ល្បិចស្នេហ៍

ភាគទី ០១

_______________

វាបានចាប់ផ្ដើមឡើងនៅក្នុងវិមានដ៏ស្ដុកស្ដម្ភមួយកន្លែងនាទីក្រុងសេអ៊ូលនៃប្រទេសកូរ៉េខាងត្បូងជាគ្រួសារមួយដែលមានកេរ្ត៍ឈ្មោះបោះសម្លេងក្នុងការគាំទ្រជាខ្លាំងក្នុងវិស័យផលិតស្រាក្រហមប្រចាំប្រទេស! ហើយអ្វីដែលធ្វើឲគ្រួសារនេះកាន់តែពិសេសទៀតនោះគឺ កម្លោះសង្ហា
" គីម ថេយុង " ដែលជាកូនប្រុសទោលតែមួយគត់នៃ
គ្រួសារត្រកូលគីមមួយនោះ! គេមានជំនួញផលិតស្រា
ក្រហមដ៏ធំមួយក្ដោបក្ដាប់នៅក្នុងដៃត្រឹមក្នុងវ័យម្ភៃប្រាំឆ្នាំប៉ុណ្ណោះ ហើយអ្វីដែលកាន់តែពិសេសទៀតនោះគឺមុខមាត់និងរាងរូវដ៏សែនស្រស់សង្ហារបស់គេតែងតែខាបព្រលឹងស្រីៗគ្រប់រូបឲបាក់ចិត្តស្រឹបៗស្រលាញ់គេដល់ថ្នាក់ងើបក្បាលលែងរួច! ទាំងមាន ទាំងសង្ហា ចំណេះដឹងក៏ខ្ពង់ខ្ពស់ជ្រៅជ្រះ ស្រីមួយណាដែលថាមិនចង់បានគេធ្វើជាគូរគាប់មេត្រីនោះច្បាស់ជាល្ងង់សុទ្ធហើយ ។

ឆាងហ្វុង : ចាហ្វាយនេះជាទិន្នន័យនៃការលក់ចូលនាំចេញស្រាក្រហមរបស់យើងទាន៎!

(ឆាងហ្វុង ដែលជាដៃស្ដាំរបស់គេនោះបានចូលមកជាមួយនិងឯកសារនៃការលក់ចូលនាំចេញរបស់ស្រាក្រហមនោះមួយបាច់ធំដាក់នៅលើតុជូនចាហ្វាយដើម្បីពិនិត្យទិន្នន័យទាំងនោះសារដើមឡើងវិញក្រែងលោថានិងមានជនខិលខូចលួចបន្លំ)

ថេយុ៉ង : រោងចក្ររបស់យើងយ៉ាងមិចហើយ?

( សម្លេងក្រអួនក្រអៅគ្រលរៗតាមបែបជាមនុស្សប្រុសពេញលេញនោះបានបន្លឺចេញមកពីក្រអូមមាត់របស់គេបូករួមទាំងទឹកមុខរាបស្មើដូចជាគ្មានវិញ្ញាណក្នុងខ្លួនទៀតនោះមើលទៅវាហាក់ដូចជាមន្តស្នេហ៍ម្យ៉ាងដែលអ្នកគ្រប់គ្នាមិនអាចធ្វើបានដូចយ៉ាងចឹងគេនិយាយបណ្ដើរលើកដៃគ្រវីចុងប៊ិចរបស់ខ្លួនតិចៗ )