لعلَ الحب ينصفني

البارت١٥

لعل الحب ينصفني
بقلمي...
زهراء الشمري ☘️
مساء الحب حلوياتي
تصويت+تعليق
قدرو تعبي ولا تفشلوني تفاعلو بالأنستا
اذا تحبوني

شجابك الليلة بخيالي واحنه متفقين ننسه
غير كلشي انتهى وراح
وشفنه انه وياك مذبوح الحلم بفراش عرسه
شو اشوفك صرت تنسه
شكم صبح صحتك تعال وما اجيت
شجابك بـ هالظلمة هسه
منين اجيت ارجوك ارجع
ارجع لخاطر زمان اول حجاية و انقى همسة
ما اريد طيوفك تشوف الدمع بعيوني ما كادر احبسه
زحمة تلكاني لغيت الاتفاق
واحنه متفقين ننسه
.............★★.............
نور....مرات الانتقام يصير بدون تعب واني
الله اخذ حقي منه بكل برود وكل سهوله
اول مدخل ضل صافن عمتي ام خالد
تصيحه وهو مثل الصنم واگف يباوعلي
وجهه صار نار احمر رفع الحاجب احسه يريد
ياكلني بعيونه اني من شفته دنگت لان هو محرم عليه وميصير افكر بي قررت مدام
الله اخذ حقي
اكبر عقاب اله من اصير مرة ابنه اعتبره حاله
من حال ابويه وجوده وعدم وجوده سوه
اجه راد يوگف بيناتنه بس اني تلعب نفسي
منه لزمت ايد خالد وهاي چانت اول لزمت
ايد بينه التفت عليه وگال
خالد ...شبيج خايفه هذا ابويه بمقام ابوج
نور ....حبابه استحي خل يوگف يمك
وگف يم خالد واجت امه يمي شبگتني
طگينه صور وراح
فهد....من اجو اهل العريس وخبصة العالم
ملتهي اوزع عصاير ومي ما انتبهت على ابو
العريس من عقدو وصاحو صيحو ابو العريس يطگ صور رحت صحته وانصدمت من شفته
نفس الشخص الي ضحك عليهه
وقشمرهه وچان يلعب عليهه بين الضايج
وبين الفرحان لان الله عاقبه هيج عقاب
نفس العرض الي راد يضحك وياخذ اثمن شي
منه هسه القدر والله سواه عرضه وهو الي
لازم يحافظ علي
من شافني ما انطه اي ردت فعل يجوز ناسيني
من كثرة علاقاته اني هم كيفت ردته من يدخل
يشوف نور ينصدم براحته
لگيت ريم بالمطبخ صحتهه گلتلهه
....روحي شوفي القمبله هذا الحجي المدلول
نفسه الي ضحك على اختج العام
ريم....فتحت عيوني وحلگي من الصدمه شنوووووو صدگ تحچي عزه العزاني بس
لا يفضحهه ويسويلنه سالف
فهد....شحده غير هل مره ادفنه هنا ظليت واگف باب المطبخ انتظره دقيقه وطلع
باوعتله واني الابتسامه شاگه حلگي گلتله
ربك بالمرصاد هذا اليضحك على بنات العالم
شلونك بيهه وهسه صارت چنتك
عافني ولا كلمه دنگ راسه وطلع بره يم الزلم يمثل دور الاب المحترم
ميختلف عن ابويه نفس الصنف
خلصت الخطوبه وراحو اهل العريس بس
الهوسه نسوان عمامي ونسوان خوالي وبناتهن
ضلينه اني ومراد بالأستقبال شويه واطب
اسراء گالت
...مراد بيهه مجال دقيقتين اريد احجي وي فهد
عافنه وطلع مراد چنت گاعد على التخم وادخن اجت گعدت بين رجليه بكل جرئه
تربعت وگالت
...فدوه اروحلك ارجعلي والله بعد ما اعيدهه
چنت طايشه وما قدرت النعمه الي عندي
حياتي باهته بدونك
فهد....اسراء انتي بت عمي وشرفي اني
الواگف بيني وبينج مو سالفة خيانه هذا
الشي يخصج صح ضجت بوقتهه مو لان احبج
لا بس لأن استغليتيني واستغليتي حرصي
عليچ اني ما اگدر احب گلبي اخذته تسنيم
ومستحيل يحب وحده بعدهه
اسراء....فهد تسنيم مو الك افهم لا تعذبني
ابوس رجليك بس هل مره فرصه
فهد....گومي اسراء من يمي تسنيم حتى لو
يصير عدهه عشر جهال تبقى بگلبي لان
محد حبني بگدهه ومحد اهتم بيه غيرهه
