بدره الشارد الجزء الأول من سلسلة (اشباح ما قبل الغرام )

الفصل الأول ❤️

الفصل الاول

يقال ان مرآه الحب عامية !! ماذا و ان كانت مغطاة بالورد !!...

مسحت الأتربة من علي مرآتها وعلى وجهها كل علامات الإشمئزاز والقرف

"بجد الشقة دي متربة اوي !..ازاي اللي كان ساكن قبلنا كان عايش فيها ؟؟"

قالتها هنا صاحبة السابعة والعشرون عامآ وهي تنفض يديها لتقول زينة اختها الصغرى بعام واحد

"ده علشان مكناش بنعمل حاجة في بيتنا هناك عارفة اكيد دادة ميسرة كانت بتتعب اوي .."

دخلت والدتهم وهي تقول بتعب من اثر شغلها وتنظيفها بالمطبخ طيلة اليوم

"خلصتوا يا بنات !؟"

"اااه ضهري بيوجعني .."

ردت عليها زينة بنبرة باكية وهي تقوس ظهرها لتبتسم هنا وهي تغمز الي والدتها

"مامي انا هنزل ادور علي شغل .."

انتفضت زينة وهي تقول بحماس وعيون لامعة وكأنها ستخرج للتنزه

"وانا كمان هنزل مع هَنا .."

"قلودة اوي .."

شهقت زينة وهي تريد الرد بدافعية لتحرك اختها كتفيها بلامبالاة لترد الأم بنبرة قاطعة

"بطلوا كلام انتوا الاتنين ...ولا انتي ولا هي احنا هنعيش علي معاش بابا الله يرحمه .."

"معاش جدو مش هيكفي مصاريفنا ..!!بصي انا هنزل __"

"هنْا !! مفيش نقاش تاني بعد اذنك مفهوم"

لوت شفتيها وصمتت لتشرد والدتهم قليلآ قبل ان تقول زينة بحزن

"هو ليه عمل كدة فينا !؟"

اجفلت الأم من سؤال ابنتها لتقول هنْا بلامبالاة وغصة احتلت نبرتها وهي تخرج من الغرفة

"هروح ارتب الصالة ..يلا يا زينة .."

نظرت زينة بصمت قبل ان تتحرك خلف اختها لتسقط دمعة من عين والدتهم

"ليه عملت فينا كدة ليييه؟؟"

...................................................................

"يابنتي جبت درجة زي الزفت مرعوبة يتصل ب خالو .."

قالتها شادن لصديقتها علي الهاتف قبل ان تجحظ عينيها برعب وهي تهمس

"او يتصل بحمزة !!!"

ابتلعت ريقها بخوف وهي تسمع صوت طرق هادئ علي الباب

"اقفلي دلوقتي اشوف مين علي الباب هبقى اكلمك "

اغلقت الهاتف قبل ان تفتح الباب لتجد ما لم تتوقعه خالها !!..ابتسم بحنان ابوي بمجرد ان رأها مستيقظة

"صاحية لحد دلوقتي ليه !؟"

تتأبت بإصطناع وهي تفرد يديها وتردد بنبرة ناعسة كاذبة وهي تكاد ترقص فرحآ انه لم يكن حمزة