لعلَ الحب ينصفني

البارت السادس

لعلَ الحبُ ينصفني
بقلمي....
زهراء الشمري 🌿

زرعتك شجرة من جان
العشگ صحراء
ليش طيور غيري
يحطن بحضنك

اريد اصفه وي روحي ..وارد اراضيها
واريد امسح غبار المارحم بيها
واريد ازرع ورد.... بس كون جرحي يطيب
ومحطات المشو ماريد امر بيها
اريدن ريل ياخذني اعله ديرة ناس
توعد من صدگ وتوّفي تاليهه
والك... تعبااااان.... والك مليت
ليش اليفرش ضلوعه لعزيزه يگوم
أهو نفسه عزيزه اليدبچ اعليههِ

**********... **********
مراد.... مو والله شلعته لگلبي خل تحن على هالعبد
المسكين المستكين الذليل الهايم
عسل.... واني شعليه انته وبت خالتك لظاهر اليوم
مامتناگرين ادورلك حجه
تسنيم... اي والله حبي هذا خبل يدور سوالف من جوه الگاع يتحرش يريد يتعارك واني بالي يم الامتحان
مافارغتله يله حبي ما اوصيج شدي حيلج
عسل.... خابرت اخويه واجه اخذني وخليت تسنيم
هي ومراد مناگر اكثر اثنين يتناگرون عالرغم هو
يركض وره البنات بس مبين يحب توته ويهتم بيهه
الله هيج الحب حلو واني هم يجي يوم احب
طاح حظج دفكري بدراستچ شلون تخلصين من
عمچ العار ياحب يا زرب......
وصلت للبيت ريحت الكباب عروگ تظرب بالراس
لگيت عمتي طيبه تگلي ركضت ميته جوووووووع
لفيت بالخبزه عمتي صالحه تخبز سويتلي لفه
وكوب چاي يابويه شگد طيبه چانت
من گد ما جوعانه
سمعت صوت عمي جاسر
انهزمت للغرفه بدلت ملابسي توضيت وصليت
المغرب حيل ملتزمه بصلاتي
اباوع علي يسوي حركات مقرفه لأختي ويأشرلهه
تجي
بس هي نهزمت للمطبخ يم عماتي لان اني وصيتهه
من تشوفه تروح بمكان بي احد
كملت صلاه صبينه عشه انجمعنه عالسفره بيت عمي وجهالهم وامي وعماتي وخواني
بس اني ما تعشيت شبعت من اللفه رحت اقره
بدت الامتحانات والحمد الله چانت الأسئله زينه
اخر يوم اتفقنه كل وحده تسويلهه اكله علمود
نتغده بالحديقه مال مدرسه ونتواعد
سوتلي عمتي طيبه جدرية دولمه حامضه حلوه
اجت تسنيم ظايجه حيل ملحگنه نسولف دخلنه للأمتحان واني بالي يمهه لان احس بيهه مخنوگه
تسنيم.... چان اخر يوم امتحان قررو البنات يسون
اكل بس اني استحي اطلب من خالتي لان مريضه
رحت لغرفة البنات نور وريم گاعدات حاچيت ريم
.... ريوم باجر صديقاتي كل وحده تسوي اكله
واني استحي اطلب من خالتي تسويلي برياني اي شي المهم اشارك وياهن
هنا نور صدگ خلتني احس بعازت الام
نوره.... انتي صدك متستحين وماعندج احساس
متشوفين امي ظغطهه كل شوي صاعد تروح تطبخ لحلگج وحلك صاحباتج
تسنيم..... من القهره والخجل ما اعرف شسوي وشجاوب نزلت راسي والعبره خنگتني دمعتي احاول متنزل ترست عيني
..... ها اي همات صدك نسيت يله
ريم..... انتي ليش ادبسززز شنو هل هيلگه هو هذا
هم جواب خو گوليلهه امي مريضه مابيهه حيل
شنو هذا الاسلوب الوقح
نوره..... والله هذا الموجود العاجبه عاجبه والماعاجبه
الباب يوسع جمل
ريم..... طايحة حظ مو بيدج توته حبي معليچ بيهه
هاي السانهه متبري منهه
تسنيم.... لا حبي صحيح حچي نور خالتي مريضه
لا دگوليلهه
قررت اطلع من وقت الصبح علمود اشتري حلويات
