لعلَ الحب ينصفني

البارت ١١

البارت ١١
لعلَ الحبُ ينصُفني
بقلمي...
زهراء الشمري 🌿

#انه منين اريد #افهم ؟
#انه الغمض عيونه و #مالحك يحلم
#أنه المبيوك حيله و #حيل ما مهتم
#انه المحبوس نسمة #برية الغركان
#انه المطشوش #عمره بماي ما #يلم..

#مرات اگولن #گضت
ماباقي #حسبة وكت وارتاح #وتعدي
#ومرات اكرهه #العمر
وأسأل #وأدور درب للمگبره #يودي
#المُشكله المابي جرح مايفهَم #البي حسّره
مرات تلگالك عدِل #بچفوفه يحفُر #گبره ...

**********..... **********
فهد.... من شفتهه واگفه يم هذا الرجال والي كسرني
اكثر متلازمين ايد بأيد هي وياه و وياهم بنيه
ثانيه
بهاي اللحظه اتمنيت ماكو احد علمود اطلع
شكو قهر بگلبي بيهم
مع العلم اني حيل هادئ وعلاقتي بخواتي
علاقة صداقه مو اخ واخته ومنطيهن كل
الثقه
بس نور چانت متستاهل الثقه ما اعرف الخلل
بيهه
لو بأمي الي مدللتهه زياده عن اللزوم لان هي
الصغيره كولشي الهه مباح ما اعرف شلون
لزمت اعصابي بهاي اللحظه احس بركان
بداخلي يريد ينفجر ويحرگ الاخضر واليابس
وصلت يمهه صحت بصوت نووووووور
التفتت عليه
نور..... چنت متونسه بهذا اليوم مقتنعه اني
مختاره
صح هو هذا الرجال الي راح اكمل حياتي وياه
مدللني شنو اريد يجيبلي معوضني حنان ابويه
الي ابد ما شفته لگيت بي الاب والحبيب
بنفس الوقت
صديقتي سمر چانت تشجعني وهي الي
عرفتني
علي وهي الي قنعتني اطلع وياه قشمرتني
چانت صديقة سوء بكل ماتحمله الكلمه من
معنى
جانت حتى تعلمني شنو احجي وياه بتلفون
وشنو اسوي دگولي علمود ميعوفج هيج راح
يتعلق بيج واني مصدگه
اهم شي بالحياة الاصدقاء لازم نختارهم صح
وهنا دور الاهل اني ابويه اصلآ حتى ميدري
اني بيا صف وين واصله بالدراسه ولا يوم
سألني شنو درجاتج وامي حيل مدللتني
وخالتني براحتي
فهد چان خطوه بخطوه ويايه بس من ارتبط
بأسراء
هملني وقته كوله لأسراء حسيت بفراغ چبير
اجه بوقت چنت محتاجه اهلي بي ظغط
السادس
ومعاملة ابويه بالبيت خلاني اصر اسوي علاقه
قنعتني سمر بهذاك اليوم اطلع وياه للحديقه
رحنه واني مكيفه وهنا شويه شويه كام يلزم
بأيدي
ويتغزل بيه و يوعدني بالزواج ويسويلي بيت
اليه
وبدو هو وسمر يقنعون بيه نروح لبيت گرايبه
علمود ناخذ راحتنه ونسولف بأمور الزواج بس
اني رفضت هو ضاج وگلي
.... شنو بنيتي ماعندج ثقه بيه اروح نسولف
نتفق
شلون نقنع اهلج بفارق العمر بينه هنا هوسه
وكلشي منفتهم
بس اني ما اقتنعت طبعآ سمر الي عرفته
بعدين
كل طلعه تاخذ مبلغ منه حيل استقتلت رادتني
بس اروح وياه شويه واسمع صوت فهد يصيح
بعصبيه نوووووووور
هنا كلشي بيه جمد حسيت احساس ما اعرف
حتى اوصفه لنفسي حلگي يبس وما اگدر بعد
اجاوب
جسمي يرجف شنو اگوله ومعقوله شافني من
لازمه ايده بسرعه گتله روح اخويه فهد اجه
بس مالحگ وصل فهد لزمه من ياخت قميصه
ضربه بوكس على وجهه وگله
فهد.... من وصلت يمه گوه لزمت اعصابي وما
كتلته خلاص العالم خلصته من ايدي
ولك ماتستحي رجال بگد ابويه تقشمر بنيه
بگد بناتك اليوم انعل والديك
الي قهرني وحطمني وخلاني منزل راسي
جوابه اليه
...... اني ما استحي
لو بتكم الي مخلينهه تفتر بشوارع
وي الشباب ليش قبلت تطلع ويايه
نور.... اني هنا نهاريت شدا يحچي شدا يگول
ظليت الطم على وجهي جرني من ايدي فهد
وصعدني تكسي وطول الطريق افكر من
اوصل للبيت شراح يصير ابويه اذا دره
يكتلني خلاص
افكر وابچي بحرگه اني لو قابله اروح وياه
لبيت گرايبه
چان قشمرني واخذ الي يريده مني هو من
اول مشكله باعني اني صوجي ياما توته
نصحتني بس ما اخذت حچيهه