لعلَ الحب ينصفني

البارت٢١

لعل الحب ينصفني
بقلمي
زهراء الشمري ☘️
البارت٢١
مساءكم حلويات بنوتات الجميلات
اني زعلانه منكم محد سألت عليه
واسفه تأخرت عليكم اول سبب مريضه
وثاني سبب الابطال يتأخرون عليه بالأحداث
عسل انتهى دورهه بالقصه
حاليآ دا تعيش قصة حب وي ليث ويريد
يتقدملهه بس ميعرفون شلون لان هو من غير
منطقه وغير طائفه ومحتاره شلون تفتح الموظوع وي اهلهه
لاتنسون تصويت+تعليق
قراءه ممتعه
             ..........★★★..........
تسنيم....من سافرت خالتي ومراد وريم
البيت وحشه عليه خاصه اول يوم چان
استراحه ماعدنه دوام گعدت الصبح
محد موجود حتى فهد صارت بالعشره
وهو ماكو نسيت هو الي راح يوصلهم للمطار
نضفت البيت وسويت غده برياني دجاج
وگعدت ادرس محاظراتي
صارت بالوحده اجه فهد
فهد....طلعت الصبح اوصلهم للمطار ما خليت
امي دگعدهه علمود متخاف وحدهه
من الصبح خليناهه نايمه وطلعنه بس ازدحام
بغداد والمطار والروتين مالته حيل اخرنه
ما رجعت للوحده الظهر ودعتهم ورجعت
تفكيري كله يم تسنيم لان اول مره تبقى وحدهه بالبيت
فتحت الباب چان خالين سيم خارجيه فتحته
ودخلت لگيتهه خطيه قافله باب المطبخ
من الخوف
دگيت الباب اجتني تركض
تسنيم...الله يساعدك حبيبي
فهد....اروحلج فدوه ويساعدج ياعمري
تسنيم... اصبلك غده لو تصلي
فهد ...لا والله اصلي تصير ثگيله اذا اخليهه
وره الغده
صليت وهي تحظر بالغده صبت غده وگعدنه
سوه نتغده شويه واطب اسراء جايبه صينيه
گالت
اسراء....فهودي هاي الصينيه امي دزتهه الك
تدري بعمتي سافرت ومحد يمك
فهد....لا ماكو داعي توته موجوده ومشكورين
اسراء...لعد توته مو عمتي گالت ادزهه لخوالهه
وهي شلون تقبل على نفسهه تبقى وياك
بنفس البيت
تسنيم.....تره هذا بيتي وبيت اهلي
اسراء.....شوف هاي مصدگه روحهه والله عيب
گاعده وي شاب بوحدكم بالبيت
فهد.....هي هي انتي شنو من مله جايه
تنهانين وتتعاركين لو شنو يله رجعي لبيتكم
ورحمه الله والديج
تسنيم.....حيل ضجت منهه ومن اسلوبهه
مستفزه متحسب احساب مشاعر الأخرين
فهد....شفتهه حيل ضاجت وانقهرت گامت
من الغده خلت الچاي على الطباخ شلت
الصينيه وهاي اول مره اشيل الصينيه
خليتهه على السنگي واني ادور المجلافه
اريد اساعدهه و اغيرلهه الجو
تسنيم....بقيت مستغربه من شال الصينيه
اباوع علي يدور على شي گلتله
...ها شبيك حبيبي شدور
فهد ...ادور الزاهي والجلافه اريد اساعد مريتي
تسنيم.....كلمة مريتي تسرسح گليبي يمه
تروحلك فدوه مريتك انطيته الزاهي
واني حيل فرحانه
فهد ....حبيبتي اذا اطلع للشغل خما تخافين
وحدج ما اتأخر للمغرب وارجع
تسنيم ....من سألني بداخلي اخاف احس البيت وحشه عليه بس ما گدرت اكله لان خطيه يطلع على باب الله
