لعلَ الحب ينصفني

البارت التاسع

البارت التاسع
لعلَ الحبُ ينصُفني
بقلمي...
زهراء الشمري 🌿
#مال ارجعلك وادك #بابك ذليل
لا وحق #الضاع من عمري #بهواك
لو #عمت عيني #وضوه العالم بديك
لا تضن #عيوني تتوسل #ضواك
#طاري حبك #والصور والذكريات
من رحت #ذبيتهن كلهن #وراك

#وشما طولت هم تنتهي #وباجر الشده اجتازها.
ما اريد #رحمه من البشر .. بس رحمة #الله اعتازها.
**********.... **********
عسل.... لا ست فدوه كولشي ولا هاي السالفه شنو
شرطه معناهه تحكمين عليه وعلى خواتي بالأعدام
ست اذا مو عمامي فالناس ماترحمنه
سمعتنه تصير عليهه علامة اكس ياشرطه ست
صدوك تحجين
ست ابتهال.... شلون لعد ماما لازم عمامج يدرون لو تشتكين علي
عسل.... ست لخاطر الله والله تعبت لا تصيرين
انتي هم ضدي فدوه ست معناه نشتهر
وتصير فظيحتنه على كل ألسان

ست ابتهال..... بس لا تبجين ياماما خليج ماخذه حذرج والله كريم مثل ما وصيتج اهم شي لبسي شي عريض كلش و ابد لا دگعدين وحدج
عسل... ظليت اسوي الي دگولي بي ست ابتهال
والحمد الله عمي بعد ميگدر يتحرش بيه لان
ميحصل فرصه دخلتني يم مرشده نفسيه علمود
نفسيتي ترجع مثل قبل لان تعبانه جنت حيل
ودائمآ افكر اسوي شي بنفسي
وقرب يخلص الدوام رجعنه اني وتوته رادت تشتري
هديه لفهد لان ساعدهه بالامتحانات
رحنه اشترينه وكلمن راحت لبيتهه
تسنيم..... من اجه فهد النار يطلع من عيونه يريد بس يصرخ محد يعرف شبي وشصاير وياه
اجه مراد وجان سبب تافه تعارك وي مراد وهاي اول مره يضاربون
فهد.... من شفت صورهه وي صديقي وصديق عمري حيدر اتمنيتت اموت بهاي اللحظه الطفله الي ربيتهه على ايدي علاقه سنتين ونص وتخونيني اگلب بالصور حتى طالعه وياه
اجت من الحمام قبل لا تگعد گلتلها
.... امشي للسياره نرجع
اسراء.... ليش حبيبي ستونه اجينه
فهد.... حيدر يريد سيارته من اجيبلهه طاري حيدر
ترتبك واني الفطير ما ادري شنو السالفه
الي قاهرني صاحبي لو غير واحد اذبهه ذبة الچلب
معقوله ميعرف بيهه هاي بت عمي الي احبهه
وهو يدري بيه احب بت عمي واريد ازوجهه
اختنگت ١٠٠ فكره تجي براسي
واني الغشيم ابن الغشيم جايبهه مطعم اريد افاجئهه
واگلهه هذا الاسبوع اخلي ابوي يخطبج من عمي
طلعت بيهه گبل للكليه
اسراء..... وين ماخذني وديني للبيت
فهد.... لا ليش خل نجيب حيدر هو يمكن بيتهم بفرعكم وهو يوصلنه
اسراء.... ها لا حباب راسي يوجعني وديني وارجعله
فهد.... سكتت ما رديت عليهه شخطت السياره
وطلعت گبل للكليه صرت قريب على باب الجامعه
خابرت حيدر يطلعلي وهو ميدري شنو الموظوع
اريد بس اعرف ثنينهم خانوني لو بس هي
غبي اني غبي
نزلتهه صعدت وره وصل حيدر الوضع بهاي اللحظه
كوه لازم اعصابي
صعد حيدر وگلتله
حيدوري هاي بت عمي الي اسولفلك عليهه هاي
الصاحبك وعظيدك والي شاد ظهره بيك يحبهه
وعاف بت خالته الي تموت على تراب رجلي وركض عليهه
حيدر مصدوم وهي مدنگه راد يشغل السياره
وماخليته صرخت بيهم
