لعلَ الحب ينصفني

البارت ٢٥

لعل الحب ينصفني
بقلمي
زهراء الشمري ☘️
البارت٢٥
مساءكم حب ياحلوات
تصويت+تعليق حلو مثلج اريد تفاعل
قراءه ممتعه
       ...............★★★.........…...
#عليمن صافن وهاي المن #النظرة

                          #على الي راح لو عالجاي #تنتظرة

#مايسوه العمر لا تنظر اعلى #الجاي

                         #وعلى الي راح منك لا تجر #حسرة

#شنهي البقه بعمرك هو ليلة #ويوم

                             #عيد المر عليك ومنه اخذ #عبرة

     ....................❤...................            

تسنيم....التفتت ويصير گبالي شاب انيق معضل صاحب كمال اجسام لان جسمه رياضه
استغربت گلتله
....تفضل اخويه
المجهول.....ممكن احجي وياج على انفراد
تسنيم....بگلبي گلت هذا فارغ يريد يصارح
گلتله وشكو على انفراد احجي تره الي راح
تحچي ارجع اگوله لصديقاتي
المجهول....والله بس دقيقتين
تسنيم....تعذرني ما اگدر
المجهول....لعد اذا اتصل افتحي خط ولا تحظريني
تسنيم....من هيج حچه عرفت هو هذا نفسه
صار عندي فضول اعرف منو دافعه عليه
عفت صديقاتي تقدمت علي
...گول انته منين تعرفني وشتريد مني
المجهول....تردين الصدك لو الچذب
تسنيم....طبعآ الصدگ
المجهول....اني اكو احد دفعني عليج وكل النيه اخرب بينج وبين ابن خالتج
بس من شفتج مرتين گلبي رف عليج
الليل كله مترحين من بالي حبيتج صدك
تسنيم....والي دازك عليه مگلك اني مخطوبه
وزواجي بعدله شهر بالقليل
المجهول .....عادي افسخيهه والله اعيشج
ملكه افر بيج الدول كلهه
تسنيم....بابا انته صاحي مخبل اني گعدت
وياك بس علمود اعرف الي دازتك عليه اسمهه
اسراء مو
المجهول....ها منو گلج ومنو هاي اسراء
تسنيم....غشم نفسك غشمهه بس بسيطه اذا
ما اخلي فهد يسحلك انته والي دزك عليه
عافني وگام من سمع اسم اسراء
اخذت لفات ورحت للگراج لگيت فهد واگف
وي نفس الولد الي چان يحچي ويايه
نصدمت ما عرفت اصرف سكتت ما حچيت
راح الولد ملحگت بي
گعدنه نتغده بالسياره سألته
فهودي حبيبي منو هذا الولد الي چان واكف
يمك
فهد....ها هذا ابن اخت عمتي ام اسراء
تسنيم...اني هنا تأكدت اسراء وره هاي السالفه
كلهه ما حچيت لفهد لان بس احچي يسوي
مشكله وياه بالكليه
بقيت محتاره الطريق كله جبتهه صافنه
وافكر شسوي وشلون اگوله
خاف اگله گعدت وياه وشيخلصني منه
وصلت للبيت لگيناهم يتغدون واسراء موجوده بعدهه وي البنات باوعت عليهه
وخزرتهه وطبيت للغرفه
فهد....طول الطريق وتوته صافنه ومتحچي
ما حاچيتهه لان توقعتهه زعلانه من تصرف
البارحه الي اصرفته بلحظة ضعف بس هي حلالي يعني اني ما مسوي شي بالحرام
رحتلهه للغرفه لگيتهه تبدل
دخلت بستهه من خدهه
...شبي الحلو زعلان وضايج
تسنيم...ها لا مابيه شي بس تعبانه وبطني
ورجليه حيل يوجعني من البارحه الوجع ابد
ماخف
