لعلَ الحب ينصفني

البارت الثامن

البارت الثامن
بقلمي...
زهراء الشمري 🌿

#چنه_نحلم..
چنه وإحنه إصغار كل عصريه نلتم..
نلبس جناح #ألكواغد..
نركض ويّ ألغيم حافين وعلينة ألليل #يلتم..

چنه شبعانين ماندري #ألخبز ياهو أليجيبه..
صافي مثل ألماي #أملنا..
وبطرگ لعب #ألشوارع..
#لاجگاير ، #لاسياسه ، #ولاحبيبه..

*********.... *********
تسنيم.... عزززززززه هاي شنو دگيت الشباك التفتت
عليه چان الرجال لازم اديهه والله اعلم شنو دا يحجي وياهه ويقشمر بيهه من شافتني عدلت نفسهه
ونزلت والرجال شخط سيارته وراح وبكل وقاحه
دگولي
نوره.... والله ياتوته اذا حلگج فتحتي اسوي بيچ
سوايه اخليچ طول عمرج متندلين دربچ سمعتي معليچ بيه
تسنيم.... ولج انتي مخبله عاقله بگد ابوج هاي الشباب ما لگيتي غير هذا
شدا تسوين بنفسج والله ابوج واخوتج اذا عرفو يصلخون جلدج
نوره..... ابويه هو اني شنو شايفه من ابويه بس الغلط
والفشار والضرب على الأقل هذا حتى بحنان الأب حسسني
تسنيم.... والله دا يستغلج بعدج صغيره وحلوه
وهو مبين مو راحه لا تظلمين نفسج
خلي خالتي وسمعتج بين عيونج
نوره.... اهو توته اني احبه ومقتنعه بي ولا تخافين ما
يستغلني واني اعرف اصرف بس بداعت امي الشفتي يبقى بينه
تسنيم..... وصلنه للبيت واني محتاره اسولف الي
شفته لو اسكوت صرت مابين نارين
اذا احچي راح يشبعوهه كتل ويجوز يبطلوهه من
المدرسه واذا اسكت هذا رجال چبير شايف
وعايف خاف يستغلهه
من التعب والتفكير طبيت للبيت حتى غده ماتغديت طبيت للغرفه بدلت ونمت ما گعدت
للمغرب گمت رحت للمطبخ اساعد البنات اليوم
اول يوم نوره تساعد ريم
دزتني خالتي لفهد اسأله يريد طماطه تگلاه لو مشيفه رحتله لغرفته چان گاعد
يقره

..... هلو فهودي شلونك
... هلو توته
.... اگولك دگول خالتي شنو مشتهي طماطه تگلاه
لو هيج تثرمهه الك شياف
.... بكيفهه اي شي توته فدوه خل تسويلي چاي
راسي موتني
.... تدلل رحت گلت لخالتي وخليت الچاي على النار
اخذته براسيتول وگلاص مي
.... فهودي اخذ هاي الحبايه بلكي يخف الوجع براسك
فهد.... فدوه لأديج تعبتج
.... لا بالعكس اهم شي مرتاح
فهد.... اگدر اسولف وياچ بموظوع
تسنيم.... خفت وارتبكت شيريد مني بده يسولف
واني مدري اظوج مدري اتفاجئ مدري مكيفه
دا اسولف وياه بده بالموظوع واني بالي كوله يمه
فهد.... توته مراد يحبچ ليش مدا تنطي فرصه
ودا تصدي اني منتبهلج تحاولين تبينيله انتي
مو فاهمته انطي فرصه خل يثبت حبه الج
تسنيم..... فهد اني صح احبه واموت علي واظوج
اذا اليوم الما اتعارك وياه بس هذا كوله اني
ما أگدر اشوفه غير اخو والحسين من رحت لبغداد
شگد حاولت اقنع نفسي واتقبله بس ما گدرت
اخويه ومتربيه وياه اذا بجه ابچي وياه اذا تعور اني اتوجع گاخ اليه
فهد... لهاي الدرجه
تسنيم... اي والنبي واكثر اني تربيت وكبرت وي نوره ومراد
فهد.... واني شنو
