" ဒါနဲ့မင်းက ဒီအချိန်ကြီးအိမ်ပြန်မလို့လား"
kitchen မီးကိုပိတ်ပြီးနောက်မှ
ရုတ်တရက်ကြားလိုက်ရသောအသံကြောင့်
ကဗျာတစ်ယောက်ထိတ်ခနဲဖြစ်သွားရသည်။
တကယ်ဆို Duty က ၉ နာရီခွဲဖြစ်သော်လည်း
ဟန်သာ မိုင်လိုနဲ့ ပေါင်မုန့်မီးကင်ပူဆာသည့်ကိစ္စကြောင့် ၁၁ နာရီထိုးသွားပြီဖြစ်သည်။
" ဟုတ်"
မီးရောင်သည် ဟန်သာ၏နောက်ကျောဘက်
လင်းနေတာမို့
ဟန်သာ့မျက်နှာကိုတော့ကောင်းကောင်းမမြင်ရပါ။
သို့သော်လည်း ဖွေးဖွေးလှုပ်နေသည့် ဆွယ်တာ အင်္ကျီလက်ရှည်ကို ဘောင်းဘီအပျော့သားမီးခိုးရောင်ဖျော့ဖျော့နဲ့ ဝတ်ထားသောဟန်သာ့၏ ကိုယ်နေဟန်ထားကို သေချာမြင်နေရသည်။
တစ်ခါမှမမြင်ဖူးသည့်ပုံစံနဲ့မို့
ကဗျာသည် ဟန်သာ့ကိုတစ်အိမ်တည်းတူတူနေသည့်ကိုယ့်ယောကျာ်း တစ်ယောက်လိုပင်ခံစားလိုက်ရသည်။
" ငါလိုက်ပို့ပေးရမလား"
နံရံကိုခပ်ရို့ရို့မှီထားသော ဟန်သာသည်
တံခါးဝမှာထွက်ခွာမည်အပြု
သူမရှေ့မှာ ပိတ်ရပ်လိုက်ပြန်သည်။
ဒီတစ်ကြိမ်တော့ဟန်သာ့ပုံသည်
သူမကိုအနိုင်ကျင့်မဲ့ပုံတော့မပေါ်ပါ
" အာ...ရ... ရပါတယ် ကျွန်မ ကိုယ့်ဘာသာကိုယ်"
အထစ်ထစ်အငေါ့ငေါ့ပြောပေမဲ့
ဟန်သာ့ကိုရဲရဲမကြည့်ရဲပါ
" ဘာလဲ မင်းကငါ့ကိုတော်လှန်တာလား"
ဟန်သာသည် သူမဆံပင်လေးများလှုပ်ခါသွားသည့်တိုင်အောင်လေပူတစ်ချက်မှုတ်ကာပြောသည်။
" ငါလိုက်ပို့မယ်...လာ"
အေးစက်မာကြောနေသောဟန်သာသည်
သရဲများဝင်ပူးသွားသလားအောင့်မေ့ရသည်။
သူမလက်ကို ပိုင်စိုးပိုင်နင်းဆွဲခေါ်ကာ
ကား ပါကင်ရှေ့ကိုထွက်လာသည်။
ကဗျာသည် လက်ဖျားတွေအေးစက်ထုံကျဉ်ပြီး
အဖြစ်အပျက်တစ်ခုလုံးကို အိပ်မက်မက်နေသလားလို့ပင်
ကိုယ့်ကိုယ်ကိုယ်ပင်ထင်မှတ်မှားမိနေတော့သည်။
YOU ARE READING
The Girl Next Door (ဟိုဘက်အိမ်ကကောင်မလေး)
Fantasyရေကူး Champion ဟန်သာထူးကြည်တစ်ယောက် အနှိမ်ခံရသည့် ဝဝတုတ်တုတ်ကောင်မလေး ကဗျာနွေကိုအနိုင်ကျင့်ဗိုလ်ကျခဲ့ပြီးနောက်....... အိမ်နားကိုအသစ်ပြောင်းလာတဲ့ ကဗျာမေ ဆိုတဲ့ ကောင်မလေးကရော ကဗျာနွေနဲ့ ဘယ်လိုဆက်စပ်နေမလဲ Mature on ပြီး မင်းသားကအနည်းငယ်မုန်းစရာကောင်းပါ...
