بدره الشارد الجزء الأول من سلسلة (اشباح ما قبل الغرام )

الفصل الثالث والثلاثون والاخير٣

انزلقت دمعة من عينيها وهي تبعد نظرها عن بدر الواقف بعيدآ تارك لها كامل الحرية

"أنا مسمحاك..مش عارفة ازاي ولا امتى بس سامحتك على اللي عملته فيا وأنا مش عارفة سببه لحد دلوقتي "

مسحت وجهها ثم قالت بصوت متحشرج هامس

"يمكن لو كنت قعدت معايا واتكلمنا كان ممكن نلاقي حل لينا...بس عارف رغم كل ده "

ملست بكفها بهدوء وهي تهمس بنفس النبرة وهي تشعر بإقتراب بدر ناحيتها

"انت وحشتني يا بابا .."

أمسك بدر كتفيها لتستقيم وهي تبتسم بخفة ليست مزيفة ولكنها فعلآ تشعر بالراحة الشديدة تملئ جسدها

"هجيلك تاني اكيد ..مع السلامة يا بابا"

كانت بجوار بدر الذي ينظر الى تعابير وجهها الصامدة تحدث بعد ان جلست على كرسيها وهو مازال يقف أمامها بهدوء

"حاسة ب ايه !؟"

وضعت يديها على صدرها وهي تمسح عليه بخفة ثم ابتسمت بسعادة

"مرتاحة أوي ...عارف أنا ندمانة اني مجتش هنا قبل كدة "

"ملحوقة يا ستي كل لما تحبي تيجي قوليلي وأنا والعربية دي تحت أمرك "

قالها بأوسع ابتسامة لديه لتنظر له بشرود وهي تفكر ماذا تفعل له بالمقابل

على رغم ان ما فعله بسيط الا انها لا تعلم كيف تجعله يشعر بما تشعر له

"سرحتي في ايه !؟"

ابتسمت بخفة وهي تشدد على يديه ليرفعها الى ثغره ويقلبها قبل سريعة ثم اغلق الباب وذهب الى مقعد الشيق وانطلق مرة أخرى

"هنا عايز منك طلب .."

همهمت بفضول وهي تنظر اليه ليقول بنبرة غريبة وعيون تلمع تلك المرة بغير المكر فقط ..تلمع بسعادة

*^^****************************************

دخلت معه الى مكان اشبه بمطعم صغير على شاطئ قريب منهم
لتميل على جابر الذي كان يدير بعينيه على المكان

"جابر على فكرة لازم نروح زمان هنا وصلت "

"لا لسة متخافيش هما عشر دقايق ونمشي بصي كدة قدامك "

نظرت أمامها قبل ان تجحظ عينيها وهي ترى أصدقاء جابر وزوجاتهم يحملون بالونات ضخمة على أشكال لطيفة

شكل طفل صغير ..وبالون أخر على شكل قدم الطفل التي تكاد تكون بحجم اصابعنا

نظرت لهم بسعادة وهي تبتسم بإتساع وهي تسمع زوجة رؤوف تقول

"ملقناش بالونة الرضعة مش مهم كدة كدة هتمسكيها في الحقيقية قريب ان شاءلله "

ضحكت وهي تحتضنهم بقوة وكل من يراها يبارك لها ويربت على بطنها التي لم تبرز بعد