لعل الحب ينصفني
بقلمي...
زهراء الشمري ☘️
مساء الحب حلاوياتي
تصويت+تعليق حلو مثلج وشاركيني توقعاتج
للقفله
يسألوني أعله حالي شبيك شو كبران
أبيض صار شعرك والوجه مصفر
أجاوبهم وكول الولف منه الصوج
أخذ عافيتي كلهه شلون ما أكبر
°°
#يــشــوفــونــي
#ابـتـسـم حـسـبـالـهـم #مـرتـاح
#مـايـدرون گـلـبـي من القـهـر ميت...
..........★★.........
تسنيم....واحنه نباوع على خالتي تحجي
وي خالي بالتلفون وتلطم على خدهه
سدت التلفون وشبگتني وظلت تبچي فهد
چان رايح للأسواق يجيب جگاير وحب
لعمو جبار
خاله شبيج شصاير
ام فهد....ولج راح ياخذوج المايخافون الله
تسنيم...شنو خاله منو ياخذني شلون
ام فهد....ولج عمامج المايخافون الله راح
يحرموني منج وانه التعبت والكبرت والسهرت
يجون على الحاظر
علمود فلوس و ورث الخميس الجاي يعقدولج
على ابن عمج
تسنيم.....من القهر والصدمه محجيت ولا كلمه
بس دموعي ينزلن طب فهد
فهد....من دخلت لگيت امي تبچي وتضرب على
رجليهه وتسنيم صافنه وتبچي
ها شكو شبيكم ستوني عفتكم شقه وظحك
ومكيفين وتخططن لخطوبة نور جاوبتني امي
ام فهد....لا يمه صارآ خطوبتين نور وتوته
فهد....ضليت اصيح وشنو بكيفهم وتسنيم
متطلع من هذا البيت
تسنيم....من شفته هيج يصيح نسيت خالتي
نسيت عمو جبار عبالك بس اني وياه بالصاله
گمت على حيلي ودموعي يجرن تقربت علي
ضربته على صدره وصحت
اشششششش كوله هذا بسببك كولشي محلو
صار بحياتي انته السبب اتوسلت بيك بس
اعقد عليه حتى لو بالجذبه
بس داريت مشاعر اخوك ومشاعري يطبهه
طوب
ماراح اسامحك ولا راح انسى بس والله
يافهد راح تتحسر حتى على صوتي
عفتهم ورحت للغرفه خليت مخدات ثنين
على حلگي وصرخت وبچيت اجت ريم ونور
شبگني
ريم....يبعد روح اختچ كافي كافي مو والله
شلعتي گلوبنه
تسنيم...ولج ريم شلون اباوع بوجه غير وجه فهد اموت والله اموت
حطموني واذوني حيل كوله بسببه كولشي
صار بيه بسببه خذلني وما گدر يوگف بوجهم
اني هم بعد ما اريده اجه فهد وخالتي طردته
من الغرفه
فهد....ضليت حاير بزماني صدگ گلبي مات
وحسيت الحياة ما الهه معنى
رحت اني وامي لتسنيم بس طردتنه وحقهه
خذلتهه وهي بأمس الحاجه اليه
فظلت اخويه عليهه
شويه ومراد يتصل مافتحت خط گاعد بالحديقه وادخن دموعي ينزلن اخخخخ
ياوجع گلبي اخ ياسباح گلبي موتيني
شلون اتحمل اشوف واحد غيري يصيح
بأسمج واني اغار من الهوى لو لاح شعرج
يبت گلبي وسلايته
اجتني ريم گعدت يمي ودار حديث بيني
وبينهه كولش طويل
ملخصه اني الي اتحمل خسارتهه اني الي
خذلتهه وچنت جبان ماحافظت على حبهه
شلون فرطت بيج شلون خليتج تضيعين
من اديه ماراح الكه مثلج وحده تحبني
ريم.....اول مره أشوف فهد يتحسر على تسنيم
مع العلم چان هو الي رافض بسبب مراد
وراح ركض وره اسراء علمود ميفكر بتوته
هلگد مامكسور خلال نص ساعه خلص باكيتين
جگاير
نور....صح چانت مشاعري مخلوطه مدري افرح مدري اظوج بس من سمعت خبر خطوبة
توته وشفت موقفهه من ضربت فهد وعلنت
حبهه گدامنه وفهد مكسور حيل انقهرت
ودمعتي نزلت حسيت نفسي اريد حجه علمود
اطلع البداخلي لان بعدني ما طالعه من تجربه
الي مريت بيهه مرات اشتاق لشعور حنان
الاب الي چان منطينياه ومعوضني عن ابوي
بس من افكر بي اذكر شلون انطه بيه وبسمعتي گدام فهد يزيد كرهي وحقدي علي
مااعرف حتى اواسيهه نحسم مصيرهه ومصيري
ولان خطوبة توته الخميس قدمو خطوبتي
ليوم الاثنين باجر يجي هو وامه ونطلع نشتري
الذهب بس اني حيل ضايجه خايفه لا هاي السنه هم تروح عليه
