو
هو يگلهه كسر ظهري وهي دگله ولك يمه
شسويت. بيه ياتعبي وصبري ولك اخيك يمه
بيع روحك واشتري
هو يبچي وخالتي تلطم گلتلهم بس اشوفه
دخلوهه چان متغطي ما انتبهت على اطرافه
حچت وياه فتح عينه عليهه ورجع سدهه
يصحه شويه ويرجع ينام بقى على هاي
الحاله ٣ ايام لحد ما بده يصحه ويحس
بجسمه
فهد.....٣ ايام من عمري هدن حيلي وكسرلي ظهري وبدت مرحلة شلون اواجه اخويه
واگله نگطمت ايدك ورجلك صعبه حيل عليه
دخلتله اريد اغدي وسألني
مراد....خويه شو رجلي وايدي ما احس بيهم
فهد...ماگدرت اتحمل نزلت دمعتي وماعرفت اجاوبه صاح بيه عمي
...اطلع بره اذا تبقى تبچي مثل النسوان
انته گاعد يم بطل سبع العشيره
عمي رجلك وايدك راحن فدوه للعراق وللسيد
السستاني
مراد....فدوه عمي بس امي لا دگلولهه فدوه
تره تموت
فهد....امي هو شبقى بأمي هسه گوه رجعوهه للبيت صارلهه يومين بالمستشفى
مراد...خالي طلعوني فدوه مااريد ابقى بالمستشفى
فهد....ومر اسبوع على وضع مراد بده يتحسن
اجه ابوي بگلب بارد حتى الناس الغربه
من شافت حال مراد هم بجه علي وهو گال
جبار....عفيه ابني بطل رفع راسي ولا تهتم
اشتريلك احسن ماركه رجل وايد تركيب
فهد....اباوع علي واني بداخلي متمني الي صار
المراد صار لأبويه
مر شهر ياله طلعو مراد من المستشفى
رجعنه للبيت وامي شافت مراد مگطمه ايده
ورجله وخالينه على كرسي متحرك
وبده الصريخ واللطم شبگته وضلت تشمشم بي يوم مينسي خواتي شابگاته ويبچن حتى توته شابگته وتبچي
تسنيم....حسيت كسرني مراد من شفت وضعه
على كرسي متحرك هو بطبعه صلف ميحب
يبين لواحد هو مقهور ميريد احد يعطف علي
يظحك علينه ويبين هو مقتنع وراضي بوضعه
اعتزل مراد شهر وهو مطالع للطرمه والخطار الي يجي يريد يشوفه ميقبل يشوفه
مرة فتره ومابقى على الامتحانات البكلوريه
شي طبعآ بهاي الفتره من رحت وي خالتي للمستشفى رحت لبيت عمي ياسر بتت
ونمت يم تقى سولفتلهه كولشي وتفهمت الوضع ورجعت علاقتهه بحيدر وعدوني
يساعدوني بس يعقدون وفعلآ وره شهر سمعت بيهم عقدو سيد ومحكمه وازوجو
بدون ميجيبولي خبر بس حيدر انطاني علم