تسنيم....وصارت خالتي خطيه كل يوميه
تخابرنه على الأنترنيت بس چان الأنترنيت
مو تمام بسبب المظاهرات الي اخذت هواي
شباب بعمر الورد
وكلما يطلع فهد اخاف علي لأن الشغب ميخافون الله خاصه بالليل الي يلزمو يسگطو
صارت العشره بالليل وفهد ماكو واني وحدي
حيل خايفه قفلت البوب وهو عنده نسخه
من باب المطبخ تمددت على القنفه مال التخم
وخليته على mbc2اباوع فلم غفيت واني
اباوع شويه وحسيت بواحد يغطيني
فهد....تأخرت لان اخذ لجماعتي اكل ومي
جوه الجسر بالمخيمات مال متظاهرين
وهم الله ستر چان لزمنه الشغب ونعل والدينه
رجعت متأخر فتحت الباب على كيف علمود
ميطلع صوت واصدف توته طبيت لگيتهه
نايمه مثل الملاك على القنفه ومكرفصه رجليهه
بردانه رحت جبت بطانيه وغطيتهه جبت مخده وبطانيه ونمت گبالهه بالگاع اخذتني
النومه گعدت بعدهه نايمه صفنت بوجهه
فدوه لوجهج ياروحي
تسنيم ....فزيت والگه فهد صافن بوجهي
صباح الخير حبيبي
فهد....صباح العافيه يبعد العافيه
تسنيم....يمته اجيت ماحسيت عليك البارحه من اجيت
فهد ...اي والله صارت عندي شغله وتأخرت
خما خفتي
تسنيم...تريد الصدك اي والله خفت حسيت البيت وحشه عليه
كمل الفلم ونمنه صبح الصبح
گمت سويت ريوك بيض عيون وچاي مهيل
وطلعت خبز من المجمده خالتي خبزتلي هوايه
وجمدته بالمجمده
گعدنه نتريك وطلع فهد على باب الله واني
لازمه گلبي بأيدي من يطلع الوضع حيل يخوف صاير والشباب نار بصدورهه مشتعله
من بعد المجزره الي سوهه الشغب الله لا ينطيهم بالناصريه العظيمه
للمغرب رجع تعبان وفحطان
...ها حبيبي شبيك عبالك چنت تركض
فهد....لا مابيه شي گلبي شويه يوجعني
ريم....من طلعنه لتركيا كلش فرحانه بكرار
الله عوضني بعد صبر مهتم بيه ويفرحني
بأبسط الأشياء
وره اسبوع من زواجنه اجوي امي وابويه
ومراد لتركيا للعلاج وراهم بيوم اجوي نور
وخالد چانت جمعه حلوه ناقصنه بس توته وفهد
چان مراد فرحان ومتفائل بالعلاج اول ما بلش
بالحروق راجع طبيب وانطاه موعد عمليه
وبعدين راحو لطبيب يسويله اطراف اصطناعيه
بس امي بداخلهه تريد تموت قهر من تباوع
على مراد وين چان و وين صار
صدگ الدنيا ما مضمونه والبشر ما يضمن
عمره بأي لحضه الأنسان يخسر اغلى شي
بحياته وهذا كله اختبار من الله علمود
يشوف منو الي يصبر على ما ابتلاه ومنو الي ميصبر ويطلع من دين الله ورسوله
انجمعنه كولنه بالشقه حيل فرحانين بشوفة نوره صار سنه مشايفيهه شفناهه وهي بطنهه
چنهه طوبه گريگر حامل متغيره ضعفانه حملهه حيل صعب
بس ابويه بغير عالم متغير مو ابويه الي يغلط ويفشر الي ميحترم لا چبير ولا صغير
وكح مينگدر صاير مسكين ما اله دخل بشي