... فهموني شلون ظحكتو عليه بله هي وحده زعطوطه بس انته صاحبي گال
حيدر..... ولك وحگ الكاظم مصدوم مثلك ولا ادري
اصلآ هاي بت عمك جيرانه شفتهه تروح للمدرسه
وبس شمرتلهه لرقم الصبح بالليل دكت عليه
حالي من حالك نظحك عليه
فهد.... طاح حظج لهاي الدرجه رخيصه حرامات
انتي عرضي وبت عمي ولو ما اخاف على سمعت
عمامي وخيستج تلوحني وتلوح خواتي
جان سويتج فرجه مو اني الي ينظحك عليه هاي
لأن ما اقبل بالغلط هيچ سويتي لان ما ارضه بالي تردي مني لان اخاف عليج ومحافض عليج
مع الاسف مقهور بس على الثقه الي خليتيهه تروح
وبعد بأمي ما اثق بسببج
هي بس تبچي وساكته گلت لحيدر انته بعد بكيفك تبقى وياهه تعوفهه شي راجعلك بس كلشي
صار بينه يبقى لخاطر الملح البينه ورجعهه بدربك للبيت هي متعوده تطلع وياك عفتهم ورجعت عبريه
السكوت دمرني اريد اصرخ اختنگت ما اعرف شسوي مثل الطير المذبوح صرت مثل تفال السما
بس يتفل ليفوگ ترجع التفله علي
وصلت للبيت حتى ماسلمت نزعت ملابسي
واني افتر بغرفتي اسمع صوت مراد هو ونوره يتعاركون طلعت فقدت اعصابي تعاركت وياه
وهاي اول مره نضارب
عفتهم وطلعت من البيت حيدر كل شويه يتصل
عليه رحت للشط اسبح اريد اطلع القهر اول مره ابجي بحركه بجيت على نفسي شلون هيج
نخدعت بيهه شلون ضحكت عليه ضيعت من
عمري
سنتين ونص هدايا ومخابرات وأرصده
چنت ما اهتم المهم هي مرتاحه وتضحك
خسرت حتى ثقتي بنفسي بسببهه
للمغرب رجعت للبيت
تسنيم.... كولش خفت عليهم اثنينهم
فهد عافنه وطلع ومراد صعد يطير طيور رحت
وراه اريد اهدي الوضع
.... مراد لاتضوج خطيه شوف شبي
هو من اجه صايراعصاب خاف امتحان
مامجاوب لو شو شصاير وياه
مراد.... يمعوده هو تلگي متعارك وي اسراء
وذب حركته بينه خيولي اني لو ما امي تفاكك بينه
چا نعلت والدي واذا اخوي الچبير شنو يمد ايده عليه
وره يوم فهد ما داوم بقى ٣ ايام مايروح للدوام
وهو ومراد مزاعلين ميتحاجون
چان يوم جمعه دا نتغده عمو جبار موجود ومراد صدمهم كلهم بقراره
مراد.... بابا فاتحين باب التطوع اريد اطوع بالجيش
جبار.... ليش بابا واني مخبل اخليك تروح للموت برجليك ياجيش هذا
مراد.... بابا اني مو صغير اريد التهي بشي اني عاجبني اطوع يصير عندي راتب
ام فهد..... يمه اذا على الفلوس اني اسويلك راتب هاي السالفه انساهه
مراد... لا انساهه ولا ابد راح اقدم بلكي الله يطلع
اسمي اريد اطلع من هذا البيت بس مشاكل
ومحد يتحاجه
فهد..... يسولفون ويتناقشون واني مخنوك نفسيتي صفر ولا شاركت بالحديث شبعت وكمت بكل هدوء
غسلت وصعدت وره مراد فوك لان قسيت وياه
وطلعت حركتي بي
ظربته على كتفه چان گلبه كولش طيب وبسرعه يرضى خاصه ويايه گلتله
والله كتله كتلتك كال وهو يظحك
مراد.... ولك مصدك روحك لو ما امي مطير فچك ومخليك على گولت ابويه اتفل اسنون
فهد... شنو هاي سالفة الجيش شلك بيهه يمعود
مراد... والله مليت من گعدت السطح لا شغله
ولا عمله وابوك يستكنف ميخليني اشتغل عامل شي عاد اتعين بالجيش