هذا الگلب الهه وماكو مره تدخله بعدهه
عافتني تقربت عليه ولزمتني من خدي
وهنا تدخل تسنيم باوعتلي وهزت ايدهه
دفعت اسراء بقوه ارگع راسهه بالماصه
اي دوخري خرب هبل شسويتي چانت عايزه
وانتي كملتيهه عليه
تسنيم.....گاعدين نسولف والكل فرحان
واني افكر بعد يومين يخنگني بهاي الحلقه الي هي بالنسبه اليه حبل مشنقه
راح يلبسوني چفن بدال البدله
شلون تلزمني ايد غير ايد فهد الي عشت طفولتي ومراهقتي وشبيت واني اتخيل
هو العريس الي راح اگعد بصفه ويلبسني حلقتي
شويه وتجيني بت عم اسراء گلتلي
توته فهد يبچي ويريدج بالأستقبال
فز گلبي علي اكيد يبچي لان قربة خطوبتي
اني حاسه بي دا يتعذب وادري لو بيده ياخذني ويشرد بيه لگيت مراد باب المطبخ گال
.....بوياي گمر ١٤ طاله توتتنه خرب ويجي ابو راس المصلبخ ياخذج خرب اسرائيل حضوض
تسنيم.....اوف مراد لا تذكرني بهمي وين فهد
...بالاستقبال
رحت چان باب الاستقبال مفتوح واشوف اسراء شبه متربعه بحظنه وخاله ايدهه على
وجهه تخبلت ما اعرف شسوي هزيت ايدي
وعفته ردت دمعتي متنزل وتخرب فرحة نور
بس خانتني اني افكر بي ومقهوره
وهو يتمعشگ وي اسراء
اجه وراي للمطبخ جرني من ايدي
فهد.....والحسين ماكو شي والله هي اجت تريدني ارجع الهه بس اني گلتلهه اني احبج
وگلبي بس الج
تسنيم .....ماكو داعي بعد تحبني ميفيد
فهد......لعد ليش دموعج مثل المطر اذا مترديني
ولج والحسين لو عشر جهال وراج
انتظرج تحلمين اعوفج وهاي الايد تنكسر
وأگطمهه اذا لمست مجرد لمس ايد غيرج
خرب هبل لا تبچين تره والعباس واصله
عندي هسه اخذج واشرد بيج سمعتي لو لا
بس اني اخاف عليج وعلى سمعتج انتي نضيفه واني راح ابقى الحبيب والصديق الي
يسمعلج دائمآ اوعدج وعد مراح ازوج طول
العمر
بس من تعقدين لاتخليني المح خيالج
لان تخلين على جرحي ملح ومااسيطر على نفسي واني ما اريد اكسب اثم وانضرلج نضرة
حبيبه وانتي بذمة رجال
تسنيم....عوفني عيف ايدي كافي بعد
لا اعذبك ولا تعذبني شوف حياتك ازوج
حب شتريد تسوي سوي
عفته ورحت يم عسل والبنات حاولت ما ابين
بس اسراء من شماتتهه شغلت اغنية
هزهزي وترگص علمود تقهرني
عسل افتهمت صاير شي عزمتهه يوم الخميس
تجي متعوفني وحدي
كلمن راح لبيته وجبار طلع وي ربعه عدهم
شغل هذا الشغل بس خالتي تعرف بي
وكلما يريد يأذيهه تهدده بس متقبل دگول شنو
حاول فهد وياهه ومتقبل تحچي
طبت نور للغرفه رحنه اني وريم وراهه
ونصدمت ونهذلت من تقسيم رب العالمين
وايقنت كولشي بالحياة قسمه من عرفت خالد ابوه نفسه الي لعب على نور
ثاني يوم اجت نوال وحيدر وامه علمود نشتري الذهب قبل لا يوصلون توظيت وصليت وفتحت القرأن طلعتلي سورة محمد
من قريتهه حيل ارتاحيت رفعت راسي
للسما ودعيت ربي
اللهم اني عبدك الفقير المسكين الذليل الحقير
ربي اني يتيمه وماعندي غيرك برد گلبي
وقويني على الي جاي من حياتي
فدوه ربي ماعندي غيرك انته حسبي وانته وكيلي
يارب بحق كل حرف بالقرأن برد گلب فهد
ولا تخلي ينقهر
شلت السجاده وگمت صاحت خالتي اجو
بيت عمج
فهد من سمع طلع وبس مراد موجود
طلعلهم مراد دخلهم بالاستقبال صاحوني
لبست شال وعبايه اسلاميه ودخلت سلمت
عليهم اول مره اشوف حيدر هادئ وميحچي
چنت مستغربه هو ليش قبل يزوجني وهو يحب بت عمي ياسر
بدو يحچون بالذهب ونوال گالت