فهد....اسف حبيبتي والله الي صار غصب لحضة ضعف وبعد شويه احچي وي امي
علمود بداية الشهر الجاي نزوج
تسنيم.....الوجع البطني يزيد والدوره بعد اسبوع اكثر على موعدهه
ما اعرف موعدهه لان مرات تتقدم ومرات تتأخر مخربطه
شويه وطلع فهد من يمي وطبت ريم سولفتلهه
على الي صار ويايه وعلى ابن خالة اسراء
اقترحت عليه اسولف لخالتي وهي تحل الموظوع لان اني اخاف اواجه فهد بسالفه
رحت لخالتي لگيت فهد گاعد يمهه يتناقشون گالت
ام فهد...هله بچنتي يمه حلم من صرتي اليه
يمه فهد شد حيلك وشوفولكم غرفه تركيه
نجاره شوف توته شتريد والنواقص اني اكملهه
شوفلك صباغ زين خل يصبغ الغرفه ويغلفهه
تغليف جدار
تسنيم....حيل فرحت من خالتي ما عارضت
بحكم وفاة مراد چنت خايفه تأخره اكثر
شويه وفهد طلع بسياره اسراء راحت لهلهه
بقينه اني والبنات وخالتي ريم زوجهه يجي عليهه بالليل
غمزتلي ريم تريدني اسولف لخالتي
فتحت وياهه الموضوع ومن احچي وياهه احس اكو غصه ابلعومي اخاف على فهد يتهور
ويسوي شي ومحد يصدگه لان ماكو دليل ضدهه بس خالتي چانت ذكيه حيل
گلتلي
ام فهد ....اسمعي توته ماما هسه فهد لا تفتحين وياه موضوع لان رجلج يتهور ويسوي
شي تعرفين اذا طبگن عنده يجيب العميه
على الشيتيه
هسه الي اريده منج من يراسلج جرجري بالحچي خلي يعترف اسراء دزته عليج
وبذاك الوكت نحچي الفهد الي صار
خوش يمه
تسنيم....خالتي تحچي واني افكر اني انطيته
عهد بعد ابد ما اضم علي شي لو اسوي من وراه شي گلتلي خالتي لاتسولفيله هسه
بس اني ما سمعت كلامهه بقيت سهرانه انتظره للوحده اجن البنات يسولفن ويكرزن حب واني بغير عالم كتلني التفكير
اوووووف يا أسراء اشوف بيج يوم مثل ما مفرفحه گليبي يفرفح گلبج
اترخصت منهن عرفن رايحه لفهد
وصلت يم غرفته وخفت رجليه ميعينني شلون راح ابدي وياه شلون راح اسولف وشگله
الله يستر منك يافهيدان
دگيت الباب وگال
....ادخلي حبي
تسنيم....فدوه اروح لصوتك حبيبي الله يساعدك
فهد...ويساعدج ياروحي
تسنيم....حبيبي اريد اسولف وياك سالفه بس
اريدك تسمعني للأخير ابد ما تصير اعصاب
عوف الغيره والعصبيه على صفحه
لازم تفهم الموضوع ونشوفلنه طريقه مينحل
بالعصبيه تره
فهد....من حچت هيج خوفتني شكو شصاير
اااييي دحچي لاتلعبين بأعصابي
تسنيم....اليوم مريت بموقف بالكليه وماحچيتلك بساعتهه لان اعرف تسوي مشكله
ومتلزم اعصابك خالتي گلتلي ما اسولفلك
بس اني تعلمت ما اظم عليك شي
فهد....مو خبلتيني وترتيني طلعيهه للجوهره
شصاير احد متحرش بيج صرت اعصاب من
تنطيني مقدمات وماتدخل بالموظوع معناهه
سالفه چبيره
تسنيم.....شوف هذا الي يراسلني ويتصل عليه
اني عرفته منو
فهد ...منو احچي لاتلعبين بأعصابي
تسنيم...بس بداعت امك تلزم اعصابك وماتسوي سالفه
فهد.....خرب هبل تره راح اطلع من ديني من وراج فضيهه منين الكلب ابن الكلب هذا
تسنيم.....ابن خالة اسراء الي وگف وياك
