لعلَ الحب ينصفني

البارت ١٧هديه

لعل الحب ينصفني
بقلمي....
زهراء الشمري ☘️
البارت ١٧

ليش من دون البشر حبيتك انته
هواي مثلك واحلى منك
ليش بس رسمك عشگته
ليش بس صوتك عزيز
يمر على جروحي مطر واغفه بنبرته
شگد مسحت احباب وطيوف واماني
اله انته
بالگلب حافر حفرته
و بالاغاني تخضر انته
شلت عيني بليل شفتك
عالگمر شتسوي انته
كافي ما مليت تتمشه بصفنتي
روح عني
وكلمن يعيش بصفنته

          ............★★★......…...
عسل...حسيت گلبي وگف من نزل وموبايلي
بيده وگال
....منو هذا كاتبه علي باباتي ها ولج
عسل...ضليت مثل الصنم ابلعم بالحچي ما اعرف شنو اجاوبه وهو هم ماچذب خبر
ضل يصرخ ويصيح على عماتي
الي نقذني اني متفقه وياه الا احچي ويسمع صوتي يالله يجاوبني
لزمت عمتي صالحه التلفون وطلعت اسمه
طيبه....ولچ انتي الفقيره الدوده الماينسمع
صوتج تظحكين علينه منين هذا باباتچ
اله اعظامج اكسرهه احچي السانچ انبلع
عسل ....الله نقذني وانطاني القوه بس
بداخلي خايفه ضعيفه حسيت خلاص موتي
قريب لان عمامي اذا سمعو يطيحون حظي
والله اعلم شيسون اقل شي يزوجوني
جاوبتهه
...شبيكم انطوني مجال افهمكم هذا ابو صديقتي من نروح اني وتوته نقره خطيه
حيل يهتم بينه لان متعلق ابنته
وصديقتي سجلت رقمه وهي كتبت علي باباتي لان من عنده تتصل
لزم اخويه الموبايل واتصل علي واني بهاي اللحظه كولشي جمد بيه نقطت دم مابقت
بجسمي حسيت انفاسي تريد تنقطع واني
احاول ماابين الخوف الي ابداخلي
فتح خط ليث بس ماحجه
واحمد يصيح بكل صوته الو الو
متجاوب حقير نذل اجيبك اجيبك
عسل....شبيكم مو عيب يجوز ابوهه يرد
يجوز شبكه ضعيفه
وره ثواني ليث اتصل من اتصل حسيت
روحي انتهيت خلاص عزه العزاني شلون يتصل
وعمتي طيبه تسحب التلفون من ايد اخويه
وتجاوب بهدوء الو
وتطلعلهه ابنيه اني انصدمت اكثر منهم
شلون
خطيه من سامع صوت اخويه منطي الموبايل
لأخته ومتصل علمود يتأكدون
اطمئنو بس اخويه بقى شاك بيه سحب الموبايل مني ومحاظرات منعني هذا الاسبوع
اروح
علمود يتأكد شبعت بواچي لان حسيته
سنه مو اسبوع
اشتاقيتله اريد بس فرصه اسمع صوته
اكيد هسه قلق عليه والف حسبه تجي
اباله وماگدرت اتحمل بالليل كولهه نايمه
رحت سحبت التلفون من الكاونتر مال عمتي طيبه تخلي على الشحن وتنام
ومشيت على اطراف اصابيعي واسمع عمي ابو الاء يصيح بأسمي فز گلبي يبست بمكاني
تسنيم....يسولف واني صافنه وافكر
بيني وبين نفسي اني شسويت بنفسي ليش
كولهه تريد تستغلني وكلهه تفكر بنفسهه واني
محد يفكر بيه وحاس بالنار الي بگلبي
وهو يسولف عن علاقته بتقى حسيت هاي
مقدمات اكيد وراه شي گلتله
....حيدر علاقتك ادري بيهه تره
المطلوب مني شنو گال