نوال....كافي مليونين خل تشتري حلقه وتراجي وگلاده
خالتي ساكته مراد گللهم
...ليش مليونين شنو ماخذين تخم من عدنه
هي تحدد شتريد تشتري
توته مو سلعه وتجين تقيميهه واني لو موجود اسويهه ادموم وما اخليكم تاخذوهه
تسنيم....ابتسمت لان حسيت ظهري قوي بس
خفت من سكوت حيدر ما جاوبه ولا كلمه
جاوبته نوال
.....والله هذا الموجود متريد انجيبلهه حلقه
وابوك الله يرحمه
مرا....ويرحم موتاج لا سويهه بلا حلقه عليمن
والله مكلفه نفسج
تسنيم....هنا اني حيل ضجت من اسلوب نوال
گلتلهه
واني ما اخذ ولا فلس انتو تاخذوني والي
اريده تشترولياه رفع راسه حيدر وگال
...يجرالج يبت عمي گومي بدلي نروح
نشتري التردي
تسنيم....فتحت عيوني من حچيه وردة فعله
وبروده اليوم ويايه يخوف
گمت بدلنه اني وخالتي چنت خاله ابالي شي
اسوي بلكي يبطل بس هو نفذ الي اريده
وصلنه لابو الذهب
اخذت تراچي ومحبس وحلقه واسوار وگلاده
صارن ب٤ملاين ونص
طبعآ نوال مقبلت تدفع خابرت عمي ابو علي
والي افتهمناه گايللهه خلصي السالفه وشتريد اخذولهه
رجعت للبيت وهمه طلعو لبغداد ما اعرف
احس مرتاحه بداخلي قوه اجتني من صليت
ورب العالمين برد گلبي
يوم الاربعاء داومت سادس واني يالدوام
مرة عمي ام علي خابرت خالتي
شافتهه شمحتاجه بس خالتي مقهوره
وماراضيه گوه تحچي وياهه
ماطلبت منهه شي كوله من خالتي جابته من
راتبهه
لگيت مراد بالطرمه يدخن چكاره بديت اسولف
وياه وافضفض من اسولفله ارتاح
حجيه يريح ويطمن ماخذ الدنيا على بساطتهه ميصعب الأمور
سألني وگال
....توته بداعت الخوه احسج تخططين لشي شعجب هيج بارده وباجر خطوبتج واني متأكد فهد ماخذ گلبچ وعقلج من احنه صغار
تسنيم .....شوف مراد همه ما ميتين عليه
كل همهم ورث ابويه بس والله يامراد على كل دمعه وشوغة گلب اخليهم يدفعون ضعف
هو اصلآ ابن عمي ميريدني اني مخططه اكسبه بجانبي واساعده ياخذ اليحبهه
لان عمي سيف گلي هو يحب بت عمي ياسر
بس عمي ابو علي جبره ياخذني
بس بداعت خالتي هذا الحچي حتى لفهد
مدگله يبقى بينه يندفن وياك
مراد...گبر الگبرج ام عطوب تردين تموتيني بس يله يجوز صدگ يندفن ويايه ساحة حرب
رايح مو ساحة طوبه منو يگول ارجعلكم
وامني سرچ بگهوه هههههههههههه
ظلينه نظحك ونشاقه واني اقلد علي ابو الطيور وهو ام كفشه
شويه وخابرو على مراد لازم يلتحق اجه قبل لا يطلع
گعد يمنه بالمطبخ ورجعنه مثل الاطفال
كلنه ملتمين على الصينيه وناس تقلد على
ناس فهد ضايج حاول مراد يظحكه گله
يمعود اخلصو منهه شلك بهل هم وشلعان الگلب الحريه حلوه يابن امي وابوي
وخليهه ابالك توته الك ثق
لبس لبسه العسكري وطلع شويه ورجع صاح
توته توته
رحت اركض للباب
ها ولك مو رحت شتريد
ولج تعاي بوياي مو صيده ضيم هذا الطير
منين
هههههههههههه بعدك على الطيور
ولج بس شوفيهه عليج الله مو قطعه تموت
ولك هاي بت ابو محمد
خرب امون دخل ارجع الا اخطبهه
رجع للمطبخ على خالتي وگلهه
حظري نفسج لگيت خوش طير
ام فهد....يا يمعزاي رجعت على الطيور
...ولج مره مره بس مو مره تكتل
تسنيم....خاله شاف تقسيم بت ابو محمد
وتخبل
رجع شبگ خالتي حيل شمشم بيهه
وخالتي هم اول مره هيج تحضنه
رجع علينه واحد واحد حتى اني هم باسني من راسي سلم وطلع
عسل.....بده الدوام وخبصة الدوام وليث اختفى صار اسبوع ممراسلني