فهد.... والله ما ادري شگلك دا نسولف وتجي توته
تجيبلنه جاي واباوع على مراد يريد بس يتناگر علمود
بس يسولف وياهه بس هي ابد ما احسهه تبادله الشي
نفسه دائمآ تستخدم وياه كلمه اخويه
مراد..... اگولك فهد البارحه اسراء اتصلت عليه
وسالت عنك گلتلهه ميداوم يمكن باچر تجي عليك
للبيت صاير بينكم شي
فهد..... اي عفتهه
مراد.... اه ليش شصاير مستحيل انته تعوف اسراء
فهد.... اي عفتهه ماتفاهمنه حاولت گد ما أگدر
بس هي تختلف عني بهوايه اشياء
ما گدرت انطي بيهه لخاطر العشره البينه ولان هي بت عمي
طبعآ طول هاي الكم يوم اسراء كل شويه تتصل
عليه لحد البارحه بالليل حظرت رقمهه وحتى الهدايه
البينه شمرتهه وقررت باجر اداوم ما الي خلك
اشوفهه وما اريد اهلي يدرون بشي
تسنيم..... صعدتلهم الچاي ونزلت لان فهد ميتحاجه
واني هوايه ذليت نفسي عليمن هو اختار حياته
صار العصر قريب المغرب طبت نوره تسبح سوتلي
واهس سبحت وراهه وخالتي تصيح علينه
ام فهد.... عزه العزاجن اكو واحد يسبح المغرب
هسه تتمرظن ولج نوره كون يركبچ جني بهل
المغربيه وانتي ياتوته عود العاقله والله يايمه تتمرضن
تسنيم.... والله خاله شو نوير سوتلي واهس وصدك لليل بلاعيمي صارت توجعني وصخنت حيل
الولد طالعين بره البيت لزمتني رجيفه قويه من الصخونه تغطيت بالبطانيه وما دفيت
حيل بردت
اجتي ريم ونوره شافني هيج ركضن لخالتي
نور..... ماما توته خطيه مصخنه حيل
ام فهد.... يمه اسم الله كله من وره السبح اكو
مخبله تسبح بهل برد والمغربيه استبردت
رحت اركض احبهه اكثر من اولادي وبناتي
بنت اختي
احسهه معلگه وي روحي اشوف توؤمي بيهه
ها توته ماما شبيج
تسنيم... مابيه خاله بس بلاعيمي شويه
توجعني
_اي يا خاله العصر صحت عليج ما ارديتآ الا
تسبحن لا ترحين للدوام باجر هسه اسويلج
كوب حليب يفتح بلاعيمج
شربت الحليب لزمت كتابي اقره تحاظيري
حتى لو ما اداوم
مراد وفهد.... اگلك شو سنطه اليوم وينهن
ماكو
فهد.... يوم يوم نوير وينجن
نور.... تعال هنا بالغرفه
مراد.... ها شبيكم شبيهه توته
ام فهد.... مصخنه فدوه ماماتي روح جيب من
الصيدليه براسيتول وأموكسلين وادول بعد
امك
سويتلهه كمادات ومدا تنزل حرارتهه خطيه ترجف
واني احجي وي الولد دخل جبار زوجي يمته ماتجي
تلگي معصب وروحه بطرف خشمه سمعني
ردت دوه يشترولي
جبار.... محد يطلع عليمن هذا الصرف وگومي سويلي زقنبوت خل ازقنب
فهد.... يابه البنيه خطيه مصخنه وماعدنه علاج بالثلاجه
_طبهه مرض كلشي مابيهه ابتلينه بيهه هسه شويه
ودگوم مثل البزون تلحس اصوابهه
مراد.... انته تحجي صدگ تره الله مايرضى
..... ولكم گواويد صايرين محامين عليهه تره بالقندره انتم وياهه
ام فهد.... سويتله عشه تعشه ونام وهذا فهد گلبه طيب خطيه بالبوگه راح مشي جابلهه دوه
يخاف يشغل الدراجه لا يسمعه ابوه ويسويهه
ليله گشره علينه
تسنيم.... نوره مو عمو ما قبل واحد يطلع منين جبتو هذا الدوه
نور....خطيه فهد طلع بسكوت وجابه الج
