-يا بابا مبتردش أعمل إيه طيب؟
قال "علي" وهو يفرك جبينه فهدر به والده:
-اتصرف
تنهد قائلًا:
-طب اهدى بس كله هيبقى تمام
تسرب الخوف حتى ملأ قلبيهما بينما كانت الأخرى تتابعهم بملل ثم قالت ببرود:
-أنا مش فاهمة إيه كل الخوف ده متقلقوش أوي كده دي بسبع أرواح
-اطلعي برا!
قالها بغضب وهو ينظر لها نظرة لم تفهمها لكن افزعتها نبرته مما جعلها تهرول إلى الخارج بخوف، فقال "علي":
-ما أنا لازم افهم إيه اللي حصل
-كله في أوانه أهم حاجة مش عاوز أشوف أمك قدامي!
____________
جلست على الأرض ووضعت يدها على وجنتها قائلةً:
-لا هنتكلم عني
وضع يده على وجنته مقلدًا إياها وقال:
-كلي آذان صاغية
ضحكت بخفة ثم صمتت قليلًا وأردفت:
-عارف.. عُمر ما كان ليا صُحاب أنتَ صاحبي الوحيد يمكن أكتر شخص فضل معايا ومزهقش
ثم حمحمت قائلةً بغرور مصطنع:
-بس ده مش معناه إني وحشة أو متوحدة أو انطوائية أنا بس شايفة إني لوحدي أحسن
ثم ضحكت قائلةً بسخرية:
-أنا أصلًا عمري في حياتي ما كنت بطيق الولاد فتخيل إن اقرب حد ليا الفترة دي يبقا أنتَ
ضحك بدوره فغضنت حاجبيها باستفهام فقال:
-نفس الحوار
صمتت قليلًا ثم قالت لتغيير الموضوع:
-كلمني عن طفولتك
تبدلت ملامحه وأصابها الوجوم، أردف بضيق:
-مبحبش اتكلم في الموضوع
أومأت بتفهم وقالت:
-طيب بتشتغل إيه
همهم وقال مبتسمًا:
-جرّاح في مكتب محاماة وبصحى كل اليوم بدري عشان أروح الشركة الساعة 8 عشان المهندسين لازم يروحوا بدري وأنتِ عارفة اللواء مبيهزرش في الشغل ده مهما كان برضه مصنع كبير وليه اسمه فأنتِ إيه رأيك أدور على شغل تاني ولا أسيب مصر وأهاجر لألمانيا وأفتح معرض السيارات تاني؟
فتحت فمها بطريقة بلهاء جعلته يضحك عليها وقالت:
-ايوه، يعني أنتَ عايز إيه دلوقتِ
-لو شوفتي وشك عامل إزاي
ضحك بشدة حتى احمر وجهه فقالت وهي تنظر لغمازاتيه:
-أنا كده أروح بقى
-إيه ده هتخرجي خديني معاكِ
-آه الليموزين مستنياني برا..
قالت بسخرية من غبائه ثم تابعت بضيق:
-هخرج ازاي مش شايف الأوضة عاملة إزاي ملهاش غير باب واحد ومتربسينه تربسة طين!
قال في محاولًا تدارك موقفه:
-فكرتك لقيتي طريقة
__________
وقف "صقر" عاقدًا ذراعيه أمام صدره قائلًا:
-يلا
ارتشف "نسر" من كوب الشاي وقال بلامبالاة:
-استنى شوية
رفع "صقر" حاجبه مستنكرًا وقال بحدة:
-أنتَ مسمعتش كان بيزعق إزاي!
ارتشف الآخر من الشاي مجددًا وقال:
-بس أنا شايف إنه بكره أحسن
صرخ به بنفاذ صبر:
-ولما نروح له هنقول له إيه بلاش استعباط يا نسر
أومأ له ووضع الكوب جانبًا ثم دخلا معًا إلى الغرفة التي يحتجزانهما فيها فنظرت له بارتباك وهمست له:
-هو في إيه؟
بذات الهمس أجابها:
-مش عارف متخافيش ميقدروش يلمسوكِ
-أنتِ يا اسمك إيه تعالي
كان هذا "صقر" فاختبأت خلف ظهر "يزن" تحتمي به فأمسك بيدها قائلًا:
-لا ما هي مش هتتحرك من جنبي
مسح "صقر" على وجهه بغضب بينما قال "نسر":
-محتاجين نعمل الاختبار عشان نشوف مين فيكم اللي هناخده
كاد "يزن" أن يتكلم لكن قاطعه "صقر" بنفاذ صبر:
-تعالوا سوا!
نظرا لبعضهما يفكران فتابع "صقر" ساخرًا:
-لا لا مش جوزي، لا لا مش خطيبتي، ولا مرتبطين
إحنا مجرد صحاب! اللي في عيونكم حب مش صداقة وإنها تبقى متطمنة في قربك ومسكتها فيك وخوفها إنك تبعد مش صداقة ده حب
وأنتَ خايف عليها أوي لدرجة مش عايزها تتحرك من جنبك مش عاوز حد يلمسها أو يقرب منها وصلت بيك الغيرة إنك كسرت صوابع الواد لما كان عاوز يلمسها زعقت فيها لما اتكلمت معايا واتخانقت معايا عشانها دي مش صداقة ده حب
ثم نظر لوضعهما بسخرية في نهاية حديثه بينما كلماته تتردد في أذنيهما ابتعدا عن بعضيهما سريعًا وأبعد كلاهما نظره عن الآخر
__________
أنت تقرأ
خطايا الظل✓
Randomعندما يكون هذا عشقك الأول، وفجأة تكتشف أن من تعشقه حد الجنون هو ذاته زعيم الشر، إبليس الظلام، زعيم مافيا الظل، كيف سيكون حالك؟ وما رد فعلك يا تُرى؟ وماذا إن عاد الماضي لمُلاحقتك من جديد؟ ماذا لو عادت ذكرياتك الأليمة، لتكون نصل حاد يشق قلبك لنصفين، و...
