" ဒီတိုက်ကတော့အသစ်ပဲ လူမနေရသေးဘူး
မင်းလို အေးအေးဆေးဆေးနေချင်တဲ့သူအတွက်တော့ အဆင်ပြေတယ်
ပတ်ဝန်းကျင်လည်းတိတ်ဆိတ်တယ်
တစ်ခုပဲခြံထဲကရေကူးကန်က လူသေဖူးတယ်"" ဗျာ"
အိမ်လိုက်ပြတဲ့လူရဲ့စကားကြောင့် ဟန်သာသည် မျက်ခုံးတွေပင့်တင့်မိကာတအံ့တဩဖြစ်သွားရသည်။
" ဟုတ်တယ် ချာတိတ်လေးနှစ်ယောက် ခြံထဲကိုခိုးဝင်ပြီးရေဆင်းကူးရာကနေ ရေနစ်သွားတာပဲ
ရေကန်က နည်းနည်းနက်
ကျယ်လည်းကျယ်တော့
မိသားစုမှာကလေးတွေပါရင်သတိထားဖို့..."ရောက်ရောက်ချင်း ပွင့်ပွင့်လင်းလင်း အိမ်ရဲ့သမိုင်းကြောင်းကိုရှင်းပြတာမို့ ကျေးဇူးပဲတင်ရမလို စိတ်ပဲတိုရမလိုမသဲကွဲတော့ပါ ဒီအိမ်မှာနေရမှာသူတစ်ယောက်တည်းမဟုတ်လား....
" ကျွန်တော်ကရေကူးချန်ပီယံပါ
ကလေးလည်းမရှိပါဘူး
ပြီးတော့ဒီမှာတစ်ယောက်တည်းနေမှာပါ"" ဒါဆိုအတော်ပဲပေါ့
ဒါကသော့ ကျွန်တော်သွားတော့မယ်
တစ်ခုခုလိုရင် ဖုန်းဆက်လိုက်ပါ"အိမ်လိုက်ပြသော ပုဂ္ဂိုလ်သည် သော့အထပ်လိုက်ကြီးအားသူ့ကိုပေးသွားပြီး ခြံပြင်ကိုထွက်သွားပါတော့သည်။
အဖေ့ဆီပြန်မသွားတောပေမဲ့ဘဏ်ထဲကိုလကုန်တိုင်း ထည့်ပေးနေကျငွေကတော့အရင်လိုမလျော့စတမ်းရောက်လာစမြဲဖြစ်သည်။
အခုလည်း
စိတ်ပြေလက်ပျောက်ဆိုသောခေါင်းစဉ်နဲ့ မန္တလေးမှာယောင်လည်လည်လာလာနေသောသားကိုကြည့်မရလို့ဟုထင်ပါသည်။မန္တလေးထိ အဖေလှမ်းဝယ်ပေးသောအိမ်အသစ်ကြီးသည် သူတစ်ယောက်တည်းနေဖို့ကျယ်လွန်းပါသည်။
ရေကန်သည်လည်း ၉ ပေလောက်ထိနက်ပုံရပြီး အကျယ်ကလည်းမီတာ ၃၀ လောက်ရှိသည်။
ကြည့်ရတာအဖေသည် ရေကူးကန်ပါသောအိမ်ကိုခဲရာခဲဆစ်ရှာဖွေပေးထားပုံရသည်။
YOU ARE READING
The Girl Next Door (ဟိုဘက်အိမ်ကကောင်မလေး)
Fantasyရေကူး Champion ဟန်သာထူးကြည်တစ်ယောက် အနှိမ်ခံရသည့် ဝဝတုတ်တုတ်ကောင်မလေး ကဗျာနွေကိုအနိုင်ကျင့်ဗိုလ်ကျခဲ့ပြီးနောက်....... အိမ်နားကိုအသစ်ပြောင်းလာတဲ့ ကဗျာမေ ဆိုတဲ့ ကောင်မလေးကရော ကဗျာနွေနဲ့ ဘယ်လိုဆက်စပ်နေမလဲ Mature on ပြီး မင်းသားကအနည်းငယ်မုန်းစရာကောင်းပါ...