بدره الشارد الجزء الأول من سلسلة (اشباح ما قبل الغرام )

المقدمة 😘

المقدمة

"هو انا مش هعرف اتلم عليك يا كريم ..مش كفاية كل يوم واحدة شكل ومستحملة علشان الشغل كمان رايح تظبط اللي اسمها مسك دي !؟وانت عارف اني مبطقهاش"

رد كريم بنبرة لامبالية وهو يرتشف من سيجارته ببرود اشبه بالصقيع

"انتِ عارفة ان ده شغل ..وبعدين انتِ مضايقة منها ليه !؟اشمعنا هي !؟"

ردت بنبرة كارهة ونظرة حاقدة وهي تشدد علي كفها وكأنها تريد ان تخنقها بأيديها

"بكرهها ..بكرهها ومتسألنيش عن السبب لأني معرفش حاجة غير ان نفسي تموت ونخلص منها "

قلب عينيه وهو يرى حديثها بلا اي معنى وكأنها لم تتحدث بكل معالم الحقد والكره منذ قليل

"بيبي ده بيزنس ..يعني انا عمري ما ابص لواحدة زي مسك دي ..وبعدين انتِ مش شايفة شغلك كويس اليومين دول فين بتوع فرقة اولى !؟"

احتدت نظرات كريم فجأة لتنقلب الي رمادي داكن بشكل صريح جعلها تجفل لثواني من تقلقه المرعب

"هدير احنا مش بنهزر هنا ...لو الهبل اللي في دماغك ده هيأثر علي شغلنا هقتله..هنسفه"

ارتجفت وهي تنظر اليه بصدمة ليبتسم لثواني وكأنه منفصم وهو يرتدي نظراته الساترة علي عينيه  الصقرية

"قصدي علي اللي في دماغك طبعآ ..سلام يا بيبي "

تركها ومشى بخطوات واثقة امامها وجميع من حوله ينظرون اليه بهيام يتمنون نظرة فقط
ولا احد يعلم انه من يختار فريسته ...وبعناية شديدة ..

**************.........................**************

"شادن انتِ لسة ملبستيش ..؟!الأكل جاهز من بدري  !؟"

زمت تلك الطفلة شفتيها التي تسمى شادن التي تكاد تبلغ من عمرها الأربعة عشر عام

"عايزة ماما .."

ادمعت عيني ذلك الرجل الذي اقترب يضمها بحنو شديد

"ماما في حتة احسن يا حبيبتي وبعدين انتِ مش بتحبي خالو !؟"

مسحت عينيها لتجفل دموعها وهي تقول بسرعة

"لا طبعا بحبك يا خالو ..بس انا مكسوفة اقعد هنا "

"انا مش عايز اسمع  كلمة كسوف دي تاني ده بيتك يا حبيبتي صح يا رجاء !؟"

اومأت زوجته المدعية برجاء وهي تنظر ببرود الي ما حولها

"يلا غيري هدومك وتعالى نتغدا انا مقدرش أتأخر عن الأكل اكتر من كدة "

ابتسمت شادن وهو ابتسم بزيف لها حتى لا يضعف امامها وهي تشبه اخته المتوافاة منذ اسبوعان فقط

نزل مع رجاء التي تقول بصوت بارد

"فهمني هتقعد ازاي مع حمزة انت عارف انه شاب وهي غريبة عنه !؟"