لعلَ الحب ينصفني

البارت٢٧

لعل الحب ينصفني
بقلمي
زهراء الشمري ☘️
البارت ٢٧
#ها_يگـــــــــلبي شبيك حاير #ماتنام

#انت مـــو گتلي عفت درب #العشگ

#هو مـــــــاصاين عشرتك #والغرام

#وانت كل عمرك لأجلهم #تحـــترگ

#هايگلبي شفـــــــت تااليه #نسوك

#واني گتلك بالعشگ ماكو #صـــدگ.

تصويت+تعليق
قراءه ممتعه حبيباتي الجميلات
احبكم

.........★★★.........
ريم....فتحت الفيديو واني ارجف وانصدم
صدمة عمري كسره مابعدهه كسره
شفته لابس قاط عرسنه وگاعد بنص خواته
ويهوسله معقوله كرار
ليش هيچ تسوي بيه ظليت اعظ بأديه
واكل بأضافيري من القهر أبچي بسكته
اخخخخخخ يابچي السكته شگد يدمر
اريد اصرخ بس ما اگدر الكل نايم وهدوء
لزمت تلفوني واتصلت علي يطلعلي مشغول
شبعت قهر بالزايد اكيد هسه يحچي وياهه
وره ثواني اتصل بيه
فتحت خط بصوت مكسور مقهور گال
الو
ريم....ليش لك ليش شنو العدهه واني ماعندي
شنو الي انطته الك واني ما گدرت انطي الك
هيچ تكسرني
كرار...بس خل افهمج
ريم....شتفهمني مدگولي شتفهمني ولك تحملت امك وخواتك ومعاير گرايبك
يگوموني ويگعدوني مابيچ خير ماتخلفين
واسكت وابلعهه لخاطرك
وانته تدري اني مابيه شي واگدر احبل
كرار....اني من حقي يصير عندي طفل
ريم....انته صدگ تحجي عقلك بمكانه
واني شنو ذنبي كم دكتوره وديتوني وگلتلكم
مابيهه شي ليش ما انته سويت تحاليل
غيرت دكتورك
زين وين حبك اليه والغزل والحچي الحلو
كله جذب كله كلاوات
كرار....لا والله مو چذب اني اخذتهه علمود الاطفال
ريم.....انهاريت بعد ما اتحملت صرخت بعلو صوتي
ولك مو ذنبي يا اطفال كرار تقشمر روحك لو تظحك على روحك عساك ما تشم ريحة طفل
بجاه الحسين ورضيعه عسه لوعة گلبي
تطلع بيك وبأهلك
واني اصرخ وابچي دخلو اهلي عليه