وعصائر ومي اشارك وي البنات چنت رواتب امي
وابويه اظمهن يم خالتي تظمهن اليه من احتاج اخذ منهن
عفت البنات وطلعت لگيت فهد بوجهي وره الباب
ما ادري سمع كلامنه بس طلعت الدمعه بعيني الخنگه كاسره بلعومي باوع عليه بشفقه دخل للبنات عفتهم ورحت لخالتي اخذت منهه مبلغ
اخذت كتابي اراجع الماده بالطارمه اجه مراد
مراد... ها توته بشري شلونج مسيطره بالماده
.... اي مسيطره چنت مالي خلگ احچي وي احد جاوبته بنتر بدو١ن ما اقصد
مراد... وشدعوه عليج هيج تنترين بوجهي اني هم
صوجي
... عافني وطب ما اهتميت شويه وطلع فهد اول مره
من بدت علاقته بأسراء يحچي وياي كله مجاهلني
فهد.... محتاجه شي توته
.... لا تسلم مشكور متقصر
عافني وطب جوه ظليت اروح واجي ماخذه الطارمه
بالطول اقره واحفظ الماده
فهد.... بابا محتاج سيارتك
جبار.... خير وين تولي بيهه
فهد.... عندي شغلهة بالكليه اخلصهه وارجع فدوه بس هل مره
ام فهد... انطيهه الهه احسن ما مچودرهه
جبار.... هاي مو لخاطركم بس اني باجر ما اروح
للدوام اخذهه اذا الگه بيهه شخط اشخط وجهك
الك
تسنيم...صارت ساعه ب ٢ نعست حظرت غراضي
فتت من يم الاستقبال اسمع فهد يتعارك وي
اسراء صح جنت اعشقه وانقهر من اسمعه يخابرهه
بس جنت اظوج واموت قهر من اسمع بي ضايج
وعصبي ما اعرف شنو الي صاير بينهم بس طلع من الاستقبال نار
فهد... وانتي الثانيه مو وراج دوام ليش مانايمه
تسنيم.... جنت اراجع هسه انام شفته حيل عصبي
عفته ورحت طبيت للغرفه ريم نايمه
بس نور اظاهر ما حست عليه من دخلت لان خاله
سماعات بأذنهه وتحجي بهمس عرفت هي تحجي
وي واحد لان تصرفاته اخر فتره مو طبيعيه
هواي تتختل بالتواليت لو بالغرفه متطلع غلست
سويت نفسي ما ادري شعليه بيهه يجوز خوش ولد
يحبهه هي مو صغيره
نمت گعدت الصبح لبست ملابسي واخذت كتبي
وطلعت بالباب اتفاجئ بفهد صاعد بسيارة ابو
استغربت شعجب انطاه السياره
فهد..... صارت ساعه ب١٢ بالليل جنت متواعد
وياهه على الساعه ١١ بس ملحگت اظطريت اتصل ب ١٢ اذا مجاوب نايمه اتصلت على اسراء
يطلعلي مشغول ظجت بهذا الوقت ليش مشغول
ظليت اتصل ساعه كامله حركت التلفون
معقول متشوفني اتصل لان يطلعلي انتظار مشغول بمكالمه اخرى احس نار اشتعلت براسي
صارت ساعه وحده ونص دگت عليه
الو
هلو حبيبي شلونك
فهد.... دنعل ابو لحبيبچ مخليج براحتج
... هاي شبيك ياعمري
..... بللله لا تتنعوصين لا اكفر بيج منو وراج حتى من
ديني راح اطلع مدگوليلي ليش مشغول
..... ها مشغول
.... اي مشغول بله فكريلچ بعذر تقشمريني بي
بس هو مو صوجج صوجي منطيج مجال ما كاسر
ظهرج
..... اهو تره دا احجي وي صديقاتي مسوين مكالمه
شنو قابل احچي وي صاحبي
..... والله گولي لنفسج اكو وحده تحچي وي صديقاتهه بهذا الوقت
..... اي اني انته ما خابرت گلت خل اخابر صديقاتي
انته حلال عليك من تخابر ويطلعلي مشغول
.... شنو تسوينهه وحده بوحده
فقدت اعصابي وظليت اصيح عليهه اتزاعلنه
سديت التلفون منهه
صبح الصبح علمود اخذ توته للمدرسه لان حيل
ظجت من نوره ورزلتهه من هيج جرحتهه بالكلام
ردت اغيرلهه جو واني صار فتره متجاهلهه واعاملهه