تسنيم...... من سألني انصكيت جمدت بمكاني
حلگي نشل ظليت ما اعرف اجاوب ردت اجاوبه
وطب مراد نقذني
مراد.... ها ولج ام حلك ادور عليج جبت شلون بلابل يخبلن
تسنيم.... صدوك عابتلك مو وصيتك على فناجس
عليك الله ميمو اريد بلبل وقفص حلو صغير
اريد اودي هديه عيد ميلاد صديقتي
مراد.... بنت الاوادم فلوسج هواي انتي تردين مواصفات وين الگاه الج تردين عادي انطيج
من ذني الي جبتهن وباجر اروح للسوگ اجيبلج قفص
صغير
تسنيم..... گبر اي والله سويتهه عليه رطينه
مواصفاتيش اريده يغرد وملون كون حلو
گول ما اجيبلج عابت للحقنه عييييع
مراد... خب هو مو صوجج صوجي اني مسويج ادميه امداج
...... المطيرچي تغمني اني الك بسيطه
تسنيم.... ظلينه نشاقه ونظحك صاحتنه خالتي
نتعشه تعشينه وكملنه كلمن راح لغرفته
فهد.... من سمعت توته وهي تسولف احساسهه
اتجاه مراد مدري شنو تحرك بيه وسالتهه واني
بس مجاوبت
بهاي الفتره علاقتنه اني واسراء حيل متوتره
دائمآ من اتصل عليهه مشغول وتتهرب مني
واني هم احس قل اهتمامي بيهه دا اقره واجوي كولهم طلعت گعدنه بالهول احنه الشباب
والكبار بالاستقبال
سوالف وظحك ومراد يحشش على البنات ينصب
عليهن واسراء ابد ما عجبتني شقاهه ماصخ وي مراد رافعه التكلفه وبلا حدود تنزل جوه لخط الاحمر
حيل ظوجتني كولشي عدهه عادي تلزمه وتظربه
ما اعرف ليش صرت اقارن بينهه وبين توته
الي حتى حجاب تلبس من عدنه صارت
وهي متربيه ويانه
اسلوبهه ويايه وخوفهه واهتمامهه بيه
ليش مو اسراء مثلهه ليش القدر خلاني
اقفل على حبهه وما أكدر ابوح بمشاعري
وأخذت اسراء وسيله حتى انساهه وما
اكسر گلب اخوي الي متعلق بيهه
تسنيم.... من اجت اسراء البنات ومراد گوه جروني
اگعود يمهم بس فهد على طول الگعده يخزر
بأسراء اظاهر ما عجبته تصرفاتهه وصدگ هي
على طول الكعده عايفه فهد وتشاقه وي مراد
شقه ماصخ
سويتلهم حبشكلات وكذا لحد ما اهلهه صاحوهه وراحو
ثاني يوم رحت للمدرسه شفت عسل جانت مصره
تحچي وي مدرستنه وتسولفلهه الي دا يصير
وياهه والظغوطات النفسيه الي دا تمر بيهه
عسل..... چان يوم ممل حيل انتظرت بس يصبح الصبح واروح افتح گلبي لمدرستي اريد احس
بالأمان احس اكو احد ينصحني يوجهني يسندني
احس نفسي وحيده واني بين اهلي
صبح الصبح رحت للمدرسه التقيت بتوته الي
جانت رافضه خوفآ عليه من ردت فعل المدرسه
بسبب المجتمع ميرحم الي ظالم حق البنيه
وهذا الي مخليني متحمله قذارة عمي وساكته
رحت للمدرسه بس ما گدرت احجي خفت ترددت
رجعت اجتني توته
تسنيم.... ها ولج شو رجعتي ليش شصار
عسل.... توته ما گدرت خفت
تسنيم.... اووووف الله يكون بعونج ياروحي
شسوين خليهه على الله وسلمي بيده هو الي ياخذ حقج منه
ظلينه نسولف ونشاقه علمود تحاول اطلعني من
الكأبه الي اني بيهه دخلنه للدرس وبدينه نحدد امتحان الشهري للمواد
سولفتلي تسنيم على موظوع بنت خالتهه ونصحتهه