وامي هماتين هاجرته نفسهه بعد ماتتقبله وخاصه بعد ما اجه وجاب وياه سوريه
وره يومين موعد طبيب مراد خطيه شفت
الفرحه بعيونه من لبس الأطراف امي اشترتله
من احسن واغلى الاطراف
رحنه طلعنه سياحه كولنه گعدنه بمطعم بوراك
الي مخبوصه الدنيا بي وفعلآ چان اكله كولش
طيب
راح مراد يتمشى حسيت الدمعه بعينه رحت
وراه سألته شبيك مهموم گال وصدمني
...ريم اني دا اتعذب من چنت بالجيش حسيت
نسيت توته وبديت اتأقلم وي الوضع
بس من اصوبت وگعدت بالبيت واشوفهه
شلون تتعامل وي فهد اكره روحي ليش ماحبتني بداخلي وجع بس الله يدري بي
اني ما مقهور من اخويه ولا منهه بس مقهور
على نفسي هسه حتى زواج محد تقبل بيه
ريم....ليش خويه لادگول هيج يابعد گلب اختك
ياماشباب معوقين وعدهم عيب بجسمهم
بعينهم مزوجين ومكونين عائله
واذا على توته هي تموت عليك اخوهه عاشت
وياك ايام حلوه گعدتكم شقاكم نومتكم سوه
هي حتى حجاب متلبس منك
فدوه اروحلك لاتضوج فكر بمستقبلك
مراد...بروح الحسين يامستقبل اني هيج
عايش لو الله ماخذني عاد محسوب شهيد
فهد....چنت اخاف على تسنيم لان الوضع
مخربط گمت ما اتأخر بالليل ارجع من وكت
علمودهه وبيوم دا نتعشه خابرني مراد
وضلينه نسولف وهو حيل فرحان محدديله
عمليه بعد شهر يصلح الحروق البجسمه
راد يحجي وي تسنيم
تسنيم....حيل فرحت لمراد وخاصه من حچيت
وياه وچان حيل فرحان وگال
...بس ارجع ترحين وي امي تخطبلي هاي
البنيه الشفتهه
من گال هيج خفت علي وعلى نفسيته لان
البنيه جميله وطالبه مستحيل تقبل بوضع
مراد بس اني مابينتله گلتله تدلل بعيوني
چانت طيارتهم باچر يرجعون
كملنه غده وغسلت مواعين سويت چاي الفهد
گلتله لايتأخر لان اخاف صرت اگعد بالطرمه لحد مايجي
احس البيت يريد ياكلني حيل وحشه گمت
اتخيل اشياء يجوز لان وحدي بالبيت
للمغرب رجع فهد لگاني گاعده بالطارمه اقره
محاظرتي ضل يظحك عليه ويصنف
سحبني من ايدي وگال
فهد....رجعت ولگيتهه گاعده بالطرمه خايفه
متحمله البرد ضليت اظحك عليهه جريتهه
من ايدهه
..تعالي طبي جوه مخبله متحمله هذا البرد
جبانه راحت تركض شغلت الصوبه الكهربائيه
وگعدت ترجف
رحت جبت بطانيه وخليتهه على ظهرهه وشبگتهه وبستهه من راسهه
بردانه يروحي
تسنيم....اسنوني يطابگن من البرد احس اعظامي اتكسرن
ايييييييي بااااااارده
فهد...سوده عليه ياروحي لو ادري ماطالع للشغل
خطيه ادفت وسنحت يم الصوبه گلتلهه
لاتسوين عشه راح اجيب بيتزا واجي
تسنيم.....حيل فرحت چنت مشتهيتهه وهم مابيه حيل اسوي واگلي بقيت مسنحه اخذتني
النوممه فزيت على صوت فهد اباوع على الساعه صايره بالعشره بالليل عزه هاي شگد نمت يمته اجيت
فهد .....من اجيت ولگيتهه نايمه خليت البيتزه بالفرن وتمددت على القنفه اتصفح بالأنستا