ابرود لخاطر اسراء لان اسراء تغار منهه ومحلفتني
ما احجي وياهه هوايه
بس من تعاركت وياهه وچان اسلوبهه مو حلو واني
اكره البنيه الي تجاوب وترادد جان فرق بينهه وبين
توته مثل الفرق بين السماء والگاع
طلعت توته تفاجئت من شافتني فتحت الهه الباب
.... يله صعدي خل اوصلج للمدرسه
تسنيم..... بين الفرحانه بين الما مصدكه شنو الي
دا يصير شعنده اليوم والله لو تدري بي اسراء
تعدمه ابتسمت ابتسامه خفيفه جنت حيل استحي
منه ابد ما اباوع بعيونه ولا شايفه عيونه
قبل لا انزل گال
فهد.... توته مو اطلعين وحدج انتظرج باب المدرسه
تسنيم... ليش مو تريد تروح للكليه
فهد.... ها لا غيرت رايي ما اروح
.... مو خاف عمو يحس عليك يسويلك مشكله
فهد.... . معليچ انتظرج
ما اعرف شنو الي خلاني اسوي هيچ اريد اظوج
اسراء مدري رغبه بداخلي اتجاه توته لان هي
حبي الأول واني بسبب مراد سحبت نفسي
احاول اتهرب منهه صح دخلت بعلاقه وي
اسراء وحبيتهه بس دائمآ اشوف توته بيهه
اول يمكن لان قصرت وياهه جنت حيل مداريهه وفجئه سحبت هذا الأهتمام
افتريت شويه لنهاية الدوام لگيتهه تنتظرني اباب
المدرسه هي وصديقتهه عسل
تسنيم.... من صعدت وياه حيل فرحانه مدري شنو حسيت بس احساس حلو تمنيته كل يوميه يتكرر
طريق كوله ارجف ومرتبكه هو ساكت واني ساكته
وصلت للمدرسه قبل لا انزل اتفاجئت انو هو راح يرجعني مصدومه شنو الفلم شدا يصير
دخلت للمدرسه وبسرعه دخلت لقاعة الامتحان
چانت الأسئله زينه جاوبت والحمد الله طلعت
لگيت عسوله جايبه جدرية دولمه اويييني شلون
طعم خنفشاري يفلش حامض حلو
فرشنه السفره وتغدينه تونسنه حيل لعبنه لعبة البطل الي هي منو يفتر البطل عليهه يسئلوهه سؤال
اني چنت حريصه على اجاباتي لان محد يعرف اسراري غير صديقتي عسل لأن مؤمنه انو السر
اذا طلع من بين اثنين ينتشر وميسمه سر
توادعنه وي صديقاتنه واتفقت وي عسل نوصلهه
... عسوله اليوم اني اوصلج ويايه فهد منتظرنه اباب
المدرسه
عسل..... ها اهنا الحچي اشوفك فرحان ومرتاح يحلو
اثاري الحب موجود
تسنيم.... اشوووو طاح حظچ فظحتينه ولج اسكتي اني ما مصدگه وكون اسراء تدري بي غير تذبحه
عسل.... يمعوده ختولي
.... لا والله اني صح احبه بس من گد ما احبه من صدگ ما احب اشوفه ظايج
طلعت اباب المدرسه لگيت فهد واگف على السايد
الثاني يمه شگد احبك ويمته الله يحنن گلبك عليه
ولو ادري بگلبك يدگ لغيري
اشرلي عبرت الشارع اني وصديقتي صعدت
... فهد بلا زحمه نوصل عسل ويانه لبيتهم خطيه
ترجع وحدهه لان كل يوم نرجع سوه
فهد....تدللين انتي وصديقتچ
تسنيم.... هلو شنو تدللين يمعود منك من الشيطان
شنو اليوم شصاير بالدنيا مشت السياره واني مستغربه ما مستوعبه
وصلنه عسل وقبل لاتنزل غمزتلي گالت
عسل.... ولج عود لا تصيرين فاهيه
تسنيم.... هو ولايمنه تلفونه كل شويه يدگ ويفصله
فهد.... خابرت امي گلتلهه راح اخذ توته اغيرلهه جو افرهه شويه خاف تتأخر لا يظل بالج ولا تجيبين
طاري لأبويه
ما اعرف شدا اسوي انتقم من اسراء مدري صدگ
حنيت الهه ومدا اگدر اطلعهه من كلبي