متدخل واذا شافتهه تمادت بعلاقتهه وي الرجال تحجيلهم
خلصنه دوام وطلعنه اني وتسنيم ونوره چان الي
مصادق نور واكف اباب المدرسه انصدمت من شفته رجال جبير بعمر ابوهه
ظل يمشي ورانه ويذبلهه حجي امبين واحد مو راحه
وهي مكيفه وتظحك تسنيم حيل عصبت
تسنيم..... تخبلت من شفته يمشي ورانه
نوره لهنا وكافي والحسين تره اگل لخالتي
شنو يجي
لباب المدرسه وفوگاهه بكل وقاحه يمشي
ويذب حجي ميخاف على سمعتج هو
هذا هم حب
اشرتله نوره وراح حيل ظجت منهه
عسل.... اباوع على توته تريد تظربهه بس مجبوره
تسكت تخاف على خالتهه وتخاف من
المشاكل
رجعت للبيت طبيت شميت ريحة
البرياني يبوي
الريحه تظرب بالراس لگيتهم يتغدون
كلهم
شمرت جنطتي وبالسدريه گعدت وياهم
اتغديت
خلصت غده ورحت ابدل وكفت على
المغسله اغسل اجه عمي وراي هم يريد
يغسل همه كاعدين من شفته نهزمت حتى الصابون بعده بأيدي وحلگي من
الخوف
شگد اكرهه وتلعب نفسي منه
بدينه نمتحن شهريات والحمد الله
درجاتي عاليه
وتسنيم همينه بس اعلى من درجاتي
تسنيم.... گاعدين نتغده وريم تريد تفتح
موظوع وي خالتي ومتردده خلصنه غده
وبدينه نغسل مواعين اني وياهه
سولفتلي
ريم.... توته اريد اخذ رأيج بموظوع اكو
ولد ويايه بالكليه يريد يتقدملي وخايفه
افتح الموظوع
وي امي خاف تشك بيه شنو رأيج شنو
اگوللهه گوليلهه الصدگ وابد لا تكذبين
مابيهه شي هاي
البنيه تنخطب من مكان عملهه من كليه
من مدرسه اليشوفه وينعجب بيهه
يخطبهه مابيهه تره كولش عادي بس
احجي وياهه بغرفتنه علمود ابوج
مايسمع
بس بداعتي هو مجرد زميل لو اكو شي
ثاني
ابتسمت ودنگت عرفت هي معجبه بي
سويت جاي وديتهه الهم
مراد.... شنو هذا هم چاي ولج تظلين
عوبه صرتي مره
تسنيم..... ابو حلك تروحلي فدوه هو انته
بعداليتي
مراد.... امداني مصدگه روحهه هههههه
تسنيم.... ولج خاله صيحي بي يظحك
عليه
مراد... يله بله فوگاهه زعطوطه اسمع
التنعوص
تسنيم... عابتلك غيار تغار مني عيبت علي
عفته ورحت
كملو شربو جاي صحنه خالتي للغرفه
وبدة ريم تسولف
ريم.... ماما اكو موظوع اريد اسولفه وياج
وانتي القرار الج
ام فهد.... خير ماما شبيجن صاير شي
ريم..... اكو ولد ويايه بالكليه اليوم
فاتحني بموظوع
ام فهد... يا يمه عزه العزاني شيريد
ريم.... يمه انطيني مجال يريد يتقدملي
ام فهد.... ومنين يعرفج وشعرف عنج
ام فهد... شبيج يوم دا اگولج ولد ويايه
بالكليه
ام فهد.... ها يعني هم طالب جا فدو ريمه
هو طالب وانتي طالبه بيمن تعيشون
وحتى لو اني اقبل ابوج ماراح يقبل لان
بعده طالب وطريقه طويل
ريم.... شبيج يمه تصعبيهه شنو الطالب
مايزوج
ام فهد... والله ريمه شگلج تردين احجي
وي ابوج
بكيفج ليش الولد يتفشل ويجيب اهله
بس لا خل يجيب اهله حتى لو ابوج
يرفضه لان هسه
هم يگول وين عرفته وشيخلصني ياكل
گلبي
عاد من امه تجي سأل عليج بالكليه
وعجبتي وخطبج چنچ ماتدرين