حيدر ...اريدج تحچين وي تقى تگوليلهه اني
وياچ زواجنه بس على الورق واحنه اخوان
تسنيم....صدگ ظحكت من كل گلبي مدري
اظحك علي مدري على نفسي
وانته ليش مدگللهه
حيدر....حچيت وحلفتلهه بالقرأن ومتصدگ
بيه متقبل اصلآ حتى السلام مني
تسنيم...بقيت محتاره وساكته گال
حيدر...فدوه لاتسكتين ساعديني وشتريدين
اني حاضر اي شي تردي انفذه والله بس تقى
ترجعلي ومتروح لغيري
تسنيم....هلگد تحبهه
...واكثر حب حياتي وطفولتي اذا تنجرح
اني انوجع
تسنيم...لعد ليش كسرتو گلبي
حيدر....والله ما الي ذنب حالي من حالج
العشيره فرضو عليه وعلى ابوي اذا ياخذوج
من خالتج لازم واحد من ولد عمهه يعقد
عليج
وطاحت براسي لان اني الچبير الغبير
تسنيم....اخذتلي صفنه وگلت استغلهه لصالحي
گلتله اساعدك بس بشرط
باجر نعقد محكمه واطلگني وره المحكمه سيد
علمود اضمن انته متتقرب مني نعيش اخوان
هو من سمع ما عارض لان هو مثلي اهم شي
عنده تقى متنجرح ميريد يتخلى عنهه
اجه فهد على بالي ليش ماحارب الدنيا
علمودي ليش شخصيته ضعيفه گدام خالتي
ومراد ليش خذلني
اقترح حيدر يسويلي تحاليل على احسابه
اليوم علمود باچر يشوفله واسطه ونعقد
شويه واسمع صوت فهد حلگي يبس
رجليه ماتن من الخوف حتى واحنه ميريطنه
شي احترمه واهابه شويه وترخص حيدر
من سمع صوت فهد طلع من باب الاستقبال
وصارو واحد بوجه الثاني
فهد.....من اخذت ريم للسوگ حسيتهه تريد
بس تتأخر بالسوگ لان متشتري بس دگلب
ظجت حيل گلتلهه يالله نرجع ماقبلت
خليتهه على راحتهه شويه وگلتلهه يالله
كافي عاد
رجعنه صعدت بالسياره والموبايل ابد مانزل
من ايدهه شويه وخابرت امي گلتلهه احنه
راجعين واسمع امي چان صوت موبايلهه
عالي دگلهه
عزه العزاج اخري ولج بعدهم بالاستقبال
سألت ريم منو بالاستقبال
ريم.....خطار عدنه
فهد...سكتت مادققت بالأسئله شغلت اغنية
على بالي تحبهه توته الطريق كوله وهي ابالي
ابد متغيب عن تفكيري لحظه احبهه واعشق
حتى تراب رجليهه زرعت بگلبي حب
گمت اتندم كل ثانيه شلون ضيعتهه من ايدي
صرت الوم نفسي ليش سمعت لعقلي وماسمعت لگلبي ليش ما اخذتهه وشردت بيهه
وصلت للبيت نزلت دخلت للطارمه انفتح
باب الاستقبال طلع ابن عمهه وهي بظهره
لو ميت بلحظتهه ولا اشوفهه مسدود عليهه
باب وي رجال غيري نار اشتعلت بگلبي
اريد اروح اكسر اعظامه باوعتلهه بعصبيه خزرتهه اختنگت سلم عليه ومارديت السلام
لان معتبره عدوي اكرهه ولو بيدي ادفنه
گبل لا يزفون علي توته
هاي توتي بكل برود وسهوله اخذهه الماتعب بيهه
طبيت لگيت امي بالمطبخ باوعت عليه
وهزت براسهه يعني تهديني وتواسيني
نقهرت حيل
ثواني وطلعت من البيت وهي واگفه بالباب تسلم علي
