بدره الشارد الجزء الأول من سلسلة (اشباح ما قبل الغرام )

الفصل الثلاثون🥰

خرجت زينة وهي تنظر الى بدر الذي ينظر بوجوم وتعابير غير مقروءة رفع رأسه يتطلع الى الواقفة بتوتر

"مش راضية تخرج من الأوضة وبتقولك مش عايزة تشوفك تاني "

قطب جبينه ثم زفر بقوة وقال بنبرة لا تعلم هل تحمل بعض الحنو أو هي قسوة فقط بسبب ملامح المشدودة

"هي بتعمل ايه دلوقتي !؟"

لم ترد عليه زينة لينظر الى والدتها ثم قال بحرج بالغ لا يليق على شكله الهمجي في تلك اللحظة

"بعد اذنك ممكن ادخلها !؟"

لم تعترض والدتها وهذا ما اراحه قليلآ ابتسم وهو يأخد نفس عميق قبل ان يفتح الباب ويدخل بهدوء ثم أغلقه بنفس الصمت

نظرت زينة لها بعدم فهم ممزوج بحيرة

"انت خلتيه يدخلها ليه يا ماما !؟ انتِ متعرفيش .."

صمتت عندما قاطعتها والدتها وهي تقول بنبرة ذات معنى

"سيبيه يا زينة ده جوزها وبعدين هو الوحيد اللي هيعرف ياخد منها اللى عايزه بدل ما انا وانتِ مش عارفين ناخد لا حق ولا باطل .."

صمتت زينة وهي تنظر الى باب غرفة اختها بشفقة لتتابع والدتها بشرود وبصوت منخفض دعت

"لما نشوف هتعملي ايه المرة دي يا هنا يارب خليها تبقى عاقلة لأول مرة في حياتها "

بمجرد انتهائها سمعوا صوت صراخ عالي من الغرفة لتجحظ أعين زينة برعب وهي تنظر الى والدتها بتوع من الاتهام

"انت دعيتي ب ايه يا ماما !؟"

......................................................................

ركبت زينة بجوار جابر الذي ابتسم بمجرد دخولها السيارة
وأمسك يديها يقبلها قبلة خاطفة لتحمر وجنتيها

"وحشتني "

نظر أمامه ثم تابع بغيظ جعلها تقهقه على شكله الساخط

"لا واضح بأمارة لما اختك ظهرت بقيتي بتباتي هناك كتير "

امسكت يده تشدد عليها لا اراديآ وهي تقول ببراءة صادقة

"الله يا جابر بقالي كتير مشوفتهاش فيها ايه لما أقعد معاها شوية "

زم شفتيه وهو ينظر أمامه بشرود لتقول بجدية تلك المرة

"جابر انت زعلت بجد ولا ايه !؟خلاص لو مش عايزني أبات هناك أن —"

قاطعها هو بنبرة عميقة قشعرتها جعلتها تنظر له بإبتسامة غير مصدقة

"مش قصدي كدة يا زينة ..بس أنا مكنتش عارف أنام حسيت كأني رجعت لوحدي تاني مفيش حد معايا غير نفسي وصوت التلفزيون المفتوح على الفاضي "

شددت على يديه وقالت بنبرة واعدة

"أنا استحالة اسيبك ابدآ ابدآ ابدآ ده وعد مني ليك يا جبران باشا "