ريم... صدوگ هو راح فدوه لعمره
مراد.... ها توته شلون صرتي بالي يمج
..... لا زينه احسن الصخونه جانت مكسرتني
البنات طلعن بالهول اجوي اهل اسراء بيت عمهم
من تجي اسراء ما احب اختلط بيهم لان انقهر من اشوفهه وي فهد وخاصه نظراتهم لبعض تكسرني
شويه ويجي مراد
مراد.... ها توته شلون صرتي بالي يمج
تسنيم.. .. بعد روحي لا يظل بالكم مابيه صخونه استبردت
مراد.... والله ماخذه عقلي وتفكيري
..... غير اخيتك طبعآ تقلق عليه
مراد..... لا انتي مو اختي تسنيم ليش تتجاهليني
تدرين بيه شگد احبج
تسنيم.... بس انته بالنسبه اليه اخ عفيه لا تفكر بيه غير اخت اعتبرني مثل ريم ونوره احنه مو تربينه سوه
...... اني ادري بيج بالج وگلبچ وين بشنو احسن مني بله فهد من احنه صغار تفضلينه عليه
.... شبيك تخبلت تره والله احجي لخالتي فهد
شعلي شنو هذا الحجي عافني وطلع وهو معصب
واخيرآ عرف مشاعري اتجاهه بالمباشر ليش يتأمل
شويه وريم اجتي يمي وگالت
ريم..... فهد مدري شبي من شاف بيت عمي طلع من باب المطبخ حتى ماسلم عليهم يمكن متزاعلين
هو واسراء وهذا ابويه بس يحس علي طالع
بهل الليل وعلي يسويلنه طلابه شكبرهه
ظليت افكر يجوز عصبية فهد وحتى ميداوم من وراهه نمت من الصخونه ما كعدت للصبح
لگيت البنات يبدلن گعدت على صوتهن وصوت خالتي دگول
ام فهد.... ريم روحي انتي لدوامج
واختج خل تاخذ اجازه لتوته
تسنيم.... فهد راح للكليه وخالتي طلعت للسوك بس مراد نايم
طلعت كتبي بالغرفه مال البنات وسديت الباب وگعدت اقره شويه واسمع صوت اسراء تظحك
كمت فتحت الباب وشفت اسراء ومراد بوضع
مو حلو استغربت شدا يصير هاي مو عدهه علاقه
هي وفهد وهسه وي مراد
شافوني ارتبكو عبالهم البيت فارغ هزيت ايدي
عفتهم ودخلت
محتاره اسولف لفهد لو لا فرصتي علمود يصير اليه
وما ينخدع بوحده مثل اسراء
صارت ب٣ اجه فهد من الكليه صبتله غده خالتي وراحت
گاعد وحده بالمطبخ اجيت گعدت يمه وبديت اسولف وياه
اگولك فهد والله ضايجين يمته تزوج اريد نركص
فهد.... استغربت من سؤالهه هي تريدني ازوج
گلتلهه
وشعدي مزوج وهنه البنات مينثق بيهن والاختيار
صعب بهذا الوقت
تسنيم...... هذا شدا يحچي شنو الاختيار صعب
لعد انته مو تريد اسراء
فهد....ظجت الكل يسأل نفس السؤال واني اعرف
يردون يعرفون شنو الي صار صرت عصبي
صيحت اجن البنات يركضن
اسمعي يوم وانتن هم سمعن اني واسراء كلشي
انتهى تعاوفنه بعد لحد يجيب طاريهه خوش
ماكو ثقه بالبنات عفتهن وطلعت للطرمه
تسنيم..... انصدمت وحسيت بالذنب ضوجته
گمت احوس خاف ظاج مني هسه يكرهني رحت وراه للطرمه
فهد اني اسفه والنبي مو قصدي اظوجك وما ادري بيك انته واسراء متزاعلين
فهد... بابا انتي متفتهمين خره اسراء عفتهه مو متزاعلين عفتهه يعني شطبتهه من حياتي
وانتي هم شيليني من بالج اني بعد ماعندي ثقه بالبنات
تسنيم..... تره هذا حجيك محلو منو گلك اني كاتله نفسي عليك عفت ارتبطت اني شعليه انته ابن خالتي وبس صحيح قبل جنت احبك مراهقه