گعدت وفدوه لوجهه يجيب النعمه
ها يعافيتي گعدتي
تسنيم.....عزززززه هاي ليش خليتني نايمه
فهد.... اجيت لگيتج نايمه ما انطاني گلبي اگعدج
تسنيم....حبيبي فدوه لگلبك لعد البيتزه هسه صارت ثلج سوده عليه وبعدك بلا عشه
گمت حميتهه بالأوفن وجايب وياهه بطل
ببسي اوووويني
گعدنه نتعشه وگمنه نسولف على مراد وگلتله
يريد يخطب تقسيم بنت جيرانه
صدمني وگال
فهد....اي شكو بيهه علمود نعقد سوه
تسنيم....حسيت الگاع ما شايلتني من الفرحه
معقوله واخيرآ راح يجمعني القدر بحبيب
الطفوله الي روحي معلگه بي اباوع بوجهه
واني ابتسامتي شاگه حلگي
فهد عليك الله تشاقه لو صدك يعني من ترجع خالتي تفتح وياهه موضوع خطوبتنه
فهد...اي شبيج شكو بعد مطولين السالفه
لا هم يطلعلي ابن عم ثاني وهل مره اكتله
خلاص الي يوگف بطريقي انتي الي
تسنيم...بدون شعور والبيتزه بحلگي صحت
ولك والعباس احبك احبك تفتهم انته يعني شنو احبك
فهد...لا ما افتهم بالله فهميني
تسنيم.....يعني روحي معلگه بيك والعباس
فهد...زين شگد تحبيني
تسنيم...بگد الدنيا ومابيهه
فهد.... هههههههههههه تعبيرهه بحبهه اليه حسيته بريئ وطفولي وخاصه من گالت بگد الدنيا ومابيهه مثل الاطفال
شفت الفرحه بعيونهه ابدي اگوم اخذهه بحظني بهاي اللحظه رغبتي اتجاهه كولش
قويه استغفرت ربي عفتهه وطلعت بالطرمه
وبقيت استغفر خفت من نفسي اسوي شي
غلط الشيطان يوسسوسلي
بس اني اقنع نفسي اذا خطيت خطوه غلط
اعرف تسنيم متتقبل هيج شي حتى لو تعشقني وراح اخسرهه شربت ٣جگاير واني استغفر حسيت
بركان بداخلي رحت توضيت وصحتهه
توته حبابه جيبيلي القرأن
تسنيم....من صاحني يريد القرأن استغربت
شبي هذا ستوه يظحك ويسولف
ضحكت علي
ها حبيبي تريد تاخذلي خيره
فهد...لا حبيبتي شو حسيت بخنگه اريد اقره
وارتاح
چنت من اضوج اختنگ لو احس نفسي ضعيف
استغفر واروح اقره قرأن
القرأن الوسيله والملجأ والوسيط بين الأنسان
وربه راحه نفسيه مجرد تسمع ايه من اياته الكريم چان ملجئي بضروفي الصعبه
هديت ورجعت طبيعي لگيت توته گاعده على التخم ومطلعه فلم
تسنيم....ها حبيبي خما بيك شي ليش مختنگ
ستوك مابيك شي
فهد....لا مابيه شي حلو هذا الفلم
تسنيم.....حسيته ميريد يحچي لان غير
الموضوع مالحيت علي گعدنه نباوع فلم
چنت لابسه تراك بس طويل
گمت طلعت ذره وسويت شاميه ملحتهه
بالماجي مال دجاج وگعدنه نباوع صارت ساعه
تعبت من الگعده سنحت على التخم شويه
واجه فهد يمي رفع راسي ونومني على رجله
حسيت بدفو وامان عمري ماحاسه بي
وهو ماسوه شي بس خله راسي على رجله
مرات اكو انسان يكون وجوده بحياتك امان
تحسه هو هذا الي يستحق تكمل حياتك وياه
احسنو الأختيار