بالگراج مال الكليه اليوم واعتقد اسراء دافعته
فهد ...وشلون خمنتي هذا التخمين بله ست تسنيم
تسنيم....مو اليوم اجاني وحچه ويايه بالكليه
فهد.....طلعن عيوني براسي صحت بيهه
شنننننننننننووووو العب واني اخر من يعلم
وليش مگلتيلي بوقتهه چان سحلته وعرفته
الله حق
وشيريد
تسنيم.....حچيه كله شيش بيش اني بالبدايه
اريد اذيج وبعدين من شفت صورتج حبيتج
ومن هذا الحچي التعبان
واني من حچيه استنتجت احد دافعه عليه
لان گال چنت اريد بس افصلج عن ابن خالتج
وهسه حبيتج
فهد.....انتي تحچين صدك بابا ركزي ويايه
متأكده نفس الولد الي شفتيني واگف وياه
بالگراج ولو هو هم صدگ شعنده بالكليه
وهو عطال بطال مادارس
دخليني الزم عليهم مستمسك الا انعل والديهم
هو والي دزه
وانتي حسابج بعدين شنو دگعدين وياه وحدكم
اني مو محذرج
تسنيم.....والله فضول بس ردت اعرف منو دافعه عليه وليش يريد يخرب سمعتي
فهد....حتى لو المفروض متقبلين تنفردون
اني حيل زعلان منج لان كسرتي حچايتي
تسنيم.....والنبي اسفه بعد ماتنعاد
فهد ...اطلعي هسه وخليني افكر شلون اسحله
انطيني الرقم
اخذت الرقم من تلفونهه واني صدگ ضجت
منهه ما احب تكسر حچايتي
خابرت صديقي يوتيوبر عبقري بسوالف التهكير
تواعدت وياه بالليل واني حيل محمل بداخلي
اريد بس الزم طرف الموظوع واعرف اصرف
تعشيت بسرعه جابتلي توته چاي ما اخذته
اني ما زعلان بس ردت اتوبهه لان اعرفهه
من ازعل عليهه صدك بعد متعيد الغلط
لبست ورحت لصديقي لبيتهم
فتح حاسبته وانطيته الرقم گلتله بلكي مارابط
الماسنجر على رقمه اريدك تهكرلي الماسنجر اريد كل محادثاته تطلع يمي
وفعلآ الله ينصر المظلوم طلع مارابط الفيس
على رقمه والغبي من يراسل ما يمسح الماسنجر هكرنه الصفحه وطبيت للماسنجر
وشفت بلاوي عنده وفضايح من ضمنهن الرخيصه بت عمي اسراء من رايده منه
يوگع توته رايد منهه سوالف تعبانه مثلهم
وهي ماگايله لا منطيته الي يريده
المهم سحبت كل الرسايل التخص موظوع توته ابد ما صرت نذل وسحبت قذارتهم
تخبلت بركان بصدري مشتعل اريد بس الزمهه
اگطعهه دگطع والصوره هي ماخذتهه من تلفون توته وهي الي دازتهه
عفت صاحبي وطلعت گبل لبيت عمي
لگيتهه گاعد هي وامهه واختهه عمي وابن عمي يتأخرون يالله يرجعون من الشغل
سحبت السيم فتحت الباب حتى مدگيت
جرس دفرت باب المطبخ لزمت اسراء من شعرهه سحبتهه ورفس على بطنهه فقدت بيهه كتلته كتله تسوه حياتهه
وامهه تصيح وتغلط عليه محد يعرف شنو الموظوع اول مره اتلفظ الفاظ مو حلوه
هيج حچي وي اصدقائي بس اداوله بحكم شباب وبيناتنه بس فقدت كل ما اضربهه اتذكر
تسنيم الليل كله مانايمته من اني ضربتهه بأيدهه وشككت بيهه بسببهه گلتلهه
......ولج گح.........به
ساف......له
منح.....طه
اني اربيج من جديد انتي مامتعوب عليج
احجي وياهه واجرهه من شعرهه ورفس بكل
مكان بجسمهه