تسنيم.....چانت ليله عبالك اليوم اهلي توفو
نمت واني مكسورة خاطر خلتني خالتي بحظنهه وغفيت من التعب والبچي ما اريد
اشوفه ولا اريده يطلع گدامي حرمني منه
صبح الصبح وام خالد اتصلت على خالتي
لان باجر يعقدون على نوره خربت فرحتهه
خطيه اتفقن العصر يرحن للسوگ يشترون الذهب
رادن اروح وياهن ماقبلت راحن وريم راحت
وياهم بقيت وحدي بالغرفه افكر شنو بعد
ظامتلي الحياة وشلون راح اعيش وياهم
قررت اصير قويه واخليهم يتندمون لان اخذو
هيج قرار ما اعرف شنو يستفادون
من يزوجوني ابنهم واني حصتي يحلمون بعد
اتنازللهم عليهه
شويه ويندگ الباب الخارجي قفلته لان اخاف
وحدي
طلعت سمعت صوت مراد رحت اركض
فتحت الباب وهاي اول مره من احنه عمرنه
١٢سنه اول مره اشبگه بس الله يشهد بنيتي
اخويه ومو غير شي هو استغرب گال
مراد....شكو شبيج شصاير
تسنيم....ولك اخيتك راح ياخذوهه
مراد....يا اخيتي ومنو ياخذهه
تسنيم... دموعي نزلن حاره عمامي راح ياخذوني يوم الخميس يعقدولي على ابن عمي
دخل شمر الجنطه مالته جرني من ايدي وكالي
تعاي سولفيلي امي وين
سولفتله على كل الي صار اي صدمني من گال
مراد....هو اخويه ما بي خير ما عرف ياخذج
لو اني موجود چان طلعتج من حلگ السبع
بس مابي خير جبان
تسنيم....ميحبني مراد اخوك ميعرف شيريد
واني ذليت نفسي هوايه
طب فهد چان يسمع لحچينه گال
فهد....لا اني مو جبان ولا مابيه خير اني
حسبت احساب اخوي وشلون اكسر گلبه
واخذ الحبهه
مراد....وانته ماعرفت تخابرني اني مو گلت
لأمي شلتهه من بالي مدام هي تعتبرني اخوهه
فهد...اي گالت بس اني وعدتهه بس انته تخطب ثاني يوم اعقد عليهه
تسنيم....اني گاعده اسمع نقاشهم وفهد يضرب
على الكاونتر ويصيح والله مو بيدي خفت بعدك تفكر بيهه ولكم مو بيدي هذا گلبي
ما اگدر اكسر بيك حتى لو على حساب سعادتي وراحتي ما اگدر افهموني
گمت على حيل وعطت بيهم
كافي ماكو داعي تتناقشون واني بعد حرمت عليك شيلني من بالك وگلبك
وان شاء الله أگدر اشيلك من بالي واسحك على گلبي لان متستحق حبه
دخلت لغرفتي وبچيت گعدت ادرس احتاجيت
عسل خابرتهه گلتلهه تجيني العصر
عسل......من خابرتني توته وهي تبچي گلبي نقبظ ما اعرفت شصاير ماگدرت تسولف
تغديت وقريت ساعه خابرت الاستاذ اخذت
اجازه مارحت للمحاظره
طرت لتوته حيل خفت عليهه وصلت لگيتهن
مخبوصات عرفت باجر خطوبة نور
دخلنه اني وتوته للأستقبال وتنهار من البچي
عسل..وچ بابا خل افتهم شبيچ هسه بس فهميني شصاير راح يوگف گلبج
تسنيم.....ولج شيوگفه ميوگف علواه يوگف
ويخلصني من هاي الحياة الي اني عايشتهه
ولج الخميس يعقدولي على ابن عمي
حيدر غصب عني
عسل....عززززززه شنو بكيفهم وين عايشين
عمي وين العالم وصلت ذوله شبيهم وفهد
ماسوه شي
تسنيم....هذا القاهرني ولج عنده اهم شي
ميكسر گلب اخوه كلما أگول ماراح يعوفني
من اشوف حنيته واهتمامه عليه
يصير جبان ولج جبان
اني الكاتلني قهر لو گايليلي انطينه حصتج
والله چان انطيتهه بدون هاي السوالف
بس بسيطه اذا ما اخليهم ينطوني على كل دمعه نزلت مني ذهب بداله صبريلي
عسل.....توته بعد كم يوم ويبدي الدوام خليج
قويه ولاتخليهم يكسرون ثقتج بنفسج
حريمه شطارتج وتعبج يروح
تسنيم.....صدوك تحچين اني دراستي خط احمر عندي بس اختنگت ردت اسولف وياج
شفتي البيت كوله ملتهي بنور باجر خطبتهه
عسل...خب صدگ شنو الفلم وصاحبهه نسته
تسنيم....يمعوده تنساه شنو قابل فد مندله
بگد ابويه
عسل...بقينه نسولف ردت اسولفلهه على ليث