ضجت حيل احس نفسي اشتاقله ادخل على
صفحته بالفيس ابوع على صوره ارتاح
صرت ما أگدر اذا ما احچي وياه
بهذا الاسبوع حيل افتقدته وحيل حسيت نقص بيه ادخل على رسائله واشتاق اكثر
قررت اني اراسله واسأل علي لان بعد ما اتحمل غيابه
دزيتله رساله
هلو شلونك
انتضرت ساعه ساعتين اقره وعيني بالتلفون
بحيث ابد ما دا احفظ الماده
عفت الكتاب ونمت على ظهري افكر ليش هلگد افكر بي حبيته اكيد حبيته اتعودت علي
على سؤاله على اهتمامه وهو حتى مشايف
شكلي عفت التلفون عالشحن ونزلت
وره ساعه صعدت انام ردت اصفح بالموبايل
لگيته داز خمس رسائل
هلاوات
اني زين
وانتي
شخبارج
فزيت من شفت رسائله گلبي يدگ سريع
اريد بس اسمع صوته
بدينه نسولف مسجات على الماسنجر وطلب
مني صوره يشوفني بس اني ماقبلت
بس هو اصر يشوفني قررت لازم نتشاوف
من اروح للمحاظره نتواعد ويشوفني من بعيد
اخذت التلفون ورحت بالحمام اخابره
الو
عسل...الو هلو شلونك
ليث...اذا انتي زينه اني زين
عسل....اني زعلانه شو ماكو متسأل
ليث....لا والله بس مريت بضروف وماگدرت
اراسلج بس والله دائمآ على بالي
عسل ليش متخليني اشوفج بس صوره
والعظيم صدگي وأمني امسحهه لا تخافين
عسل....ليث مال صوره مستحيل ادزلك
على الماسنجر اخاف بس اذا تريد تشوفني
باجر عندي محاظره بالعمارات بشارع ستين
وتعال شوفني
اتفقنه على الوقت وگلتله شراح البس وراح
الزم ورده بيدي چنت حيل فرحانه ومتوتره
ومتحمسه اريد اشوفه بالحقيقه
ظليت الليل كوله افكر خاف ما اعجبه
ويعوفني
نسيت باجر خطوبة توته للصبح واتصلت توته
ذكرتني اعتذرت منهه گلتلهه وره المحاظره
اجيج وهي خطيه تقبلت
رحت للمحاظره چانت اجواء المحاظره كولش
حلوه بنات و ولد اطلعنه من اجواء المدرسه
واصياح المدرسات
كملت محاظره وهو على طول المحاظره يتصل لحد ما دزيتله رساله
....اني بالمحاظره اطلع واخابرك بوقتهه
فعلت ابو اليوم نت علموده
خلصت المحاظره واني التوتر يقره الف عندي
خوف حماس گلبي يدگ بأعلى سرعه يمكن
الواگف بصفي يگدر يسمع
دگات گلبي خابرته وخطيه جاي صار ساعه
ينتضر طلعت للشارع شافني عبر من يمي
عطره ياخذ الروح اناقته تموت كشخه وسيم
اشقر ابيض انيق اخذ مو بس گلبي وعقلي
روحي هم اخذهه
شويه وخابرني معصب گال
هاي شنو لبسج هيچ ضيگ والله لو ادري
بيچ هيج تلبسين چان ما خليتج تجين
عسل....ليث شبيك شبي لبسي عادي تنوره
وقميص
ليث....والتنوره ضيگه
عسل....شكو ليث شبيك ليش تدخل بلبسي
ليث....لان اغار عليج
عسل خانگتني ولازم اطلعهه حتى لو متقبلين
اني من اول رساله ما أگلج حبيتج نعجبت بيج
بطريقة كلامج اسلوبچ بالرد
والحببني بيج اكثر ما انطيتيني مجال
شلعتي گلبي يالله
من اراسلج صرت اتعود لازم اسمع اخبارج
ومن صعدنه اتصال اتعلقت بييج اكثر
والي خلاني اتأكد من مشاعري الاسبوع
الي فات ماغبتي ولا لحظه من بالي احبج
والله احبج
عسل....من سمعت كلمة احبج اول مره بحياتي
واحد يگلي احبج واول مره بحياتي اجرء
واحچي وي شاب من گلي احبج من الخوف
مدري توتر سديت التلفون بوجهه وغلقته
هو صاير مقابيلي ماراح ابد ماباوعتله
الطالبات الوياي كتلن نفسهن علي كل وحده
دگول للثانيه علمودي واگف
اجت السياره علينه صعدت باوعتله وابتسمت
حسيته فرح ارتاح اشر بيده
نزلت بشارع توته لگيت هوسه ابابهم وسيارات