بنت القند.....ره انوب وي مرتي ولج عشره مثلج مايوصلن لأضفرهه بس احسابج بعد
وي عمي واخوج
عفتهم وطلعت
تسنيم......وره ماطلع فهد بساعتين تقريبآ
يندگ الباب بقوه واسمع صوت زينب اخت اسراء فتحت ريم الباب
وركظت زينب لعمو جبار وخالتي وكالت
...الحگو فهد راح يموت اسراء لازمهه ودگ
رفس ابطنهه حتى شلع راسهه
ضليت ارجف اني
حيل خفت ماعرفت شسوي
غلست ماحچيت ماگلتلهم اني حجيت لفهد
على ابن خالتهن
بس خالتي باوعتلي وخزرتني حست اني
حجيتله السالفه وعصب
طلعو وره عشر دقايق اجه فهد عرگان بركان
صاير من الأعصاب الي يلزمه يخبزه خبز
من الضوجه
ما اعرف شسوي ما معقوله هيج ينفعل الا صاير شي ضليت احوس
اخاف اروحله للغرفه
رحت لريم
..... گلتلهه عليج الله روحيله بلكي يحچي وياج ويهدء
ريم....اي مو اني كبش فداء عمي اروح لعيالي
احسلي
تسنيم....شبيج عليج الله هو يحترمج ميعصب عليج
ريم.....انهجم بيتج خوش لوتيه خو انتي حبيبة گلبه ميضوج منج
تسنيم.....ولج هو اصلآ زعلان مني واخاف اطبله
ريم....اروحله بس تجين وياي
تسنيم....رحنه طبينه للغرفه نور راحت وي خالتي لبيت عمهه يفتهمون شكو
وصاح بعصبيه وانفعال
فهد....طبت توته وريم واني منفعل حيل
نار تاكل بيه الطعنه من تجي من القريب توجع
اكثر من الغريب بت عمي يعني اختي
تنطي شرفهه واتاجر بشرف مرتي الكلبه بنت الكلب
صحت بيهن ها شتردن اجيتن مالي خلك احچي
ريم...شبيك خويه بس نفتهم ليش ضارب البنيه
فهد....وحده سافله ربيتهه لان عمي ما مربيهه
هيلگ وزباله صايره سلعه بيد اليسوه والمايسوه
اني تلعب وياي هيج لعبه قذره ولج دازه صورة توته للگوا.......د مالتهه هذا السافل
حسابه بعدين
ريم....منو غير نفتهم
فهد.....ابن خالته الخنيث حميد صاير زلمه براسي الا اعلمه الرجوله شلونهه بسيطه
جاي احجي وطب امي وابوي
ابوي يصيح ويغلط راد يضربني صحت علي
ايييييييي بت اخوك مو شريفه وحده طالعه
من الطريق خوش
اخوك ما تعبان عليهه
واني اسولف اندك الجرس راح ابويه يفتحه
وطب عمي وابن عمي يصيحون ويتهددون
بالأستقبال وامي لازمتني وتوته مچلبه بأيدي
خايفات نتظارب اني وابن عمي عصام
دفعتهن ورحت ماتحملت يغلطون عليه وعلى
تسنيم
دفعت باب الاستقبال وعصام كام على حيله وكال
عصام.....ها ولك صاير زلمه براس النسوان
گدرته على مره والله لخليك تعرف الله حق
فهد....احترم نفسك وشوف اختك اول شمسويه
ابو اسراء....شمسويه ولك كلب ماخليتني بعينك ماگلت عيب من عمي فشله امد ايدي
على بنته
فهد....ماتحملت طلعت التلفون من جيبي وطلعت كل سكرينات المحادثه شوفتهم اياهه
والكل سكت عصام دنگ بس اني حچيت گلتلهم
اني ما سكرنت المحادثات كلهه لان تبقى بت
عمي وشرفي بس الي يخصني اني ومرتي
وتره بتكم طالعه من الطريق
گام عمي اخذ عصام وطلع
ابويه سحب التلفون وقره وكام يغلط عليهه
ويگول