بس شفت وضعهه مو مال اسولف وياهه
بهيج مواضيع وهي مكسوره
بقيت يمهه تقريبآ ساعتين على گد محاظرتي
ورجعت للبيت
طبعآ بهاي الفتره عمي جاسر عقد وبعد حتى گمنه منشوفه لان ملتهي بخطيبته ودا يجهز
بيته علمود يطلع ونخلص منه
التمن خواتي وعماتي وعمامي ونسوانهم
على العشه تعشيت وصعدت للغرفه صرت
اشتاق كل شويه افتح الماسنجر بلكي تجيني
رساله من ليث اليوم تأخر مدز رساله
اكتب وارجع امسح اگول فشله خاف ياخذ عليه نضره محلوه صارت ساعه عشره بالليل
دزلي رساله اخذت گلبي وعقلي كاتبلي
مشتاقلج
ما عرفت شنو اجاوب حسيت احد دغدغ گلبي
كل يوميه يراسلني كصديق يعرف اخباري
يسولفلي شلون خلص يومه
بس رسالته اليوم دغدغدت گلبي كل شويه
افتحهه بس مجاوبت لان ما اعرف شنو اگول
بوقتهه صدوك احتاجيت توته
نص ساعه واجتني رساله
اسف خاف ضوجتج وتعديت حدودي
بس فعلآ حاولت امنع نفسي ما اراسل بس
ماگدرت جمعت كل الكلام بكلمه وحده
اذا ضايقتج اعتبريني ما حاچي
اقره واحس گلبي يريد يطلع من مكانه من
الفرح بطني تلويني كتبتله
لا مصار شي تشتاقلك العافيه
رد عليه يبعد العافيه واهلهه
هاي شنو حسيته اخذه الواهس كتبتله
مامتفقين هيج تره احنه مجرد اصدقاء رد
اني بالنسبه الج صديق بس انتي بالنسبه
اليه اقرب من صديقه اشتاقلج واحب اسولف
وياج تعودت على وجودج بيومي
كتبتله تمام تصبح على خير
الفرحه ما حاسه بيهه من قبل احس گلبي يريد
يطلع من مكانه اريد بس يجي باجر علمود
اروح لتوته واسولفلهه وتعلمني شنو احجي وشنو اجاوبه
تسنيم....من اجت عسل وسولفت وياهه حيل
نفسيتي ارتاحت طلعت يم البنات ستوهن راجعات من الصالون نظفت وجهه وجسمهه
نور وحجزت بدله وصالون طلعت تخبل
شكل ثاني
صار العشه بدينه نگلي كباب عروگ وزلاطه
وفنگر وسويت جاي بس اني سويت لفه
وصبيت كوب چاي گعدت بالمطبخ اتعشه
ريم....هاتوته ليش وحدج تتعشين
....ريم حبابه ما اريد اشوفه خليني
ريم...دگومي گومي ويانه خلي الامر طبيعي
مامقسومين البعض تنسين هاي اني مو خطب
وراح والله الله الله وياه
تسنيم....صدك ظحكتني صبت عشه وگعدو ناصبين على نور مراد وريم فهد بغير عالم
مكسور مهزوم صاحتني خالتي
ام فهد....توته ماما تعالي تعشي
تسنيم....لا خاله تعشيت ما اريد
ام فهد ....اي شلعي گلبي خاف مامشلوع
تلحگين تاكلين وحدج تعالي
....ماماما ماريد والله شبعت جذب اني چنت
بعدني جوعانه بس ما اريد اگعد گباله
اجاني مراد للمطبخ وگلي
.....اذا متجين ما اتعشه وتعرفين ابن خالتج
بطنه محجره من اكل الجيش لو الحك اكل
لگمه هناك لو لا من وره الگواو......يد الدواعش
سحبني من ايدي وگعدت رفع راسه فهد وگال
فهد ....من جابهه مراد تتعشه ويانه گوه عليهه
حسيتهه متريد تشوفني ومغصوبه على الگعده
ويانه گلتلهه
اذا بسببي اني اگوم جوابهه چان سجين وانحطت بگلبي
تسنيم....وليش دگوم شكو انته هسه حالك
حال مراد بالنسبه اليه واني راح اتعود واتأقلم وي حياتي
ردت ابينله اني قويه وما مكسوره اريد اكسره
مثل ماكسرني ضرب الصينيه بكل قوته وصاح
فهد.....اي اي اي خبليني خرب......خرب......
راح اموت محد حاس بيه
تسنيم...عافنه وطلع
#لاتذب روحك على الرايد #يروح
أنت تقرأ
لعلَ الحب ينصفني
Ficção Geralفتاة يلعب القدر معها لتفقد والديها بحادث سير لتبقى تواجه وحوش البشر لتتلقى هجومآ من زوج خالتها وتظطر ان تصمت ولا تبوح بوجعها لأحد تارتآ يتحرش بها وتارتآ يظربها ويهينها لتتذوق مرارة الحياة تقع في حب ابن خالتها ولكن الاخ الثاني يقع في حبها فما مصير ه...