بس اخوي ما أگدر اكسر كلبه واطعنه وهو يجي
يسولفلي شكد يحبهه
وصلنه صديقتهه لبيتهم وطلعت من غير شارع علمود ابويه ميشوفنه اخذتهه لشارع اربعين
اباوع عليهه مستغربه الوضع
تسنيم..... استغربة اكثر من اخذني يونسني بشارع
اربعين صار عندي امل يجوز يحبني اكو مشاعر اتجاهي بس بلحظه هذا الأمل راح من كثر الاتصال
علي فتح عليهه خط واسمعه يگوللهه
دگت عليه اسراء اباوع على تسنيم توترت فتحت خط
فهد.... الو
اسراء... هلو حبيبي اشتاقيتلك هيج تتجاهلني
مو اعتذرت منك وبعد ما اعيدهه ليش هيچ
تعاقبني
فهد.... هسه شنو المطلوب شتردين
اسراء.... سامحني بس هل مره
فهد.... اوك بليل نتخابر هسه اني طالع بشغله
تسنيم..... من گللهه طالع بشغله معناهه ميريد
يظوجهه راد ينزلني للمحلات بس اني حيل ظجت وگلتله يرجعني
فهد.... من اتصلت اسراء وسمعتهه تبچي صدگتهه
وگلت مدام بجت حست بغلطهه وكل شكوكي
غلط واني ظلمتهه اتفقت وياهه بالليل اخابرهه
ارتاحيت وحسيت هم وانزاح چنت حيل مغثوث
ردت انزل توته اشتريلهه ماقبلت واني هم رجعت
بس بدون قصد ما اهتميت فريت السياره ورجعت
من وصلنه چان دگلي
... عمرك ماراح تصير اخ اليه ولا صديق خليهه ابالك
تسنيم.... اول ما وصلت للبيت دخلت للغرفه بدلت
ملابسي وفرشت ونمت تعبانه حيل
ما احس نفسي الا ساعه ب٢ باليل اگعد شبعانه
نوم وجوعانه البيت هدوء بس صوت فهد يسولف بصوت ناصي وصوت الشخير مال عمو جبار
الي اخر فتره تركني من هددته خالتي بعد ما اتقربلي
رحت للثلاجه طلعت طماطه وخيار سويت لفه
وأني دا ارش الملح عليهه يدخل مراد للمطبخ
بالفانيله والشورت هو ارتبك واني ارتبكت لأن جان موقف محرج دنگت وهو نهزم من شافني راح لبس
بجامه واجه
مراد. گبر اي والله عبالي جني دطلعي صوت عبالك
حرامي دوده انتي
تسنيم... گبر الگبرك بيش طالبني بعدني بعز شبابي
واني شمدريني بحظرت جنابك ما مطمور طمرت اهل الكهف
مراد.... والله شعدي من هسه انطمر عليج الله شهيتيني سويلي لفه وياج عليج العباس
تسنيم.... دولي شبيك مگرم متسوي لنفسك
.... عيععععع شگد نحيسه اطلعهن بيج بوكتهن
.... دولي ولي يطلعهن بيه ابو حلگ بطيورك خل ارجع
انام وانتعش باجر ورايه طلعه
مراد.... وين على خير وين دايحه
..... والله اريد اشتري مبايل يگولون جاي على اللمس
... اي عمي حقچ بس كون اعرف فلوسج وين
ظامتهم
.... تره دوختني هههههههه
ظلينه نظحك عفته ورجعت نمت
صبح الصبح گعدت من وقت كولهه نايمه سويت
چاي وسويت طاوة بيض احمر حمست بصل وخليت شويه معجون حمسته طلعت ريحته وطگيت البيض اووووويني كرشي الصغير لا يتحمل
واجبان بين ما گعدو
ام فهد..... يمه البنات ٣واگول اگليلات معدله
فدوه لبنيتي
تسنيم..... اووووي تره اخجل خاله هاي شبيج هههه
تريگنه وكلمن راح لشغله
طلبت من خالتي اشتري موبايل بالبدايه رفضت
خاف يلهيج بدراستج بعدين اقتنعت
من اجه فهد انطيته فلوس اشترالي موبايل على اللمس چنت كولش فرحانه بي اول ما اتصلت اتصلت بعسل صديقتي
الو
عسل..... هلا وغلا بالزين كوله شلونج حبي
...... بعد عمري تمام وانتي
