တဝုန်းဝုန်းနဲ့ရေသံတွေဟာ ညကြီးမင်းကြီးထိကြားနေရတာမို့ ကဗျာတကယ်ကိုအိပ်မပျော်တော့ပါ
ဟန်သာများအခုချိန်ထိရေဆင်းကူးနေတာလား...?
တစ်ဖက်ခြံမှာ မီးထိန်ထိန်လင်းနေဆဲရှိသေးသည်။
ပြတင်းတံခါးလေးမှတဆင့်လိုက်ကာလေးဟကာချောင်းကြည့်တော့
ရေကူးကန်ထဲတွင်အသည်းအသန်ကူးခပ်နေသောဟန်သာ့ကိုတွေ့လိုက်ရသည်။
ဆောင်းတွင်းညကြီးရေတွေဆင်းကူးနေတဲ့ ဟန်သာဟာ နွေ့အတွက်တကယ်ပူလောင်နေခဲ့တာလား
ဒါမှမဟုတ် မေ့ဆီက သနားကြင်နာမှုကို တစ်ဖက်လက်နဲ့ လှည့်ယူနေခဲ့တာလား
အမျိုးမျိုးတွေးရင်း
တစ်ဖက်ကစိုးရိမ်စိတ်
တစ်ဖက်ကနာကြည်းစိတ် အရာရာကိုမသဲကွဲစွာနဲ့ ကဗျာဟာ လက်သည်းလေးတွေကိုသာကိုက်နေမိပါသည်။
" စိတ်ထိန်း ကဗျာ
နင်ပျော့ညံ့လို့မဖြစ်ဘူး"
ကဗျာသည် ကိုယ့်ကိုယ်ကိုယ်အားပေးရင်း
ဖုန်းနံပါတ်တစ်ခုကို ခပ်မြန်မြန်နှိပ်လိုက်ပါသည်
အဆုံးထိသေချာပေါက်သွားမှာမို့ သူမဘက်က ယုတ္တိရှိအောင်ပြင်ဆင်ဖို့လည်းလိုပါသည်။
.
.
.
စိတ်ဆင်းရဲကိုယ်ဆင်းရဲနဲ့ အိပ်ပျော်သွားပြီး ဆက်ခနဲနိုးလာတော့မနက် ၅:၀၀ ခန့်ဖြစ်သည်။
တစ်ဖက်ခြံကမီးတွေလင်းနေဆဲ
ဟန်သာ့ကိုတော့ ရေကူးကန်ထဲမှာမတွေ့တော့ပါ
ကဗျာသည် ကုတင်ဘေးမှ စိတ်ငြိမ်ဆေးကိုသောက်ချကာ ပြန်အိပ်ဖို့ကြိုးစားလိုက်ရသည်။
ဟန်သာအရမ်းများစိတ်ထိခိုက်နေမလား
လူဆိုတဲ့အမျိုးကလည်းအတော်ထူးဆန်းပါ၏
ကိုယ့်ကိုနာကျင်အောင်အကြိမ်ကြိမ်လုပ်တဲ့သူကိုမှ ဘိန်းလို ဖြတ်လို့မရနိုင်ခြင်းဖြစ်သည်
ပြန်အိပ်ပြီး သူမနိုးလာတော့ မနက် ကိုးနာရီ
စိတ်ပြေလက်ပျောက်ခြံရှေ့ထွက်လာတော့ ခြံဝမှာထိုင်နေတဲ့ လူတစ်ယောက်ကြောင့် ကဗျာထိပ်ခနဲဖြစ်သွားသည်။
" ဟင်...ဟန်... ဟန်သာ"
ဘယ်အချိန်ထဲက ဒီမှာလာထိုင်စောင့်နေတာလဲမသိပေမဲ့ သူမကို မော့ကြည့်တဲ့ အချိန်မှာ ဟန်သာ့မျက်ဝန်းတွေဟာ ရဲရဲနီနေခဲ့သည်။
YOU ARE READING
The Girl Next Door (ဟိုဘက်အိမ်ကကောင်မလေး)
Fantasyရေကူး Champion ဟန်သာထူးကြည်တစ်ယောက် အနှိမ်ခံရသည့် ဝဝတုတ်တုတ်ကောင်မလေး ကဗျာနွေကိုအနိုင်ကျင့်ဗိုလ်ကျခဲ့ပြီးနောက်....... အိမ်နားကိုအသစ်ပြောင်းလာတဲ့ ကဗျာမေ ဆိုတဲ့ ကောင်မလေးကရော ကဗျာနွေနဲ့ ဘယ်လိုဆက်စပ်နေမလဲ Mature on ပြီး မင်းသားကအနည်းငယ်မုန်းစရာကောင်းပါ...