جبار...ياكلبه بت الكلب حيل بيهه الكتله تستاهلهه هل سافله هاي عاشت ايدك
رحت لغرفتي لگيت توته بالغرفه تبچي
ركظت عليه شبگتني وگالت اسفه كله بسببي
شويه وطبت امي لگتنه مشابگين گالت
أم فهد.....انتو هنا دگ رومانسيات وبره العالم
مخبوصه  والله يالله عمي حظرو روحكم راس الشهر عرسكم كافي هاي بت عمك متجوز منكم الا تزوجون وتگطع الامل منك
عافتنه امي وطلعت رادت تطلع توته ماخليتهه
صالحتني بستهه من خدهه وگلتلهه
ابد لا تظمين عليه شي يخصج ابد
وهي تهز راسهه مثل الأطفال
گعدنه نتفق شنسوي بالغرفه
وره يومين عمي جاب عائلته واجه يعتذر يريد
اسراء تعتذر من توته ومن عدي
توته سامحتهه وباوستهه بس اني لهاي اللحظه
ما انسه دگاتهه الناقصه بينه
وبدينه نحظر للعرس رحت لأصدقائي عندي
واحد من اصدقائي صباغ ويشتغل ديكورات وتغليف مغربي انواع
فزعته على الغرفه رحنه اني وياه لشارع٦٠
واشتريتله كل المواد صبخ الغرفه
ظلع غلفه تغليف جدار وظلع سويت بي ديكور جام مري وظلع ديكور للبلازمه
ونصبت سبلت ومبرده
تسنيم...بدينه نحظر للعرس واني حيل فرحانه
من اشوف غرفتي سواهه غرفة اميرات
اناره بكل مكان وسوالي بيهه بالسقف نشره
تنطي الوان اجواهه صارت عبالك مسرح
اخذتني خالتي ورحنه للسوك نفصل برده للغرفه اختاريت اللون تركوازي على چويتي كولش احبه
واشتريت نواعم تحفيات اخليهن بديكور البلازمه سلة مهملات وحافظة كلنس سيت كامل بلون البرده اخذتهه نسقت الاشياء الي اشتريتهن وي نفس الألوان
خالتي تشتري واحسهه فرحانه اكثر مني
رجعنه للبيت متأخرين للمغرب لگينه نوره خطيه تسوي عشه وبنتهه تبچي بحظن فهد
ساعه يفتر بيهه ساعه يلعبهه بس هي متعلقه
حيل بأمهه
شمرت الغراض بغرفتي ورحت للمطبخ اكمل
ابدالهه
وما احس الا واحد شبگني من وره التفتت شفته فهودي گال
فهد....حبيبة روحي مشتاقلج
تسنيم....وك عزه وخر لا تجي خالتي ابوك ويشوفنه
فهد....خرب ولج غير مرتي تره مابقه اسبوعين
ونعرس وثاني يوم نطير بالطياره
تسنيم....بقه يبوس بيه بخدي ويشمشم بيه
واني ادفع بي وصاحت بي خالتي
ام فهد....ولك اصبر مابقه شي شبيك مستعجل
لايشوفكم ابوك عيب
حيل استحيت من خالتي گمت ابد ما اباوع بعيونهه من وره فهد وسوالفه
صبيت العشه تعشينه وسويتلهم چاي
واستحي انطي لخالتي الچاي اشرتله اجاني
للمطبخ
...هاك اخذ الچاي من وراك استحي ارفع عيني
بوجه خالتي والله دا تخليني بموقف محلو
فهد....اويييي عيني محلو گولي مو حلو مو محلو خوش وثانيآ انتي مرتي حلالي ما مسوي شي حرام مدام راضي الله ما غاضبه
معليه بكل واحد
قبل العرس بأسبوع قررنه نطلع نشوف الغرف بلكي نختار وحده تعجبنه
چان مجمع للغرفه ٤مليون
وبدينه ندور الي يعجبني مايعجبه واليعجبه
مايعجبني بقينه يومين ندور
ثالث يوم خالتي ضلت تحچي علينه لان طولناهه والعرس مابقاله كم يوم لازم نشتري