زيدت همي هم اجيت اجرهه من شالهه وادخلهه جوه صحت بيهه صوت
دخلي جوه ماعدنه نسوان توگف للزلم بالباب
تسنيم....من صاح بيه بعصبيه رافع حاجبه
وعاقدهن خفت توترت فز گلبي وجسمي سوه
نهزمت ودخلت جوه شفت الرجفه بشفايفه
وشفت الغيره بعيونه الغيره والحب الي
چنت احلم اشوفهن واخيرآ طلعهن وعلنهن
بدون ميحس
رحت اركض للغرفه تأكد من حيدر راح ورجع
دخل اسمعه يسأل خالتي
فهد....من شفتهه واگفه بالباب عيوني صارن براسي حسيت نار الغيره تاكلني اذا ابقى حابسهه بداخلي
صحت بيهه صوت واني
داخلي كوله يرجف وشفايفي يرجفن ما سيطرت على نفسي كافي بعد طاقتي خلصت
ومن شفتهه لابسه شال من ابن عمهه استغربت وبنفس الوقت گلبي برد
لان مالمح شعرهه سألت امي
يوم ليش توته لابسه شال شعجب
ام فهد....بعد توته متعرفهه الشال مينزاح من راسهه وبعدهه مامتعوده علي
فهد....ان شاء الله متتعود طول العمر
ام فهد....ولك يمه راح تموتني انساهه وشوف
حياتك چندوب تبقى هيج حابس نفسك
بين اربع حيطان كليه وخلصت
فهد ..يوم شنسه منهه واني كل ما اشوفهه
گلبي يتعلق اكثر بربچ تحچين صدگ
وبعدين وين اروح شغل ماكو وابوي مينطيني
سيارته اشتغل بيهه وين اولي شلون انساهه
وهي مگابلتني ٢٤ساعه
ام فهد....اوووف يمه والله راح تموتوني اثنينكم
تسنيم....اخذني الفضول اسمع حديثهم وهاي
اول مره بحياتي اتسنط على احد
بسبب فهد كولشي سويت ذليت نفسي ودست
على كرامتي وماكو فايده وهسه راح اخرب
حياتي بيدي وهم ادري بي راح يخذلني
هاي الايام مرتاحين من عمو جبار ناكل بكيفنه
ونطلع بكيفنه
سوينه عشه وصبينه بالصاله واباوع على
فهد يلوج ماخذ البيت طول بعرض والموبايل
بأيده ميقبل يگول شبي
گعدنه نتعشه وفهد ولا كلمه ابوگ نظرات
واشوفه يباوع عليه وياكل گلتلهم
باجر يجي حيدر نروح نعقد محكمه
وهو نصدم فتح عيونه
فهد....من گالت نعقد محكمه اخر امل چان عندي راح
باجر تصير مرته بالشرع والقانون
شمرت اللگمه بصينيه وگمت صاحت امي
ام فهد....وين گمت كولشي ما اكلت يوم
فهد...شبعت الحمد الله
ام فهد ....ياتوته الا گدامه تحچين مو راح يموت وهو ضام بگلبه
تسنيم.... اسفه خاله والله ماانتبهت مو قصدي
اني هم ضجت من نفسي طلعت لا اراديه
ومو متعمده اقهره عفت العشه وگمت
الخنگه كسرة بلعومي وخالتي ظلت تصيح
علينه وتحچي سمعت صوت الباب الخارجي
ارگعت عرفت هو طلع
فهد....حيل حسيت الدنيا ضلمتني وخنگتني
اني بلياهه اضيع
خابرت صديقي ورحنه نگعد على الشط
المكان الي ارتاح بي
تسنيم...شويه وصاحتني خالتي جمعتنه اني والبنات وگالت
ام فهد....سمعني عيد ميلاد فهودي الأربعاء
وهو يريد سياره يشتغل بيهه راح اروح لخالچن واخلي يشتريله وحده بالأقساط
تسنيم....من سمعت خالتي تريد تشتري