الثقه والحب مينطن بسرعه العلاقه تمر بعدة تجارب ومواقف من خلالها راح تبين هذا الشخص صادق وياج لو لا يستحق تظحيله
بكلشي لو لا ميصير نسرع وننطي نفسنه
بسرعه
ونفس الوقت ميصير نضعف ونسوي شي غلط
بحجة الحب واني حبي حقيقي وراح اتزوجهه
لان من احس نفسي ضعيف استغفر گد ما اگدر
علمود لا اني اخطأ ولا اوگع الي احبه بالخطأ
اليحب لازم يحافظ على اليحبه
لان الدنيا والقسمه ما مضمونه
فهد...خليتهه على رجلي حسيتهه بنتي هي مندمجه بالفلم واني اباوع عليهه واسولف
بگلبي
ربي يقدرني واعوضج على كل لحظه اذيتج
وقهرتج بيهه بدون قصد
تسنيم.....چان نگدر نسوي شي غلط بس حبنه
اكبر من هاي الاشياء حبنه روحي مو جسدي
حبه اليه صادق بمعنى الكلمه
مايوم جرحني ولا سمعني حجايه ولا حسسني
اني ثگيله عليهم بالعكس يدافع عني بكل قوته
خلص الفلم ونمت على القنفه وهو بالگاع
للصبح اندگ الجرس
حيل فرحت من شفت خالتي ومراد بشكله
الجديد وهو لابس ملابسه مثل قبل صح
الاطراف اصطناعيه بس هوايه غيرت من
نفسيته وشكله
مر اسبوع من جيت خالتي من تركيا وفهد
مافاتح موضوع الخطوبه
واني هم استحي اذكره علاقتنه دافيه وحنينه
كولش علاقه حلوه وراقيه
انبنت على الاحترام والتفاهم والخجل
طول العلاقه عمري ولا لحظه صرت وقحه وياه او طلبت منه شي وحتى هو البوسه
ميطلبه مرات تجي صدفه من موقف او شغله تصير ننجبر نتباوس من الخد وهو من راسي
تطلع لا أراديه بريئه
وبيوم گاعدين ومراد فتح موضوع وي خالتي
وعمو جبار يريد يزوج
طبعآ خالتي حيل فرحت مثل كل ام تريد ابنهه
يزوج ويكون عائله
اني چنت خايفه ولازمه گلبي بأيدي لان مو كل
وحده تقبل بوضع مراد
وره يومين رحت اني وخالتي نخطبله تقسيم
الي شافهه ونعجب بشكلهه قبل لا يصير
الحادث وطلبت البنيه تشوف الولد
چنت اگول لخالتي لازم نگول للبنيه عن وضع
مراد بس مقبلت لان مبدئيآ وافقو بقه بس
واحد يشوف الثاني
فرح مراد من سمع اهلهه موافقين بس محد
چان حاسب حساب للي راح يصير من تعرف
البنيه بوضع مراد
وره يوم فهد فتح الموضوع وي خالتي وخالتي طارت من الفرح فرحت اكثر من عدنه
ورادت تخابر عمامي بس اني مقبلت
خابرت على عمو سيف بس وگلتله ميجيب
طاري الموضوع لأي واحد من عمامي
وگالي يحاول يجي
وره يوم راح مراد وخالتي يشوفون البنيه
وگعدو مراد والبنيه وحدهم بس انتبهو على اطراف مراد البنيه چانت كولش فقيره وحبابه
واهلهه فقره گالونه كم يوم نردلكم الخبر
واحنه كلنه على نار قررت خالتي تحدد يوم
الخميس خطوبتنه واذا البنيه وافقت واقتنعت
هم يعقدون بنفس اليوم
چنت كولش فرحانه من اسعد ايام حياتي
بديت احظر لخطوبتي يوميه نطلع اني وخالتي وفهد نشتري غراض ونجهز النواقص