هسه لا كبرت صرت خامس اعدادي واهم شي كرامتي
عفته ودخلت بچيت من كل گلبي شدا اسوي بنفسي وليش هيج اذل نفسي منو يسوه

زعلانة راحت من وكت
ذيج البريئة عيونهة
علي جانت تمطر وفة
بس كلبي جان يخونهة

فهد.... صح قسيت وياهه بس احسن جنت متخيل كلبي بعد ميدگ الهه مره ثانيه
وعلمود ما اخليهه تتأمل
حتى لو احبهه مستحيل احب وحده
اخوي يحبهه وبنفسه شلون ازوجهه واخوي يشوفهه وياي
ام فهد....حيل انقهرت من شفت وليدي مكسور
گلبه والثاني يحب بنيت خالته وهي معتبرته مثل اخوهه وحقهه لان متربين سوه
رحت يم مراد اسولف وياه
مراد ماما اني ادري بيك تحب توته وتريدهه واني اكيف بنيت اختي تبقى ابيتي بس انتو متربين سوه
وهي حاسبتك مثل اخوهه وتحبك حيل
تدري من چنتو صغار اذا انته بچيت تبچي وياك
والله اذكر مره ابوك بسطك بالسونطه وهي شبگتك ونكتلت وياك تبچي على بچيتك يمه بعدك صغير
تحب وتنسه والبنات كومه بس بنيت خالتك لا تظرهه
مراد..... يمه صح اني احبهه بس والله اليظرهه انعل والدي بالعكس صح ظجت اول مره بس لا هي حقهه اني المفروض ما افكر بيهه هيج يجوز من گد
ما متعود عليهه احس احبهه حب مره ورجال
هسه بس يطلع اسمي وابتعد انسه وصدگي
لو فهد اخوي ياخذهه افرح
ام فهد.... اووووف يايمه شفايتلي اخوك مكسور وجذب بعد واحد يجبره الا اذا حب وحده تحبه
صدگ وتگدر تنسي الراحت بس كون اعرف ليش عافهه
مراد... يمه استغفر الله من ذنبهه هي تره خفيفه
اليوم الصبح اجتي عبالهه فهد هنا تريد عود تصالحه من عرفت بالدوام گامت تسولف وتتمظحك
گمت اشاقه وياهه ظلت تتحرش بيه تسوي حركات
اني لعبت نفسي منهه شوف اشاف عليهه
واصلآ فهد ميحبهه هو سولفلي چان يحب
وحده وراد ينساهه
ام فهد... لا يمه عرض العالم وهم عرضكم لا تحجي
هيج على بت عمك هي هذا طبعهه ماينه عليكم
مراد... ابقي فقيره يمه انتي وين والعالم وين
هسه بي حض اليحافظ على بناته الدنيا
تغيرت
تسنيم.... من الظوجه اريد افظفض اتصلت على
عسل
الو
الو هلو حبي
تسنيم.... هلو يروحي شلونج
عسل... اني كولش زينه الحمد الله
تسنيم.... الحمد الله شنو اخبارج هل من جديد
عسل.... والله توته زينه الوظع هادئ وعمي صار فتره تاركني لان دا يفكر يزوج هم يزوج واخلص منه
اگولج راح انزل تطبيق الفيس يگولون حلو
تسنيم..... والله اني ما اعرفله اخاف منه
عسل.... ولج سهل شفته عد بت عمي يخبل
شخبارج
تسنيم..... ولج ظايجه وطاگه روحي ملل وصارت ويايه شغلات
عسل..... ولج نسيت اسألج ليش ممداومه اليوم
وشكو شصاير وياج
تسنيم.... يمعوده افلاونزه وگوه البارحه اوگف على رجليه من الصخونه
يله باجر نلتقي ونسولف
باي
سديته من عسوله ورحت يم خالتي لگيتهه تخابر
عمي الچبير ابو علي وتأشرلي اسمعهه دگول
ام فهد..... ابو علي عيني راح تخليني بقلق شكو
وليش توته تحظر ملابسهه عدهه دوام شلون تروح وياك
تسنيم.......نصدمت وين اروح ومدرستي...
يتبع 🌿
تعليقاتكم الحلوه خل نتناقش اني وياكم
راح اجاوب الكل