لعلَ الحب ينصفني

البارت ١٣

لعلَ الحبُ ينصُفني
بقلمي...
زهراء الشمري 🌿
البارت١٣

مساء الحب على عيونكم الحلوه....
تصويت......+تعليق حلو من ايدج الحلوه
شاركيني شتتوقعون من قفلة البارت

حبايب راح نوقف نشر احترامآ للأيام الكاظميه
تخلص الزياره ونرجع ننشر وتره هسه ياله
بدة القصه وقفلاتهه
وخاف اكو اخطاء املائيه غلسو اهم شي الفكره هههههههههههه ماراجعت البارت

          ..............*★**★..............
- ‏تالي طبگوا بابهُم
وبنار فشلتنه انچوينه
تندمنّه اجينه ..
بجنازة عشگنة المآت غفله
وايسينه .. وابتعدنه بعيد
لاچن طيفهم ظل يعتنينه
ظلت حچاياتهم ع البال ما چلمه نسينه

يسألوني أعله حالي شبيك شو كبران
أبيض صار شعرك والوجه مصفر

أجاوبهم وكول الولف منه الصوج
أخذ عافيتي كلهه شلون ما أكبر
°°
#يــشــوفــونــي

#ابـتـسـم حـسـبـالـهـم #مـرتـاح

                #مـايـدرون گـلـبـي من القـهـر ميت

               *********.... *********
عسل.... شبگت اختي وظليت ابچي وياهه
وبدت تسولفلي الي صار
ندى..... عماتي طلعن للسوك وامي نايمه بالغرفه
وقمر صعدت وي مرة عمي فوگ
واني بقيت دا اباوع تلفزيون وما احس بس عمي جاسر فوگ راسي ويگلي اليوم الحلو وحده عايفي
وگفت على حيلي حصرني بزاويه وينظرلي
نظرات مقرفه نظرات حيوان مفترس مثل الچلب فاتح حلگه وشهوته عليه
دفعته لزمني من دشداشتي من صدري واني
انهزم جرني شك دشداشتي وخلاني بلا ستر
يباوع عليه برغبة الحيوان بأفتراس فريسته
خليت اديه على صدري ونهزمت وهو يصيح
الزمج الزمج اطيرن خو مطيرن
عسل.... لهل درجه وصلت بي الدنائه والحقاره
ضليت اتحسب ربي علي الف مره
حسبي الله ونعم الوكيل وان شاء الله حوبتنه
تطلع بي
وهل مره قررت اواجهه لو يتوب وبعد ميتقرب
علينه لو افظحه وشيصير خل يصير
كولش انقهرت ونهاريت اريده بس يرجع
للبيت اخذت كتبي وصعدت فوگ رفعت راسي
للسمه ودموعي تنزل والخنگه كاسره بلعومي
ليش ياربي احنه مو بنات اخو ليش هيج
يسوي معقوله الخلل بينه
شويه واجتني رساله من ليث يسأل عليه
چنت حيل محتاجه احد اسولف وياه
ويحتويني ويطلع الخنگه البداخلي گمت اتجاوب وياه بقينه ربع ساعه نتراسل
وطلب يتصل على الماسنجر واني من گد
ما چنت مهمومه واريد انهزم من الواقع الي
اني بي بدون تفكير فتحت خط وبدينه نتعرف على بعض
هلو
اني ليث طالب كليه قانون مرحله ثالثه
بيتنه بكذا منطقه من الحله
عسل....مدري ليش فرحت من گال من الحله
الي حيل عجبني بي هو سني واني شيعيه
بس ابد منختلف فقط اشياء بسيطه هو بسيط
لطيف اسلوبه رزن حسيته مثقف وثكيل
وبده يسولف عن حياته يسألني واجاوبه
شويه وصاحتني عمتي سديته ونزلت خفت لا
واحد يشوفني اخابر نزلت لگيت عمي جاسر
گاعد على القنفه ويكرز حب رحت علي
رفعت اصبعي بعصبيه وگلتله..