..... الحمد الله منيلچ هذا الرقم
..... هذا رقمي حفظي يمج انوب اتصلي علي لا تتصلين على خالتي
..... اي عيني صار عدج موبايل طگيتي خالي
حيل فرحت لتسنيم من اشترت تلفون سوتلي
واهس اشتري واحد رحت لعمتي طيبه الي اني اسميهه ماما
...... ماما ممكن طلب
طيبه.... اي ياروحي گولي شعندج
.... اريد موبايل اخابر بي صديقاتي اراسلهم والله استحي من يتصلون على ماما صالحه واني ماعندي
طيبه.... خل اشوف صالحه خاف متقبل
..... اكيد متقبل بس انتي اقنعيهه
ظليت اشبگ بيهه وابوس بيهه علمود تقتنع واقنع
بيهه
بس للأسف ماما صالحه مارضت
بقيت اسبوع اتوسل بيهه وماكو قافله متقبل
حيل ظجت خواتي عدهم واني لا تخاف على دراستي
بيوم رحتلهه للمطبخ وظلت تصيح عليه
رحت للأستقبال تمددت على بطني على التخم
وابچي من كل گلبي لا عندي اب واطلب منه
لا عندي ام مثل العالم عدهه السان وادافع بي عنه
فقيره ومن اهل الله ما الهه دور بحياتنه
شويه ويطب عمي جاسر
جاسر.... شبي الحلو يبچي ذني العيون ما يبچن
ذني ينباسن
عسل.... عمي والله طاگه روحي لخاطر الله لا تتقرب
مني تره والحسين اكتل نفسي ميصير حرام اني بحسبت بنتك
جاسر زرب.... ه عليج وعلى الحرام دتعاي بس شمه
عسل.... عفته وركضت نهزمت تعبت نفسيتي حيل
من هذا الوظع كلما يحصل فرصه لو اني لو اختي
يتحرش بينه كلام فشار يلعب النفس حتى المزوجه متسمعه يتلمس بأجسامنه بحجة عمنه ويشاقينه
بس هو مبين تحرش
دخلت للغرفه واكو بميز المعرض شريط مال حبوب
اخذته فتحته...
تسنيم..... حيل ارتاح من اتصل وي عسوله سوالفهه
حلوه
من خابرت عسوله اخذت رقم عمو سيف من
تلفون خالتي واتصلت علي
حيل فرح من سمع صوتي دائمآ يسأل عليه صار
ثلاث اسنين مشايفته قبل جان بين فتره وفتره يجي
يشوفني بس قبل ثلاث اسنين گطع بس يخابر
عزمني على عرسه يوم الجمعه حچه وي خالتي
يريد يجي ياخذني لبغداد
اني من سمعت گلبي مدري ليش صار يدگ حيل
يابغداد صار اسنين مشايفتهه والبيت الي عشت بي احلى طفوله راح ارجع اشوفه
اترددت وما اريد اروح ما اريد اذكر اهلي وانوجع
وهم ما اريد اشوف عمامي لان محد سأل عليه
وره يومين هم اتصل عمو سيف بس گلتله
ما أگدر اجي لعرسك هو تخبل حيل ظاج الا تجين
اغيرلج جو واطلعچ تعالي خل نشوفج هذا بيتج
بيت ابوج عمامچ يردوج شويه وعمي الچبير سحب
التلفون منه استغربت وهو يگلي
.... اي عمو تعالي هذا البيت هم بيتج والج بي حصه
حچو وي خالتي واتفقو بعد يومين الخميس يجون عليه
لو عمي لو ابن عمي الچبير چان اكبر مني
صار الخميس حظرت غراض على گد اسبوع لبست
بنطرون ومانتو للركبه وشال وظليت انتظر
شويه ويندگ الباب طلع مراد فتحه طلع شاب
اول مره اشوفه عرفت هذا محمد ابن عمي
مراد تخبل من شافه معضل وطويل ومغرور گوه
يحچي شايف نفسه طب شرب چاي طبيت سلمت علي وتعارفنه بس ابد ماينبلع مع العلم هو حلو وشخصيه بس مغرور
مراد..... توته لا ترحين حبابه ابقي هنا شعندج رايحه
تسنيم..... چنت اتمنى لو سامعه كلامه ومارايحه
لبغداد ولا راجعه علاقتي بعمامي... يتبع

ﻣن يـَحتاجك بشڪل ﻣؤقت تجاهـله بشڪل دائـم