ريم.....الفرحه كولهه امي طيرتهه من گلبي
ومن راسي صبح الصبح رحت للجامعه
دخلت للكليه
لگيت انور ينتظرني اباب الكليه
سولفتله وهو حيل متمسك بيه گال
العصر امي يمكم وفعلآ رجعت من الدوام
العصر وامه اجتي تخطبني من امي
بس امي ما انطتهه امل لان تعرف ابويه
تسنيم.... من طلعت ام الولد تفاجئنه
بالباب خوالي
اثنينهم جاين يشوفون خالتي بعد ما
صارلهم كم سنه گاطعين بينهم التواصل
خالتي احس بداخلهه وملامح وجهه حيل فرحة بجيتهم واحسهه قويه من اخوانهه يمهه حتى تحچي
بزودهه من عمو جبار موجود
الاخ مهما يكون فهو سند بالحياة ومو كل اخ اخ
باسوهه من راسهه واعتذرو منهه والحمد الله رجعت علاقتهم كلهم سلمو عليهم بس اني ماطلعت
من الغرفه واسمع خالي صلاح يصيح
توته توته ماتريد تسلمين على خوالج غلست
اسمعهم واغلس احس غصة الاربع تشهر والچويات
واثرهن بجسمي بسببهم وفرتي بالشارع واني اجدي شلون انساهن
اجتي خالتي
ام فهد... لخاطري يمه كومي ذوله خوالج مهما يكون
ذوله عزوتنه واهلنه ماعدنه غيرهم ماتشوفين
عمج جبار من يوم ما تگاطعنه ولاني وليه لخاطري
گمت لخاطر خالتي حيل صار شگد مشايفتهم
سلمت عليهم بس ما بوستهم وگعدو يسولفون
وسألوهه شتسوي ام انور يمكم وين تعرفكم
استغربت خالتي وين يعرفهه خالي طلعت جيران
خوالي وظلو يمدحون اثناء ما يسولفون ابيت اهل انور دخل عمو جبار وخالتي صارت صفره من الخوف خطيه سلم عليهم وگال
جبار... خير يا ام أنور وتخطبمن
ام فهد.... ها جيران اهلي اجتي تخطب ريمه لابنهه
جبار... مابيهه شي شيشتغل شمخلص دراسه
ام فهد..... بعده طالب ما مخلص ولا يشتغل
جبار.... ها من جماعة ماما غطيني هذا ياخذ مصرفه
من امه ما استحى من دگ باب العالم على مره
والله الناس صارت ماتستحي
اذا اجتج انوب سدي الموظوع گليلهه
بعدهه طالبه ابوهه ميقبل
ريم.... من سمعت رفض ابويه حيل ضجت ونقهرت
لأن اني متربطني بي علاقه واتصالات
بس نظرات
من اگعد بالسنتر مال الكليه لو من عيوني تلاكي
بالنادي اخاف وهم مخليه فهد بين عيوني لان
كولهه تعرفه بالكليه دائمآ يتردد لكليتنه اختنگت
داومت الصبح اجاني حجه ويايه وكلتله ابويه ميقبل
راد مني رقم تلفوني بس اني رفضت ما اريد اسوي
علاقه اذا مقسومين نصير لبعض بدون علاقه
تسنيم..... نقهرت على ريم لان خطيه مبينه معجبه
بهذا الولد الفرحه مبينه بعيونهه نامت وهي مقهوره
سلمنه على خوالي وراحو عزمونه على العشه باجر علمود الصلح
ثاني يوم صبح الصبح رحت للمدرسه استلمت درجاتي مال الشهريات حيل فخوره بنفسي
رجعت للبيت واني مكيفه هواي
كلش فرحانه بدرجاتي طبعآ الفضل لفهد
لان هو الي تعب ويايه وقراني قررت اشتريله هديه
من طلعت من الدوام رحنه اني وعسل اشترينه هديه
وخليتله كارت صغير كتبتله بي
(احتاجك كلمه لا تقال لأي شخص
فقط تقال للسند الحقيقي شكرآ من القلب بفضلك
ارتفع مستواي الدراسي اتمنى لكَ الحياة السعيده)