لان اول يوم العرس بغرفتنه وثاني يوم نطير لتركيا احنه ونوره وخالد يرجعون ويانه
طلعت ويانه خالتي والحمد الله تلاثتنه اتفقنه
على غرفه هم اختاريت لونهه تركوازي على چويتي الدوشمه مالتهه هي بيظه بس النقشات والدوشمه چويتي
والله ثاني يوم چابوهه محمله صارت وي التنصيب ٤مليون و٦٥الف وانطه فهد اكراميه
للعمال
فرشت خالتي الفرشه عليهه وريم عطرتهه وقفلوهه
الهلاهل الي نگطعت ابيتنه من وفاة مراد رجعت للبيت نزعتني خالتي الأسود ونزعت ريم ونوره مشتريتلنه دشاديش
وقبل العرس بيوم الصبح فهد راح للزياره
و العصر اني رحت لصالون سحر العيون حجزت وحجزت بدله من سوگ العرايس
چانت مو ام السيم النفخ لا چانت هادئه وذابه
نفسهه مقسمه على جسمي
طبعآ من غير الملابس الي اشتريتهن وكثرت
بملابس النوم لان هو طلب مني
چان يطلب مني اشتري من هذا السيت الشورت والكيمونه وشرط ستن او قماش ناعم
من كملنه حجز گلت لخالتي الدوره متأخره
عليه وخاف تجيني سألتني شگد متأخره
اني بسبب المشاكل نسيت موعدهه
قررت خالتي نمر لدكتوره اسمهه سناء الكفيشي اني هم رحت اچيك نفسي
بهذا الوقت فهد طلع يزور گال ازور ابدال ما اسوي حنه اخذ جماعتي ويم ابو فاضل يحنوني طلع من الصبح
دخلت للدكتوره خالتي گلتلهه متأخره الدوره عليهه وهي عروس باجر زواجهه
كل تفكير الدكتوره هاي امي صعدتني الدكتوره
على السونار عادت السونار مرتين
كلت لخالتي سولي هذا التحليل ولان خالتي
دارسه عرفت هذا تحليل حمل لطمت على وجهه
ام فهد ...ولج هذا تحليل حمل عزه العزاني
تسنيم .....خاله فدوه على كيفج والله كله من
وره فهد هو غصبني
ام فهد.....اوف والله لو ما زواجكم باجر چان عرفت شسوي وادعي يطلع مو حمل لان سفرتكم تخرب اذا حامل يمعزايه
تسنيم ضليت ابچي والولد يسحب دم ويسأل
خالتي
....ليش تبچي صارهه هوايه ماعدهه اطفال
ام فهد ....لا بس بطنهه توجعهه
طلع التحليل وطلعت حامل صدمة عمري حتى
هاي الفرحه مافرحتهه مثل العالم
دخلنه للدكتوره گعدت على صفحه وخالتي فهمتهه لان الدكتوره
بدت تسأل الحمل جديد بعده ستوه صاير
لان بس كيس ماكو طفل حاليآ
وهي تحچي دگ تلفوني ريم
ضلت تلح ما جاوبتهه دزت رساله
ريم....ولج الحگي فهد مگلوبه بي السياره...يتبع
                ........1.......
بنات اريد تاخذون عبره من هذا البارت
اول نصيحه
الماسنجر ابد لتخلين بي رسائل تكملين مراسله
مسحيهه خلي الماسنجر فارغ لان
معرض للتهكير و ولد الحرام هسه كثرو
وثاني عبره ونصيحه
               ...........2...........
للمخطوبات الي يحبن
ابد لا تسلمين نفسج حتى لو عاقده عقد سيد
ومحكمه لان الدنيا ما مضمونه والقدر يفتر فوگ راسنه يجوز خطيبج قبل العرس بساعه
يموت يجوز تختلفون وتنفصلون
بهذا الوقت محد راح يصدگ انتي مو بنيه
بسببه وهو الي متقرب منج
راح كله توگع براسج وخاصه مجتمعنه ابد
مينصف النساء
احبكم اتمنى عجبكم البارت