تسنيم.....قبل لا يزفوني على فهد ريم كولش
وضعهه مو تمام متوتره وقلقه اسألهه دگولي
ماكو شي هي من النوع الكتوم ابد متسولف حزنهه لأحد تكتفي بي لنفسه متحب تشتكي
لواحد ولا مره سامعتهه تشتكي لو تسولف
حيل محافضه على خصوصياتهه
صارت هوسه دخلتني ريم للغرفه نزعتني شالي
شسورتلي شعري وبس فتحته
عدلت الگصه مالته سويتهه مثل قصة هنادي
الكندري الممثله الخليجيه ونفس لون شعرهه
صبغت
عافتني وطلعت زاد التوتر والقلق شابگه ادياتي وافرك بيهن مستحيه حيل عبالك دازيني للمشنقه گلبي دگاته تتسارع كلما صوت الهلاهل يقترب من غرفتنه
انفتح الباب ودفعو جماعته للغرفه حبيبي
ايده مجبره وراسه مخيط وگوه يمشي
من شفت منضره نسيت المستحه ركضت علي
شبگته وصرت اشمشم بي وابوس بكل قوتي
حبيبي فدوه اروح لريحتك
والله موتتني حسيت نفسي ضايعه ٣ ايام
مرن عليه ٣ اسنين
گعدنه على الچربايه وگال
فهد....واخيرآ تحقق حلمنه وصرتي ام بيتي
تسنيم....وام جهالك
فهد....اوووف دخل اصير زين الا اخليج
اجيبيلي فريق مال طوبه توته اني احب
الاطفال
تسنيم....ياحبيبي ان شاء الله بس صير زين
تعال نام على رجليه
خله راسه على رجليه ومدد جسمه على الچربايه وبده يسولفلي
فهد....تدرين حبيبتي من صار الحادث
بكلشي ما فكرت بس بأمي وبيج
گلت اذا متت ذني يموتن ورايه وتدرين
الحچي بينه حيل خفت الموت يخوف اله رهبه من حسيت نفسي راح اموت
گمت بس استغفر واسترجع ذاكرتي شنو
السويته غلط شلون عصيت رب العالمين
گمت الوم بنفسي من چنت اصيح بوجه ابويه
اذكرت مراد ومن اذكرته گلت اجه ياخذني
تسنيم...عمرك طويل يبعد طوايف اهلي كلهم
فهد....والحسين تدرين اول مره ما احب جيته
اليه لان خفت منه اثاري صدك الروح عزيزه
تسنيم....انسه هاي السالفه ياحبيبي چنه شي
ما صاير فدوه اروحلك
فهد.....گعدت على حيلي صح وجع جسمي كله
مأذيني بس شوفتهه يمي وبغرفه وحده
يروح كل الوجع البيه
باوعت بعيونهه كلتلهه
اخخخخخ ياسباح گلبي لو تدرين شكد افكر بيج
تسنيم....والنبي ادري
فهد....لا والله متدرين ولج بكل لحظه عايشه
ويايه انتي احبج حب ماكو رجال يحب مرته
هيج تقربت منهه شميت ريحتهه شميت شعرهه ريحته طيبه وهادئه
اخذت بوسه عميقه منهه وهي بادلتني نفس
الشعور حاولت اوصل يمهه بس چنت حيل
ضعيف ما گدرت ضجت واستحيت منهه
حاولت مره مرتين ماگدرت اتقرب عليهه
انقهرت حسيت بغصه بس هي سحبت كل الضوجه والتوتر من گالتلي
تسنيم.....روحي اعتبر نفسك اخذتني لا تظوج
ولا تهتم هسه تعبان من الحادث يومين وترجع قوي واسد
وبعدين عندي الك خبر يفرحك وينسيك هاي الضوجه
اني حامل
فهد....بلا سوالف تعبانه انتي هيج تضوجيني بالزايد انتي وين لگيتي هاي كلاواتج
تسنيم....والقرأن حامل بس بعده ابدايته
فهد...عليج بروح مراد لا تلعبين بأعصابي شلون حامل مدا استوعب
تسنيم....شبيك حبيبي ذاك اليوم من اجيتك بالليل وصار الي صار
من عدهه صار حمل
فهد....حسيت روحي طاير بالسمه اريد اگوم اشيلهه وافر بيهه البيت من فرحتي بس جسمي مايعيني
بوستهه من ادياتهه
يعني اني راح يصير عندي وليد
تسنيم....ليش عيني منو يگول ولد يجوز بنوته
فهد....نعمه من الله شينطيني اني راضي
احبچ ولج والله اعشقج ياسباح هذا الگلب
تدرين بهذا الخبر داويتي كل جروحي وشلتي كل الألم مني
فدوه اروحلج والله ينطيني القوه علمود اسعدج مثل ما سعدتني ياروح روحي
تسنيم....ديله دور وجهك خلي ابدل خما نبقى اليوم للصبح سهرانين
فهد...ايبااااااا ليش بابا ادور وجهي مو مرتي
تسنيم....حباب والنبي استحي فدوه غمض
فهد...ولج شغمض دخليني اشوف زرع الله
تسنيم....يا عزززززه شبيك حباب لا تشلع گلبي
تره والعباس انام بالفستان
فهد......اهووووو گامت تبيع ثگل ومستحه عليه خرب
يله عمي غمضنه اليوم وباچر.
تسنيم.....هسه غمض اليوم وباجر الله كريم
ادري بي يباوع عليه ومغمض تك عيني بس غلست لبست كيمونه وشورت ستن ابيض
خليت عطر غلاها زايد من شم العطر صاح