ဖျောက်တောက် ဖျောက်တောက်ကျနေသော
ရေပန်းအောက်တွင် ဟန်သာထူးကြည်သည်ခြေစုံရပ်နေမိတာအချိန်အတော်ကြာပြီဖြစ်သည်။
ရေချိုးခန်းတံခါးကိုတစ်စုံတစ်ယောက်ကခပ်ကြမ်းကြမ်းလာခေါက်မှသာ စိတ်နဲ့ကိုယ်နဲ့ပြန်ကပ်သွားရပါသည်။
" ဟန်သာ မင်းအခုထိအဲ့ဒီ့အထဲမှာပဲလား
ပြိုင်ပွဲကနောက်နာရီဝက်လောက်ဆိုစတော့မှာနော်"
အပြင်ကခေါ်နေသူမှာ
ဟန်သာထူးကြည် ၏ ပင်တိုင်နည်းပြ ကိုညီညီအောင်ဖြစ်သည်။
" အင်း ကျွန်တော်သိတယ်"
ပါးစပ်ကသာ ကျွန်တော်သိတယ်ဟုဖြေလိုက်သည် ဟန်သာထူးကြည်၏မျက်လုံးကတော့
ရေချိုးခန်းနံရံဖြူဖြူဆီငေးစိုက်နေဆဲပင်...
ဖြစ်ခဲ့သမျှအရာရာတိုင်းကိုပိတ်ကားတစ်ချပ်ပေါ်က ရုပ်ရှင်ဟောင်းတစ်ခုလို မြင်ယောင်နေမိရင်း
ပြန်တွေးလိုက် ပြန်နာကျင်လိုက်နှင့်စိတ်နဲ့ကိုယ်နဲ့မကပ်တာအတော်ကြာပြီဖြစ်သည်။
ရေထဲမှာရပ်နေတာကြာလွန်းလို့
ပဲကြီးရေတွန့်စပြုနေတဲ့ လက်အစုံသည်
ဘာအပြစ်မှမရှိသော ရေပန်းခလုပ်ကို သာ အားရပါးရ ထုချလိုက်သည်။
" Fuck တစ်လောကလုံး စောက်တလွဲ"
ခပ်တိုးတိုးဆဲဆိုရင်း
အပြင်ထွက်ထွက်လာချင်းချင်းပင်
ခုံပေါ်မှာထောင်ထားသောရေဗူးကို
တရစပ်မော့ချလိုက်သည်။
ရေချိုးခန်းထဲမှာ တစ်နာရီလောက်ကြာသည်ထိရပ်နေသည့် ဟန်သာသည် နွေလည်ခေါင် လမ်းလည်ခေါင်မှပြေးလာသောလူလိုပင် ရေတွေဆာနေခဲ့သည်။
ထို့နောက်
ခေါင်းကစိုလက်စဆံပင်တွေကို
Swimming cap မဆောင်းပဲ
ရေကူးအင်္ကျီအမဲကိုသာ ခပ်မြန်မြန်စွပ်နေခဲ့သည်။
" ကျစ် ဒီအင်္ကျီကတမျိုး"
ဝတ်နေရင်းလိပ်တက်နေတဲ့ အင်္ကျီသည် အတည့်လားပြောင်းပြန်လားမသိတော့လောက်အောင် ဆင်ခြင်နိုင်စွမ်းစတင်မဲ့လာခဲ့သည်။
အခုလောလောဆယ်ဦးနှောက်ထဲအသည်းအသန်
တွေးနေမိတာက
ကဗျာကဘာလို့ သူပို့တဲ့ message တွေ seen မပြလဲဆိုတာဖြစ်သည်။
VOUS LISEZ
The Girl Next Door (ဟိုဘက်အိမ်ကကောင်မလေး)
Fantasyရေကူး Champion ဟန်သာထူးကြည်တစ်ယောက် အနှိမ်ခံရသည့် ဝဝတုတ်တုတ်ကောင်မလေး ကဗျာနွေကိုအနိုင်ကျင့်ဗိုလ်ကျခဲ့ပြီးနောက်....... အိမ်နားကိုအသစ်ပြောင်းလာတဲ့ ကဗျာမေ ဆိုတဲ့ ကောင်မလေးကရော ကဗျာနွေနဲ့ ဘယ်လိုဆက်စပ်နေမလဲ Mature on ပြီး မင်းသားကအနည်းငယ်မုန်းစရာကောင်းပါ...