بالأقساط حبيت اشارك لان اني عندي هوايه ذهب خالتي ضامته اليه رواتب امي وابويه
كل ما استلم تشتريلي بيهن قطعه
حبيت اشارك وياهه بالبدايه ماقبلت وبعد
گعده طويله وتوسلت بيهه وبوس وحظن
قبلت گلتلهه تروح تبيعه وشگد ميصير
تاخذهن ماعدا ذهب عرسي ابقي وتراچي
امي ذكرى منهه
ثاني يوم اخذت اجازه من المدرسه واجه
حيدر وياه عمي ابو علي وامه
ضجت حيل واني حتى خالتي مخليتهه تجي
علمود نروح للسيد ويطلگنه
من رحنه للمحكمه چنت كاسره ضهرهم
بالغايب عشر ملاين بس همه چانو محسبين حساب حصتي تسوه اكثر
دخلنه للقاضي وبداخلي يگلي لا تقبلين
بس لا ليش اطلع اني الخسرانه مثل ما اذوني اذيهم
عقدنه ورجعنه دزلي رساله حيدر گال
لاتضوجين باجر بدون ميدرون اجيج وره
الظهر وگولي لخالتج نطلع نتونس
علمود متحس
لليل اجه فهد شافني دا اشاقه وي ريم ونور
اني صح فرحانه لان راح اخلص من هم
بس ما اعرف عواقبه شنو الي دا اسوي
شافني اظحك گال
فهد....شفتهه مرتاحه وتشاقه ردت افشلهه واحرگ گلبهه مثل ما اني محروگ گلبي عليهه
...مبروك مرة حيدر سمعت عقدتي اليوم وصرتي مره
تسنيم....گمت على حيلي لان حرجني گدامهن
اي ممسويه شي غلط واني مره غصبن
على الكل
فهد...السانج طولان هذا ابن عمج مابي خير
ولو هي الطيور على اشكالهه تقع
ام فهد...شبيك يمه تخبلت شنو هذا الحچي
فهد...متشوفيهه تلاسني انخطبت وتشيخت
تسنيم...اسمع كلامه ومذهوله معقوله هذا فهد
هيج دا يعاملني ليش هيج يسوي
صحت بي وبچيت
كافي لخاطر الله كافي متخاف من الله
عفتهم وطلعت للحديقه واسمع صياحه وي
خالتي ماقبلت علي اجتني خالتي مقبلت ادخل جوه اجن البنات وهم مقبلت احس نفسي اذا ادخل جوه اختنگ بوجوده
من اشوفه مثل الي يخلي فوگ الجرح ملح
هدء البيت تأخر الوقت اجتي ريم چانت
حيل مقربه من گلبي تفهمني مجرد تباوع
بعيوني
گعدت باوعتلهه وصحت
...ريمه گلبي نار والله بعد ماعندي طاقه ليش
هيج يسوي بيه راح يموتني واني گوه لازمه
نفسي منه اخاف من الله لان ميصير
كل ما احتاجه اريد اروح اشمر نفسي على صدره وابچي بس حرام ما أگدر اغضب الله
ادوس على گلبي وعلى نفسي مو اخاف على روحي اخاف علي وهو مو حاس عباله
اتجاهله لان بعد ما اريده
واني ما اريده يتعلق اكثر اريده يكرهني بدون
ميأذيني بس هو ميفهم ريم بركان مشتعل بيه
شسوي گوليلي ما اعرف المن اشكي
رادت ادخلني جوه وما رضيت
بداخلي اريده هو يجيني يعتذر مني يصالحني
صارت ب١٢ وهو ما اجه صار صوت الچلا.....ب
يخوف خفت ردت ادخل وصلت لباب المطبخ صار بوجهي اختلطت انفاسه وي انفاسي
رغبتي ادگلي حظني وطلعي كل الشوگ
بحضنه بس شي اقوى من رغبتي يمنعني
مخافتي من الله
لزمني من ايدي وجرني للحديقه وگال