SPARKLES | PJM | FF [COMPLETED]

05 🥂

අමීලි තනියෙන් සමරන පළවෙනි උපන් දිනය. Vineyard එකේ ළඟම යාලුවෝ නැති නිසා එයා ඒ ගැන දුක් වුණෙත් නෑ. දෙමව්පියෝ එක්ක හරි, Bhavna එක්ක හරි මේ වෙනකල් උපන් දින සැමරුවත් අද එයා තනියෙන්.

අපාට්මන්ට් එකට කෙලින්ම යන්න හිතාගෙන ආවත් අද උපන් දිනය නිසා තමන් වෙනුවෙන් යමක් කරන්න එයා හිතුවා. අද සතුටු දවසක් නොවුණත්, තමන්ගේ පළවෙනි රැකියාවේ මාස දහයක් කෙසේ හෝ ගත කිරීම ම සමරන්න හේතුවක් නෙවෙයි ද කියලා එයාට හිතුනා. එයාගේ idols ලා එයාට කියා දීලා තිබුණෙ එහෙම, තමන්ට ආදරය කරන්න ඕනෙ..

ඒ නිසාම එයා කාලෙකට පස්සෙ pub එකට යන්න තීරණය කළා.

අද වගේ දවසක වයින්, කොක්ටේල්, ඊටත් වඩා දෙයක් වුණත් කමක් නෑ කියලා අමීලි හිත හදාගත්තා. අද අපහසුවෙන් ගෙවුණ දවසක්... ඉතින් මම දැන් ජීවිතය විඳින්න ඕනෙ මොහොතක්... අමීලි එහෙම හිතුවා...
.
.
.
.
"ගොඩක් රෑ වෙනකල් ඇවිදින්න එපා"
"දේ දේ හ්‍යුන්ග් , තව ටික දවසයිනේ මම ඉන්නේ..." ජිමින් එහෙම කිව්වේ bunglow එකෙන් එළියට බහින්න කලින් හොබීගෙන් ආව අනුශාසනා කෝල් එකට උත්තර දෙන අතරෙ.

මාස ගානකට සැරයක් එළියට බැස්සම ඉතින් "එපා එපා, පරිස්සමින් .... " කියන වචන ජිමින්ට නිතර අහන්න වෙනවා. Idol ජීවිතේ වෙලාවකට කොයිතරම් නීරසද කියල එයා කල්පනා කළා.
.
.
.
.
Vineyard එක බලන්න ආවොත් ජිමින් අනිවාර්යයෙන් යන pub එකක් තියෙනවා. ඒ Reims Pub, තමන් කවුද කියලා කවුරුත් දන්නේ නැති, තමන්ට නිදහස උපරිම තැනක් විදියටයි ජිමින් හිතුවේ. වැඩි ආරක්ෂාව වෙනුවෙන් කළු පාට beanie එකත් දාගෙන, ටිකක් ලොකු ජැකට් එකකුත් ඇඳගෙන තමයි එයා එළියට බැස්සේ. මාස්ක් එක දැන් කොහොමත් අනිවාර්ය අංගයක් නිසා ඒකත් කළු පාටින්ම තෝරගන්න එයා හිතුවා.