اثنينه چنه فرحانين حتى مراد چان فرحان
ومتأمل
بس قبل ليلة الخطوبه خابرونه اهل تقسيم
ورجعو الجواب برفض لحت خالتي وياهم
علمود تعرف الاسباب
ومراد جبرهه تفتح سبيكر علمود يسمع
فهد....نكسر مراد من سمع خبر الرفض وچان
مصر على امي يسمع اسباب الرفض وهمه
چانو شبه موافقين
الغلط الي سوته امي فتحت اسبيكر وخلته يسمع الحقيقه المره الي ملازم يسمعهه
وهي
سامعين بأصابة مراد وعارفين جسمه بي حروق واطرافه مبتوره سبب رفضهم اله
البنيه متتقبل جسم محروگ
چانت صدمه اله مثل صدمة البتر حسيت صاعقه وطاحت على راسه
ماگدر يضم دموعه كسر ظهري وخاطري علي
بس مابيدنه شي نسوي اله
حتى فرحة الخطوبه راحت كلشي نكسر بداخلي واني اشوف اخويه مكسور ومقهور
وهذا كله بسبب المجتمع الحقير الي الاعور
والاخرس والمگطومه ايده لازم ينحكم بالأعدام ومايمارس حياته طبيعيه محد يقبل
بي لان بي نقص ومميعرفون ولا يقدرون
هذا النقص من الله سبحانه وتعالى وكل
انسان بي نقص مو اله نقص خلقي
يجوز بأخلاقه مو كلشي الشكل هذا التنمر
چان سبب بتحطيم حياة مراد وهو هم چان ضعيف ايمان من اول مشكله واول موقف يمر بي ينسحب من كلشي
گعدنه الصبح وهوسة الخطوبه اجت ريم تالي
الليل علمود تساعدهن بالتنظيف
وتروح وي توته للصالون
للظهر ورحت جبتهن من الصالون ماقبلن اشوفهه رادن تكون مفاجئه لان توته ابد ملاعبه بوجهه هذا اول تغير جذري الهه
اجة الناس وخوالي وعمامي التمو بس اسراء
ما اجت ما اگول ما خايف منهه لا اخاف لان
الي ماعدهه ذمه ولا ضمير كلشي اتوقع منهه
اجه السيد دخلونه لغرفة امي گعدت بصف
توته واني اباوع عليهه ترجف وتفرك بأيديهه
واني احس بيهه متوتره من كمية الفرح الي
هسه ماليه گلبهه
وسألنه السيد وعلن زوج وزوجه على سنة الله
والرسول
تسنيم....الفرحه ماليه گلبي وروحي من نطق
السيد وگال صلو على محمد صارت حلاله
عافنه وطلع السيد بوسوني خوالي وعمو جبار
راد يسلم عليه ويبوسني بس اني بعدت عنه
مجرد سلام من بعيد لان كل ما اشوفه
اذكر شجان يسوي بيه من اني طفله
وطلعتهم خالتي كلهم من الغرفه وسدت الباب
علينه چانت اسعد لحظه بحياتي
سحبني من ايدي وحضني بكل قوته
فهد....لحظه چنت طول عمري منتظرهه اريدهم بس يطلعون وينسد باب علينه
سحبتهه من ايدهه وشمرتهه بحضني بستهه
من راسهه گعدنه على جرباية امي
صارت حمره من الخجل ماحچت ولا كلمه
سرحت بعيونهه النعسانات اختلطت انفاسهه
وي انفاسي قربت شفتي على شفتهه
البوسه الي الليل كله احلم بيهه واتخايلهه
وياهه سحبت منهه بوسه عميقه فسرت كل
الشوگ الي شايله الهه من سنين
واني اسولف وياهه وهي گوه تحچي ويايه
واحنه مندمجين بسوالف اسمع صوت ريم
تصرخ صارت هوسه بره.....يتبع