الفصل الحادي عشر
جلست هنا على سريرها وهي مازلت ترتعش رغم ان ما حدث فات عليه ساعة تقريبآ لكن مازالت تتذكر الكلمات جيدآ ..الحقد والكره المشع من عينيها وتدخل بدر ..له رأي آخر
دخلت مع أختها الي البوابة وهي تتذكر نظرات بدر بسبب ضحكتها الغالية
لتقول بصوت خائف مرتعب
"شوفتي بيبصلي ازاي !؟ايه الرعب ده !؟"
صمتت وهي تجد شخص ليس بالمكان ولا الزمان الصميم لم ولن تتوقع وجوده هُنا
اقتربت والدة خطيبها السابق وعينيها مازالت عليها لتقول بصوت منخفض
"ازيك يا هنا ..!؟"
اغمضت عينيها تحاول استجماع طاقتها أمامها غير تلك التي كانت ترضخ فقط بسبب والدها ..
قالت اخيرآ وبصوت بارد
"خير !؟فيه حاجة تانية مقولتلهاش افتكرتوها بعد سنتين!؟"
ارتعشت السيدة وهي تهمس بخفوت ونبرة دبلوماسية باردة
"بلاش المعاملة دي يا هنا انتِ مش كدة ولا هتكوني كدة .."
ضحكت هنا بعلو صوتها ضحكة مُرة وهي تبعد يد اختها التي تحاول تهدئتها بخوف
"لا ما دي المفاجأة بقا دي أنا الجديدة اللي انتِ وابنك عملتوها ...انتِ عايزة ايه تاني !!ما كفاية بقا كنتِ بتتحكمي في حياته كأنه طفل وواضح أوي أنه مازال .."
أغمضت عينيها تستجمع شجاعتها تسيطر على نفسها التي توعدها بألا تنهار أمامها لتتابع زينة بصوت منفعل
"بعد أذنك أمشي مش عايزين فضايح "
"هنا اسمعيني ابني تعبان ومحتاجك..أنا عارفة إن قلبك طيب وهتسامحيه وتيجي معايا صح !؟"
نظرت لها بصدمة إذا هي لم تشعر بأي ذنب !!!فقط تستغلها المرة الثانية هي وابنها لتقول زينة بعصبية وقلقها يزداد على اختها
"بقولك ايه ما تبعدي بقا مع أبنك زي ما جيتوا واخدتوا الشبكة وبابا لسة متوفي مبقالوش أيام ملناش علاقة بيكوا "
كانت هنا لا تستمع لأي شئ فقط دموعها تسقط بضعف ...ضعف شعرت له لأول مرة لتسمع صوت يقول بمرح
"فيه حاجة يا حبيبتي !؟"
نظرت الي بدر الواقف مستند على البوابة يستمع وكأنه يقف منذ مدة
اقترب وهو يهمس بصوت منخفض ل هنا الصامتة بجمود
"اجمدي .."
ثم تابع بنبرة مستفزة جعلت الأخرى تنظر بغضب دفين
"نورتي يا حاجة قولي ل إبنك هنا معدتش ليك ياروح قلب امه ..ربنا يشفيه يارب ويعافيه "
نطقت بغضب وقد ظهرت علو وجهها الحقيقي وكأن القناع سقط بمجرد رفضهم لها
"بصراحة متوقعتش ان حد بحبك يا هنا ..يعني بسبب باباكي سمعتك والعقدة اللي سببها ليكي مفكرتش للحظة ان حد يجي جنبك أصلًا .."
أنت تقرأ
بدره الشارد الجزء الأول من سلسلة (اشباح ما قبل الغرام )
Romance((هل جربت شعور صعود درج عالِ!! ندائك غير مسموع !! انفاسك تقل مع كل درجة من الدرجات ..مكتف اليدين فقط قدمك تتحرك بآلية دون وعي الا أن تقع عيناك علي ظِل!! ظِل يقف بأخر الدرج يمد يديه لتزيل تلك الأحبال المزيفة وتمد يديك له .. هل جربته!! أنا اريد تجربته...
